Kɔlɔsii 1:10 - Vengo (Babungo)

¹⁰ Nu tɔ ley kɔ́ taa yɨsə laa viŋ kɨ toꞌ nə nshinə yiŋ, faŋ nyə bàw tɨ́ tɨta Kristo, kùꞌnə tɨ́ vɨɨ faŋ vəŋ beꞌsə ŋwə nə. Viŋ kɨ yɨsə vənu vəjəəvə jɨɨsə səyaŋ, baa kɨ̀ɨ nə Nwi ŋkee jəə.

Kɔlɔsii 1:10 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:16

Nə kee shòꞌ viŋ shòꞌ mə laa mə luu tii wiŋ me, nə shòꞌ mə shòꞌ viŋ laa viŋ luu vɨɨ məzwetə nu kaŋ, mə baa shoꞌ viŋ laa viŋ kɨ toꞌ fàꞌ maa yizii nyaa, vənu vəjəəvə fuu fɨ fuŋ, kee mè me. Nɨniŋ, kaꞌ viŋ ndwàŋ fa fɨ ghɔ tɨta Nwi maa yizii nyaa, ŋwə kɔ̀ tɨ́ viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:8

Nu ŋkɨə faŋ yizii Tii ŋwaa taa kɨ kwalə shɔ, lùu faŋ viŋ taa kɨ kwaanə vətaŋ vəyaŋ, yɨsə vənu vəjəəvə, də nɨniŋ laa viŋ lùu vɨɨ məzwetə nu kaŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:3

Məbwey ghɔ́ faŋ ŋwə gòꞌsə yighee muꞌ nə, lùu faŋ vɨ kɨɨ nə ghɔ, faŋ a lùu Nwi yinsəŋ nɨnɔŋ, baa kɨ̀ɨ nə mə, Yeso Kristo, faŋ a nə tɔ̀ŋ mə nə.

Roma 1:13

Vaŋ-nshwi vaŋ, bàw viŋ kɔꞌ kɨɨ laa mə kɔꞌnə ghee ghee maa məjwi yè viŋ. Luu nə, vənu vəmɔ́ꞌ kɨ bɨbuulə ghee nshə, kɔ tɔ və-ndee. Mə kəə jwi yɨ viŋ laa mə ndɔ yɨsə faꞌ Nwi faŋ mə faꞌ taa ŋwaa viŋ, fuu jəə sɨ Nwi, sheꞌ faŋ mə yɨsə taa ŋwaa vɨɨ fɨ taa məshɨ mənshə.

Roma 4:12

Abraham baa lùu tɨɨ vɨɨ mbɨə faŋ vɨ sɨ̀ɨtə vəŋ, kee sɨ̀ɨtə vəŋ dayday me. Vɨ sɨ̀ɨtə vəŋ, vəŋ baa luu toꞌ ghuu yitoꞌ tɨɨ vəŋ Abraham, nùŋ fwisə vəŋ maa Nwi, sheꞌ faŋ tii ŋwaa-nsiŋ Abraham nə duꞌtə ŋwə yɨ maa yighee njyə faŋ vɨ nə kee ta sɨ̀ɨtə ŋwə me.

Roma 6:4

Nɨniŋ, faŋ vɨ nə bèy nsiŋ taa muu nə, ŋkə luu yaa nsiŋ nə kùkə, vɨ təə nsiŋ vɨ Kristo taa swi mɔ́ꞌ. Nɨniŋ laa nsiŋ zɨ̀ məbwey, toꞌ ghuu yitoꞌ finə, buꞌ laa tɨta Nwi nə baa ywèysə Kristo fɨ shɨ yiku nə wutə ki kəkwalə nə.

2 Kɔrintian 2:14

Yia bwaŋ Nwi, buꞌ laa ŋwə yɨ̀sə laa yia kɨ toꞌ fɨ yiba jɨŋ Kristo, bwìlə vɨɨ tɨ́ Nwi, nu Kristo fi vəshəŋ vənshə. Vɨɨ zɔ nu Nwi buꞌ yia, kɨɨ nə ŋwə fɨ fuŋ.

2 Kɔrintian 4:6

Nwi, faŋ ŋwə nə gì laa, «Bàw məley kɨ bee, fùu fɨ taa mfiŋsə,» ŋwə baa yɨ̀sə məley bee taa fwisə yia, maa məkɔ tɔ ley tɨ́ yia, tɨ́ kaꞌ yia kɨ̀ɨ nə yikwalə Nwi, faŋ nyə fùu ntee taa ŋwaa Kristo.

