Akts 9:31 - Vengo (Babungo)

³¹ Nɨniŋ ghɔ́, vɨɨ məbiŋ Kristo fɨ taa məshɨ mə Judia nə Galilii nə Samaria mənshə nə dùꞌ bwaŋnə, baa toꞌ maa ghuu yitoꞌ tɨta Yeso, fee Mɔꞌmbi. Zwitə Ley Nwi yɨsə vɨɨ vəmɔ́ꞌvə baa kùꞌsə nwaa vəŋ.

Akts 9:31 ပူးပေါင်းရင်းမြစ်များ

Akts 12:24

Nɨniŋ, yigisə Nwi baa sèe, sàynə maa vəshəŋ vəyaŋ.

Akts 16:5

Nɨniŋ, vəməshəŋtə və vɨɨ Kristo weꞌ maa nu Nwi, nwaa vəŋ baa kùꞌsə shi shi.

Akts 2:47

bəŋsə Nwi. Vɨɨ vənshə ŋaytə maa vəŋ. Nwi baa kùꞌsə nwaa vəŋ shi shi nə vɨɨ faŋ Nwi bwèysə vəŋ nɨzi.

Akts 20:32

Fɨ taa nɨniŋ ndwə, mə mèꞌtə viŋ taa ghɔ tɨta Nwi. Viŋ kɨɨ nə nu gəŋsə Nwi, faŋ ŋkə kìi wutə maa məyɨsə viŋ weꞌ maa nu Nwi, kɨ gə nə vɨsɨ. Wutə ki baa lùu shɔ maa məgaŋtə viŋ, laa viŋ ndɔ zɨ məbwey vəlwaŋ faŋ Nwi ndɔ kɔ tɨ́ vɨɨ ley vi.

Akts 5:11

Vɨɨ Nwi vənshə nə vɨɨ vənshə faŋ vəŋ nə zɔ̀ nu kɔ́, fee ŋkee dɨdɨꞌ.

Akts 6:7

Nɨniŋ, nu Nwi kɨ nii baa sàynə. Vɨɨ vəyaŋ kuꞌsə taa nwaa vɨɨ Yeso ntɨꞌ Jerusalem. Ŋkee vɨɨ məfeꞌ Nwi vəyaŋ nuŋ fwisə vəŋ maa nu Yeso.

Akts 8:1

Sɔɔl ghɔ́ nə biŋ laa vɨ zwì Stefen. Shù fɨ maa shi kɔ́, vɨ tey kɨ yɨnə vɨɨ məbiŋ Kristo ntɨꞌ Jerusalem ŋkee dɨdɨꞌ. Vəŋ vənshə saykə taa shɨ Judia nə taa shɨ Samaria, kɨ nii gòꞌ sheꞌ vɨɨ ntɔŋ Kristo ntɨꞌ Jerusalem.

Roma 14:17

Ŋiꞌ nu yifwàŋ Nwi kee lùu nu məzɨ fa, baa nə nu mənu fa me. Nu yifwàŋ Nwi lùu nu faŋ Zwitə Ley Nwi ŋìi taa fwi wə, kìasə nu ki, ŋkə loomə, fwi yi zutə, lwàŋ nə məŋaytə.

Roma 14:19

Nɨniŋ, nsiŋ kɨ beꞌsə fɨ yiba nu faŋ ŋkə yɨsə nsiŋ duꞌ nə mənɔŋ-bwaŋnə, gaŋtə yiŋwaa nyaa-nsiŋ maa məgə vɨsɨ maa nu Kristo.

Roma 15:13

Nwi faŋ ŋwə yɨsə vɨɨ kɨꞌ məbwey vəlwaŋ, kwàŋ məŋaytə nə məduꞌ-nyɔŋ taa fwisə viŋ, ŋwə lwaŋ, buꞌ faŋ viŋ nùŋ fwi siŋ maa ŋwə nə. Zwitə Ley Nwi baa luu kɔ̀ wutə tɨ́ viŋ, tɨ́ kaꞌ viŋ kɨ kɨꞌ məbwey ghɔ́ nə fwi yiŋ yinshə.

Roma 5:5

Faŋ nsiŋ kɨꞌ nu kwalə fɨ ghɔ Nwi, buu nsiŋ kee ndɔ ndi tɔ dɨɨ shɔ me, buꞌ laa Nwi nə kwàŋ Zwitə Ley ki taa fwisə nsiŋ, ŋkə lwaŋ, yɨ laa nsiŋ zɔ faŋ Nwi kàw nsiŋ.

