Kɔlɔsii 1:28 - Vengo (Babungo)

²⁸ Luu sheꞌ nu Kristo kɔ́ faŋ yia fɨꞌtə tɨ́ vɨɨ nə. Yia tɨsə vɨɨ vənshə, baa naysə nu Nwi tɨ́ vɨɨ vənshə nə yitɔfə yinshə, tɨ́ kaꞌ wə tɨ̀ me wə faŋ ŋwə kwàŋ fwi yi maa Kristo, kɨ toꞌ maa jɨɨ njyə faŋ Nwi kàw, maa vənu vənshə.

Kɔlɔsii 1:28 ပူးပေါင်းရင်းမြစ်များ

Matiu 28:20

deesə vəŋ maa mənuŋsə vənu vənshə faŋ mə yaa nàysə tɨ́ viŋ nə. Viŋ kɨ lumə laa mə taa luu yɨ viŋ ghee nshə, gə ziꞌ maa vəndwə və mbi.»

Matiu 3:7

Luu nə, ŋwə kɨ ye vɨɨ vəyaŋ fɨ taa nwaa vɨɨ Farisii nə fɨ taa nwaa vɨɨ Sadusii, faŋ vəŋ nə jwì maa məfi muu mə Nwi fɨ ghɔ ŋwə, ŋwə gi tɨ́ vəŋ laa, «Aŋ viŋ, vaŋ-ŋkakɨ, sii nàysə ndə tɨ́ viŋ laa kaꞌ viŋ fùu fɨ taa nsɔꞌ Nwi faŋ Nwi ndɔ kwaŋ maa vɨɨ nə?

Matiu 5:48

Nɨniŋ, bàw viŋ baw shɨlə yaa tɨta Nwi Tii wiŋ fɨ yizɔ, faŋ ŋwə bàw shɨlə nə.»

Mark 6:34

Nɨniŋ, Yeso kɨ fùu fɨ taa bay, yè ŋkee nwaa vɨɨ vəyaŋ, kèe gəŋsə vəŋ, buꞌ laa vəŋ nə luu yaa bisə-njɨɨ faŋ nsə kee kii nshii me. Ŋwə tey kɨ deesə vənu tɨ́ vəŋ ŋkee vəyaŋ.

Lukas 21:15

buꞌ laa nshɨ-tɔ ŋwaa ndɔ kɨ kwaŋ yigisə tɔ ley shuu viŋ, faŋ kaꞌ tuu ŋkee wuu mbeenə wiŋ kee ndɔ tɨŋnə, kɨ bəŋsə nu tɨ́ viŋ me.

Akts 10:36

Viŋ kɔꞌ kɨɨ nə yigi njyə faŋ Nwi nə tɔ̀ŋ tɨ́ vɨɨ Isirayl laa, mənɔŋ-bwaŋnə lùu fɨ yiba Yeso Kristo. Yeso lùu wuu məsɔꞌ mbi yinshə.

Akts 11:20

Luu nə, vɨɨ mɔ́ꞌ fɨ taa ŋwaa vəŋ, faŋ vəŋ nə ndɔ̀ fɨ shɨ Sayprɔs nə fɨ Kirene, gə ntɨꞌ Antiɔk (fɨ shɨ Siria), toꞌ fɨꞌtə ntɔŋ yijəə buꞌ tɨta Yeso tɨ́ vɨɨ faŋ vəŋ nə kee lùu vɨɨ Jus me.

Akts 13:38

Nɨniŋ, vaŋ-nshwi vaŋ, bàw viŋ kɨɨ laa Nwi kəə mèꞌ nu bwə kiŋ buꞌ wə ghɔ́, faŋ lùu Yeso nə. Viŋ kɨ luu shɔ̀ɔ fɨ yiba ntɨsə Mose, kaꞌ nsə kee yɨ̀sə laa Nwi ndenə vənu vəbwəvə viŋ vənshə me.

Akts 17:18

Vɨɨ mɔ́ꞌ faŋ nə luu vɨɨ məkəə ŋiꞌ mbi, faŋ vɨ tii vəŋ nə vɨɨ Epikurian nə vɨɨ Stoik, zɔ yigisə Pɔɔl nɨzi. Vɨɨ mɔ́ꞌ gi laa, «Wuu shuu yaŋ ŋwə̀ sii taa bee gi kə?» Vɨɨ mɔ́ꞌ gi laa ŋwə kəꞌ yaa wə faŋ ŋwə fɨꞌtə nu vənwi və tɔmə day. Vəŋ nə gì nɨniŋ, buꞌ laa Pɔɔl nəə fɨꞌtə nu Yeso nə nu məywey fɨ shɨ yiku.

