Kɔlɔsii 1:13 - Vengo (Babungo)

¹³ Nwi nə bwèysə nsiŋ, fùusə nsiŋ fɨ ghɔ vəwutə vəbwəvə faŋ mbə lùu taa mfiŋsə. Ŋwə nə ndì nsiŋ fɨ fuŋ, nùŋsə nsiŋ taa yifwàŋ ŋwiŋ wi, faŋ ŋwə kàw ŋwə nə.

Kɔlɔsii 1:13 ပူးပေါင်းရင်းမြစ်များ

Matiu 17:5

Faŋ ŋwə nəə kɨ bii gisə, mbɔꞌ yiley yimɔ́ꞌ jwi shìtə vəŋ, gɨ Nwi fuu fɨ taa mbɔꞌ yɔ́, gì laa, «Lùu ŋwiŋ ŋwaa nə, faŋ mə kàw. Ŋwə bàw shee nɨzi. Viŋ kɨ zɔnə ŋwə!»

Matiu 25:34

Ŋwə kɨ nii gì tɨ́ vɨɨ mbɨə faŋ vəŋ lùu maa kwiŋ maꞌnə wi laa, «Viŋ jwi feenə! Viŋ lùu vɨɨ mənɔŋ-bwaŋnə Tii ŋwaa, zɨ nu yifwàŋ yizɔ, faŋ Nwi nə nùŋsə tɨ́ viŋ shù fɨ maa vənzi, faŋ Nwi nə bɔ̀ŋ mbi nə.

Matiu 3:17

Gɨ Nwi gi fɨ taa yizɔ laa, «Lùu ŋwiŋ ŋwaa nə faŋ mə kàw. Ŋwə baw shee.»

Lukas 13:24

Shuufɔ maa məŋii yifwàŋ Nwi luu sheꞌ yitɨtiꞌ. Viŋ saŋ ŋwaa maa məŋii shɔ! Viŋ zɔ! Mə naysə tɨ́ viŋ laa vɨɨ vəyaŋ ndɔ kɨ kəə ŋii shɔ, ŋìi dɨdu.

Lukas 22:53

Maa nsiŋ yaa luu mɔ́ꞌ taa ŋii Nwi yikwalə vəshi vənshə, viŋ kee kɔ̀ŋ mə nə ghɔ me. Luu nə, lùu yighee yiŋ ndwə, nə wutə taa mfiŋsə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:24

Tɨta, mə kəə laa vɨɨ mbɨə faŋ a nə kɔ̀ shee nə, ndɔ lùu yia vɨ vəŋ mɔ́ꞌ maa shəŋ ŋkɨə faŋ mə ndɔ lùu shɔ, laa vəŋ ndɔ ye yikwalə njyə faŋ a nə kɔ̀ shee, buꞌ laa a nə kàw mə shù fɨ maa yighee njyə faŋ mbi nyə̀ nə kee ta lùu shɔ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:35

Tɨta Nwi kàw ŋwiŋ wi, kɔ̀ vənu vənshə tɨ́ ŋwə, mbə luu ghɔ ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:24

Viŋ zɔ! Mə naysə tɨ́ viŋ yinsəŋ laa, wə ntɨə faŋ ŋwə zɔ̀ yigisə nyaa, bìŋ Nwi faŋ ŋwə nə tɔ̀ŋ mə nə, buu ŋwə fùu fɨ shuu yiku, ŋìi məbwey vəlwaŋ, kee ndɔ baa ŋii taa nsɔꞌ Nwi me.

Akts 26:18

Mə taa tɔŋ ghɔ tɨ́ vɨɨ tɔmə day laa a taa ŋaꞌsə sɨ vəŋ, vəŋ fuu fɨ taa mfiŋsə, ŋìi taa məley Nwi. A fuusə vəŋ fɨ ghɔ wutə zwitə bwə, kwaŋ vəŋ taa wutə Nwi, laa məbiŋ vəŋ yɨsə vənu vəbwəvə vəŋ ndi, vəŋ ndɔ fi shəŋ vəŋ taa ŋwaa vaŋ ley Nwi, faŋ vəŋ nùŋ fwisə vəŋ maa mə.»

Roma 14:17

Ŋiꞌ nu yifwàŋ Nwi kee lùu nu məzɨ fa, baa nə nu mənu fa me. Nu yifwàŋ Nwi lùu nu faŋ Zwitə Ley Nwi ŋìi taa fwi wə, kìasə nu ki, ŋkə loomə, fwi yi zutə, lwàŋ nə məŋaytə.

2 Kɔrintian 11:14

Nu kɔ́ kee lùu nu shuu yɔŋ me, buꞌ laa nshɨ-tɔ Satan kwìinə ŋwaa wi laa ŋwə kəꞌ yuu nshiiŋii Nwi.

2 Kɔrintian 4:4

Tɨɨ vəzwitə vəbwəvə faŋ ŋwə sɔꞌ mbi nyə̀, kìasə fwisə vɨɨ vɔ́, laa mbɨꞌtə vəŋ kee ley me, vəŋ kee nùŋ fwisə vəŋ maa Kristo me. Ŋwə yɨ̀ nɨniŋ laa kɨ vəŋ ye məley nu Nwi me, kee kɨ zɔ ntɔŋ yijəə Nwi kɔ̀ŋ Kristo faŋ ŋwə bàw shɔ̀ɔ, baa fɨnə Nwi me.

