Kɔlɔsii 1:18 - Vengo (Babungo)

¹⁸ Ŋwə baa lùu tɔ fɨ taa vəməshəŋtə və vɨɨ Nwi, sɔꞌ vɨɨ Nwi vənshə, sheꞌ faŋ tɔ wə sɔꞌ ŋwaa wə nshə nə. Ŋwə baa lùu vənzi və ŋii Nwi, baa luu mfɔŋ wə maa məywey fɨ shɨ yiku. Nɨniŋ laa ŋwə luu vɨsɨ maa vənu vənshə.

Kɔlɔsii 1:18 ပူးပေါင်းရင်းမြစ်များ

Matiu 23:8

Gə fɨ maa viŋ, kɨ viŋ biŋ laa vɨɨ kɨ tii viŋ nə vɨɨ mədeesə vəkwalə me, buꞌ laa wuu mədeesə wiŋ luu sheꞌ muꞌ, lùu Nwi. Viŋ vənshə kɨ nii lùu vaŋ-nshwi.

Matiu 28:18

Yeso shəŋtə gə̀ yɨ vəŋ, gì tɨ́ vəŋ laa, «Nwi kɔ̀ wutə kənshə shee fɨ taa yizɔ nə fɨ nsi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:1

Maa vənzi və mbi, yigi nə luu shɔ. Yigi yɔ́ nə luu shɔ ghɔ Nwi. Yigi yɔ́ nə luu sheꞌ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:16

Ŋwə nəə kee gəŋ saŋ-nsiŋ ghee ghee, buꞌ laa gəŋsə lwàŋ taa fwi ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:27

Ŋwə lùu wə ntɨə faŋ ŋwə taa jwì fɨ yiba jɨŋ mə, faŋ mə kee bee kùꞌnə maa məkeꞌtə kuu gɔsə wi me.»

Akts 26:23

Vəŋ nə duꞌtə vəŋ naysə laa Kristo, wuu məbweysə vɨɨ, ŋgwə faŋ Nwi kɔ̀ꞌnə nə, ndɔ ye ŋɨꞌ, baa luu mfɔŋ wə maa məywey fɨ shɨ yiku, kɨ fɨꞌtə nu məley Nwi tɨ́ ŋgwisə nyaa-nsiŋ nə tɨ́ vɨɨ tɔmə day, laa sɨ vəŋ ley.»

Roma 8:29

Lùu nɨniŋ buꞌ laa vɨɨ mbɨə faŋ Nwi nə kɨ̀ɨ nə vəŋ shù fɨ yighee vɨsɨ nə, ŋwə nə nùŋsə vəŋ laa vəŋ ndɔ fɨnə ŋwiŋ wi. Nɨniŋ laa ŋwiŋ wi ghɔ́ kìi vaŋ-nshwi vi vəyaŋ, baa lùu nshɔɔ vɨsɨ vəŋ.

1 Kɔrintian 11:3

Luu nə, nu mɔ́ꞌ lùu shɔ faŋ mə kəə tɨ viŋ, laa Kristo lùu tɔ tɨ́ vəndɔŋ vənshə, wəndɔŋ luu tɔ tɨ́ wəzwi; Nwi lùu tɔ tɨ́ Kristo.

1 Kɔrintian 12:27

Gə fɨ maa viŋ, viŋ faynə shəŋ muꞌ maa mənaysə ŋwaa Kristo faŋ ŋwə lùu muꞌ. Wə tɨ̀ me wə fɨ taa ŋwaa viŋ lùu fɨ maa laŋnə ŋwaa Kristo kɔ́.

1 Kɔrintian 15:25

Maa yighee yɔ́, ndɔ sɔꞌ Kristo sɔꞌ mbi yaa fwàŋ, gə ziꞌ tɨ́ yighee njyə faŋ Nwi ndɔ ghɔꞌ vɨɨ mbeenə Kristo vənshə, kɔ vəŋ ghɔ ŋwə, yuu vɨ nyɔ̀ꞌ taa ŋwaꞌlə Nwi.

Efesɔs 1:10

faŋ yighee ndɔ kɨ kuꞌ nə. Maa yighee yɔ́ ŋwə nə tɔ̀ŋ Kristo laa ŋwə baytə vətɔ vənshə faŋ mbə lùu yizɔ, nə mbɨə faŋ mbə lùu nsi, laa Kristo ndɔ sɔꞌ mbə vənshə.

Efesɔs 5:23

Wəndɔŋ lùu tɔ tɨ́ wəzwi, sheꞌ faŋ Kristo lùu tɔ tɨ́ nwaa vɨɨ Nwi. Nwaa vɨɨ Nwi lùu yaa ŋwaa Kristo. Ŋwə baa lùu wuu məbweysə vəŋ.

