Akts 6:9 - Vengo (Babungo)

⁹ Luu nə, vɨɨ mɔ́ꞌ nə luu shɔ faŋ vəŋ kee kàw Stefen me. Nə luu vɨɨ Jus fɨ taa ŋii məshɔꞌtə Nwi yimɔ́ꞌ, faŋ vɨ nəə tii vəŋ laa vəbuꞌ faŋ vɨ shòꞌtə fɨ maa vəŋ. Vɨɨ Kirene nə vɨɨ Alesandria nə vəmɔ́ꞌ fɨ Saylisia, nə fɨ Asia nə luu taa ŋwaa vəŋ. Vəŋ ndɔ kɨ suŋnə ghɔ vɨ Stefen.

Akts 6:9 ပူးပေါင်းရင်းမြစ်များ

Matiu 10:17

Viŋ kɨ ndɨɨnə fɨ ghɔ vɨɨ taa mbi, buꞌ laa vəŋ ndɔ kɔ viŋ taa ghɔ vɨɨ məshia nsɔꞌ, baa sàŋ viŋ nə vəmfa taa ndɔꞌ Nwi vəŋ.

Matiu 23:34

Yeso nə baa gì tɨ́ vɨɨ vɔ́ laa, «Viŋ zɔ! Nwi gì laa yi ndɔ tɔŋ nshiisə-ŋii sɔghɔ, nə vɨɨ yitɔfə, nə vɨɨ mədeesə ŋwaꞌlə Nwi tɨ́ viŋ, viŋ zwilə vəmɔ́ꞌ fɨ taa ŋwaa vəŋ, bey vəmɔ́ꞌ fuu fəŋkɔꞌ fə ŋkɨꞌsə, saŋ vəmɔ́ꞌ fɨ taa ŋwaa vəŋ taa ndɔꞌ Nwi ghiŋ, ndɔ shoꞌ ghuu vəŋ, vəŋ kɨ nyɨŋ fɨ shɨ tɔŋ, gə shɨ tɔŋ day.

Matiu 27:32

Faŋ vəŋ nəə koꞌ gə, fàynə ghɔ vɨ wə mɔ́ꞌ fɨ shɨ Kirene, yizii yi luu Saymon. Vəŋ dɔɔ wə ghɔ́ laa ŋwə shaꞌ fəŋkɔꞌ fə ŋkɨꞌsə fə Yeso.

Mark 13:9

Viŋ kɨ lootə yiŋwaa yiŋ. Vɨ ndɔ kɨ jiatə viŋ, kwaŋ taa nsɔꞌ, saŋ viŋ taa ndɔꞌ məshəŋtə vɨɨ Nwi. Viŋ ndɔ tɨŋ vɨsɨ vəgoməna nə vəfwàŋ buꞌ yizii nyaa. Nɨniŋ, vɨɨ vɔ́ ndɔ zɔ nu Nwi shɔ.

Lukas 21:12

Luu nə, nu mɔ́ꞌ ndɔ luu shɔ ŋkəə, buu vənu vɔ́ vənshə gay. Nu kɔ́ lùu laa vɨ ndɔ jiatə viŋ, kɨ shoꞌ ghuu ghiŋ, nùŋsə viŋ nsi taa ndɔꞌ məshəŋtə, kwàŋ viŋ mfiŋ, gə nə viŋ vɨsɨ vəfwàŋ nə vəgoməna buꞌ nu yizii kaŋ.

Akts 11:20

Luu nə, vɨɨ mɔ́ꞌ fɨ taa ŋwaa vəŋ, faŋ vəŋ nə ndɔ̀ fɨ shɨ Sayprɔs nə fɨ Kirene, gə ntɨꞌ Antiɔk (fɨ shɨ Siria), toꞌ fɨꞌtə ntɔŋ yijəə buꞌ tɨta Yeso tɨ́ vɨɨ faŋ vəŋ nə kee lùu vɨɨ Jus me.

Akts 13:1

Nshiisə-ŋii sɔghɔ nə vɨɨ mədeesə nu Nwi nə luu shɔ taa məshəŋtə vɨɨ Kristo ntɨꞌ Antiɔk. Nə luu Barnabas nə Saymon faŋ vɨ nə shù yizii yi nə Wuu-fəŋ, nə Lusiɔs fɨ Kirene, nə Manaen faŋ ŋwə nə tà ghɔ fwàŋ Herod, baa nə Sɔɔl.

Akts 13:45

Faŋ vɨɨ Jus nə yè faŋ vɨɨ vɔ́ baytə ŋkee vəyaŋ nee nə, kɨ kəə zɔ yigisə Nwi, fəsə ŋii taa fwisə vəŋ, vəŋ twey nu ŋkɨə faŋ Pɔɔl nə gì ntee, ndasə ŋwə nə nu Nwi.

Akts 15:23

Vɨ kɨ nii nyɔ̀ꞌ ŋwaꞌlə, kɔ̀ tɨ́ vəŋ, vəŋ gə nə ŋwə. Taa ŋwaꞌlə ghɔ́, vɨ nə ŋwàꞌlə laa, «Nyɔꞌ vɨɨ ntɔŋ Yeso ghɔ vɨ vɨɨ taa fɨ taa məshəŋtə vɨɨ Kristo nyɔ̀ꞌ ŋwaꞌlə ŋwə̀ tɨ́ vɨɨ tətɔŋ fu faŋ viŋ biŋ nu Kristo, faŋ viŋ shi taa məshɨ mə Antiɔk nə Siria nə Saylisia. Yia nyɔ̀ꞌ tɨ́ viŋ yaa vaŋ-nshwi viŋ, shɔꞌtə viŋ jəə jəə.

