Kɔlɔsii 1:29 - Vengo (Babungo)

²⁹ Lùu ŋiꞌ nu ŋkɨə faŋ mə kɨɨtə, faꞌ nəŋay, baa nə wutə ŋkɨə faŋ Kristo kɔ̀ shee nə. Wutə ki kɔ́ faꞌ taa ŋwaa mə ŋkee dɨdɨꞌ.

Kɔlɔsii 1:29 ပူးပေါင်းရင်းမြစ်များ

Lukas 13:24

Shuufɔ maa məŋii yifwàŋ Nwi luu sheꞌ yitɨtiꞌ. Viŋ saŋ ŋwaa maa məŋii shɔ! Viŋ zɔ! Mə naysə tɨ́ viŋ laa vɨɨ vəyaŋ ndɔ kɨ kəə ŋii shɔ, ŋìi dɨdu.

Roma 15:20

toꞌ nɨniŋ, kəə ŋkaŋ laa kɨ mə fɨꞌtə ntɔŋ yijəə yɔ́ maa shəŋ faŋ vɨ duꞌtə vɨ kɨɨ nə yizii Kristo yifi me. Nɨniŋ laa kɨ mə fianə ŋii nyaa fuu shɨŋii wə dɨday me.

Roma 15:30

Vaŋ-nshwi vaŋ, mə tɨsə viŋ maa yizii tɨta ŋwaa-nsiŋ Yeso Kristo, buꞌ ŋkawnə nyaa-nsiŋ faŋ Zwitə Ley Nwi yɨsə nsiŋ nə kaw nə yiŋwaa nyaa-nsiŋ, laa viŋ kɨ buꞌ ghɔ tɨ́ Nwi tɔ mə, nsiŋ kɨ tuŋ yighaw mɔ́ꞌ nɨniŋ,

1 Kɔrintian 12:11

Vənu vɔ́ vənshə ndɔ sheꞌ fɨ ghɔ Zwitə Nwi kɔ́ kəmuꞌ, faŋ ŋkə kɔ wutə tɨ́ vɨɨ maa məyɨsə vənu vɔ́. Ŋwə kɔ wutə tɨ́ wə tɨ̀ me wə nɨŋkwiŋ nɨŋkwiŋ, faŋ ŋkə bàw too Zwitə Nwi kɔ́.

1 Kɔrintian 12:6

Jɨɨsə faŋ vɨɨ fàꞌ vəfaꞌ maa wutə Nwi lùu nɨŋkwiŋ nɨŋkwiŋ. Luu nə, Nwi faŋ ŋwə kɔ̀ wutə kɔ́ tɨ́ vɨɨ vənshə laa vəŋ kɨ faꞌ vəfaꞌ vɔ́ vənshə nə, luu sheꞌ Nwi ghɔ́ muꞌ.

1 Kɔrintian 15:10

Luu nə, ŋwə kee gəŋ saŋ, tù mənɔŋ-bwaŋnə tɔ mə, yɨ laa mə gu wə ntɨə faŋ mə lùu ndwə. Mənɔŋ-bwaŋnə wi nə gəŋ si, faŋ Nwi nə kɔ̀ shee nə, kee ndì dayday me. Ŋkə yɨsə laa mə ndɨ wutə kaŋ kənshə, fàꞌ tɨ́ Nwi shɔ̀ɔ vəŋ vənshə. Nə kee lùu wutə kaŋ faŋ mə ndɨ̀, kɨ faꞌ ŋgɨɨ-mə me. Nə luu sheꞌ gəŋsə Nwi nə wutə ki faŋ ŋkə lùu ghɔ mə.

2 Kɔrintian 11:23

Vəŋ lùu vɨɨ faꞌ Kristo mu? Mə lùu wuu faꞌ Kristo nɨzi. Mə gisə yuu wuu ŋgienə, mə lùu wuu faꞌ Kristo shɔ̀ɔ vəŋ. Mə nə sàŋ ŋwaa ŋwaa maa faꞌ shɔ̀ɔ vəŋ. Mə nə ŋìi mfiŋ shɔ̀ɔ vəŋ. Vɨ nə sàŋ mə nə vəmfa shɔ̀ɔ ki. Mə nə shɔ̀ɔ fɨ shuu yiku ghee yaŋ.