Efesɔs 1:6

laa nsiŋ kɨ bəŋsə nu ŋkɨə faŋ Nwi gaŋtə nsiŋ shɔ nə, faŋ ŋkə bàw shɨlə nə. Ŋwə nə kèe gəŋ saŋ-nsiŋ buꞌ ŋwiŋ wi faŋ ŋwə kaw ŋwə dɨdɨꞌ.

Efesɔs 4:18

Mbɨꞌtə vəŋ kee ley me. Məbwey Nwi bəə fɨ taa fwisə vəŋ, buꞌ faŋ vəŋ kee kɨ̀ɨ nə nu me, fwisə vəŋ fɨ̀.

Efesɔs 5:5

Viŋ kɔꞌ kɨɨ ŋkee jəə laa kɨ tuu wuu mətii vəki nə mətoꞌ sakə, tɨꞌnə me, yɨ-kəbwə, tɨꞌnə me wuu məzɨ shɨ, ndɔ kɨ shi taa ŋwaa vɨɨ nu yifwàŋ Kristo nə Nwi me. Kəŋ vɨɨ vɔ́ lùu yaa vɨɨ məfeꞌ vənwi vədayday.

Efesɔs 5:8

Nə luu maa yighee vɨsɨ, viŋ luu vɨɨ taa mfiŋsə. Luu ndwə, viŋ lùu vɨɨ taa məley buꞌ tɨta Yeso. Nɨniŋ, viŋ kɨ toꞌ yaa vaŋ taa məley.

Efesɔs 6:12

Yighaw njyə faŋ nsiŋ tuŋ maa yizii Nwi nə, kee lùu yighaw faŋ nsiŋ tuŋ nsiŋ vɨ vɨɨ fɨ shɨ nsi me. Nsiŋ tuŋ yighaw nsiŋ vɨ vəwutə fɨ taa yizɔ, nsiŋ vɨ vəzwitə vəbwəvə faŋ mbə sɔꞌ mbi yibwə nyə̀, nsiŋ vɨ vəzwitə vəbwəvə faŋ mbə lùu yizɔ nə.

1 Tesalonika 2:12

Yia nəə bwasə fwi siŋ, kwàŋ wutə maa viŋ, kɨ tɨsə viŋ maa məshi nshinə njyə faŋ nyə kùꞌnə tɨ́ Nwi, faŋ ŋwə tìi viŋ taa nu yifwàŋ ki, faŋ ŋkə bàw yaa ŋwə.

Hibru 2:14

Vaŋ vi vɔ́ lùu vɨɨ faŋ ghɔ vɨ Yeso fàynə. Sheꞌ nɨniŋ, Yeso nə jwì yuu wə, gù yaa vəŋ nɨzi, tɨ́ kaꞌ ŋwə kù, zwì wutə Satan, tɨɨ vəzwitə vəbwəvə, faŋ ŋwə kìi wutə yiku nə.

1 Pita 2:9

Gə̀ fɨ maa viŋ, viŋ lùu way vɨɨ faŋ Nwi nə shòꞌ, lùu vɨɨ vəkɔ vi, ŋgwisə yiley. Viŋ lùu vɨɨ Nwi faŋ Nwi nə shòꞌ laa lùu vɨɨ yifwàŋ vi, baa nə laa viŋ sàynə vənu və shuu yɔŋvə Nwi. Ŋwə nə tìi viŋ fɨ taa mfiŋsə, laa viŋ ŋii taa ŋgwii məley.

2 Pita 1:11

Nɨniŋ, viŋ taa kii jɨɨ yinsəŋ maa məŋii taa yifwàŋ Yeso Kristo, faŋ luu mbweysə nyaa-nsiŋ; nsiŋ vɨ vəŋ taa gòꞌsə shɔ yighee muꞌ.

1 Jɔn 2:8

Luu nə, mə nyɔ̀ꞌ ntɨ yɔ́ tɨ́ viŋ yuu ntɨ yifi, faŋ lùu yinsəŋ buꞌ laa, luu njyə faŋ Yeso nə kìi maa nshinə yi, nə viŋ maa nshinə yiŋ nɨzi. Nɨniŋ, mfiŋsə shɨshɔɔ, shɨshwi ley tey kɨ bee.

1 Jɔn 3:14

Nsiŋ kɔꞌ kɨɨ laa, nsiŋ fuu fɨ shuu yiku, ŋìi taa məbwey vəlwaŋ. Nsiŋ kɨɨ buꞌ faŋ nsiŋ kaw vaŋ-nshwi vaŋ-nsiŋ. Wə ntɨə faŋ ŋwə kee kaw weenshu wi me, gòꞌ shuu yiku.

1 Jɔn 3:8

Wə ntɨə faŋ ŋwə yɨsə vənu vəbwəvə, ndɔ̀ fɨ ghɔ Satan, tɨɨ vəzwitə vəbwəvə, buꞌ laa Satan yɨsə vənu vəbwəvə shù fɨ maa vənzi. Ŋiꞌ nu ŋkɨə faŋ Wee Nwi nə fùu, lùu laa yi fuu ndìsə vənu vəbwəvə mbɨə faŋ mbə ndɔ̀ fɨ ghɔ Satan.