Akts 9:23 - Vengo (Babungo)

²³ Vəshi vəmɔ́ꞌ baa kɨ shɔɔ, vɨɨ Jus nə kɔꞌnə maa məzwi Sɔɔl.

Akts 9:23 ပူးပေါင်းရင်းမြစ်များ

Akts 13:50

Vɨɨ Jus duꞌ kɨ gisə tɨ́ vəki və vəshɨꞌ faŋ vəŋ nəə jwi taa ŋii Nwi vɨɨ Jus, ndɔ gə̀ yè vəshɨꞌ nɨzi, gì nu bwə tɔ Pɔɔl ghɔ Barnabas, yɨ laa vɨ tey kɨ kəə ŋiꞌ Pɔɔl ghɔ Barnabas, kɨ nii jɔ̀ŋ vəŋ fɨ maa shɨ kɔ́.

Akts 14:19

Vɨɨ Jus vəmɔ́ꞌ fɨ Antiɔk nə fɨ Ikoniɔn kɨ nii jwì, bùulə tɔ vɨɨ Listra. Vəŋ tumə Pɔɔl nə ŋoꞌsə, sùŋ ŋwə, fùusə ŋwə fɨ taa shɨ, bɨꞌtə laa ŋwə kù.

Akts 14:2

Luu nə, vɨɨ Jus vəmɔ́ꞌ faŋ vəŋ nə kee bìŋ nu Kristo me, gə yè vɨɨ faŋ kee lùu vɨɨ Jus me, yɨ̀ laa fwisə vəŋ fəŋ maa Pɔɔl ghɔ Barnabas.

Akts 15:26

Vəŋ lùu vɨɨ faŋ vəŋ bìŋ yiku maa yizii tɨta ŋwaa-nsiŋ Yeso Kristo.

Akts 20:3

shì shɔ yiŋuu yitia, kɨ kəə tɔŋ fɨ taa bay, gə ziꞌ shɨ Siria. Faŋ ŋwə nə kəə gə nɨniŋ nə, zɔ laa vɨɨ Jus kà mənay tɔ ŋwə. Ŋwə kɨ nii tə laa yi taa bəŋ gə, shɔ̀ɔ fɨ shɨ Makedonia.

Akts 23:12

Fu kɨ lee, vɨɨ Jus ka mənay, lɨ̀ꞌtə gì laa vəŋ kee taa zɨ fa me, kee nù fa me, maa laa vəŋ zwì Pɔɔl me.

Akts 9:16

Mə taa də ŋɨꞌ tɨ́ ŋwə yiyaŋ, faŋ ŋwə taa ye buꞌ yizii nyaa.»

Akts 9:22

Sɔɔl baa kɨ wɨweꞌ maa mətwelə laa Yeso luu ŋkee Kristo, wuu məbweysə vɨɨ. Tɔ vɨɨ Jus faŋ vəŋ nəə shi ntɨꞌ Damaskɔs shii.

2 Kɔrintian 11:26

Ghee yaŋ faŋ mə toꞌ yitoꞌ nyaa, mə nə kii ŋɨꞌ fɨ ghɔ muu, faŋ mbə fùu, baa nə fɨ ghɔ vəndɔꞌ, baa lùu taa ŋɨꞌ fɨ ghɔ vɨɨ Jus nə fɨ ghɔ vɨɨ tɔŋmə day. Mə nə yè ŋɨꞌ taa məshɨ, nə taa vəshəŋ və nɔŋ-nɔŋ, nə taa mamuu, nə taa ŋwaa vɨɨ mənay.