Akts 8:12 - Vengo (Babungo)

¹² Luu nə, yighee njyə faŋ Filip nə jwì, vəŋ biŋ Filip faŋ ŋwə nə nàysə ntɔŋ yijəə kɔ̀ŋ nu yifwàŋ Nwi, baa kɔ̀ŋ yizii Yeso Kristo tɨ́ vəŋ. Vəŋ fi muu mə Nwi, vəndɔŋ ghɔ vəki.

Akts 8:12 ပူးပေါင်းရင်းမြစ်များ

Matiu 28:19

Viŋ gə taa məshɨ mənshə fɨ taa mbi, kɨ yɨsə vɨɨ gu vɨɨ məzwetə nu kaŋ. Viŋ kɔ muu mə Nwi tɨ́ vəŋ maa yizii tɨta Nwi, nə yizii Wee (Nwi), baa nə yizii Zwitə Ley,

Lukas 9:2

kɨ nii tɔŋ vəŋ laa vəŋ gə, kɨ toꞌ, fɨꞌtə nu yifwàŋ Nwi tɨ́ vɨɨ, baa shùꞌ vəza fɨ maa vɨɨ.

Lukas 9:60

Ŋwə gi tɨ́ wə ghɔ́ laa, «Meꞌtə vəŋku və vɨɨ kɨ təə ŋku wə. Gə fɨ maa ghɔ, gə kɨ fɨꞌtə nu yifwàŋ Nwi!»

Akts 1:3

Yighee njyə faŋ Yeso nə dùꞌtə ŋwə shɔɔ fɨ shɨ yiku, ŋwə fuu, fàynə ghɔ vɨɨ ntɔŋsə vi, də̀ vəshwenə vəyaŋ tɨ́ vəŋ, tɨ́ kaꞌ vəŋ kɔꞌ kɨɨ laa ŋwə ywèy, ndɔ bwèy. Maa vəshi muu-yinshwe, ŋwə nə də̀ ŋwaa wi tɨ́ vəŋ ghee yaŋ, gì tɨ́ vəŋ kɔ̀ŋ nu yifwàŋ Nwi.

Akts 11:20

Luu nə, vɨɨ mɔ́ꞌ fɨ taa ŋwaa vəŋ, faŋ vəŋ nə ndɔ̀ fɨ shɨ Sayprɔs nə fɨ Kirene, gə ntɨꞌ Antiɔk (fɨ shɨ Siria), toꞌ fɨꞌtə ntɔŋ yijəə buꞌ tɨta Yeso tɨ́ vɨɨ faŋ vəŋ nə kee lùu vɨɨ Jus me.

Akts 18:8

Luu nə, Krispɔs faŋ nə luu tɨɨ ŋii məshɔꞌtə Nwi vɨɨ Jus, nuŋ fwi yi maa tɨta Yeso ghɔ vɨ ŋii yi yinshə. Vɨɨ Kɔrint vəyaŋ faŋ vəŋ nə zɔ̀ yigisə Pɔɔl, nuŋ fwisə vəŋ maa Kristo nɨzi, fì muu mə Nwi.

Akts 19:5

Vəŋ zɔ nɨniŋ, fì muu mə Nwi maa yizii tɨta Yeso.

Akts 2:38

Pita gi tɨ́ vəŋ laa, «Viŋ kwiinə fwi siŋ, fì muu mə Nwi tɔ tɔ, maa yizii Yeso Kristo, laa Nwi ndenə vənu vəbwəvə viŋ faŋ viŋ nə yɨ̀sə, buu viŋ fi Zwitə Ley Nwi, faŋ Nwi taa key viŋ shɔ nə,

Akts 2:41

Vɨɨ mbɨə faŋ vəŋ nə bìŋ yigi yɔ́, fi muu mə Nwi. Nɨniŋ, vɨɨ yaa ŋkaŋsə sətia kùꞌsə maa nwaa vəŋ sheꞌ maa shi kɔ́.

Akts 20:21

Mə nə gì tɨ́ vɨɨ Jus nə tɨ́ vɨɨ Griik, laa vəŋ kwiinə fwisə vəŋ, nùŋ maa Nwi, nə maa tɨta Yeso Kristo.

Akts 20:25

Mə duꞌtə mə toꞌ fɨ taa ŋwaa viŋ, toꞌ fɨ̀ꞌtə nu yifwàŋ Nwi tɨ́ viŋ. Nɨniŋ ndwə, mə kɔꞌ kɨɨ laa wə fɨ wiŋ kee ndɔ baa ye mə me.

Akts 28:31

fɨꞌtə nu yifwàŋ Nwi tɨ́ vəŋ, baa deesə vəŋ nə vənu və tɨta Yeso Kristo, gi nə fwi yiweꞌ, wə kee fə̀ŋ ŋwə me.

Akts 5:14

Vɨɨ vəmɔ́ꞌ vəyaŋ nə baa biŋ, kùꞌsə nwaa vɨɨ məbiŋ Kristo ghɔ́, vəndɔŋ nə vəki biŋ Kristo.

Akts 8:4

Vɨɨ mbɨə faŋ vəŋ nə sàykə nɨniŋ nə, toꞌ fɨ vəshəŋ vəshəŋ, toꞌ fɨꞌtə ntɔŋ yijəə Nwi tɨ́ vɨɨ.

Roma 10:10

Lùu nɨniŋ buꞌ laa wə kɨ luu biŋ Kristo nə fwi yi, buu nu ki kiasə lòomə vɨsɨ Nwi. Ŋwə baa lùu biŋ ŋwə nə shuu wi ntee, buu ŋwə ndɔ bwey.

1 Kɔrintian 11:11

Luu nə, taa ŋwaa vɨɨ Nwi, faŋ nsiŋ fàynə ghɔ vɨ Yeso Kristo, wəndɔŋ kee lùu shɔ nɨnɔŋ wi me, wəzwi kee lùu shɔ nɨnɔŋ wi me. Vəŋ lùu sheꞌ yaa fa kəmuꞌ.

Galatia 3:28

Nɨniŋ nə, wə kɨ luu lùu wuu Jus, wə mɔ́ꞌ luu wuu Griik, ŋkwiinə kee lùu shɔ me. Vəŋ luu sheꞌ fa kəmuꞌ maa yizii Yeso Kristo. Faŋ a lùu buꞌ, tɨꞌnə me wuu shɨ, ŋkwiinə kee lùu shɔ me. Faŋ a lùu wəndɔŋ, tɨꞌnə me wəzwi, ŋkwiinə kee lùu shɔ me, buꞌ laa viŋ vənshə lùu fa kəmuꞌ viŋ vɨ Kristo. Nɨniŋ, viŋ kɨ nii lùu wə muꞌ.

1 Pita 3:21

Nu muu kɔ́ luu mfɨꞌ nu muu mə Kristo, faŋ mbə bweysə viŋ ndwə. Mbə kee lùu maa məsɔ yifɨŋ fɨ maa viŋ me, lùu nu maa məbuꞌ ghɔ tɨ́ Nwi, laa ŋwə yɨsə fwi siŋ ley. Kaꞌ ŋkə bwèysə viŋ buꞌ laa Yeso Kristo nə ywèy fɨ shɨ yiku,