Akts 8:5 - Vengo (Babungo)

⁵ Wə muꞌ fɨ taa ŋwaa vəŋ nə luu Filip. Ŋwə ndɔ fɨ nsi, siꞌ gə̀ shɨ Samaria, fɨ̀ꞌtə nu Kristo yifi, laa lùu wuu məbweysə mbi.

Akts 8:5 ပူးပေါင်းရင်းမြစ်များ

Akts 1:8

Luu nə, viŋ ndɔ kii wutə Nwi faŋ Zwitə Ley Nwi jwì maa viŋ, viŋ kɨ nii lùu vɨɨ məfɨꞌtə nu kaŋ ntɨꞌ Jerusalem nə taa ntɨꞌsə Judia sənshə, nə fɨ shɨ Samaria nə maa vəshəŋ vənshə, gə ziꞌ tɨ́ vəndwə və shɨ nsi.»

Akts 21:8

Fu lee yia ndɔ gə ntɨꞌ Sisaria, gə̀ ŋìi taa ŋii Filip, wuu məfɨꞌtə ntɔŋ yijəə Nwi, faŋ ŋwə nə luu fɨ maa vɨɨ kwatia vì, faŋ vɨ nə nùŋsə vəŋ maa faꞌ Nwi maa yighee vɨsɨ nə. Yia kɨ nii shì taa ŋii ŋwə.

Akts 5:42

Vəŋ kee mèꞌtə fɨ kɨ deesə ntɔŋ yijəə Nwi shi shi taa ŋii Nwi yikwalə nə taa ndɔꞌ vɨɨ me. Vəŋ nəə fɨꞌtə laa Yeso luu Kristo, wuu məbweysə vɨɨ.

Akts 6:5

Nwaa vɨɨ vɔ́ vənshə nə kàw nu ŋkɨə faŋ vɨɨ ntɔŋ Yeso nə gì nə. Vəŋ kɨ nii shòꞌ Stefen, wə faŋ ŋwə nə bìŋ Kristo nə fwi yimuꞌ, Zwitə Ley Nwi lwàŋ taa fwi ŋwə. Vɨ baa shòꞌ Filip, nə Prokorɔs nə Nikanor nə Timon nə Parminas nə Nikolaws, wuu Antiɔk faŋ ŋwə nə ŋìi nu Nwi vɨɨ Jus.

Akts 8:1

Sɔɔl ghɔ́ nə biŋ laa vɨ zwì Stefen. Shù fɨ maa shi kɔ́, vɨ tey kɨ yɨnə vɨɨ məbiŋ Kristo ntɨꞌ Jerusalem ŋkee dɨdɨꞌ. Vəŋ vənshə saykə taa shɨ Judia nə taa shɨ Samaria, kɨ nii gòꞌ sheꞌ vɨɨ ntɔŋ Kristo ntɨꞌ Jerusalem.

Akts 8:26

Yiŋkii kɨ shɔ̀ɔ, nshiiŋii Nwi gi tɨ́ Filip laa, «Ka ŋwaa wə, gə̀ fɨ kwiŋ yikwii-təŋ fɨ maa jɨɨ njyə faŋ nyə shɔɔ fɨ Jerusalem, gə Gaza nə.» Jɨɨ yɔ́ nə shɔ̀ɔ fɨ taa shəŋ nɔŋ-nɔŋ.

Akts 8:30

Filip nyɨŋ koꞌ gə yɨ ŋwə, zɔ̀ faŋ ŋwə nəə tii fɨ taa ŋwaꞌlə Aysaya. Filip bitə tɨ́ ŋwə laa, «A zɔ ŋiꞌ nu ŋkɨə faŋ a tii mu?»

Akts 8:40

Gə fɨ maa Filip, ŋwə ye ŋwaa wi ntɨꞌ Atsotɔs, baa shɔɔ fɨ taa ntɨꞌsə səmɔ́ꞌ, fɨꞌtə ntɔŋ yijəə Nwi, buu gə ziꞌ ntɨꞌ Sisaria.

Akts 8:6

Vɨɨ vənshə taŋ tuulə vəŋ, zɔ̀ nu ŋkɨə faŋ Filip gisə, baa yè vənu və shuu yɔŋvə faŋ ŋwə yɨsə. Vəŋ kaw yigisə yi yɔ́,

Akts 9:20

tey kɨ fɨꞌtə nu Yeso yighee muꞌ taa ŋii məshɔꞌtə yikwalə, gì laa Yeso luu ŋkee Wee Nwi.

1 Kɔrintian 1:23

Luu nə, yia fɨꞌtə sheꞌ nu Kristo laa vɨ nə bèy ŋwə fuu fəŋkɔꞌ fə ŋkɨꞌsə buꞌ nsiŋ. Nu kɔ́ yɨ̀sə fwisə vɨɨ Jus bɨ. Vɨɨ tɔmə day gi laa lùu nu vəmfaw.

1 Kɔrintian 2:2

Mə nə tə laa bàw viŋ kɨɨ sheꞌ ŋiꞌ nu Yeso Kristo laa vɨ nə bèy ŋwə fuu fəŋkɔꞌ fə ŋkɨꞌsə, ŋwə ku tɔ nsiŋ.

1 Kɔrintian 3:11

Shɨ ŋii kɔ́ luu sheꞌ Yeso Kristo. Nwi nə nùŋsə ŋwə laa ŋwə luu yuu shɨ ŋii tɨ́ nsiŋ, tɨ́ kaꞌ nsiŋ tɨ̀ŋnə shɔ. Shəŋ day kee baa lùu shɔ, tɨ́ kaꞌ nsiŋ tɨ̀ŋnə shɔ me. Shɨ ŋii kəmɔ́ꞌ kee baa lùu shɔ me.