Akts 15:41

shɔ̀ɔ fɨ taa məshɨ mə Siria nə Saylisia, tòꞌ wèꞌsə vɨɨ məbiŋ Kristo maa nu Nwi maa vəshəŋ vənshə.

Akts 16:6

Vɨ Pɔɔl kɨ nii shɔ̀ɔ fɨ taa məshɨ mə Frigia nə Galatia, buꞌ laa Zwitə Ley Nwi nə fəŋ vəŋ maa məfɨꞌtə nu Nwi shɨ Asia.

Akts 18:24

Maa yighee yɔ́ wuu Jus mɔ́ꞌ nə luu shɔ faŋ yizii yi luu Apɔlɔs, faŋ vɨ nə bi ŋwə ntɨꞌ Alesandria (fɨ shɨ Ijip). Wə ghɔ́ jwi shɨ Efesɔs, faŋ ŋwə nə luu wuu yigisə yijəənə baa lùu yineꞌtə, baa wèꞌ maa ŋwaꞌlə Nwi.

Akts 19:10

Vəŋ yɨsə nɨniŋ maa ŋuꞌsə bɔɔ. Nɨniŋ, vɨɨ Jus ghɔ vɨ vɨɨ Griik vənshə faŋ vəŋ nəə shi maa kwiŋ Asia zɔ nu tɨta Yeso.

Akts 19:26

Nɨniŋ, viŋ yɨye, baa zɔ faŋ Pɔɔl wì buulə vətɔ və vɨɨ vəyaŋ, laa vəŋ meꞌ vənwi, buꞌ laa ŋwə toꞌ gisə laa vənwi faŋ vɨ nàysə nə ghɔ, kee lùu vənwi me. Ŋwə kee yɨsə nɨniŋ sheꞌ shɨ Efesɔs me, ŋwə yɨsə fɨ nsi Asia yinshə.

Akts 21:27

Faŋ vəshi vɔ́ kwatia nəə kəə mè, vɨɨ Jus mɔ́ꞌ faŋ vəŋ nə ndɔ̀ fɨ kwiŋ Asia, ye Pɔɔl taa ŋii Nwi yikwalə, tey kɨ buulə fwisə nwaa vɨɨ vənshə, jìa Pɔɔl,

Akts 21:39

Pɔɔl bəŋsə tɨ́ ŋwə laa, «Mə lùu wuu Jus. Vɨ bì mə ntɨꞌ Tarsɔs fɨ shɨ Saylisia, faŋ luu ŋkee shəŋ weꞌ nə. Mə bùꞌ ghɔ tɨ́ ghɔ, naꞌ mə gi tɨ́ vɨɨ və̀.»

Akts 22:19

Mə bəŋsə tɨ́ ŋwə laa, «Tɨta, vəŋ kɔꞌ kɨɨ laa mə nəə jiatə vɨɨ məbiŋ nu kə, kwaŋ vəŋ mfiŋ, saŋ vəŋ ŋkee taa ndɔꞌ Nwi.

Akts 22:3

«Mə lùu wuu Jus, vɨ bì mə ntɨꞌ Tarsɔs fɨ shɨ Saylisia. Luu nə, mə ta luu shɨ feenə, zwetə ŋwaꞌlə ŋkee fɨ ghɔ tɨta Gamaliel, faŋ ŋwə dèesə nuŋsə vətɨɨ vaŋ-nsiŋ ŋkee jəə. Nɨniŋ, mə gù wuu weꞌ maa nu Nwi, sheꞌ faŋ viŋ wèꞌ shɔ ndee nə.

Akts 23:34

Goməna ghɔ́ tii ŋwaꞌlə ghɔ́, bìtə tɨ́ Pɔɔl laa ŋwə ndɔ fɨ maa kwiŋ ŋgwəə, zɔ laa ŋwə ndɔ̀ fɨ shɨ Saylisia.

Akts 24:18

Nə luu maa yighee njyə faŋ mə nə gə kɔ̀ vəkɔ və Nwi taa ŋii Nwi yikwalə maa məleysə ŋwaa ŋwaa vɨsɨ Nwi, faŋ vɨ yè mə shɔ, kee bee yè mə taa nwaa vɨɨ me, tɨꞌnə me laa mə bɨbuulə nwaa vɨɨ me.

Akts 26:11

Mə nə sɔꞌ vəŋ taa ndɔꞌ Nwi nshə, yɨ̀sə laa vɨ kɨ saŋ vəŋ laa vəŋ ndɔ ndasə Yeso. Mə beenə fɨ yiba vəŋ nə wutə, toꞌ shoꞌ ghuu vəŋ ŋkee taa məshɨ məday.

Akts 6:10

Luu nə, Zwitə Ley Nwi kɔ wutə nə yitɔfə tɨ́ Stefen, ŋwə gi, vəŋ kee kɨ̀ɨ nə nu bəŋsə tɨ́ ŋwə me.

1 Kɔrintian 1:20

Faŋ ŋkə lùu nɨniŋ nə, vɨɨ tɔ-ley vɔ́ sii kɨ̀ɨ nə kə? Vɨɨ mədeesə ntɨsə sii kɨ̀ɨ nə kə? Vɨɨ məsɔnə yigi kɔ̀ŋ nu Nwi, faŋ vəŋ ndɔ̀ fɨ taa mbi nyə̀, sii kɨ̀ɨ nə kə? Nwi duꞌtə Nwi də tɨ́ nsiŋ laa yitɔfə yɔ́ fɨ taa mbi nyə̀ lùu nu vəmfaw.

Galatia 1:21

Maa yighee yɔ́, faŋ mə nə ndɔ̀ fɨ Jerusalem, gə kwiŋ Siria, baa nə Saylisia.