2 Kɔrintian 5:9

Nɨniŋ, nsiŋ kɨ nuŋsə ŋkɨɨ nyaa-nsiŋ maa məbawsə too tɨta ŋwaa-nsiŋ, Yeso Kristo, faŋ nsiŋ kɔlə kɨ bii fu, tɨꞌnə me lùu shiŋii yɨ ŋwə.

2 Kɔrintian 9:8

Viŋ kɔꞌ kɨɨ laa Nwi kìi wutə maa məkey viŋ nə vətɔ vəjəəvə vənshə, mbə yaŋ sàynə, laa vətɔ vəjəəvə lwaŋ ghɔ viŋ, kùꞌnə ghee nshə, maa vənu vənshə, tɨ́ kaꞌ viŋ baa kɨ yɨsə vənu vəjəəvə vənshə, mbə yaŋ sàynə.

Efesɔs 1:17

Mə shɔꞌtə Nwi, tɨɨ tɨta ŋwaa-nsiŋ Yeso Kristo, ŋkee tɨta Nwi faŋ vənu vi bàw shɨlə nə, laa ŋwə kɔ Zwitə ki tɨ́ viŋ. Ŋkə kɨ kɔ viŋ nə yitɔfə, baa twelə ŋiꞌ nu ki tɨ́ viŋ, viŋ kɨɨ nə ŋwə.

Efesɔs 2:10

Nsiŋ lùu fa faŋ nə bɔ̀ŋ Nwi. Ŋwə bɔ̀ŋ nsiŋ buꞌ Yeso Kristo, laa nsiŋ kɨ yɨsə vənu vəjəəvə mbɨə faŋ ŋwə nə nùŋsə shù fɨ maa yighee vɨsɨ, laa nsiŋ ndɔ kɨ toꞌ ghuu yitoꞌ kaŋ-nsiŋ maa jɨɨ yɔ́ nə.

Efesɔs 4:1

Nɨniŋ, mə Pɔɔl, faŋ mə ŋìi mfiŋ buꞌ yizii tɨta Yeso nə, mə tɨsə viŋ laa viŋ kɨ toꞌ ghuu yitoꞌ kiŋ faŋ ŋkə kùꞌnə maa vənu mbɨə faŋ Nwi nə tìi viŋ shɔ nə.

Efesɔs 4:13

Nɨniŋ, nsiŋ vənshə ndɔ luu fa kəmuꞌ maa nu ŋkɨə faŋ nsiŋ nùŋ fwi saŋ-nsiŋ maa Kristo, Wee Nwi nə, kɨ̀ɨ nə ŋwə, baa nə nu ki ŋkee jəə. Nɨniŋ nə, nsiŋ ta, gù vɨɨ taanə maa nu Nwi, nə vɨɨ faŋ nu Kristo lwàŋ taa fwisə vəŋ.

Efesɔs 5:10

Viŋ kɨ kwaꞌtə tɔ kiŋ maa nu ŋkɨə faŋ ŋkə bàw tɨ́ tɨta ŋwaa-nsiŋ.

Efesɔs 5:15

Nɨniŋ, viŋ kɨ shiinə yiŋwaa yiŋ faŋ viŋ toꞌ ghuu yitoꞌ kiŋ, kee toꞌ yaa vɨɨ faŋ vəŋ kee lùu vətɔfə me, toꞌ yaa vɨɨ yitɔfə.

Efesɔs 5:2

Viŋ kɨ toꞌ yitoꞌ yiŋ nə ŋkawnə, sheꞌ faŋ Kristo nə kàw viŋ nə, kù tɔ nsiŋ nə, vɨ feꞌ ŋwə shɔ tɨ́ Nwi. Ŋkə nə bàw tɨ́ Nwi nɨniŋ.

Filipi 1:11

Vənu vəjəəvə ndɔ lwaŋ taa ŋwaa viŋ, viŋ kii nshinə yijəə faŋ nyə ndɔ̀ fɨ ghɔ Yeso Kristo. Nɨniŋ, vɨɨ ye yikwalə Nwi fɨ fuŋ, bəŋsə ŋwə.