2 Kɔrintian 13:3

Viŋ kəə laa mə də tɨ́ viŋ laa gisə Kristo gisə fɨ shuu mə tɨ́ viŋ. Nɨniŋ, Kristo kee bee yɨsə nu faŋ ŋkə bwa tɨ́ viŋ me, ŋwə yɨ nu faŋ ŋkə weꞌ taa ŋwaa viŋ.

2 Kɔrintian 5:9

Nɨniŋ, nsiŋ kɨ nuŋsə ŋkɨɨ nyaa-nsiŋ maa məbawsə too tɨta ŋwaa-nsiŋ, Yeso Kristo, faŋ nsiŋ kɔlə kɨ bii fu, tɨꞌnə me lùu shiŋii yɨ ŋwə.

2 Kɔrintian 6:5

Yia jìa fwi sia faŋ vɨ saŋ yia, tɨꞌnə me kwàŋ yia taa ŋii mfiŋ, tɨꞌnə me bùulə shɨ buꞌ yia, tɨꞌnə me faŋ yia ye ŋɨꞌ, tɨꞌnə me shi vətuꞌ, kee bwey me, tɨꞌnə me shi nə jɨŋ.

Efesɔs 1:19

Bàw viŋ kɨɨ nɨzi faŋ ŋwə wèꞌ shɔ̀ɔ ki. Ŋwə faꞌ taa ŋwaa nsiŋ, vɨɨ məbiŋ vi, ŋkee nə wutə ki kəkwalə.

Efesɔs 3:20

Nwi kɔꞌ kɨɨ maa məyɨ nu faŋ ŋkə shɔ̀ɔ vənu vənshə, shɔ̀ɔ vənu mbɨə faŋ nsiŋ buꞌ ghɔ shɔ tɨ́ ŋwə, baa shɔ̀ɔ vənu mbɨə faŋ nsiŋ bɨꞌtə. Wutə ki kwàlə shɔ̀ɔ ki, faꞌ taa fwisə nsiŋ.

Efesɔs 3:7

Mə nə kìasə gù wuu faꞌ ntɔŋ yijəə yɔ́, faŋ Nwi nə kèe gəŋ saŋ, kèy mə nə faꞌ ghɔ́ nə, sùŋtə mə ŋkee nə wutə ki kəkwalə.

Filipi 1:27

Nu ŋkɨə faŋ ŋkə lùu kəkwalə, lùu laa məshəŋtə wiŋ kɨ toꞌ nə nshinə njyə faŋ nyə kùꞌnə tɨ́ vɨɨ məbiŋ nu Kristo. Nɨniŋ laa mə ndɔ jwi ye viŋ, tɨꞌnə me, mə kee kɔlə jwi me, buu mə taa zɔ laa viŋ tɨ̀ŋnə weꞌ, kìi zwitə kəmuꞌ, baa kìi mbɨꞌtə yiŋ yimuꞌ, faŋ viŋ ŋɨɨlə maa məyɨ laa ntɔŋ yijəə Nwi gə nə vɨsɨ.

Filipi 1:30

Nɨniŋ, nsiŋ nywenə sheꞌ nywaŋ yimuꞌ. Viŋ nə duꞌtə viŋ ye nywaŋ njyə faŋ mə nə nywenə nə, baa zɔ̀ ndwə laa mə kɨ bii nywenə nywaŋ yɔ́.

Filipi 2:13

Viŋ toꞌ nɨniŋ, buu lùu nshɨ-tɔ Nwi faŋ ŋwə faꞌ taa ŋwaa viŋ, yɨsə laa viŋ kaw maa mətoꞌ nɨniŋ. Ŋwə baa luu kɔ wutə tɨ́ viŋ maa mətoꞌ nɨniŋ. Too Nwi bàw maa məfaꞌ nɨniŋ taa ŋwaa vɨɨ.

