Akts 6:1 - Vengo (Babungo)

¹ Nə luu maa yighee yɔ́, faŋ nwaa vɨɨ Yeso nə yàŋ, ntay fuu taa ŋwaa vɨɨ Jus faŋ vəŋ nəə gisə ghaŋ Griik, nə ŋkee vɨɨ Jus faŋ vəŋ gisə ghaŋ Jus. Vɨɨ faŋ vəŋ nəə gisə ghaŋ Griik lulə laa vɨ shiasə vəki ŋkusə vəŋ, kee kɔ vəŋ nə vətɔ mbɨə faŋ vɨ kɔ tɨ́ vɨɨ ŋɨꞌ vəmɔ́ꞌ nə me.

Akts 6:1 ပူးပေါင်းရင်းမြစ်များ

Matiu 23:13

Yeso nə baa gì laa lee, «Ndwaŋ tɔ viŋ, vɨɨ mədeesə ŋwaꞌlə Nwi nə vɨɨ Farisii; viŋ lùu vɨɨ məboꞌ ŋwaa. Viŋ fəŋ shuu yifwàŋ fɨ yizɔ fɨ ghɔ vɨɨ. Nshɨ-tɔ wiŋ kee ŋìi shɔ me. Gə fɨ maa vɨɨ mbɨə faŋ vəŋ kəə ŋii shɔ, viŋ fəŋ vəŋ.

Akts 11:20

Luu nə, vɨɨ mɔ́ꞌ fɨ taa ŋwaa vəŋ, faŋ vəŋ nə ndɔ̀ fɨ shɨ Sayprɔs nə fɨ Kirene, gə ntɨꞌ Antiɔk (fɨ shɨ Siria), toꞌ fɨꞌtə ntɔŋ yijəə buꞌ tɨta Yeso tɨ́ vɨɨ faŋ vəŋ nə kee lùu vɨɨ Jus me.

Akts 11:26

Ŋwə kəə Sɔɔl, yè ŋwə, ndì ŋwə, ghɔ ŋwə bəŋ gə Antiɔk. Vəŋ vəbɔɔ duꞌ tày ghɔ vɨ vɨɨ məbiŋ Kristo fɨ Antiɔk yaa ŋuꞌ ŋkwəŋ, deesə nu Nwi tɨ́ vɨɨ vəyaŋ. Nə luu ntɨꞌ Antiɔk faŋ vɨ nə fɔŋ tey kɨ tii vɨɨ məbiŋ nu Kristo laa vɨɨ Kristo.

Akts 11:29

Vɨɨ məbiŋ Kristo zɔ yigi Agabɔs yɔ́, gì laa, bàw vəŋ vənshə kɔ fa tɔ tɔ, wə kɔ ki fa faŋ ŋwə kìi, wə kɔ ki fa faŋ ŋwə kìi, tɨ́ kaꞌ vɨ tɔŋ gàŋtə vaŋ-nshwi shɔ fɨ shɨ Judia.

Akts 2:41

Vɨɨ mbɨə faŋ vəŋ nə bìŋ yigi yɔ́, fi muu mə Nwi. Nɨniŋ, vɨɨ yaa ŋkaŋsə sətia kùꞌsə maa nwaa vəŋ sheꞌ maa shi kɔ́.

Akts 2:45

Vəŋ fiŋ ndɨɨsə vəŋ nə vətɔ vəvəŋ, ndì ka ghɔ́, gàasə tɨ́ vɨɨ vənshə faŋ vəŋ kee yikii me.

Akts 2:47

bəŋsə Nwi. Vɨɨ vənshə ŋaytə maa vəŋ. Nwi baa kùꞌsə nwaa vəŋ shi shi nə vɨɨ faŋ Nwi bwèysə vəŋ nɨzi.

Akts 4:35

jwi kɔ tɨ́ vɨɨ ntɔŋ Yeso. Vɨɨ ntɔŋ Yeso gaasə ka ghɔ́ tɨ́ vɨɨ, wə kii faŋ ŋwə kùꞌnə.

Akts 4:4

Vɨɨ vəyaŋ faŋ vəŋ nə zɔ̀ yigisə Pita yɔ́, biŋ, nùŋ fwisə vəŋ maa Kristo. Nwaa vɨɨ Kristo ziꞌ yaa ŋkaŋsə tee.

Akts 5:14

Vɨɨ vəmɔ́ꞌ vəyaŋ nə baa biŋ, kùꞌsə nwaa vɨɨ məbiŋ Kristo ghɔ́, vəndɔŋ nə vəki biŋ Kristo.

Akts 5:28

«Maa yia nə shɨ laa kɨ viŋ baa kɨ deesə nu maa yizii nyə̀ me! Luu nə, mədeesə wiŋ maa yizii yɔ́ duꞌtə ŋwə saynə taa ntɨꞌ Jerusalem nshə. Viŋ kəə yɨ laa mənshi mə wə wì ndɔ koꞌ tɔ yia mu?»

