Akts 7:51 - Vengo (Babungo)

⁵¹ (Stefen nə gì yigi yɔ́ tɨ́ vəŋ, baa gi laa lee,) «Aŋ viŋ, vɨɨ tɔ shii faŋ vɨ nə kee sɨ̀ɨtə fwi yiŋ nə tuulə ghiŋ me. Viŋ twey nu Zwitə Ley Nwi sheꞌ faŋ vətɨɨ viŋ nə yɨ̀sə nə.

Akts 7:51 ပူးပေါင်းရင်းမြစ်များ

Akts 6:10

Luu nə, Zwitə Ley Nwi kɔ wutə nə yitɔfə tɨ́ Stefen, ŋwə gi, vəŋ kee kɨ̀ɨ nə nu bəŋsə tɨ́ ŋwə me.

Akts 7:27

Wə ntɨə faŋ ŋwə nii yɨ̀nə liŋ wi nə, dɔŋsə Mose, bìtə tɨ́ ŋwə laa, «Sii nùŋsə ndə nùŋsə ghɔ laa a luu tii wia, kɨ sɔꞌ yia?

Akts 7:35

Nɨniŋ nə, Nwi nə shòꞌ ŋkee Mose ŋgwə faŋ vɨɨ Isirayl yaa kee kàw ŋwə nə me, faŋ vəŋ nə gì laa, «Sii nùŋsə ndə nùŋsə ghɔ yaa tii wia laa a kɨ sɔꞌ yia.» Nwi shoꞌ Mose ghɔ́, tɔŋ ŋwə ŋkee yaa wuu məsɔꞌ vəŋ, nə yaa wuu məbweysə vəŋ, faŋ nshiiŋii Nwi fùu yikəꞌ ŋwə taa wee-shuꞌ-gay faŋ ŋwə nəə kɨɨ nə.

Akts 7:39

Luu nə, vətɨɨ vaŋ-nsiŋ twey fɨ zɔnə ŋwə, twèy ŋwə, fwisə vəŋ kwiinə, kɨ kəə sheꞌ vənu və shɨ Ijip.

Akts 7:9

Vətɨɨ vaŋ-nsiŋ vɔ́ bee weenshu vəŋ Josef, fìŋ ŋwə shɨ Ijip. Luu nə, Nwi nə luu yiba jɨŋ ŋwə,

Roma 2:25

Nu məsɨɨtə wə lùu nu kwalə tɨ́ wə ntɨə faŋ ŋwə nuŋsə ntɨsə Nwi sənshə. Luu nə, a shiasə ntɨsə sɔ́, buu a luu sheꞌ yaa wə tɔmə day faŋ vɨ kee bee sɨ̀ɨtə ŋwə me, faŋ vɨ nə kɔlə sɨɨtə ghɔ nə.

Efesɔs 4:30

Kɨ viŋ yɨ laa Zwitə Ley Nwi luŋ me, buꞌ laa Nwi kɔ Zwitə ki kɔ́ tɨ́ viŋ, shwèe shwenə ki maa viŋ, yɨ̀ laa viŋ ndɔ fuu fɨ taa nsɔꞌ Nwi maa shi ŋkɨə faŋ vɨ ndɔ bweysə vɨɨ fɨ fuŋ.

Filipi 3:3

Lùu nsiŋ lùu vɨɨ faŋ Nwi nə kɔ̀ shwenə ki tɨ́ nsiŋ. Shwenə Nwi yinsəŋ kee lùu nu məsɨɨtə wə me. Shwenə ki faŋ ŋwə kɔ̀ tɨ́ nsiŋ, lùu Zwitə Ley Nwi, faŋ ŋkə yɨsə laa nsiŋ bəŋsə Nwi, kɔ feenə tɨ́ Yeso Kristo. Nsiŋ kee nùŋsə fwi saŋ-nsiŋ maa vənu faŋ lùu vənu və shɨ nsi me.

Kɔlɔsii 2:11

Gə fɨ maa nu məsɨɨtə vɨɨ, faŋ vɨɨ mɔ́ꞌ gì laa lùu shwenə vɨɨ Nwi nə, viŋ kɔꞌ kɨɨ laa Kristo duꞌtə ŋwə sɨɨtə̀ viŋ, luu nə, ŋwə yɨ̀ maa jɨɨ yiday, faŋ vɨ kee yɨ̀sə maa mbasə ŋwaa me. Kristo kɔ̀ shwenə day tɨ́ viŋ faŋ ŋkə də̀ laa viŋ lùu vɨɨ vi. Shwenə yiŋkii faŋ Kristo kɔ̀ tɨ́ viŋ nə, lùu laa ŋwə mèꞌ nshinə yibwə yiŋ.