1 Kɔrintian 14:12

Nɨniŋ, faŋ viŋ tə̀ sɨ maa vəkɔ mbɨə faŋ Zwitə Nwi kɔ tɨ́ vɨɨ nə, bàw viŋ kɨ tə sɨ maa məkii vəkɔ vɔ́ vəyaŋ. Luu nə, viŋ kɨ kəə vəkɔ mbɨə faŋ mbə taa gaŋtə nshəŋtə vɨɨ Nwi, nyə tɨŋnə weꞌ.

1 Kɔrintian 14:26

Vaŋ-nshwi vaŋ, faŋ ŋkə lùu nɨniŋ nə, viŋ zɔ nu ŋkɨə faŋ mə tɨsə viŋ shɔ. Yighee njyə faŋ viŋ fàynə shəŋ muꞌ maa məbəŋsə Nwi, bàw wə tɨ̀ me wə jwi nə wee-nu maa məgaŋtə nshəŋtə yiŋ yɔ́. Wə muꞌ taa kɔ nyay, wə mɔ́ꞌ deesə nu tɨ́ vɨɨ, wə mɔ́ꞌ naysə nu faŋ Nwi də̀ tɨ́ ŋwə, wə mɔ́ꞌ gi nu maa təghaŋ nɨŋkwiŋ nɨŋkwiŋ faŋ kɔ̀ Zwitə Nwi tɨ́ ŋwə, wə mɔ́ꞌ baa luu kìasə ghaŋ ghɔ́ tɨ́ kaꞌ vɨɨ vənshə zɔ̀ nu kɔ́. Bàw vɨɨ yɨsə vənu vɔ́ vənshə maa jɨɨ faŋ nyə taa gaŋtə vɨɨ maa məgə nə vɨsɨ taa nu Nwi.

2 Kɔrintian 10:8

Mə nəə toꞌ kəə kɨ buꞌ dɨŋ ŋwaa buꞌ wutə ŋkɨə faŋ tɨta Kristo nə kɔ̀ shee maa məyɨsə viŋ ta taa nu Nwi, buu kaꞌ tɔ kaŋ kee dɨ̀ɨ shɔ me. Ŋwə nə kee kɔ̀ wutə kɔ́ laa yia kɨ ndisə viŋ me.

2 Kɔrintian 12:19

Shù fɨ ntaŋ kaꞌ viŋ kɨ bɨꞌtə laa mbii vənu faŋ yia gisə nə, yia kəə fi tɔ kia fɨ ghɔ viŋ. Bey, yia gisə sheꞌ faŋ Kristo kəə laa yia gi vɨsɨ Nwi. Vaŋ-nshwi vaŋ faŋ mə kàw, viŋ kɔꞌ kɨɨ laa vənu vənshə faŋ yia gisə, yia gisə sheꞌ maa məgaŋtə viŋ, laa viŋ kɨ ta maa nu Nwi.

2 Kɔrintian 13:10

Mə nyɔ̀ꞌ nee faŋ mə kee lùu yɨ viŋ me, tɨ́ kaꞌ mə taa kɨ jwi yɨ viŋ, kee baa kìi nu maa mədə wutə kaŋ tɨ́ viŋ me. Wutə ŋkɨə faŋ Mɔꞌmbi kɔ̀ shee nə, lùu wutə maa məfianə, kee lùu wutə maa məsɔꞌ me.

2 Kɔrintian 7:1

Vɨɨmba vaŋ, faŋ nsiŋ kìi ŋkɔꞌnə nyə̀ nee nə, bàw nsiŋ kiasə yiŋwaa fɨ maa nu bwə tɨ̀ me nu bwə, faŋ ŋkə lùu taa ŋwaa wə, tɨꞌnə me taa zwitə ki. Nsiŋ kɨ yɨ laa nshinə nyaa-nsiŋ taa mètə lèy vɨsɨ Nwi. Nsiŋ yɨ̀ nɨniŋ, fee Nwi.

Efesɔs 4:12

Ŋwə nùŋ vɨɨ vɔ́ nɨniŋ, laa vəŋ kɨ lootə vɨɨ Nwi, vəŋ kuꞌnə maa məfaꞌ faꞌ vəŋ tɨ́ Nwi, laa ŋwaa Kristo kɨ gə vɨsɨ vɨsɨ.

