Akts 8:1 - Vengo (Babungo)

¹ Sɔɔl ghɔ́ nə biŋ laa vɨ zwì Stefen. Shù fɨ maa shi kɔ́, vɨ tey kɨ yɨnə vɨɨ məbiŋ Kristo ntɨꞌ Jerusalem ŋkee dɨdɨꞌ. Vəŋ vənshə saykə taa shɨ Judia nə taa shɨ Samaria, kɨ nii gòꞌ sheꞌ vɨɨ ntɔŋ Kristo ntɨꞌ Jerusalem.

Akts 8:1 ပူးပေါင်းရင်းမြစ်များ

Matiu 22:6

Vəmɔ́ꞌ jiatə vəndifwaŋ vɔ́, yɨ̀ ŋɨꞌ maa vəŋ, zwìlə vəŋ.

Matiu 23:34

Yeso nə baa gì tɨ́ vɨɨ vɔ́ laa, «Viŋ zɔ! Nwi gì laa yi ndɔ tɔŋ nshiisə-ŋii sɔghɔ, nə vɨɨ yitɔfə, nə vɨɨ mədeesə ŋwaꞌlə Nwi tɨ́ viŋ, viŋ zwilə vəmɔ́ꞌ fɨ taa ŋwaa vəŋ, bey vəmɔ́ꞌ fuu fəŋkɔꞌ fə ŋkɨꞌsə, saŋ vəmɔ́ꞌ fɨ taa ŋwaa vəŋ taa ndɔꞌ Nwi ghiŋ, ndɔ shoꞌ ghuu vəŋ, vəŋ kɨ nyɨŋ fɨ shɨ tɔŋ, gə shɨ tɔŋ day.

Matiu 5:13

«Viŋ lùu fəŋway taa mbi, luu nə, fəŋway kɨ luu kee baa kɨ ndɨŋ me, buu sii kaꞌ vɨ yɨ kɨkə mfə baa ndɨ̀ŋ? Maa mfə kee baa lùu maa nu me; vɨ meꞌ fu, vɨɨ kɨ toꞌ, shɔɔ, jeꞌtə nə ghuu vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:20

Viŋ lumə nu ŋkɨə faŋ mə nii gì tɨ́ viŋ laa, wuu faꞌ kee shɔ̀ɔ tii wi me. Vɨ nə shòꞌ ghuu ŋaa, vɨ taa kɨ shoꞌ ghuu ghiŋ nɨzi. Faŋ vɨ nə jìa nu kaŋ, buu vɨ taa jia nu kiŋ nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:2

Yighee jɨjwi faŋ vəŋ taa jɔŋ viŋ fɨ taa ŋii məshəŋtə Nwi. Yighee jɨjwi faŋ wə tɨ̀ me wə faŋ ŋwə ndɔ zwi viŋ, kɨ bɨꞌtə laa yi faꞌ faꞌ jəə tɨ́ Nwi.

Akts 1:8

Luu nə, viŋ ndɔ kii wutə Nwi faŋ Zwitə Ley Nwi jwì maa viŋ, viŋ kɨ nii lùu vɨɨ məfɨꞌtə nu kaŋ ntɨꞌ Jerusalem nə taa ntɨꞌsə Judia sənshə, nə fɨ shɨ Samaria nə maa vəshəŋ vənshə, gə ziꞌ tɨ́ vəndwə və shɨ nsi.»

Akts 13:1

Nshiisə-ŋii sɔghɔ nə vɨɨ mədeesə nu Nwi nə luu shɔ taa məshəŋtə vɨɨ Kristo ntɨꞌ Antiɔk. Nə luu Barnabas nə Saymon faŋ vɨ nə shù yizii yi nə Wuu-fəŋ, nə Lusiɔs fɨ Kirene, nə Manaen faŋ ŋwə nə tà ghɔ fwàŋ Herod, baa nə Sɔɔl.

Akts 13:36

Ŋkə nə kee lùu yigi kɔ̀ŋ fwàŋ Deyvid me. Fwàŋ Deyvid nə fàꞌ tɨ́ Nwi maa njiinə yighee, baa kɨ nii yiku, vɨ təə ŋwə yɨ vətɨɨ vi, ŋwə shuu ndì.

Akts 2:47

bəŋsə Nwi. Vɨɨ vənshə ŋaytə maa vəŋ. Nwi baa kùꞌsə nwaa vəŋ shi shi nə vɨɨ faŋ Nwi bwèysə vəŋ nɨzi.

Akts 22:20

Yighee njyə faŋ vɨ nə zwì wuu məbiŋ wə Stefen, mə nə luu shɔ, ŋkə nə bàw shee, mə nə ndèynə njwisə vɨɨ mbɨə faŋ vəŋ nə zwi ŋwə nə.»

Akts 26:10

Mə nəə yɨsə nɨniŋ Jerusalem, jiatə vɨɨ ley Nwi vəyaŋ, kwaŋ taa ŋii mfiŋ, faŋ nə bìŋ vɨɨ kwalə məfeꞌ Nwi laa mə yɨ nɨniŋ. Vɨ zwilə vəmɔ́ꞌ, gi yia vəŋ.