Akts 17:3

Ŋwə nə twèlə ŋiꞌ vənu vɔ́ tɨ́ vəŋ, də̀ tɨ́ vəŋ laa ŋkə lùu taa ŋwaꞌlə Nwi laa nu Kristo, wuu məbweysə vɨɨ, lùu laa ŋwə ye ŋɨꞌ, ndɔ ywey fɨ shɨ yiku. Pɔɔl baa gì tɨ́ vɨɨ vɔ́ laa Yeso, faŋ yi gisə nu ki nə, lùu wuu məbweysə ghɔ́.

Akts 20:31

Nɨniŋ, viŋ kɨ shi nə yikɨꞌ, lumə faŋ nsiŋ nə shì mɔ́ꞌ maa ŋuꞌsə tia, mə nəə tɨsə viŋ wə nə muꞌ nə muꞌ, vətuꞌ nə shɨshwi, kee bwa me, mənsɨ baa sìꞌ fɨ sɨ mə buꞌ viŋ.

Akts 3:20

Viŋ kwiinə fwi siŋ, tɨ́ kɨ kaꞌ tɨta Nwi yɨ̀ laa yighee məduꞌ bwaŋnə fuu taa ŋwaa viŋ, baa nə laa Nwi ndɔ tɔŋ Yeso, wuu məbweysə wiŋ, tɨ́ viŋ.

Akts 5:42

Vəŋ kee mèꞌtə fɨ kɨ deesə ntɔŋ yijəə Nwi shi shi taa ŋii Nwi yikwalə nə taa ndɔꞌ vɨɨ me. Vəŋ nəə fɨꞌtə laa Yeso luu Kristo, wuu məbweysə vɨɨ.

Akts 8:35

Filip tey kɨ gisə sheꞌ buꞌ shəŋ ŋwaꞌlə kɔ́, nàysə ntɔŋ yijəə Nwi tɨ́ ŋwə kɔ̀ŋ Yeso.

Akts 8:5

Wə muꞌ fɨ taa ŋwaa vəŋ nə luu Filip. Ŋwə ndɔ fɨ nsi, siꞌ gə̀ shɨ Samaria, fɨ̀ꞌtə nu Kristo yifi, laa lùu wuu məbweysə mbi.

Akts 9:20

tey kɨ fɨꞌtə nu Yeso yighee muꞌ taa ŋii məshɔꞌtə yikwalə, gì laa Yeso luu ŋkee Wee Nwi.

Roma 16:25

Nsiŋ kɨ bəŋsə Nwi faŋ kaꞌ ŋwə kwàŋ wutə maa viŋ, viŋ weꞌ maa nu Yeso Kristo faŋ lùu ŋiꞌ ntɔŋ yijəə Nwi faŋ mə fɨꞌtə tɨ́ vɨɨ nə. Nyə nə ndènə shù fɨshi,

1 Kɔrintian 1:23

Luu nə, yia fɨꞌtə sheꞌ nu Kristo laa vɨ nə bèy ŋwə fuu fəŋkɔꞌ fə ŋkɨꞌsə buꞌ nsiŋ. Nu kɔ́ yɨ̀sə fwisə vɨɨ Jus bɨ. Vɨɨ tɔmə day gi laa lùu nu vəmfaw.

1 Kɔrintian 1:30

Luu buꞌ Nwi, faŋ viŋ gù fa kəmuꞌ viŋ vɨ Yeso Kristo. Nə yɨsə Nwi laa nu Kristo gu nu tɔ-ley tɨ́ nsiŋ. Luu sheꞌ buꞌ Yeso faŋ Nwi ndɨ̀ nsiŋ yaa vɨɨ faŋ vənu vəvəŋ lùu vəloomə. Yɨsə ŋwə buu nsiŋ lùu vɨɨ ley Nwi. Ŋwə bweysə nsiŋ fɨ ghɔ vənu vəbwəvə.

1 Kɔrintian 12:8

Wə mɔ́ꞌ kìi yigisə tɔ-ley faŋ kɔ̀ Zwitə Nwi tɨ́ ŋwə. Wə mɔ́ꞌ kɨɨ gi kɔ̀ŋ nu Nwi ŋkee jəə, faŋ də̀ sheꞌ Zwitə Nwi kɔ́ də̀ nu kɔ́ tɨ́ ŋwə nɨzi.

1 Kɔrintian 15:12

Yigisə Nwi yɔ́ faŋ yia fɨꞌtə tɨ́ vɨɨ nə, lùu laa, Nwi nə ywèysə Kristo fɨ shɨ yiku. Faŋ ŋkə lùu nɨniŋ, faŋ Nwi nə ywèysə Kristo fɨ shɨ yiku nə, sii kaꞌ vɨɨ mɔ́ꞌ fɨ taa ŋwaa viŋ gi laa məywey fɨ shɨ yiku kee lùu shɔ me kɨkə?