Filipi 2:16

Viŋ nuŋsə yigisə Nwi taa fwisə viŋ, yigi njyə faŋ nyə də jɨɨ məbwey vəlwaŋ tɨ́ vɨɨ. Viŋ kɨ luu kɨ yɨ nɨniŋ, buu vɨ ndɔ biŋ mə maa shi ŋkɨə faŋ Kristo ndɔ bəŋ jwi, laa yitoꞌ nyaa faŋ mə nəə toꞌ buꞌ nu Nwi, nə faꞌ ŋgwə faŋ mə nəə faꞌ shɔ nə, kee fùu dayday me.

Kɔlɔsii 2:1

Mə kəə laa viŋ kɔꞌ kɨɨ faŋ mə kɨɨtə, nywenə buꞌ viŋ nə vɨɨ Laodosia, baa nə vɨɨ vənshə faŋ vəŋ kee ta yè mə nə yisɨ me.

Kɔlɔsii 2:12

Faŋ viŋ nə fì muu mə Nwi nə, ŋkə nə lùu yaa vɨ zwì viŋ Kristo mɔ́ꞌ, təə, nshinə yibwə yiŋ ku. Sheꞌ nɨniŋ, Nwi yweysə viŋ vɨ Kristo fɨ shɨ yiku mɔ́ꞌ, buꞌ faŋ viŋ nùŋ fwi siŋ maa wutə Nwi, faŋ ŋwə ywèysə Yeso Kristo fɨ shɨ yiku nə.

Kɔlɔsii 4:12

Epafras, faŋ lùu wuu shɨ wiŋ, baa lùu wuu faꞌ Yeso Kristo nə, shɔꞌtə viŋ nɨzi. Ŋwə shɔꞌtə Nwi tɔ viŋ ghee nshə, ndwaŋ Nwi ŋkee nəŋay laa viŋ ta taa nu Nwi, wèꞌ shɔ, kɨ kɨɨ nə Nwi, tɨ́ kaꞌ viŋ bàw shɨlə, yɨ̀ nu ŋkɨə faŋ Nwi kàw.

1 Tesalonika 2:9

Vaŋ-nshwi via, maa viŋ lùmə faŋ yia nə fàꞌ nə wutə, fàꞌ vətuꞌ nə shɨshwi, laa kɨ tuu wə fɨ wiŋ kee kɨ ye ŋɨꞌ maa məzəsə yia me, faŋ yia nə fɨ̀ꞌtə ntɔŋ yijəə Nwi tɨ́ viŋ nə.

2 Tesalonika 3:8

kee fì bee wə, zɨ̀ dayday me. Maa yia nə sàŋ yiŋwaa, fàꞌ nə wutə, fàꞌ vətuꞌ nə shɨshwi, laa kɨ tuu wə fɨ taa ŋwaa viŋ kee kɨ ye ŋɨꞌ maa məzəsə yia me.

2 Timoti 2:10

Nɨniŋ, mə jìa fwi nyaa maa ŋɨꞌ yinshə buꞌ vɨɨ mbɨə faŋ Nwi nə shoꞌ vəŋ, laa lùu vɨɨ vi, tɨ́ kaꞌ vəŋ nɨzi ndɔ zɨ məbwey vəlwaŋ fɨ yiba Yeso Kristo. Məbwey ghɔ́ ndɔ baw shɔ̀ɔ, gòꞌsə yighee muꞌ.

Hibru 12:4

Yighaw njyə faŋ viŋ vɨ nu bwə tuŋ, nyə kee ta ziꞌ maa nu fənshi me.

Hibru 13:21

Nwi kɔ viŋ nə vətɔ vəjəəvə vənshə faŋ mbə gaŋtə viŋ maa məyɨsə vənu mbɨə faŋ ŋwə kəə laa viŋ kɨ yɨsə. Yeso Kristo faꞌ taa fwisə nsiŋ, laa nsiŋ kɨ shi nə nshinə njyə faŋ nyə bàw too Nwi. Nsiŋ kɨ bəŋsə Yeso ghee nshə. Feenə wi ndɔ goꞌsə yighee muꞌ. Ŋkə lùu nɨniŋ.

Reveleyshən 2:3

Mə kɔꞌ kɨɨ laa a jìa fwi yə taa ŋɨꞌ, bìꞌ vətɔ vədɨɨvə maa nu yizii kaŋ, kee bwa me.