Kɔlɔsii 1:24

Fwi nyaa lùu nə məŋaytə faŋ mə kɔlə ye ŋɨꞌ ndwə nə. Ŋɨꞌ njyə faŋ mə ye nə, mə ye buꞌ viŋ. Nyə kuꞌsə maa ŋɨꞌ njyə faŋ Kristo nə ye maa yighee vɨsɨ nə. Faŋ mə ye ŋɨꞌ taa ŋwaa mə nə, mə ye buꞌ ŋwaa Yeso Kristo, faŋ luu nshəŋtə vɨɨ Kristo nə, laa mə kɨ metə faꞌ Kristo shɔ.

Kɔlɔsii 2:19

Vəŋ gaasə fɨ ghɔ Kristo, faŋ lùu tɔ tɨ́ ŋwaa vɨɨ Nwi nə. Vɨɨ vənshə faŋ vəŋ fàynə ghɔ vɨ Kristo, Kristo kɔ fa tɨ̀ me fa faŋ vəŋ kəə tɨ́ vəŋ. Ŋwə baa yɨ̀sə laa vəŋ lùu fa kəmuꞌ, tɨ́ kaꞌ vəŋ kɨ ta weꞌ nə vənu və Kristo faŋ Nwi kəə. Ŋkə lùu nɨniŋ, sheꞌ faŋ ŋwaa wə fàynə shəŋ muꞌ vəlaŋ vəlaŋ.

1 Jɔn 1:1

Ŋwaꞌlə ŋwə̀ luu buꞌ wə ntɨə faŋ ŋwə yaa luu shɔ vɨsɨ. Yia nə zɔ̀ faŋ ŋwə gisə, yè ŋwə nə sɨ ghia, baa kɔ̀ŋ ŋwə nə ghɔ ghia. Vɨ tii ŋwə laa, «Yigi Nwi faŋ nyə kɔ məbwey vəlwaŋ tɨ́ vɨɨ.»

Reveleyshən 1:18

baa luu ŋkee wuu bwey. Mə nə ku, lùu ndwə, mə bwèy gòꞌsə yighee muꞌ. Ŋkwa yiku, nə ŋkwa shɨ vəŋku vənsisə lùu ghɔ mə, tɨ́ kɨ kaꞌ mə ŋaꞌsə baa fə̀ŋ shuu wi.

Reveleyshən 1:5

baa nə fɨ ghɔ Yeso Kristo faŋ ŋwə nə də̀ yinsəŋ Nwi ŋkee yiley, fì vɨsɨ maa məywey fɨ shɨ yiku, sɔꞌ vəfwàŋ fɨ shɨ nsi nɨzi. Ŋwə baa luu kàw nsiŋ, kù tɔ nsiŋ maa məbweysə nsiŋ fɨ taa vənu vəbwəvə vaŋ-nsiŋ,

Reveleyshən 1:8

Tɨta Nwi Nshɔɔ-mbi, faŋ ŋwə nə luu shɔ yighee vɨsɨ, baa lùu shɔ ndwə, ndɔ jwi yighee yiba nɨzi, ŋwə nə gì laa lee, «Lùu mə lùu vənzi, baa lùu vəndwə və vənu.»

Reveleyshən 11:15

Nshiiŋii Nwi lwesə kwatia kɨ nii tàw yisaw yi, gɨsə vɨɨ gi fɨ yizɔ ŋkee nəŋay laa, «Yighee jwi kùꞌ faŋ tɨta ŋwaa-nsiŋ, ghɔ wə ntɨə faŋ ŋwə nə shòꞌ ŋwə nə, ndɔ kɨ sɔꞌ mbi yinshə. Yifwàŋ yivəŋ ndɔ goꞌsə yighee muꞌ.»

Reveleyshən 21:6

Ŋwə nə baa gì shee laa, «Ŋkə gay nɨniŋ. Gì mə nɨniŋ, faŋ mə lùu vɨsɨ, nə yiba. Mə lùu vənzi, baa lùu vəndwə. Mə taa kɨ kɔ muu mə məbwey faŋ mbə fuu fɨ taa koꞌ-fɨ-nsi, tɨ́ wə faŋ fwi yi yɔ̀ŋ. Mə kɔ muu mbɔ́ sheꞌ dayday.

Reveleyshən 22:13

Mə lùu vənzi baa lùu vəndwə, lùu wuu vɨsɨ nə wuu yiba, baa lùu mətey nə məmetə.

Reveleyshən 3:14

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Laodosia, nyɔꞌ laa lee, «Wə ntɨə faŋ ŋwə goꞌsə yighee muꞌ nə, ŋgwə faŋ ŋwə nə ku buꞌ nu yinsəŋ ki, nə ŋwə faŋ ŋwə nə shɔɔ vɨsɨ, buu Nwi taa bɔŋ mbi, gì laa lee,