Kɔlɔsii 1:16 - Vengo (Babungo)

¹⁶ Nwi nə shɔ̀ɔ fɨ maa ŋwə, bɔ̀ŋ vətɔ vənshə faŋ mbə lùu yizɔ, nə mbɨə fɨ shɨ nsi, vətɔ mbɨə faŋ kaꞌ vɨɨ yè nə sɨ, nə mbɨə faŋ kaꞌ vɨɨ kee yè nə sɨ me. Vɨɨ məsɔꞌ mbi vənshə, mbɨə taa yizɔ, nə mbɨə shɨ nsi, baa nə vəzwitə nə vəwutə vənshə, fa tɨ̀ me fa faŋ Nwi nə bɔ̀ŋ, Nwi nə shɔ̀ɔ fɨ ghɔ ŋwiŋ wi, bɔ̀ŋ mbə. Nɨniŋ, vətɔ vənshə ndɔ̀ fɨ ghɔ Kristo, baa lùu shɔ sheꞌ tɨ́ ŋwə.

Kɔlɔsii 1:16 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:10

Wə ntɨə faŋ ŋwə lùu məley yinsəŋ ghɔ́ nə, nə luu taa mbi. Nwi nə bɔ̀ŋ mbi, shɔ̀ɔ fɨ ghɔ ŋwə. Luu nə, mbi kee kɨ̀ɨ nə ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:3

Vətɔ vənshə fɨ mbi nə fùu fɨ maa yigi yɔ́. Tuu fa kee lùu shɔ faŋ ŋkə nə kee fùu fɨ maa yigi yɔ́ me.

Roma 11:36

Vətɔ vənshə ndɔ fɨ ghɔ Nwi, shi mbi buꞌ ŋwə, ndɔ baa kɨ bəŋ gə sheꞌ ghɔ ŋwə. Nsiŋ kɨ bəŋsə ŋwə maa vəshi və mbi vənshə. Ŋkə lùu nɨniŋ.

Roma 8:38

Mə kɔꞌ kɨɨ nə fwi nyaa yimuꞌ, laa tuu fa kəmuꞌ kee lùu shɔ faŋ kaꞌ ŋkə gaasə nsiŋ vɨ ŋkawnə Nwi me. Kaꞌ yiku kee yɨ̀sə me, kaꞌ məbwey kee yɨ̀sə me, tɨꞌnə me nshiisə-ŋiisə Nwi me, tɨꞌnə me vɨɨ məsɔꞌ mbi, tɨꞌnə me nu faŋ ŋkə lùu taa mbi ndwə, tɨꞌnə me nu faŋ ŋkə jɨjwi, tɨꞌnə me vəwutə vəmɔ́ꞌ,

Roma 9:5

Vətɨɨ vaŋ-nsiŋ lùu ŋiꞌ ŋii vəŋ, nshɨ-tɔ Kristo nə fùu fɨ ŋiꞌ ŋii vəŋ yaa wə. Nsiŋ kɨ bəŋsə Kristo faŋ luu Nwi faŋ ŋwə kwàlə shɔ̀ɔ mbi yinshə, kee mè me. Ŋkə lùu nɨniŋ.

1 Kɔrintian 8:6

nsiŋ kɔꞌ kɨɨ laa Nwi luu sheꞌ muꞌ. Lùu ŋwə lùu Tii ŋwaa-nsiŋ. Bɔ̀ŋ ŋwə bɔ̀ŋ vətɔ vənshə. Ŋwə baa bɔ̀ŋ nsiŋ, laa nsiŋ kɨ kɔ feenə tɨ́ ŋwə. Wə ntɨə faŋ ŋwə kìi nsiŋ, luu sheꞌ muꞌ, lùu Yeso Kristo. Nwi nə shɔ̀ɔ fɨ yiba jɨŋ ŋwə, buu bɔŋ vətɔ vənshə. Məbwey ŋwaa-nsiŋ ndɔ̀ fɨ ghɔ ŋwə.

Efesɔs 1:10

faŋ yighee ndɔ kɨ kuꞌ nə. Maa yighee yɔ́ ŋwə nə tɔ̀ŋ Kristo laa ŋwə baytə vətɔ vənshə faŋ mbə lùu yizɔ, nə mbɨə faŋ mbə lùu nsi, laa Kristo ndɔ sɔꞌ mbə vənshə.