Akts 6:2

Vɨɨ ntɔŋ Yeso njɔsə-bɔɔ nə, tii vɨɨ Yeso vənshə shəŋ muꞌ, gì laa, «Kee bàw laa yia shia nu məfɨꞌtə yigisə Nwi, tɨ́ kaꞌ yia jìa nu məgaa vətɔ me.

Akts 6:7

Nɨniŋ, nu Nwi kɨ nii baa sàynə. Vɨɨ vəyaŋ kuꞌsə taa nwaa vɨɨ Yeso ntɨꞌ Jerusalem. Ŋkee vɨɨ məfeꞌ Nwi vəyaŋ nuŋ fwisə vəŋ maa nu Yeso.

Akts 9:29

Ŋwə nə gì tɨ́ vɨɨ faŋ vəŋ gisə ghaŋ Griik nɨzi. Vɨɨ vɔ́ kəə jɨɨ maa məzwi ŋwə.

Akts 9:39

Pita ndɔ fɨ nsi, ghɔ vɨ vəŋ gə, kɨ ziꞌ yifi, vəŋ ndi ŋwə, kòꞌ nə ŋwə taa ŋii yizɔ. Vəki ŋkusə vənshə baytə kɨ gwia, dəsə njwisə faŋ wəzwi ghɔ́ nə naysə̀, kɔ̀ tɨ́ vəŋ, faŋ ghɔ vɨ vəŋ nə luu.

Akts 9:41

Pita nesə ghɔ ki, shàꞌsə ŋwə yizɔ, kɨ nii tìi vɨɨ məbiŋ nu Yeso nə vəki ŋkusə, kɔ ŋwə tɨ́ vəŋ, bwey.

Roma 12:7

Wə ntɨə faŋ Nwi kɔ̀ wutə tɨ́ ŋwə maa məgaŋtə vɨɨ ŋɨꞌ, kɨ faꞌ sheꞌ faꞌ wi ghɔ́. Wə ntɨə faŋ Nwi kɔ̀ wutə tɨ́ ŋwə maa mətwelə ŋiꞌ nu fɨ taa ŋwaꞌlə Nwi, kɨ yɨsə sheꞌ nɨniŋ.

1 Kɔrintian 10:10

Yighee vɨsɨ vəŋ nəə lulə tɨ́ Nwi, buu Nwi tɔŋ wuu məzwilə vɨɨ laa ŋwə jwi zwìlə vəŋ. Nɨniŋ, kɨ nsiŋ kɨ lulə faŋ vəŋ nəə lulə nə me.

2 Kɔrintian 11:22

Vəŋ lùu vɨɨ Hibru lee? Mə lùu wuu Hibru nɨzi. Vəŋ lùu vɨɨ Isirayl mu? Mə lùu wuu Isirayl nɨzi. Vəŋ lùu vɨɨ ŋiinə Abraham mu? Mə lùu wuu ŋiinə Abraham nɨzi.

Filipi 3:5

Gə fɨ maa məbeꞌsə nshinə vɨɨ Jus, vɨ nə sɨ̀ɨtə mə ŋkee faŋ mə nə luu vəshi yifɔŋ. Mə luu ŋkee bi-gɔ fɨ shɨ Isirayl. Mə lùu fɨ maa ŋiꞌ ŋiinə Benyamin. Mə luu ŋkee wuu Hibru, faŋ bì vɨɨ Hibru. Gə fɨ maa nuŋsə vɨɨ Jus, mə luu wuu Farisii.

1 Timoti 5:3

Kɔ feenə tɨ́ vəki ŋkusə, faŋ vəŋ dùꞌ tɔ vəŋ.

1 Timoti 5:9

Nɨniŋ nə, bàw vɨ kwaŋ yizii zu ŋku taa ŋwaꞌlə vəki ŋkusə faŋ vɨ yaa kɨ gaŋtə vəŋ nə, sheꞌ faŋ ŋwə zìꞌ ŋuꞌ muu-ntɔfə, ndəə wi nə luu sheꞌ muꞌ.

Hibru 13:1

Viŋ kɨ kaw nə yiŋwaa yiŋ, kee bwa me.

Jeyms 1:27

Wə kɨ luu kɨ kəə lùu wuu Nwi leyley, faŋ nu bwə ki kee lùu yikəꞌ tɨta Nwi me, bàw ŋwə kɨ kɨꞌ vaŋ vəti ghɔ vəki ŋkusə maa ŋɨꞌ vəŋ, baa shiinə ŋwaa wi laa kɨ vətɔ və shɨ nsi bɨsə fwi yi me.

Jeyms 4:5

Viŋ bɨꞌtə laa ŋwaꞌlə Nwi gì dayday laa, «Zwitə ŋkɨə faŋ Nwi nə kwàŋ taa fwisə nsiŋ, kəə laa fwi saŋ-nsiŋ lwaŋ nə ŋkə, laa nsiŋ luu vɨɨ vi.»

Jeyms 5:9

Vaŋ-nshwi vaŋ, kɨ viŋ baa kɨ lulə viŋ viŋ fɨ yiba me, laa kɨ viŋ ndɔ kee gu nsɔꞌ Nwi me, fɔnə wuu məshia nsɔꞌ lùu shuufɔ.