Akts 6:7 - Vengo (Babungo)

⁷ Nɨniŋ, nu Nwi kɨ nii baa sàynə. Vɨɨ vəyaŋ kuꞌsə taa nwaa vɨɨ Yeso ntɨꞌ Jerusalem. Ŋkee vɨɨ məfeꞌ Nwi vəyaŋ nuŋ fwisə vəŋ maa nu Yeso.

Akts 6:7 ပူးပေါင်းရင်းမြစ်များ

Matiu 19:30

Luu nə, vɨɨ vəyaŋ faŋ vəŋ lùu vɨsɨ ndwə, ndɔ fi yiba; vɨɨ yiba fi vɨsɨ.»

Lukas 2:34

Saymon tu mənɔŋ-bwaŋnə maa vəŋ, gì tɨ́ Meri, nshu wee ghɔ́ laa, «Ye mɔɔ, Nwi nùŋ wee ŋwə̀ laa vɨɨ vəyaŋ fɨ taa ŋwaa vɨɨ Isirayl ndɔ ndi buꞌ faŋ vəŋ kee nuŋ fwi vəŋ maa ŋwə me, vəmɔ́ꞌ ndɔ bwey buꞌ ŋwə. Ŋwə ndɔ luu shwenə fɨ ghɔ Nwi, faŋ vɨɨ vəyaŋ taa kɨ twey ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:42

Nɨniŋ nə, ŋkee vɨɨ kwalə vɨɨ Jus vəyaŋ nə bìŋ Yeso, luu nə, kee bìŋ ntee me, buꞌ laa vəŋ nəə fee vɨɨ Farisii, buꞌ vɨ fuusə vəŋ fɨ taa ŋii məshəŋtə vəŋ yighee muꞌ.

Akts 12:24

Nɨniŋ, yigisə Nwi baa sèe, sàynə maa vəshəŋ vəyaŋ.

Akts 13:8

Bar-Jiisəs, wuu ŋay ghɔ́, faŋ yizii yi maa ghaŋ Griik nə luu Elimas, twey yigisə vəŋ, kɨ kəə kwiinə fwi goməna laa ŋwə kee bìŋ nu Kristo me.

Akts 14:22

Maa vəshəŋ vɔ́ vənshə, vəŋ yɨsə fwisə vɨɨ məbiŋ nu Kristo weꞌ maa nu Kristo. Vəŋ baa tɨ̀sə vɨɨ vɔ́ laa vəŋ goꞌsə ghɔ vɨ Yeso, baa nàysə tɨ́ vəŋ laa vɨɨ məbiŋ nu Kristo taa ye ŋɨꞌ, buu ŋii maa nu yifwàŋ Nwi.

Akts 19:20

Lùu faŋ nu tɨta Yeso nə sàynə titi, baa nə wutə.

Akts 2:47

bəŋsə Nwi. Vɨɨ vənshə ŋaytə maa vəŋ. Nwi baa kùꞌsə nwaa vəŋ shi shi nə vɨɨ faŋ Nwi bwèysə vəŋ nɨzi.

Akts 21:20

Faŋ vəŋ nə zɔ̀ nɨniŋ, bə̀ŋsə Nwi, kɨ nii gì tɨ́ Pɔɔl laa, «Weenshu wia, a kɔꞌ kɨɨ laa vɨɨ Jus shɔ ŋkaŋsə ŋkaŋsə, faŋ vəŋ biŋ nu Kristo. Vəŋ vənshə baa wèꞌ maa ntɨsə Nwi.

Akts 6:1

Nə luu maa yighee yɔ́, faŋ nwaa vɨɨ Yeso nə yàŋ, ntay fuu taa ŋwaa vɨɨ Jus faŋ vəŋ nəə gisə ghaŋ Griik, nə ŋkee vɨɨ Jus faŋ vəŋ gisə ghaŋ Jus. Vɨɨ faŋ vəŋ nəə gisə ghaŋ Griik lulə laa vɨ shiasə vəki ŋkusə vəŋ, kee kɔ vəŋ nə vətɔ mbɨə faŋ vɨ kɔ tɨ́ vɨɨ ŋɨꞌ vəmɔ́ꞌ nə me.

Roma 1:5

faŋ ŋwə kee gəŋ saŋ-nsiŋ, nùŋ mə maa vɨɨ ntɔŋ vi, laa mə gə faꞌ taa məshɨ mənshə, yɨsə vɨɨ tətɔŋ fu nuŋ fwisə vəŋ maa ŋwə, kɨ zɔnə ŋwə, bəŋsə yizii yi.

Roma 16:26

baa fùu yikəꞌ vɨɨ ndwə. Nwi faŋ ŋwə nə luu shɔ shù fɨ yighee vɨsɨ, ndɔ goꞌsə yighee muꞌ nə, gì laa, vɨ gə fɨ̀ꞌtə nu Kristo kɔ́ tɨ́ vɨɨ taa məshɨ mənshə, laa vəŋ kɨɨ nə ŋiꞌ nu ŋkɨə faŋ ŋkə lùu taa ŋwaꞌlə nshiisə-ŋii sɔghɔ nə, nùŋ fwisə vəŋ maa Kristo, kɨ zɔnə ŋwə.

