Akts 9:15 - Vengo (Babungo)

¹⁵ Tɨta Yeso baa gì tɨ́ ŋwə laa, «Gə shɔ, buꞌ laa mə shòꞌ wə ghɔ́, laa ŋwə luu wuu faꞌ ŋwaa, fɨꞌtə nu yizii kaŋ tɨ́ vɨɨ tətɔŋ fu, nə tɨ́ vəfwàŋ nə tɨ́ vɨɨ Isirayl.

Akts 9:15 ပူးပေါင်းရင်းမြစ်များ

Matiu 10:18

Vɨ ndɔ gə nə viŋ vɨsɨ vəgoməna nə vəfwàŋ buꞌ mə. Nɨniŋ, viŋ ndɔ kɨ fɨꞌtə nu Nwi tɨ́ vəŋ, nə tɨ́ vɨɨ faŋ vəŋ kee ta kɨ̀ɨ nə Nwi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:16

Nə kee shòꞌ viŋ shòꞌ mə laa mə luu tii wiŋ me, nə shòꞌ mə shòꞌ viŋ laa viŋ luu vɨɨ məzwetə nu kaŋ, mə baa shoꞌ viŋ laa viŋ kɨ toꞌ fàꞌ maa yizii nyaa, vənu vəjəəvə fuu fɨ fuŋ, kee mè me. Nɨniŋ, kaꞌ viŋ ndwàŋ fa fɨ ghɔ tɨta Nwi maa yizii nyaa, ŋwə kɔ̀ tɨ́ viŋ.

Akts 13:2

Shi mɔ́ꞌ faŋ vəŋ nəə bəŋsə Nwi, baa baŋ fazɨ, Zwitə Ley Nwi gi tɨ́ vəŋ laa, «Viŋ shoꞌ Barnabas nə Sɔɔl, kɔ̀ tɨ́ mə, nùŋ vəŋ maa faꞌ ŋgwə faŋ mə yaa tii vəŋ shɔ nə.»

Akts 21:19

Pɔɔl shɔꞌtə vəŋ, nàysə vənu vənshə tɨ́ vəŋ, faŋ Nwi nə shɔ̀ɔ fɨ yiba faꞌ wi, yɨ̀sə maa vɨɨ tətɔŋ fu.

Akts 22:14

Ŋwə gi laa, «Nwi vətɨɨ vaŋ-nsiŋ shòꞌ ghɔ, laa a kɨɨ nə nu ŋkɨə faŋ ŋkə lùu taa ŋkɨɨ Nwi, baa nə laa a ye wuu Nwi ŋgwə faŋ nu ki lùu kəloomə, baa zɔ̀ nu faŋ ŋkə fuu fɨ shuu ŋwə.

Akts 22:21

Mə nə gi nɨniŋ. Luu nə, tɨta Yeso gi shee laa mə ndɔ gə, buꞌ laa yi kəə tɔŋ mə ŋkee ntaŋ taa ŋwaa vɨɨ tɔmə day faŋ kee lùu vɨɨ Jus me.»

Akts 25:22

Fwàŋ Agripa gi tɨ́ goməna Festɔs laa yi kəə zɔ nu wə ghɔ́ maa nshɨ-tɔ wi. Goməna Festɔs bəŋsə tɨ́ ŋwə laa ŋwə taa zɔ wə ghɔ́ mbisɨ.

Akts 26:1

Fwàŋ Agripa gi tɨ́ Pɔɔl laa vɨ biŋ ŋwə gi nu maa məfi tɔ ki shɔ. Pɔɔl shaꞌsə ghɔ ki, gì laa,

Akts 26:32

Fwàŋ Agripa gi tɨ́ goməna Festɔs laa, «Wə ŋwə̀ nəə toꞌ kee tii yizii fwàŋ kwalə Kaysa me, buu kaꞌ vɨ meꞌtə ŋwə, ŋwə gə.»

Akts 27:24

Ŋwə gì shee laa kɨ mə fee me, buꞌ laa mə ndɔ ghaa tɨŋnə vɨsɨ fwàŋ kwalə Kaysa, baa nə laa Nwi bìŋ məshɔꞌtə ŋwaa, ndɔ bwèysə vɨɨ vənshə faŋ nsiŋ lùu taa bay mɔ́ꞌ nə.

Akts 28:17

Vəshi kɨ shɔ̀ɔ vətia, Pɔɔl tii vəshɨꞌ və vɨɨ Jus, faŋ vəŋ nəə shi shɨ Rom, laa vəŋ jwi faynə taa ŋii ŋwə. Vəŋ jwi, ŋwə gi tɨ́ vəŋ laa, «Vaŋ-nshwi vaŋ, mə nə kee yɨ̀ tuu nu bwə maa vɨɨ shɨ kaŋ-nsiŋ me, tɨꞌnə me maa nuŋsə vətɨɨ vaŋ-nsiŋ me. Luu nə, vɨɨ jia mə ntɨꞌ Jerusalem, kɔ̀ tɨ́ vɨɨ Rom, mə gu wuu ŋii mfiŋ.

Akts 28:28

Nɨniŋ, bàw laa viŋ kɨɨ laa Nwi tɔ̀ŋ nu məbweysə vɨɨ kɔ́, kɔ̀ tɨ́ vɨɨ faŋ kee lùu vɨɨ Jus me, vəŋ zɔ.» [

Roma 1:1

Lùu mə, Pɔɔl, wuu faꞌ Yeso Kristo, faŋ mə nyɔꞌ ŋwaꞌlə ŋwə̀ tɨ́ viŋ, vɨɨ Kristo fɨ shɨ Rom. Tɨta Yeso nə tìi mə, shòꞌ mə maa wuu ntɔŋ wi, shòꞌ mə laa mə kɨ toꞌ fɨꞌtə ntɔŋ yijəə Nwi.