Filipi 1:27

Nu ŋkɨə faŋ ŋkə lùu kəkwalə, lùu laa məshəŋtə wiŋ kɨ toꞌ nə nshinə njyə faŋ nyə kùꞌnə tɨ́ vɨɨ məbiŋ nu Kristo. Nɨniŋ laa mə ndɔ jwi ye viŋ, tɨꞌnə me, mə kee kɔlə jwi me, buu mə taa zɔ laa viŋ tɨ̀ŋnə weꞌ, kìi zwitə kəmuꞌ, baa kìi mbɨꞌtə yiŋ yimuꞌ, faŋ viŋ ŋɨɨlə maa məyɨ laa ntɔŋ yijəə Nwi gə nə vɨsɨ.

Filipi 4:18

Mə ye vətɔ vənshə faŋ viŋ tɔ̀ŋ shee nə, mbə yaŋ shɔ̀ɔ faŋ mə kəə. Fa kee baa lùu shɔ faŋ mə bəə me, buꞌ vətɔ mbɨə faŋ viŋ tɔ̀ŋ shee, Epafroditɔs jwì nə mbə nə. Mbə lùu yaa vətɔ faŋ mbə kìi lumə jəə, baa lùu yaa ndey faŋ wə fèꞌ tɨ́ Nwi, Nwi ŋaytə shɔ.

Kɔlɔsii 2:19

Vəŋ gaasə fɨ ghɔ Kristo, faŋ lùu tɔ tɨ́ ŋwaa vɨɨ Nwi nə. Vɨɨ vənshə faŋ vəŋ fàynə ghɔ vɨ Kristo, Kristo kɔ fa tɨ̀ me fa faŋ vəŋ kəə tɨ́ vəŋ. Ŋwə baa yɨ̀sə laa vəŋ lùu fa kəmuꞌ, tɨ́ kaꞌ vəŋ kɨ ta weꞌ nə vənu və Kristo faŋ Nwi kəə. Ŋkə lùu nɨniŋ, sheꞌ faŋ ŋwaa wə fàynə shəŋ muꞌ vəlaŋ vəlaŋ.

Kɔlɔsii 2:6

Nɨniŋ, faŋ viŋ nùŋ fwi siŋ maa tɨta Yeso Kristo, viŋ kɨ toꞌ maa nu Kristo nɨzi, yɨsə vənu mbɨə faŋ ŋwə kàw.

Kɔlɔsii 3:20

Gə fɨ maa viŋ, vaŋnə, viŋ kɨ zɔnə vənshwi viŋ ghɔ vətɨɨ viŋ maa vənu vənshə, buꞌ laa ŋkə bàw sɨ Kristo laa vɨɨ mbɨə faŋ vəŋ beꞌsə ŋwə, kɨ yɨ nɨniŋ.

Kɔlɔsii 4:5

Gə fɨ maa nshinə yiŋ, viŋ kii yitɔfə maa vɨɨ mbɨə faŋ kee lùu vɨɨ Nwi me! Kɨ viŋ kɨ bɨsə yighee njyə faŋ Nwi kɔ̀ tɨ́ viŋ, laa viŋ kɨ faꞌ tɨ́ ŋwə nə me!

1 Tesalonika 2:12

Yia nəə bwasə fwi siŋ, kwàŋ wutə maa viŋ, kɨ tɨsə viŋ maa məshi nshinə njyə faŋ nyə kùꞌnə tɨ́ Nwi, faŋ ŋwə tìi viŋ taa nu yifwàŋ ki, faŋ ŋkə bàw yaa ŋwə.

1 Tesalonika 4:1

Vaŋ-nshwi vaŋ, yia fàynə vənu vɔ́ laa viŋ kɨ toꞌ ghuu yitoꞌ kiŋ, ŋkə kuꞌnə tɨ́ Nwi. Maa viŋ nə duꞌtə viŋ zɔ fɨ ghɔ yia, faŋ ŋkə kùꞌnə maa mətoꞌ vɨsɨ Nwi; viŋ baa luu tòꞌ nɨniŋ. Nɨniŋ, yia buꞌ ghɔ tɨ́ viŋ, tɨsə viŋ maa yizii tɨta Yeso, laa viŋ kɨ toꞌ nɨniŋ, gə̀ vɨsɨ vɨsɨ.

2 Timoti 2:4

Sogeꞌ faŋ ŋwə lùu shuu yighaw, kee yaa kɨ kii mba yiwiŋ me. Ŋwə nəə toꞌ gə kɨ kəə fazɨ, buu kaꞌ ŋwə kee bàw tɨ́ wə ntɨə faŋ ŋwə sɔꞌ vəsogeꞌ me.

Taytəs 3:1

Lumə tɨ́ vɨɨ laa ŋkə bàw vəŋ fee vɨɨ mbɨə faŋ vəŋ sɔꞌ vəŋ, zɔnə vəŋ, baa yɨsə vənu vəjəəvə vənshə.