Efesɔs 4:16

Faŋ nsiŋ lùu ŋwaa Kristo, Kristo lùu tɔ taa ŋwaa nsiŋ nə, ŋwə yɨ̀ vədɨꞌ vənshə fɨ maa ŋwə ghaytə fàynə, buꞌ laa vəyəə vi vənshə faynə̀, faŋ mfɨꞌ wutə vəŋ kùꞌnə tɔ tɔ maa məfaꞌ faꞌ nə, ŋwaa ghɔ́ nshə ta, gə vɨsɨ, faŋ vəlaŋ vi kawnə vəŋ vəŋ nə.

Efesɔs 4:29

Kɨ tuu ŋkee nu bwə fuu fɨ shuu viŋ me; kɨ fuu sheꞌ yigisə yijəənə, tɨ́ kaꞌ nyə jwi nə mənɔŋ-bwaŋnə tɨ́ vɨɨ mbɨə faŋ vəŋ zɔ yigi yɔ́, gàŋtə vəŋ maa nu ŋkɨə faŋ ŋkə ghɔꞌ vəŋ.

Efesɔs 5:21

Kɨ zɔnə viŋ viŋ, buꞌ laa viŋ zɔnə Kristo.

Filipi 2:1

Kristo nə kɔ̀ viŋ nə yigi, tɨ́ kaꞌ viŋ tɨ̀sə yiŋwaa yiŋ, viŋ viŋ, baa gaŋtə yiŋwaa yiŋ, viŋ viŋ, fɨ taa ŋkawnə. Viŋ faynə lùu fa kəmuꞌ, viŋ vɨ Zwitə Ley Nwi, baa kee gəŋ siŋ, viŋ viŋ.

Kɔlɔsii 1:10

Nu tɔ ley kɔ́ taa yɨsə laa viŋ kɨ toꞌ nə nshinə yiŋ, faŋ nyə bàw tɨ́ tɨta Kristo, kùꞌnə tɨ́ vɨɨ faŋ vəŋ beꞌsə ŋwə nə. Viŋ kɨ yɨsə vənu vəjəəvə jɨɨsə səyaŋ, baa kɨ̀ɨ nə Nwi ŋkee jəə.

1 Tesalonika 5:11

Nɨniŋ, viŋ weꞌsə wə nə wə, gaŋtə wə nə wə maa mənuŋ fwi maa Nwi, kɨ yɨsə nɨniŋ, sheꞌ faŋ viŋ yɨsə nə.

1 Timoti 1:4

Naysə tɨ́ vəŋ laa vəŋ meꞌtə təgi kɔ̀ŋ vənu vədayday, nə təgi kɔ̀ŋ təzii təyaŋ, faŋ vəŋ gisə laa lùu təzii tə vɨɨ mwanə. Kəŋ vənu vɔ́ yaa kɨ yɨsə vɨɨ gaasə yiŋwaa nə yigi yiyaŋ. Kaꞌ mbə kee gaŋtə wə maa mənuŋ fwi maa Nwi me, tɨꞌnə me maa məfaꞌ faꞌ Nwi me.

Hibru 4:9

Yigisə yi yɔ́ də̀ tɨ́ nsiŋ laa, yighee njyə faŋ vɨɨ Nwi ndɔ gə shə̀ŋ ŋwaa sheꞌ faŋ Nwi nə shə̀ŋ ŋwaa maa vəshi lwesə kwatia nə, kee ta yikuꞌnə me.

Ŋwaꞌlə Jud 1:20

Gə fɨ maa viŋ, vɨɨmba vaŋ faŋ mə kàw, viŋ gaŋtə yiŋwaa yiŋ, viŋ viŋ, tɨ́ kɨ kaꞌ məbiŋ wiŋ weꞌ, gə vɨsɨ vɨsɨ. Nu Nwi ŋkɨə faŋ viŋ biŋ nə, luu ŋkee nu ley faŋ ŋkə ndɔ̀ fɨ ghɔ Nwi. Viŋ shɔꞌtə Nwi ghee nshə, kɨ shɔꞌtə Nwi nə nu ŋkɨə faŋ Zwitə Ley Nwi də tɨ́ viŋ.