Roma 1:5

faŋ ŋwə kee gəŋ saŋ-nsiŋ, nùŋ mə maa vɨɨ ntɔŋ vi, laa mə gə faꞌ taa məshɨ mənshə, yɨsə vɨɨ tətɔŋ fu nuŋ fwisə vəŋ maa ŋwə, kɨ zɔnə ŋwə, bəŋsə yizii yi.

Roma 11:13

Mə gì tɨ́ viŋ, vɨɨ tətɔŋ fu, ndwə. Viŋ zɔ! Kristo nə tɔ̀ŋ mə laa mə gə fɨꞌtə nu ki taa tətɔŋ fu. Nɨniŋ, vɨ kɨ bəŋsə faꞌ ŋwaa,

1 Kɔrintian 15:10

Luu nə, ŋwə kee gəŋ saŋ, tù mənɔŋ-bwaŋnə tɔ mə, yɨ laa mə gu wə ntɨə faŋ mə lùu ndwə. Mənɔŋ-bwaŋnə wi nə gəŋ si, faŋ Nwi nə kɔ̀ shee nə, kee ndì dayday me. Ŋkə yɨsə laa mə ndɨ wutə kaŋ kənshə, fàꞌ tɨ́ Nwi shɔ̀ɔ vəŋ vənshə. Nə kee lùu wutə kaŋ faŋ mə ndɨ̀, kɨ faꞌ ŋgɨɨ-mə me. Nə luu sheꞌ gəŋsə Nwi nə wutə ki faŋ ŋkə lùu ghɔ mə.

1 Kɔrintian 9:16

Faŋ mə kɔlə fɨꞌtə yigisə Nwi tɨ́ vɨɨ nə, mə kee kìi nu tɨ́ kaꞌ mə kɨ buꞌ dɨŋ ŋwaa shɔ me. Nə kɔ Nwi kɔ̀ faꞌ ghɔ́ shee. Kaꞌ mə kee mèꞌtə me. Kɨ luu laa mə nə kee fɨꞌtə nu Nwi tɨ́ vɨɨ me, buu ŋkə taa luu ŋkee kəbwə shee.

Galatia 1:1

Tɔ̀ŋ mə, Pɔɔl, tɔ̀ŋ ŋwaꞌlə ŋwə̀ tɨ́ nshəŋtə vɨɨ məbiŋ Kristo fɨ shɨ Galatia. Mə lùu wuu ntɔŋ Yeso Kristo. Kee tɔ̀ŋ vɨɨ tɔ̀ŋ mə maa məfaꞌ faꞌ ŋwaa ŋwə̀ me. Kee shòꞌ vɨɨ shòꞌ mə me. Nə shoꞌ ŋkee nshɨ-tɔ Yeso shòꞌ mə, tɔ̀ŋ mə, ghɔ Nwi faŋ lùu Tii ŋwaa-nsiŋ, faŋ ŋwə nə ywèysə Yeso fɨ shɨ yiku nə.

Efesɔs 3:1

Lùu ŋiꞌ nu ŋkɨə faŋ mə, Pɔɔl, lùu wuu ŋii mfiŋ buꞌ Yeso Kristo ndwə, buꞌ laa mə nə fɨꞌtə ntɔŋ yijəə Nwi tɨ́ vɨɨ tətɔŋ fu.

1 Timoti 2:7

Ŋwə nə nùŋsə mə nɨzi maa nu kɔ́, laa mə luu wuu məfɨꞌtə nu kɔ́, baa lùu wuu ntɔŋ Kristo, deesə nu Nwi tɨ́ vɨɨ tətɔŋ fu faŋ vəŋ kee kɨ̀ɨ nə Nwi me, laa vəŋ nuŋ fwi vəŋ maa Kristo, kɨ̀ɨ nə nu yinsəŋ. Mə gi ŋkee nu yinsəŋ, kee ndi ghaŋ me, laa nshɨ-tɔ Nwi nə tɔ̀ŋ mə maa ntɔŋ yɔ́.

2 Timoti 1:11

Nwi nùŋsə mə laa mə kɨ fɨꞌtə ntɔŋ yijəə yɔ́, baa lùu wuu ntɔŋ Kristo, deesə nu ki tɨ́ vɨɨ.

2 Timoti 2:4

Sogeꞌ faŋ ŋwə lùu shuu yighaw, kee yaa kɨ kii mba yiwiŋ me. Ŋwə nəə toꞌ gə kɨ kəə fazɨ, buu kaꞌ ŋwə kee bàw tɨ́ wə ntɨə faŋ ŋwə sɔꞌ vəsogeꞌ me.

Reveleyshən 17:14

Vəŋ ndɔ ŋii yighaw maa bi-njɨɨ yɔ́, bi-njɨɨ yɔ́ faŋ lùu Kristo nə, ghɔꞌ vəŋ, buꞌ laa ŋwə lùu tɨɨ vɨɨ məsɔꞌ mbi, baa luu fwàŋ vəfwàŋ. Ŋwə ndɔ ghɔꞌ vəfwàŋ vɔ́ ghɔ vɨ vɨɨ vi faŋ Nwi nə tii vəŋ, shoꞌ vəŋ nə, buꞌ faŋ vəŋ nə jìa nu ki, nùŋ fwisə vəŋ maa ŋwə.»