Taytəs 3:14

Bàw laa vaŋ-nshwi vaŋ-nsiŋ zwetə maa məyɨ vənu vəjəəvə maa vɨɨ faŋ nu mɔ́ꞌ ghɔꞌ vəŋ, laa kɨ məbiŋ vəŋ, faŋ vəŋ nùŋ fwi vəŋ maa Kristo nə, kee gù nu yɔŋ me.

Hibru 11:5

Gə fɨ maa Enok, ŋwə nə nùŋ fwi yi maa Nwi, buu Nwi shaꞌsə ŋwə, kòꞌ nə ŋwə yizɔ, tɨ́ kaꞌ ŋwə kee ku me. Maa yighee yɔ́ wə kee baa yè ŋwə me, buꞌ laa Nwi nə ndi ŋwə, kòꞌ nə ŋwə yizɔ. Vɨ nyɔ̀ꞌ taa ŋwaꞌlə Nwi buꞌ ŋwə laa, «Too Nwi nə bàw maa ŋwə maa yighee njyə faŋ ŋwə nə luu taa mbi, buu vɨ koꞌ nə ŋwə yizɔ.»

Hibru 13:16

Kɨ viŋ ndenə maa məyɨ jəə tɨ́ vɨɨ mɔ́ꞌ me. Viŋ gaŋtə yiŋwaa yiŋ, viŋ viŋ, buꞌ laa lùu kəŋ ndey mɔ́ꞌ faŋ nyə bàw tɨ́ Nwi.

Hibru 13:21

Nwi kɔ viŋ nə vətɔ vəjəəvə vənshə faŋ mbə gaŋtə viŋ maa məyɨsə vənu mbɨə faŋ ŋwə kəə laa viŋ kɨ yɨsə. Yeso Kristo faꞌ taa fwisə nsiŋ, laa nsiŋ kɨ shi nə nshinə njyə faŋ nyə bàw too Nwi. Nsiŋ kɨ bəŋsə Yeso ghee nshə. Feenə wi ndɔ goꞌsə yighee muꞌ. Ŋkə lùu nɨniŋ.

2 Pita 1:8

Viŋ kɔꞌ kɨɨ laa, viŋ kɨ luu kɨ yɨsə vənu vɔ́, gə vɨsɨ vɨsɨ, buu məkɨɨ faŋ viŋ kɨ̀ɨ nə tɨta Yeso Kristo nə, kee ndɔ luu nu dayday me. Vənu vəjəəvə ndɔ fuu fɨ maa vənu vənshə faŋ viŋ yɨsə.

2 Pita 3:18

Viŋ tɨŋnə sheꞌ taa shəŋ jəə kɔ́, weꞌ shɔ, tɨ́ kɨ kaꞌ tɨta ŋwaa-nsiŋ Yeso Kristo, faŋ lùu wuu məbweysə ŋwaa-nsiŋ, tu mənɔŋ-bwaŋnə tɔ viŋ. Viŋ baa kɨɨ nə ŋwə jəə. Nsiŋ kɨ bəŋsə ŋwə, faŋ ŋwə kìi feenə wi ghee nshə.

1 Jɔn 3:22

fì vətɔ mbɨə faŋ nsiŋ ndwaŋ fɨ ghɔ Nwi, buꞌ faŋ nsiŋ nùŋsə ntɨsə si, yɨsə nu ŋkɨə faŋ Nwi kàw.

1 Jɔn 5:20

Nsiŋ kɔꞌ kɨɨ laa Wee Nwi nə jwì ŋaꞌsə sɨ ŋaa-nsiŋ, tɨ́ kɨ kaꞌ nsiŋ kɨɨ nə Nwi faŋ lùu Nwi yinsəŋ. Nsiŋ lùu fa kəmuꞌ nsiŋ vɨ Nwi yinsəŋ, buꞌ faŋ nsiŋ lùu fa kəmuꞌ nsiŋ vɨ ŋwiŋ wi Yeso Kristo. Yeso lùu Nwi yinsəŋ, məbwey vəlwaŋ ghɔ ŋwə.

3 Jɔn 1:6

Vəŋ nàysə tɨ́ nshəŋtə yia ntee laa a lùu wuu məkaw vɨɨ. A taa kɨ gaŋtə vəŋ maa nu yitoꞌ vəŋ, yuu ŋkə kuꞌnə tɨ́ Nwi, buu a yɨ̀ luu nu jəə,