Akts 5:18

Nɨniŋ, vəŋ jiatə fɨ maa vɨɨ ntɔŋ Yeso vɔ́, kwàŋ taa ŋii mfiŋ.

Akts 5:20

«Viŋ gə tɨŋnə taa ŋii Nwi yikwalə, kɨ naysə vənu və məbwey vənshə tɨ́ vɨɨ.»

Akts 5:33

Vɨɨ kwalə vɔ́ zɔ nɨniŋ, nu kɔ́ shə fwi vəŋ, vəŋ kɨ nii kəə jɨɨ maa məzwilə vɨɨ ntɔŋ Yeso.

Akts 5:40

baa tìi vɨɨ ntɔŋ Yeso taa ŋii, saŋ vəŋ nə vəmfa, gì tɨ́ vəŋ laa kɨ vəŋ baa kɨ deesə nu kɔ̀ŋ yizii Yeso me, kɨ nii mèꞌtə vəŋ.

Akts 7:38

Luu sheꞌ Mose ghɔ́ faŋ ŋwə nə luu ghɔ vɨɨ Isirayl taa tɔɔ waꞌsə, shəŋtə vəŋ nə, faŋ ŋwə nə kòꞌ fuu baŋ Sinai, nshiiŋii Nwi gi tɨ́ ŋwə, ŋwə bəŋ siꞌ gə̀ nàysə tɨ́ vətɨɨ vaŋ-nsiŋ. Ŋwə nə fì yigisə Nwi kɔ̀ŋ məbwey, shɔ̀ɔsə tɨ́ nsiŋ.

Akts 7:54

Vɨɨ məshia nsɔꞌ zɔ nɨniŋ, fwisə vəŋ shə. Vəŋ kwə gɨꞌ vəŋ tɨ́ Stefen.

Akts 7:58

jia ŋwə, gə̀ nə ŋwə yiba, tùmə ŋwə nə ŋoꞌsə. Vɨɨ mbɨə faŋ vəŋ nə zɔ̀ nu kɔ́ taa ŋii nsɔꞌ, nuŋsə njwisə vəŋ ghuu wuu zawə mɔ́ꞌ, yizii yi luu Sɔɔl,

Akts 8:14

Vɨɨ ntɔŋ Kristo mbɨə faŋ vəŋ nə luu ntɨꞌ Jerusalem nə, zɔ laa vɨɨ Samaria bìŋ yigisə Nwi. Vəŋ tɔŋ Pita ghɔ Jɔn tɨ́ vɨɨ Samaria.

Akts 8:2

Vɨɨ mɔ́ꞌ faŋ vəŋ nəə bəŋsə Nwi, gə təə Stefen, gwìa yiku yi ŋkee dɨdɨꞌ.

Akts 8:4

Vɨɨ mbɨə faŋ vəŋ nə sàykə nɨniŋ nə, toꞌ fɨ vəshəŋ vəshəŋ, toꞌ fɨꞌtə ntɔŋ yijəə Nwi tɨ́ vɨɨ.

Akts 8:5

Wə muꞌ fɨ taa ŋwaa vəŋ nə luu Filip. Ŋwə ndɔ fɨ nsi, siꞌ gə̀ shɨ Samaria, fɨ̀ꞌtə nu Kristo yifi, laa lùu wuu məbweysə mbi.

Akts 9:31

Nɨniŋ ghɔ́, vɨɨ məbiŋ Kristo fɨ taa məshɨ mə Judia nə Galilii nə Samaria mənshə nə dùꞌ bwaŋnə, baa toꞌ maa ghuu yitoꞌ tɨta Yeso, fee Mɔꞌmbi. Zwitə Ley Nwi yɨsə vɨɨ vəmɔ́ꞌvə baa kùꞌsə nwaa vəŋ.

Roma 1:32

Vəŋ kɔꞌ kɨɨ nə nuŋsə Nwi laa, vɨɨ mbɨə faŋ vəŋ yɨsə kəŋ vənu vɔ́ nee, kùꞌnə maa məku. Luu nə, vəŋ kee shə̀ŋ shɔ me, kɨ yɨyɨsə vənu vɔ́, baa ŋaytə maa vɨɨ mɔ́ꞌ faŋ vəŋ yɨsə sheꞌ nɨniŋ.

Filipi 1:12

Vaŋ-nshwi vaŋ, bàw viŋ kɨɨ nə vənu mbɨə faŋ mbə nə gày maa mə feenə. Vɨ kwàŋ mə taa ŋii mfiŋ, luu nə, nu kɔ́ yɨsə sheꞌ laa nu Nwi saynə taa ŋwaa vɨɨ.

Hibru 11:27

Ŋwə nə baa luu nùŋ fwi yi maa Nwi, faŋ ŋwə nə fùu fɨ shɨ Ijip, kee fèe məshəsə fwàŋ Farao me. Ŋwə nə kà fwi yi yaa wə faŋ ŋwə ye Nwi, faŋ kaꞌ wə mənsaw kee yiye me.