Akts 9:36 - Vengo (Babungo)

³⁶ Sheꞌ maa yighee yɔ́ wəzwi mɔ́ꞌ nə luu shɔ ntɨꞌ Jɔpa, yizii yi luu Tabita, ŋiꞌ yizii yi yɔ́ lùu laa fəshwi. Ŋwə nə luu wuu məbiŋ nu Yeso, ndì yighee yinshə maa məyɨ vənu vəjəəvə maa vɨɨ.

Akts 9:36 ပူးပေါင်းရင်းမြစ်များ

Matiu 25:17

Sheꞌ nɨniŋ, wə ntɨə faŋ ŋwə nə kìi vəmalia vəbɔɔ nə, baa sèy vəbɔɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:5

Mə lùu tɨ taŋ, viŋ luu təntaŋ ti. Wə ntɨə faŋ ŋwə lùu taa fwi mə, mə lùu taa fwi ŋwə. Wə ghɔ́ kɨ nii kwaanə vətaŋ vəyaŋ. Kaꞌ wə kee yɨ̀ nu me, tɨ̀ lɨꞌ laa mə lùu fɨ yiba jɨŋ ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:8

Nu ŋkɨə faŋ yizii Tii ŋwaa taa kɨ kwalə shɔ, lùu faŋ viŋ taa kɨ kwaanə vətaŋ vəyaŋ, yɨsə vənu vəjəəvə, də nɨniŋ laa viŋ lùu vɨɨ məzwetə nu kaŋ.»

Akts 10:23

Pita zɔ nɨniŋ, ŋìisə vɨɨ vɔ́ taa ŋii, ndì vəŋ maa vəndɔ vi. Fu kɨ lee ŋwə ndɔ, fùu, ghɔ vɨ vəŋ gə. Vɨɨ məbiŋ nu Yeso vəmɔ́ꞌ fɨ Jɔpa beꞌsə ŋwə.

Akts 10:31

gì shee laa, «Kɔrniliɔs, Nwi zɔ̀ məshɔꞌtə wə, faŋ a shɔꞌtə Nwi shɔ nə. Nwi lumə vətɔ mbɨə faŋ a kɔ tɨ́ vɨɨ ŋɨꞌ nə.

Akts 10:8

Ŋwə naysə vənu vənshə tɨ́ vəŋ, kɨ nii tɔŋ vəŋ Jɔpa.

Akts 11:13

Wə ghɔ́ naysə tɨ́ yia faŋ ŋwə nə yè nshiiŋii Nwi, faŋ ŋwə nə tɨ̀ŋnə taa ŋii yi, gì tɨ́ yi laa, yi tɔŋ ntɔŋ Jɔpa maa mətii mə Saymon Pita,

Akts 11:5

«Viŋ zɔ! Mə yaa luu Jɔpa, shɔꞌtə Nwi, njyəə shi mə. Mə ye fa mɔ́ꞌ siꞌ fɨ taa yizɔ. Ŋkə nə luu yaa njwi yikwalə, faŋ vɨ jia fɨ maa buu ghi shwe, kɨ suꞌsə fɨ yizɔ, nyə jwi tɨ̀ŋnə yɨ mə.

Akts 9:38

Ntɨꞌ Lida yɔ́ nə luu nshənə fɨ ntɨꞌ Jɔpa. Nɨniŋ, vɨɨ məbiŋ nu Yeso zɔ laa Pita luu ntɨꞌ Lida, vəŋ tɔŋ vɨɨ vəbɔɔ maa Pita, laa vəŋ gə bùꞌ ghɔ tɨ́ ŋwə, laa ŋwə yasə jwì ye vəŋ.

Akts 9:42

Vɨ zɔnə nu kɔ́ taa ntɨꞌ Jɔpa yinshə, vɨɨ vəyaŋ nuŋ fwisə vəŋ maa nu tɨta Yeso.

Efesɔs 2:10

Nsiŋ lùu fa faŋ nə bɔ̀ŋ Nwi. Ŋwə bɔ̀ŋ nsiŋ buꞌ Yeso Kristo, laa nsiŋ kɨ yɨsə vənu vəjəəvə mbɨə faŋ ŋwə nə nùŋsə shù fɨ maa yighee vɨsɨ, laa nsiŋ ndɔ kɨ toꞌ ghuu yitoꞌ kaŋ-nsiŋ maa jɨɨ yɔ́ nə.

