Akts 7:38 - Vengo (Babungo)

³⁸ Luu sheꞌ Mose ghɔ́ faŋ ŋwə nə luu ghɔ vɨɨ Isirayl taa tɔɔ waꞌsə, shəŋtə vəŋ nə, faŋ ŋwə nə kòꞌ fuu baŋ Sinai, nshiiŋii Nwi gi tɨ́ ŋwə, ŋwə bəŋ siꞌ gə̀ nàysə tɨ́ vətɨɨ vaŋ-nsiŋ. Ŋwə nə fì yigisə Nwi kɔ̀ŋ məbwey, shɔ̀ɔsə tɨ́ nsiŋ.

Akts 7:38 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:17

Mose nə də ntɨsə Nwi tɨ́ nsiŋ. Gə̀ fɨ maa Yeso Kristo faŋ lùu məley ghɔ́, ŋwə jwi də̀ nu məkee gəŋsə, nə nu yinsəŋ nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:63

Viŋ zɔ! Kɔ Zwitə Nwi kɔ məbwey tɨ́ wə. Kɨ ŋkə kee luu ŋkee nu mbasə ŋwaa me. Maa lùu ghaŋ tii mə gì tɨ́ viŋ nə. Yigi njyə faŋ mə gi tɨ́ viŋ nə, ndɔ yɨsə Zwitə Ley Nwi ŋii taa ŋwaa vɨɨ, vəŋ zɨ məbwey vəlwaŋ.

Akts 7:30

Ŋuꞌsə muu-yinshwe baa shɔ̀ɔ, nshiiŋii Nwi fuu yikəꞌ Mose taa wi, faŋ shuꞌ-gay nəə kɨɨ taa tɔɔ waꞌsə nə, yɨ baŋ Sinai.

Akts 7:35

Nɨniŋ nə, Nwi nə shòꞌ ŋkee Mose ŋgwə faŋ vɨɨ Isirayl yaa kee kàw ŋwə nə me, faŋ vəŋ nə gì laa, «Sii nùŋsə ndə nùŋsə ghɔ yaa tii wia laa a kɨ sɔꞌ yia.» Nwi shoꞌ Mose ghɔ́, tɔŋ ŋwə ŋkee yaa wuu məsɔꞌ vəŋ, nə yaa wuu məbweysə vəŋ, faŋ nshiiŋii Nwi fùu yikəꞌ ŋwə taa wee-shuꞌ-gay faŋ ŋwə nəə kɨɨ nə.

Akts 7:53

Nə luu nshiisə-ŋiisə Nwi faŋ vəŋ nə kɔ̀ ntɨsə Nwi tɨ́ viŋ. Luu nə, viŋ zɔ, kee bee yɨ nu kɔ́ me.»

Roma 3:2

Ŋkə ghaŋ gaŋtə wə ŋkee jəə maa vənu vəyaŋ. Mfɔŋ nu lùu laa, Nwi nə nuŋsə vənu vənshə faŋ Nwi nə gì, taa ghɔ vɨɨ Jus.

Roma 9:4

Vəŋ lùu vɨɨ Isirayl, faŋ Nwi nə ndi vəŋ maa vaŋ vi, dùꞌ taa ŋwaa vəŋ nə wutə ki, gwia məkee ghɔ vəŋ, nùŋsə ntɨsə si tɨ́ vəŋ, baa də̀ tɨ́ vəŋ faŋ ŋkə bàw vəŋ kɨ faꞌ faꞌ wi, ndɔ kɔ́ꞌnə maa məndɔ yɨ nu jəə maa vəŋ.

Galatia 3:19

Faŋ ŋkə lùu nɨniŋ, sii nə yɨ̀ kə laa Nwi kɔ ntɨsə tɨ́ vɨɨ Jus? Nwi kɔ ntɨsə sɔ́ tɨ́ nsiŋ laa nsiŋ kɨɨ nə vənu mbɨə faŋ mbə kee yibaw tɨ́ Nwi me. Ntɨsə sɔ́ nə jìa vɨɨ sheꞌ maa wee-fɨ-yighee, gə ziꞌ maa yighee njyə faŋ wuu ŋiinə Abraham ghɔ́ ndɔ jwi, faŋ Nwi nə kɔ̀ꞌnə maa məkɔ nu jəə kɔ́ tɨ́ ŋwə, laa ŋwə jwi kɔ̀ mənɔŋ-bwaŋnə tɨ́ vɨɨ nə. Nə jwì nshiisə-ŋiisə Nwi nə ntɨsə sɔ́, kɔ̀ tɨ́ Mose laa Mose kɔ tɨ́ vɨɨ. Nɨniŋ laa Mose luu nɨntəŋ ŋwaa vɨɨ fɨ taa mbi, baa nə Nwi fɨ yizɔ.

Hibru 2:2

Nsiŋ kɔꞌ kɨɨ laa ntɔŋ njyə faŋ nshiisə-ŋiisə Nwi nə jwi fɨꞌtə tɨ́ nsiŋ nə, lùu yinsəŋ. Wə tɨ̀ me wə faŋ ŋwə twèy ntɔŋ yɔ́, kee kɨ zɔnə ntɔŋ yɔ́ me, buu Nwi kɔ ŋɨꞌ tɨ́ ŋwə faŋ nyə kùꞌnə.

Hibru 4:12

Nsiŋ kɔꞌ kɨɨ laa yigisə Nwi lùu nu məbwey, kìi wutə, baa shə shɔ̀ɔ baꞌ yighaw faŋ ŋkə lùu kəshəsə nə, shə̀ kwiŋ nshə, tɨ́ kaꞌ nyə ŋii ŋkee taa fwi wə, ŋii ŋkee taa vəyəə və ŋwaa və wə. Nyə baa luu də mbɨꞌtə wə faŋ wə bɨꞌtə fɨ taa fwi ŋwə.

Hibru 5:12

Yighee kùꞌ tɨ́ kaꞌ viŋ deesə vɨɨ mɔ́ꞌ, buꞌ laa viŋ yaa zwetə fɨshi. Luu nə, viŋ kee bee ta kɨɨ nə nu me! Viŋ bəə wə faŋ ŋwə jwi deesə viŋ nə mfɔŋsə vənu kɔ̀ŋ ntɔŋ Nwi. Viŋ kee ta lùu vɨɨ tɨ́ kaꞌ viŋ zɨ̀ fazɨ vɨɨ taanə me. Vɨ bee kii kɔ̀ məməŋ tɨ́ viŋ faŋ lùu fazɨ vaŋmbwaa nə.

1 Pita 4:11

Wə kɨ luu kɨ gisə yigi, bàw ŋwə kɨ gisə sheꞌ yigisə Nwi. Kɨ luu, wə nə faꞌ faꞌ Nwi, gaŋtə vɨɨ, bàw ŋwə kɨ faꞌ nə wutə ŋkɨə faŋ Nwi kɔ̀ tɨ́ ŋwə. Viŋ kɨ yɨ nɨniŋ laa, viŋ kɨ bəŋsə Nwi maa vənu vənshə fɨ yiba Yeso Kristo, faŋ ŋwə kwàlə, ndɔ weꞌ, gòꞌsə yighee muꞌ. Ŋkə lùu nɨniŋ.