Akts 9:34 - Vengo (Babungo)

³⁴ «Anias, Yeso Kristo shùꞌ ghɔ. Ndɔ yizɔ, nàysə fwaŋ kə!» Sheꞌ yighee muꞌ ŋwə ndɔ.

Akts 9:34 ပူးပေါင်းရင်းမြစ်များ

Matiu 8:3

Ŋwə nesə ghɔ ki, kɔ̀ŋ ŋwə, gì tɨ́ ŋwə laa, «Mə biŋ, ŋkə me fɨ maa ghɔ!» Zatə bwə kɔ́ me fɨ maa wə ghɔ́ yighee muꞌ.

Matiu 9:6

Bàw viŋ kɨɨ laa Nwi kɔ wutə tɨ́ Wuu yinsəŋ Nwi, laa ŋwə ndisə vənu vəbwəvə faŋ mbə lùu maa vɨɨ nə. Nɨniŋ, mə taa yɨsə nu yiŋkii nɨzi.» Ŋwə kɨ nii gì tɨ́ wə ntɨə faŋ ŋwaa wi nə kìlə nə laa, «Ndɔ yizɔ, shàꞌ kɨŋ kə, gə̀ shiŋii!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:11

Luu ŋkee mfɔŋ shwenə nu shuu yɔŋ faŋ Yeso nə yɨ̀sə, ntɨꞌ Kana shɨ Galilii. Nɨniŋ, ŋwə tey kɨ də yikwalə yi tɨ́ vɨɨ mbɨə faŋ vəŋ nə yè nu kɔ́ nə. Vɨɨ məzwetə nu ki, biŋ ŋwə, nùŋsə fwisə vəŋ maa ŋwə.

Akts 16:18

Ŋwə nə yɨsə nɨniŋ vəshi vəyaŋ, ŋkə za Pɔɔl, ŋwə kiasə ŋwaa wi, gì tɨ́ zwitə bwə kɔ́ fɨ taa ŋwaa wəzwi ghɔ́ laa, «Mə gì tɨ́ ghɔ maa yizii Yeso Kristo laa a fuu fɨ taa ŋwaa wəzwi ŋwə̀.» Sheꞌ yighee yɔ́ zwitə bwə kɔ́ fuu.

Akts 3:12

Faŋ Pita nə ye vɨɨ vɔ́, gì tɨ́ vəŋ laa, «Vɨɨ Isirayl, sii yɨ̀ kə laa shuu wiŋ yɔŋ maa nu kə̀? Yɨ̀ kə viŋ ndeynə yia? Viŋ bɨꞌtə laa luu ŋkia wutə laa yia yɨ wə ŋwə̀ toꞌ mu? Viŋ bɨꞌtə laa yɨ̀ yia buꞌ faŋ yia bəŋsə Nwi dɨdɨꞌ mu?

Akts 3:16

Viŋ zɔ! Wə ŋwə̀ faŋ viŋ yè ŋwə, kɨ̀ɨ nə ŋwə nə, nii nùŋ fwi yi maa yizii Yeso, buu yizii Yeso yɔ́ kɔ wutə tɨ́ ŋwə. Nii yɨ̀ Yeso laa wə ghɔ́ nuŋsə fwi yi maa Yeso, buu ŋwaa wi nshə weꞌ, viŋ vənshə ye.

Akts 3:6

Pita gi tɨ́ ŋwə laa, «Mə kee kìi ka me. Luu nə, fa ŋkɨə faŋ mə kìi, mə taa kɔ tɨ́ ghɔ. Maa yizii Yeso Kristo, wuu Nazaret, mə gi laa a ndɔ fɨ nsi, kɨ toꞌ.»

Akts 4:10

Bàw viŋ vənshə, nə ŋgwisə ŋiꞌ ŋii Isirayl kənshə kɨɨ laa, wə ŋwə̀ faŋ ŋwə tɨŋ vɨsɨ viŋ, tɨ́ ŋwə bwaŋnə nə, bwaŋnə buꞌ yizii Yeso Kristo, wuu Nazaret, faŋ viŋ nə bèy ŋwə fuu fəŋkɔꞌ fə ŋkɨꞌsə. Nwi yweysə ŋwə fɨ shɨ yiku.

Akts 9:33

Wə mɔ́ꞌ nə luu shɔ, yizii yi luu Anias, faŋ ŋwə nə duꞌtə ŋwə nɔŋ fuu fwaŋ ŋuꞌ yifɔŋ, buꞌ laa ŋwaa wi yaa ku. Pita ye wə ghɔ́, gì tɨ́ ŋwə laa,

Akts 9:35

Vɨɨ vənshə fɨ ntɨꞌ Lida nə fɨ nsi Sherɔn yinshə ye wə ghɔ́, kɨ nii kwìinə gə̀ maa məbiŋ nu tɨta Yeso.