1 Kɔrintian 2:15

Wə ntɨə faŋ ŋwə kìi Zwitə Nwi taa fwi ŋwə, kɔꞌ kɨɨ nə ŋiꞌ vənu vənshə. Vɨɨ mɔ́ꞌ fɨ taa mbi kee kɨ̀ɨ nə ŋiꞌ nu ŋkɨə faŋ wə ghɔ́ yɨ̀ me.

1 Kɔrintian 2:6

Luu nə, yitɔfə yimɔ́ꞌ lùu shɔ faŋ yia fɨꞌtə nu Nwi tɨ́ vɨɨ mbɨə faŋ nu Nwi lwàŋ taa fwisə vəŋ. Kəŋ tɔ-ley kɔ́ kee ndɔ̀ fɨ taa mbi nyə̀ me, tɨꞌnə me fɨ ghɔ vəwutə faŋ mbə sɔꞌ mbi nyə̀ me.

1 Kɔrintian 4:14

Mə kee nyɔ̀ꞌ vənu və̀ tɨ́ viŋ laa tɔ kiŋ dɨɨ me. Mə kəə tɨ viŋ, buꞌ laa viŋ lùu vaŋ vaŋ faŋ mə kàw.

2 Kɔrintian 10:14

Nɨniŋ, yia kee lùu vɨɨ faŋ yia suŋtə yiŋwaa yia, kee zìꞌ yɨ viŋ me; yia nə zìꞌ yɨ viŋ nə ntɔŋ yijəə Nwi kɔ̀ŋ Yeso Kristo.

2 Kɔrintian 11:2

Mə weꞌ maa nu kiŋ, buꞌ laa yɨsə Nwi laa mə weꞌ maa nu kiŋ. Viŋ lùu yaa wee-wəzwi faŋ ŋwə kee ta kɨ̀ɨ nə wəndɔŋ me, faŋ mə ŋìi məndaa wi maa məkɔ tɨ́ wə mɔ́ꞌ, wə ghɔ́ lùu Kristo.

2 Kɔrintian 4:5

Nu ŋkɨə faŋ yia fɨꞌtə, kee bee lùu nu kia me, lùu ŋkə tɨta Yeso Kristo. Yia lùu vɨɨ faꞌ viŋ buꞌ Yeso.

Efesɔs 3:8

Nwi nə kɔ̀ faꞌ Nwi ghɔ́ ŋkee tɨ́ mə, faŋ mə luu ŋkee wuu tɨtiꞌ fɨ taa ŋwaa vɨɨ ley Nwi, laa mə kɨ saynə ntɔŋ yijəə Kristo yɔ́ faŋ luu ŋkee nu kwalə nə, taa ŋwaa vɨɨ tətɔŋ fu,

Efesɔs 5:27

Nɨniŋ, ŋwə nuŋsə nwaa vɨɨ Nwi laa vəŋ baw tɨ́ ŋwə, laa tuu nu bwə, tɨꞌnə me tuu wee-ndoꞌ kee lùu maa vəŋ me, laa vəŋ luu ŋkee vɨɨ ley vɨsɨ Nwi.

Kɔlɔsii 1:22

Luu ndwə, Yeso Kristo yɨ̀sə laa viŋ faynə tɔ kiŋ, viŋ vɨ Nwi, buꞌ faŋ ŋwə nə jwi mbi gù wə, kù tɔ viŋ. Ŋwə yɨ nɨniŋ laa ŋwə ndi viŋ, jwi nə viŋ vɨsɨ Nwi, tɨ́ viŋ kii fwisə leysə buꞌ yiku yi yɔ́, tuu wee-ndoꞌ kee baa lùu maa viŋ me. Kaꞌ viŋ kee baa ŋìi taa nsɔꞌ Nwi me,

Kɔlɔsii 2:10

Faŋ viŋ lùu fa kəmuꞌ viŋ ŋwə, buu viŋ mètə tɨ̀ŋnə yaa vɨɨ Nwi fɨ yiba jɨŋ ŋwə. Luu ŋwə lùu tɔ tɨ́ vɨɨ mbɨə faŋ vəŋ sɔꞌ mbi nə. Ŋwə baa lùu tɔ tɨ́ vəwutə vənshə.

Kɔlɔsii 2:3

Luu sheꞌ Kristo faŋ ŋwə luu ŋkwa faŋ ŋwə ŋaꞌsə jɨɨ tɨ́ vɨɨ, laa vəŋ kii tɔ ley yinsəŋ, baa kɨ̀ɨ nə vənu ŋkee jəə. Kəŋ tɔ ley kɔ́ kìi sey tɨ́ vɨɨ.

