Akts 7:35 - Vengo (Babungo)

³⁵ Nɨniŋ nə, Nwi nə shòꞌ ŋkee Mose ŋgwə faŋ vɨɨ Isirayl yaa kee kàw ŋwə nə me, faŋ vəŋ nə gì laa, «Sii nùŋsə ndə nùŋsə ghɔ yaa tii wia laa a kɨ sɔꞌ yia.» Nwi shoꞌ Mose ghɔ́, tɔŋ ŋwə ŋkee yaa wuu məsɔꞌ vəŋ, nə yaa wuu məbweysə vəŋ, faŋ nshiiŋii Nwi fùu yikəꞌ ŋwə taa wee-shuꞌ-gay faŋ ŋwə nəə kɨɨ nə.

Akts 7:35 ပူးပေါင်းရင်းမြစ်များ

Mark 12:26

Gə fɨ maa məywey vəŋku və vɨɨ fɨ shɨ yiku, maa viŋ ta tii fɨ taa ŋwaꞌlə Nwi, waytə ŋkɨə faŋ Mose nə nyɔ̀ꞌ buꞌ shuꞌ gay faŋ ŋkə nəə kɨɨ nə. Taa waytə ŋwaꞌlə kɔ́, Nwi gì tɨ́ Mose laa yi lùu Nwi Abraham, nə Nwi Isak, nə Nwi Jeykob.

Lukas 19:14

Luu nə, vɨɨ shɨ vi nə bee ŋwə, tɔ̀ŋ ntɔŋ fɨ yiba jɨŋ ŋwə, gì laa vɨ kee kàw laa ŋwə taa kɨ sɔꞌ vəŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:40

Vəŋ baa kɨ yùmə ŋkee nəŋay, gì laa, «Bey, kee lùu wə ntɨə faŋ a taa fuusə me. Yia kəə laa a fuusə Barabas, kɔ̀ tɨ́ yia.» Barabas ghɔ́ nə luu ndɔꞌ bwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:15

Vəŋ yumə laa, vɨ baꞌsə ŋwə, bèy ŋwə fuu fəŋkɔꞌ fə ŋkɨꞌsə laa ŋwə ku. Pilate gi tɨ́ vəŋ laa, «Viŋ kəə laa mə bey fwàŋ wiŋ fuu fəŋkɔꞌ fə ŋkɨꞌsə lee?» Vɨɨ kwalə məfeꞌ Nwi bəŋsə tɨ́ ŋwə laa, vəŋ kii fwàŋ sheꞌ muꞌ, faŋ lùu Kaysa, (fwàŋ kwalə ghɔ́ fɨ shɨ Rom.)

Akts 2:36

Nɨniŋ nə, bàw vɨɨ vənshə fɨ shɨ Isirayl kɨɨ yinsəŋ laa Nwi nùŋsə sheꞌ Yeso ghɔ́ faŋ viŋ nə bèy fuu fəŋkɔꞌ fə ŋkɨꞌsə nə, laa ŋwə luu tɨta ŋwaa-nsiŋ, baa luu wuu məbweysə ŋwaa-nsiŋ.»

Akts 3:22

Fɨshi Mose nə gì laa, «Tɨta Nwi ndɔ tɔŋ nshiiŋii-sɔghɔ tɨ́ viŋ, sheꞌ faŋ ŋwə nə tɔ̀ŋ mə nə. Nshiiŋii-sɔghɔ yɔ́ ndɔ luu wə fɨ maa vɨɨ viŋ. Viŋ taa zɔnə ŋwə maa vənu vənshə faŋ ŋwə ndɔ naysə tɨ́ viŋ.

Akts 5:31

Nwi yweysə ŋwə fɨ shɨ yiku maa wutə ki, yɨ̀ laa ŋwə luu tɔ, baa luu wuu məbweysə vɨɨ, maa məkɔ jɨɨ tɨ́ vɨɨ Isirayl, tɨ́ kɨ kaꞌ vəŋ bìŋ nu bwə vəŋ, kwìinə fwisə vəŋ, Nwi ndenə yibɨsə vəŋ.

Akts 7:30

Ŋuꞌsə muu-yinshwe baa shɔ̀ɔ, nshiiŋii Nwi fuu yikəꞌ Mose taa wi, faŋ shuꞌ-gay nəə kɨɨ taa tɔɔ waꞌsə nə, yɨ baŋ Sinai.

Akts 7:51

(Stefen nə gì yigi yɔ́ tɨ́ vəŋ, baa gi laa lee,) «Aŋ viŋ, vɨɨ tɔ shii faŋ vɨ nə kee sɨ̀ɨtə fwi yiŋ nə tuulə ghiŋ me. Viŋ twey nu Zwitə Ley Nwi sheꞌ faŋ vətɨɨ viŋ nə yɨ̀sə nə.

Kɔlɔsii 1:15

Ŋkɨꞌnə Yeso Kristo luu sheꞌ yaa njyə Nwi, faŋ kaꞌ wə kee ye nshɨ-tɔ Nwi nə sɨ me. Ŋwə nə luu shɔ buu Nwi tey kɨ naysə vətɔ vənshə fɨ taa mbi. Nɨniŋ, ŋwə lùu tɔ tɨ́ vətɔ vənshə faŋ Nwi nə bɔ̀ŋ.

Hibru 2:2

Nsiŋ kɔꞌ kɨɨ laa ntɔŋ njyə faŋ nshiisə-ŋiisə Nwi nə jwi fɨꞌtə tɨ́ nsiŋ nə, lùu yinsəŋ. Wə tɨ̀ me wə faŋ ŋwə twèy ntɔŋ yɔ́, kee kɨ zɔnə ntɔŋ yɔ́ me, buu Nwi kɔ ŋɨꞌ tɨ́ ŋwə faŋ nyə kùꞌnə.

Reveleyshən 15:3

zwà nyay Mose, wuu faꞌ Nwi, nə nyay wee-bi-njɨɨ ghɔ́, laa, «Nu ŋkɨə faŋ a yɨsə, lùu nu kwalə, luu ŋkee nu shuu yɔŋ mɔɔ, tɨta Nwi Nshɔɔ-mbi, jɨɨsə sə bɔ̀ŋsə, baa lùu yinsəŋ mɔɔ, fwàŋ ŋgwisə vɨɨ vənshə.