Akts 8:30 - Vengo (Babungo)

³⁰ Filip nyɨŋ koꞌ gə yɨ ŋwə, zɔ̀ faŋ ŋwə nəə tii fɨ taa ŋwaꞌlə Aysaya. Filip bitə tɨ́ ŋwə laa, «A zɔ ŋiꞌ nu ŋkɨə faŋ a tii mu?»

Akts 8:30 ပူးပေါင်းရင်းမြစ်များ

Matiu 13:19

Wə kɨ luu kɨ zɔ nu buꞌ nu yifwàŋ yizɔ, kee kɨ̀ɨ nə ŋiꞌ ki me, buu tɨɨ vəzwitə vəbwəvə taa jwi fi nu kɔ́ fɨ ghɔ ŋwə, faŋ vɨ nii mɔ̀ꞌ taa fwi ŋwə nə. Nu wə ghɔ́ lùu yaa ŋkə ŋgwisə say ghinə faŋ ŋə fìŋ jɨɨ nə.

Matiu 13:23

Say ŋgɨə faŋ ŋə fìŋkə taa nsi yijəə, lùu yaa wə ntɨə faŋ ŋwə zɔ̀ yigisə Nwi, kɨ̀ɨ nə ŋiꞌ ki. Ŋwə yəəsə ŋgwisə yi, yisay yimɔ́ꞌ kii say waaghɨꞌ, yimɔ́ꞌ muu-ntɔfə, yimɔ́ꞌ muu-ntia.»

Matiu 13:51

Yeso metə yigisə tii yɔ́, kɨ nii bìtə tɨ́ vɨɨ məzwetə nu ki laa, «Viŋ zɔ ŋiꞌ vənu vɔ́ vənshə mu?» Vəŋ bəŋsə tɨ́ ŋwə laa ɔŋ.

Matiu 15:10

Yeso gi nɨniŋ, baa kɨ nii tìi nwaa vɨɨ vɔ́ faŋ vəŋ nə bàytə yifi, laa vəŋ shəŋtə jwì yɨ ŋwə. Vəŋ jwi, ŋwə gi tɨ́ vəŋ laa, «Viŋ zɔ nu, kɨ̀ɨ nə ŋiꞌ ki!

Matiu 24:15

Viŋ zɔ! Yighee njyə faŋ viŋ ndɔ ye ŋkee fa bwə faŋ ŋkə bɨ̀sə taa ŋii Nwi, duꞌ maa shəŋ ley Nwi, sheꞌ faŋ nshiiŋii-sɔghɔ Daniel nə fɨꞌtə nə,

Mark 13:14

Yeso baa gì laa, «Viŋ zɔ! Yighee njyə faŋ viŋ ndɔ ye ŋkee fa bwə faŋ ŋkə bɨsə shəŋ ley, tɨŋnə shəŋ ŋkɨə faŋ ŋkə kee bàw laa ŋkə tɨŋnə shɔ me, bàw vɨɨ mbɨə faŋ vəŋ lùu shɨ Judia nyɨŋkə, gə̀ ndènə taa təkweꞌ! Wə faŋ ŋwə tii shəŋ ŋwaꞌlə kə̀, kwaꞌtə tɔ ki, kɨ kɨɨ nə ŋiꞌ ki.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:34

Yeso gi tɨ́ vəŋ laa, «Fazɨ kaŋ lùu laa mə kɨ yɨsə nu wə ntɨə faŋ ŋwə nə tɔ̀ŋ mə nə, baa nə laa mə metə vəfaꞌ vi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:39

Viŋ tii ŋwaꞌlə Nwi, buꞌ laa viŋ bɨ̀ꞌtə laa viŋ taa kii məbwey vəlwaŋ faŋ ŋwə gòꞌsə yighee muꞌ taa tey yi. Yinsəŋ, ŋwaꞌlə ghɔ́ gisə nu kɔ̀ŋ mə nɨzi.

Akts 8:27

Filip ndɔ fɨ nsi, gə. Faŋ ŋwə nə ziꞌ yifi, yè wuu Itiopia mɔ́ꞌ faŋ nə luu ndifwaŋ taa mbuꞌ tɨ́ Kandaki, fwàŋ Itiopia faŋ nə luu wəzwi. Ndifwaŋ ghɔ́ nəə nuŋsə ka fwàŋ nshə. Ŋwə nə jwi Jerusalem maa məshɔꞌtə Nwi,

Akts 8:29

Zwitə Ley Nwi gi tɨ́ Filip laa ŋwə shəŋtə gə kɨ toꞌ fɨ yɨ kaalə kɔ́.

Akts 8:31

Ndifwaŋ ghɔ́ gi laa, «Sii kaꞌ mə kɨɨ kɨkə? Wə kee lùu shɔ, twelə tɨ́ mə me.» Ŋwə kɨ nii gì tɨ́ Filip laa ŋwə koꞌ jwì, ghɔ ŋwə duꞌ.

Akts 8:5

Wə muꞌ fɨ taa ŋwaa vəŋ nə luu Filip. Ŋwə ndɔ fɨ nsi, siꞌ gə̀ shɨ Samaria, fɨ̀ꞌtə nu Kristo yifi, laa lùu wuu məbweysə mbi.

1 Kɔrintian 14:19

Faŋ ŋkə kɔlə lùu nɨniŋ, taa nshəŋtə vɨɨ Nwi, ŋkə bàw laa mə gi vənu sheꞌ tee maa ghaŋ faŋ vɨɨ taa zɔ, shɔ̀ɔ fɨ mə gi vənu ŋkaŋsə yighuŋ maa ghaŋ faŋ vɨɨ kee taa zɔ me. Mə kəə gi vənu sheꞌ maa ghaŋ ley, tɨ́ kaꞌ mə kɨ tɨsə vɨɨ shɔ.

Efesɔs 5:17

Nɨniŋ, kɨ viŋ lùu yaa vəmfaw me, luu nə, kɨɨ faŋ ŋkitə tɨta ŋwaa-nsiŋ lùu.

Reveleyshən 13:18

Lùu nu yitɔfə; wə ntɨə faŋ sɨ ghi ley, bàw ŋwə kɨɨ nə ŋiꞌ nyaa yɔ́. Vɨ say ŋwaꞌlə ghɔ́, ŋwə fuu yaa yizii wə. Ki sɨ ŋwaꞌlə ghɔ́ lùu yiwa ntɔfə nə njɔsə-ntɔfə muu-ntɔfə.