Kɔlɔsii 3:16

Viŋ duꞌ kɨ bɨꞌtə sheꞌ yigisə Kristo fɨ taa fwisə viŋ ghee nshə. Viŋ kɨ ndi yitɔfə maa mədeesə wə nə wə nə nu Nwi, tɨsə wə nə wə. Viŋ kɨ bəŋsə Nwi nə nyaysə taŋ taŋ, viŋ kɨ zwa nyaysə faŋ Zwitə Ley Nwi kɔ̀ tɨ́ viŋ. Bàw viŋ yɨ nɨniŋ, baa bwàŋ Nwi nə fwi yimuꞌ.

Kɔlɔsii 4:12

Epafras, faŋ lùu wuu shɨ wiŋ, baa lùu wuu faꞌ Yeso Kristo nə, shɔꞌtə viŋ nɨzi. Ŋwə shɔꞌtə Nwi tɔ viŋ ghee nshə, ndwaŋ Nwi ŋkee nəŋay laa viŋ ta taa nu Nwi, wèꞌ shɔ, kɨ kɨɨ nə Nwi, tɨ́ kaꞌ viŋ bàw shɨlə, yɨ̀ nu ŋkɨə faŋ Nwi kàw.

1 Tesalonika 4:6

Baa nə laa kɨ wə yɨ nu bwə maa weenshu wi me, kee kɨ fuŋsə ŋwə maa nu me, buꞌ laa tɨta Nwi bəŋsə vənu vəbwəvə vɔ́ vənshə tɨ́ vɨɨ, kwaŋ nsɔꞌ tɔ vəŋ, sheꞌ faŋ yia nə duꞌtə yia naysə tɨ́ viŋ, baa tɨsə viŋ shɔ nə.

1 Timoti 3:16

Nu məbəŋsə Nwi luu ŋkee nu kwalə, kaꞌ wə kee twey me, faŋ ŋkə kɔlə ndènə fɨ yikəꞌ vɨɨ nə. Nu kwalə kɔ́ lùu laa, «Wuu məbweysə ŋwaa-nsiŋ, nə gù wə, fùu yikəꞌ vɨɨ. Nu ki fuu kəloomə buꞌ Zwitə Ley ki. Nshiisə-ŋiisə Nwi ye ŋwə. Vɨɨ fɨꞌtə nu ki taa ŋwaa vɨɨ tətɔŋ fu. Vɨɨ fɨ taa mbi yinshə nuŋ fwisə vəŋ maa ŋwə. Nwi ndi ŋwə, koꞌ nə ŋwə taa yizɔ, yɨ̀sə ŋwə kwalə.»

1 Timoti 3:2

Luu nə, ŋkə bàw laa kɨ tuu wee-fɨ-nu bwə lùu maa wuu məndeynə vɨɨ Nwi me. Bàw zu wi luu sheꞌ muꞌ. Tɔ ki luu kəley, ŋwə kɨ yɨsə vənu nə yitɔfə, yɨsə vənu maa jɨɨ yiloomə, kwaŋ vəndɔ taa ŋii ŋwə, baa kùꞌnə maa mətwelə ŋiꞌ nu Nwi.

Hibru 10:14

Nɨniŋ, Kristo nə fèꞌ ndey yimuꞌ, yɨ̀sə laa vɨɨ mbɨə faŋ vəŋ lùu vəley buꞌ ŋwə nə, ndɔ zɨ məbwey vəlwaŋ nɨzi, faŋ ŋwə gòꞌsə yighee muꞌ.

Hibru 13:21

Nwi kɔ viŋ nə vətɔ vəjəəvə vənshə faŋ mbə gaŋtə viŋ maa məyɨsə vənu mbɨə faŋ ŋwə kəə laa viŋ kɨ yɨsə. Yeso Kristo faꞌ taa fwisə nsiŋ, laa nsiŋ kɨ shi nə nshinə njyə faŋ nyə bàw too Nwi. Nsiŋ kɨ bəŋsə Yeso ghee nshə. Feenə wi ndɔ goꞌsə yighee muꞌ. Ŋkə lùu nɨniŋ.

2 Pita 3:15

Viŋ lumə laa, nu ŋkɨə faŋ Yeso tày shɔ nə, lùu laa viŋ kii jɨɨ, tɨ́ kaꞌ viŋ ndɔ bwey. Weenshu ŋwaa-nsiŋ Pɔɔl, faŋ nsiŋ kàw ŋwə nə, nə nyɔ̀ꞌ tɨ́ viŋ sheꞌ nɨniŋ fɨ maa tɔ ley ki, faŋ ŋkə ndɔ̀ fɨ ghɔ Nwi.