Galatia 1:23

Vəŋ nə zɔ sheꞌ təgi faŋ vɨɨ gisə kɔ̀ŋ mə laa, «Wə ntɨə faŋ ŋwə nəə toꞌ shoꞌ ghuu ghia yighee vɨsɨ nə, toꞌ fɨꞌtə nu Kristo ndwə, ŋkee ŋkə faŋ ŋwə nəə kəə ndìsə nə.»

Galatia 6:10

Yighee kɨ bii maa məyɨ nu jəə ndwə. Bàw nsiŋ gaŋtə vɨɨ ghee nshə, gàŋtə vaŋ-nshwi vaŋ-nsiŋ vɨɨ Nwi fɨ taa nwaa vɨɨ Yeso Kristo.

Kɔlɔsii 1:6

Ntɔŋ yijəə Nwi yɔ́ zìꞌ maa vəshəŋ vənshə fɨ shɨ nsi, nyə yɨsə vɨɨ kwiinə nshinə vəŋ, kii nshinə yijəə. Viŋ nɨzi zɔ̀ fɨ fuŋ, nyə yɨ viŋ yɨsə vənu vəjəəvə, zì fɨ maa yighee njyə faŋ viŋ nə fɔŋ zɔ̀ yigi yɔ́, faŋ ŋkə nə lèy tɨ́ viŋ, viŋ kɨɨ jəə faŋ Nwi tu mənɔŋ-bwaŋnə wi tɔ viŋ.

2 Tesalonika 1:8

Ŋwə ndɔ jwi nə wisə faŋ ŋwə kɨɨ laa wuŋ-wuŋ, bə̀ŋsə bwə tɨ́ vɨɨ mbɨə faŋ vəŋ kee kɨɨ nə Nwi me, baa nə tɨ́ vɨɨ mbɨə faŋ vəŋ kee biŋ ntɔŋ Nwi buꞌ tɨta ŋwaa-nsiŋ Yeso me, kee zɔnə ŋwə me.

2 Timoti 2:9

Mə ye ŋɨꞌ, ŋii ŋkee mfiŋ yaa ŋkee yɨ-kəbwə, luu buꞌ ntɔŋ yijəə yɔ́. Luu nə, faŋ vɨ kɔlə kwàŋ mə mfiŋ nə, kaꞌ vɨ kee fə̀ŋ nu Nwi me.

Hibru 11:8

Gə fɨ maa Abraham, ŋwə nə nùŋ fwi yi maa Nwi, maa yighee njyə faŋ Nwi nə tìi ŋwə, gì tɨ́ ŋwə laa ŋwə ndɔ fɨ nsi, gə̀ maa shəŋ ŋkɨə faŋ Nwi taa də tɨ́ ŋwə, buu ŋwə ndɔ kii shəŋ kɔ́ nə. Ŋwə nə biŋ, zɔ̀nə Nwi, ndɔ̀ fɨ nsi, mèꞌtə shəŋ ki, ndɔ̀, faŋ ŋwə nə kee kɔlə kɨ̀ɨ nə shəŋ ŋkɨə faŋ ŋwə gə shɔ nə me.

Hibru 5:9

Faŋ ŋwə nə mètə faꞌ wi nshə, ŋwə gù wuu məgaŋtə vɨɨ vənshə faŋ vəŋ zɔnə ŋwə, laa vəŋ ndɔ zɨ məbwey vəlwaŋ faŋ ŋwə gòꞌsə yighee muꞌ.

Ŋwaꞌlə Jud 1:20

Gə fɨ maa viŋ, vɨɨmba vaŋ faŋ mə kàw, viŋ gaŋtə yiŋwaa yiŋ, viŋ viŋ, tɨ́ kɨ kaꞌ məbiŋ wiŋ weꞌ, gə vɨsɨ vɨsɨ. Nu Nwi ŋkɨə faŋ viŋ biŋ nə, luu ŋkee nu ley faŋ ŋkə ndɔ̀ fɨ ghɔ Nwi. Viŋ shɔꞌtə Nwi ghee nshə, kɨ shɔꞌtə Nwi nə nu ŋkɨə faŋ Zwitə Ley Nwi də tɨ́ viŋ.

Ŋwaꞌlə Jud 1:3

Vɨɨmba vaŋ faŋ mə kàw, mə nə kɨsə kəə laa mə nyɔꞌ ŋwaꞌlə ŋwə̀ tɨ́ viŋ maa mədə faŋ Nwi bwèysə nsiŋ vənshə. Nwi də̀ shee laa ŋkə bàw laa mə nyɔꞌ ŋwaꞌlə tɨ́ viŋ, buꞌ ghɔ tɨ́ viŋ laa viŋ faꞌ nə wutə, tɨ́ kaꞌ viŋ tɨŋ weꞌ maa nu Nwi, faŋ viŋ nùŋ fwi maa Nwi nə. Maa lùu nu faŋ Nwi nə nàysə tɨ́ vɨɨ vi. Kaꞌ yigi yɔ́ kee ndɔ kwiinə me.