Efesɔs 6:12

Yighaw njyə faŋ nsiŋ tuŋ maa yizii Nwi nə, kee lùu yighaw faŋ nsiŋ tuŋ nsiŋ vɨ vɨɨ fɨ shɨ nsi me. Nsiŋ tuŋ yighaw nsiŋ vɨ vəwutə fɨ taa yizɔ, nsiŋ vɨ vəzwitə vəbwəvə faŋ mbə sɔꞌ mbi yibwə nyə̀, nsiŋ vɨ vəzwitə vəbwəvə faŋ mbə lùu yizɔ nə.

Filipi 2:10

Nɨniŋ laa vɨɨ vənshə guŋnə nsi vɨsɨ ŋwə, bə̀ŋsə ŋwə. Vəzwitə fɨ taa yizɔ, nə vɨɨ fɨ shɨ nsi, nə vəŋku və nsisə fɨ ŋiꞌ nsi ndɔ guŋnə nsi, bə̀ŋsə yizii yi.

Kɔlɔsii 1:15

Ŋkɨꞌnə Yeso Kristo luu sheꞌ yaa njyə Nwi, faŋ kaꞌ wə kee ye nshɨ-tɔ Nwi nə sɨ me. Ŋwə nə luu shɔ buu Nwi tey kɨ naysə vətɔ vənshə fɨ taa mbi. Nɨniŋ, ŋwə lùu tɔ tɨ́ vətɔ vənshə faŋ Nwi nə bɔ̀ŋ.

Kɔlɔsii 1:20

Nwi nə baa tə laa vɨɨ vənshə bəŋ jwì, gù fa kəmuꞌ, ghɔ vɨ Nwi, fɨ yiba Kristo. Nwi nə yɨ laa Kristo kù fuu fəŋkɔꞌ fə ŋkɨꞌsə, tɨ́ kaꞌ vətɔ vənshə fɨ yizɔ nə fɨ nsi kiasə, kee baa lùu vɨɨ mbeenə vi me, luu nə, gù vɨɨmba vi buꞌ mənshi mə Kristo faŋ ŋwə nə tùtə nə.

Kɔlɔsii 2:10

Faŋ viŋ lùu fa kəmuꞌ viŋ ŋwə, buu viŋ mètə tɨ̀ŋnə yaa vɨɨ Nwi fɨ yiba jɨŋ ŋwə. Luu ŋwə lùu tɔ tɨ́ vɨɨ mbɨə faŋ vəŋ sɔꞌ mbi nə. Ŋwə baa lùu tɔ tɨ́ vəwutə vənshə.

Kɔlɔsii 2:15

Maa yighee yɔ́ faŋ Kristo nə kù fuu fəŋkɔꞌ fə ŋkɨꞌsə nə, ŋwə ghɔꞌ vəwutə nə vəzwitə vəbwəvə vənshə, də̀ tɨ́ vɨɨ ntee, laa yi kìi wutə shɔ̀ɔ mbə.

Hibru 1:2

Maa yighee ndwə, faŋ lùu yighee yiba, ŋwə gi yigi tɨ́ nsiŋ, nyə shɔɔ fɨ ghɔ ŋwiŋ wi. Nə luu ghɔ ŋwiŋ wi ghɔ́ faŋ Nwi nə bɔ̀ŋ mbi. Nwi nə baa shòꞌ ŋwə laa kìi ŋwə kìi vətɔ vənshə.

Hibru 2:10

Nə bɔ̀ŋ Nwi bɔ̀ŋ vətɔ vənshə. Vətɔ vənshə baa lùu shɔ sheꞌ buꞌ ŋwə. Ŋkə nə bàw tɨ́ Nwi laa Yeso ye ŋɨꞌ, buu mètə bàw shɨlə. Nɨniŋ laa ŋwə lùu wə ntɨə faŋ ŋwə jwì nə nu məbweysə vɨɨ, yɨ̀sə vɨɨ vəyaŋ luu vaŋ vi, ŋìi taa məley wi.

1 Pita 3:22

koꞌ gə̀ yizɔ, dùꞌ maa kwiŋ Nwi maꞌnə, kìi wutə kənshə, kɨ sɔꞌ ŋkee nshiisə-ŋiisə Nwi, nə vəzwitə məsɔꞌ mbi, nə vəzwitə vənshə faŋ mbə kìi wutə.