Akts 7:60 - Vengo (Babungo)

⁶⁰ kɨ nii tùŋ vətɔ vəyəə vi nsi, yùmə ŋkee nəŋay laa, «Tɨta Nwi, ndenə nu bwə vəŋ kə̀,» kɨ nii yiku nɨniŋ.

Akts 7:60 ပူးပေါင်းရင်းမြစ်များ

Matiu 27:52

təswi tə vɨɨ ŋaꞌnə, vɨɨ ley Nwi vəyaŋ ywey fɨ shɨ yiku.

Matiu 5:44

Luu nə, mə gì ŋkaŋ tɨ́ viŋ laa, «Viŋ kɨ kaw vɨɨ mbeenə viŋ, buꞌ ghɔ tɨ́ Nwi tɔ vɨɨ faŋ vəŋ shoꞌ ghuu ghiŋ.

Lukas 22:41

kɨ nii fi ŋwaa wi fɨ ghɔ vəŋ, sùꞌtə gə̀ ntaŋ tɨtiꞌ, yuu kaꞌ wə tùŋ ŋoꞌ, nyə ziꞌ shɔ. Ŋwə gə jə̀ vətɔ-vəyəə vi nsi, shɔ̀ꞌtə Nwi laa,

Lukas 23:34

Yeso gi laa, «Tɨta Nwi, ndenə nu bwə vəŋ, buꞌ laa vəŋ kee kɨ̀ɨ nə nu ŋkɨə faŋ vəŋ yɨsə me.» Vəŋ kɨ nii ndi njwisə Yeso, tùŋ beꞌ shɔ, gàatə.

Lukas 6:28

Viŋ kɨ tu mənɔŋ-bwaŋnə tɔ vɨɨ mbɨə faŋ vəŋ kwaŋ ndwaŋ tɔ viŋ, shɔꞌtə Nwi tɔ vɨɨ mbɨə faŋ vəŋ ndasə viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:11

Ŋwə nə gì nɨniŋ, baa gi tɨ́ vəŋ laa, «Wuumba ŋwaa-nsiŋ Lasarɔs bɨbwey. Mə taa gə shɔ, gə̀ yəŋ ŋwə.»

Akts 13:36

Ŋkə nə kee lùu yigi kɔ̀ŋ fwàŋ Deyvid me. Fwàŋ Deyvid nə fàꞌ tɨ́ Nwi maa njiinə yighee, baa kɨ nii yiku, vɨ təə ŋwə yɨ vətɨɨ vi, ŋwə shuu ndì.

Akts 20:36

Faŋ Pɔɔl nə gì yigi yɔ́ mètə, tùŋ vətɔ vəyəə vi nsi, shɔ̀ꞌtə Nwi ghɔ vɨ vɨɨ vɔ́ vənshə.

Akts 21:5

Faŋ vəshi via nə kùꞌnə maa məshi yifi, yia baa ndɔ̀ fɨ yifi. Vɨɨ vɔ́ vənshə ndi yia nə vəki vəvəŋ nə vaŋ vəŋ, tòꞌ fùu fɨ taa shɨ, yia vɨ vəŋ tuŋ vətɔ vəyəə via nsi shuu muu, shɔ̀ꞌtə Nwi,

Akts 9:40

Pita fuusə vəŋ vənshə fu, tùŋ vətɔ vəyəə vi nsi, shɔꞌtə Nwi, kɨ nii kìasə ŋwaa wi maa ŋku wə kɔ́, gì laa, «Tabita, ndɔ yizɔ!» Wəzwi ghɔ́ ŋaꞌsə sɨ ghi, yè Pita, ndɔ dùꞌnə.

1 Kɔrintian 11:30

Lùu ŋiꞌ nu ŋkɨə faŋ ŋkə yɨ̀ laa vɨɨ lùu vəyaŋ taa ŋwaa viŋ faŋ vəŋ zɨzasə, tɨꞌnə me kee kìi wutə me, tɨꞌnə me kukə.

1 Kɔrintian 15:18

Ŋkə kɨ nii baa də̀ laa vɨɨ mbɨə faŋ vəŋ nə nùŋ fwisə vəŋ maa Kristo, faŋ vəŋ nə kùkə nə, vəŋ kùkə nə nu bwə maa vəŋ, ndì.

1 Kɔrintian 15:20

Luu nə, ŋkə luu ŋkee nu yinsəŋ laa Nwi nə ywèysə Kristo fɨ shɨ yiku. Ŋwə nə luu mfɔŋ wə maa məywey fɨ shɨ yiku.

1 Kɔrintian 15:51

Viŋ zɔ! Mə taa naysə nu faŋ ŋkə nə ndènə fɨ ghɔ vɨɨ. Nsiŋ kee ndɔ kukə vənshə me. Luu nə, nsiŋ vənshə ndɔ kwiinə.

1 Kɔrintian 15:6

Yiŋkii kɨ shɔɔ, ŋwə fuu yikəꞌ vaŋ-nshwi vaŋ-nsiŋ vəmɔ́ꞌ faŋ vəŋ nə bàytə shəŋ muꞌ vəyaŋ, shɔ̀ɔ yiwa tee. Vəŋ vənshə nə yè ŋwə nə sɨ. Vɨɨ vəyaŋ kɨ bii fɨ taa ŋwaa vɨɨ vɔ́ faŋ vəŋ nə yè ŋwə nə. Nə kukə sheꞌ vaŋ-mbusə vɨɨ fɨ taa ŋwaa vəŋ.

1 Tesalonika 5:10

faŋ ŋwə nə kù tɔ nsiŋ nə. Nɨniŋ, nsiŋ duꞌ nə yikɨꞌ, tɨꞌnə me bɨbwey, nsiŋ duꞌ yinyay nsiŋ vɨ vəŋ.

2 Timoti 4:16

Faŋ vɨ nə fɔŋ sɔ̀ꞌ nsɔꞌ nyaa, tuu wə muꞌ nə kee gì nu maa məgaŋtə mə me. Vɨɨ vənshə meꞌtə mə. Mə buꞌ ghɔ tɨ́ Nwi laa ŋwə ndenə nu kɔ́ tɨ́ vəŋ.

2 Pita 3:4

gì laa, «Yeso Kristo nə bee kɔ̀ꞌnə laa yi ndɔ baa bəŋ jwì lee? Ŋwə sii bə?» baa nə laa, «Vənu vənshə luu sheꞌ faŋ mbə nə dùꞌ shù fɨ faŋ mbi nə tèy, shù fɨ faŋ vətɨɨ vaŋ-nsiŋ yaa kùkə nə. Tuu nu kee yikwiinə me.»