Filipi 1:11

Vənu vəjəəvə ndɔ lwaŋ taa ŋwaa viŋ, viŋ kii nshinə yijəə faŋ nyə ndɔ̀ fɨ ghɔ Yeso Kristo. Nɨniŋ, vɨɨ ye yikwalə Nwi fɨ fuŋ, bəŋsə ŋwə.

Kɔlɔsii 1:10

Nu tɔ ley kɔ́ taa yɨsə laa viŋ kɨ toꞌ nə nshinə yiŋ, faŋ nyə bàw tɨ́ tɨta Kristo, kùꞌnə tɨ́ vɨɨ faŋ vəŋ beꞌsə ŋwə nə. Viŋ kɨ yɨsə vənu vəjəəvə jɨɨsə səyaŋ, baa kɨ̀ɨ nə Nwi ŋkee jəə.

1 Tesalonika 4:10

Viŋ baa luu yɨ̀ nɨniŋ maa vaŋ-nshwi vaŋ-nsiŋ vənshə fɨ shɨ Makedonia. Vaŋ-nshwi via, yia tɨsə viŋ sheꞌ laa viŋ kɔꞌ kɨ gɨgə nə vɨsɨ taa ŋkawnə yiŋ yɔ́.

1 Timoti 5:10

Bàw vɨ kwaŋ yizii yi faŋ vɨɨ biŋ ŋwə laa ŋwə nəə yɨsə vənu vəjəəvə, kɨꞌ vaŋmbwaa, baa fisə vəndɔ taa ŋii ŋwə, sɔ ghuu vɨɨ ley Nwi, gaŋtə vɨɨ ŋɨꞌ, yɨsə vənu vəjəəvə vənshə.

Taytəs 2:14

faŋ ŋwə nə kɔ̀ ŋwaa wi, kù tɔ nsiŋ, fùusə nsiŋ fɨ taa vənu vəbwəvə vaŋ-nsiŋ vənshə, laa nsiŋ kɨ nii lùu vɨɨ ley, baa lùu ŋkee mbii vɨɨ, kəə sheꞌ maa məyɨ vənu vəjəəvə.

Taytəs 2:7

Nuŋsə ŋwaa wə laa a luu mfɨꞌ nu tɨ́ vəŋ maa vənu vənshə, mbə kɨ baw. Deesə sheꞌ nu yinsəŋ tɨ́ vɨɨ, faŋ a deesə nu Nwi tɨ́ vəŋ. Deesə nu Nwi nə fwi yimuꞌ,

Taytəs 3:8

Yigi yɔ́ lùu nu yinsəŋ. Mə kəə laa a gi vənu vɔ́ ŋkee nə wutə, laa vɨɨ mbɨə faŋ vəŋ nùŋ fwisə vəŋ maa Nwi, tə̀ sɨ maa məyɨsə vənu vəjəəvə. Kɨ luu vəŋ yɨ̀ nɨniŋ, buu luu ŋkee nu jəə. Ŋkə baa gàŋtə vɨɨ nɨzi.

Hibru 13:21

Nwi kɔ viŋ nə vətɔ vəjəəvə vənshə faŋ mbə gaŋtə viŋ maa məyɨsə vənu mbɨə faŋ ŋwə kəə laa viŋ kɨ yɨsə. Yeso Kristo faꞌ taa fwisə nsiŋ, laa nsiŋ kɨ shi nə nshinə njyə faŋ nyə bàw too Nwi. Nsiŋ kɨ bəŋsə Yeso ghee nshə. Feenə wi ndɔ goꞌsə yighee muꞌ. Ŋkə lùu nɨniŋ.

Jeyms 1:27

Wə kɨ luu kɨ kəə lùu wuu Nwi leyley, faŋ nu bwə ki kee lùu yikəꞌ tɨta Nwi me, bàw ŋwə kɨ kɨꞌ vaŋ vəti ghɔ vəki ŋkusə maa ŋɨꞌ vəŋ, baa shiinə ŋwaa wi laa kɨ vətɔ və shɨ nsi bɨsə fwi yi me.