Akts 9:29 - Vengo (Babungo)

²⁹ Ŋwə nə gì tɨ́ vɨɨ faŋ vəŋ gisə ghaŋ Griik nɨzi. Vɨɨ vɔ́ kəə jɨɨ maa məzwi ŋwə.

Akts 9:29 ပူးပေါင်းရင်းမြစ်များ

Akts 11:20

Luu nə, vɨɨ mɔ́ꞌ fɨ taa ŋwaa vəŋ, faŋ vəŋ nə ndɔ̀ fɨ shɨ Sayprɔs nə fɨ Kirene, gə ntɨꞌ Antiɔk (fɨ shɨ Siria), toꞌ fɨꞌtə ntɔŋ yijəə buꞌ tɨta Yeso tɨ́ vɨɨ faŋ vəŋ nə kee lùu vɨɨ Jus me.

Akts 17:17

Nɨniŋ, ŋwə gə taa ŋii məshɔꞌtə Nwi vɨɨ Jus, gi tɨ́ vɨɨ Jus ghɔ vɨ vɨɨ Griik faŋ vəŋ nə bìŋ nu Nwi vɨɨ Jus. Ŋwə baa gə̀ taa yiwiŋ shi shi, gisə tɨ́ vɨɨ mbɨə faŋ ghɔ vɨ vəŋ nəə faynə yifi.

Akts 18:19

Faŋ vəŋ nə ziꞌ shɨ Efesɔs, ŋìi taa ŋii məshɔꞌtə Nwi vɨɨ Jus, gi tɨ́ vɨɨ Jus, kɨ nii mèꞌtə Prisila ghɔ Akwila shɨ Efesɔs.

Akts 19:8

Kɨ luu maa vəshi vəzwisə və vɨɨ Jus, Pɔɔl ŋii taa ŋii məshɔꞌtə Nwi vɨɨ Jus, gì tɨ́ vəŋ nə fwi yiweꞌ maa yiŋuu yitia, kɨ kəə yɨ̀sə laa vəŋ biŋ nu yifwàŋ Nwi.

Akts 22:18

Mə ye ŋwə, ŋwə gi shee laa mə yasə kɔꞌlə ndɔ fɨ Jerusalem, buꞌ laa vɨɨ fɨ ntɨꞌ Jerusalem kee ndɔ biŋ nu ŋkɨə faŋ a gisə kɔ̀ŋ mə me.

Akts 6:1

Nə luu maa yighee yɔ́, faŋ nwaa vɨɨ Yeso nə yàŋ, ntay fuu taa ŋwaa vɨɨ Jus faŋ vəŋ nəə gisə ghaŋ Griik, nə ŋkee vɨɨ Jus faŋ vəŋ gisə ghaŋ Jus. Vɨɨ faŋ vəŋ nəə gisə ghaŋ Griik lulə laa vɨ shiasə vəki ŋkusə vəŋ, kee kɔ vəŋ nə vətɔ mbɨə faŋ vɨ kɔ tɨ́ vɨɨ ŋɨꞌ vəmɔ́ꞌ nə me.

Akts 9:27

Barnabas ndi ŋwə, gə̀ nə ŋwə vɨsɨ vɨɨ ntɔŋ Yeso, nàysə tɨ́ vəŋ faŋ Sɔɔl yaa faynə jɨɨ ghɔ Yeso, Yeso gi tɨ́ ŋwə nə, baa nə faŋ ŋwə nə fɨ̀ꞌtə nu Nwi ntɨꞌ Damaskɔs buꞌ yizii Yeso ntee.

Akts 9:28

Sɔɔl kɨ nii gòꞌ Jerusalem, ghɔ vɨ vɨɨ məbiŋ nu Yeso nə toꞌ fɨꞌtə nu Yeso, kee fèe nu me.

2 Kɔrintian 11:26

Ghee yaŋ faŋ mə toꞌ yitoꞌ nyaa, mə nə kii ŋɨꞌ fɨ ghɔ muu, faŋ mbə fùu, baa nə fɨ ghɔ vəndɔꞌ, baa lùu taa ŋɨꞌ fɨ ghɔ vɨɨ Jus nə fɨ ghɔ vɨɨ tɔŋmə day. Mə nə yè ŋɨꞌ taa məshɨ, nə taa vəshəŋ və nɔŋ-nɔŋ, nə taa mamuu, nə taa ŋwaa vɨɨ mənay.

Ŋwaꞌlə Jud 1:3

Vɨɨmba vaŋ faŋ mə kàw, mə nə kɨsə kəə laa mə nyɔꞌ ŋwaꞌlə ŋwə̀ tɨ́ viŋ maa mədə faŋ Nwi bwèysə nsiŋ vənshə. Nwi də̀ shee laa ŋkə bàw laa mə nyɔꞌ ŋwaꞌlə tɨ́ viŋ, buꞌ ghɔ tɨ́ viŋ laa viŋ faꞌ nə wutə, tɨ́ kaꞌ viŋ tɨŋ weꞌ maa nu Nwi, faŋ viŋ nùŋ fwi maa Nwi nə. Maa lùu nu faŋ Nwi nə nàysə tɨ́ vɨɨ vi. Kaꞌ yigi yɔ́ kee ndɔ kwiinə me.

Ŋwaꞌlə Jud 1:9

Ŋkee Maykel faŋ luu nshiiŋii taa mbuꞌ Nwi nə, nə kee ndà Satan, tɨɨ vəzwitə vəbwəvə me. Yighee njyə faŋ Maykel nə tày ghɔ Satan buꞌ nu ŋku ŋwaa ŋku Mose, Maykel nə kee kòꞌsə ŋwaa wi maa məgi yigi yibwənə maa məsɔꞌ Satan me. Ŋwə nə gì sheꞌ laa bàw Nwi bɔŋsə Satan.