Akts 5:42 - Vengo (Babungo)

⁴² Vəŋ kee mèꞌtə fɨ kɨ deesə ntɔŋ yijəə Nwi shi shi taa ŋii Nwi yikwalə nə taa ndɔꞌ vɨɨ me. Vəŋ nəə fɨꞌtə laa Yeso luu Kristo, wuu məbweysə vɨɨ.

Akts 5:42 ပူးပေါင်းရင်းမြစ်များ

Lukas 21:37

Lùu faŋ Yeso nə dèesə nu Nwi taa ŋii Nwi yikwalə shi shi. Kɨ luu vətuꞌ, ŋwə gə shì fuu baŋ yimɔ́ꞌ, faŋ vɨ tii nə baŋ Vətɨ-və-Məŋgwə.

Lukas 22:53

Maa nsiŋ yaa luu mɔ́ꞌ taa ŋii Nwi yikwalə vəshi vənshə, viŋ kee kɔ̀ŋ mə nə ghɔ me. Luu nə, lùu yighee yiŋ ndwə, nə wutə taa mfiŋsə.»

Akts 11:20

Luu nə, vɨɨ mɔ́ꞌ fɨ taa ŋwaa vəŋ, faŋ vəŋ nə ndɔ̀ fɨ shɨ Sayprɔs nə fɨ Kirene, gə ntɨꞌ Antiɔk (fɨ shɨ Siria), toꞌ fɨꞌtə ntɔŋ yijəə buꞌ tɨta Yeso tɨ́ vɨɨ faŋ vəŋ nə kee lùu vɨɨ Jus me.

Akts 13:32

Gə fɨ maa yia, yia baa luu jwi nə ntɔŋ yijəə yɔ́ tɨ́ viŋ, naysə tɨ́ viŋ laa Nwi yɨ̀ nu ŋkɨə faŋ ŋwə nə kɔ̀ꞌnə tɨ́ vətɨɨ vaŋ-nsiŋ nə.

Akts 17:18

Vɨɨ mɔ́ꞌ faŋ nə luu vɨɨ məkəə ŋiꞌ mbi, faŋ vɨ tii vəŋ nə vɨɨ Epikurian nə vɨɨ Stoik, zɔ yigisə Pɔɔl nɨzi. Vɨɨ mɔ́ꞌ gi laa, «Wuu shuu yaŋ ŋwə̀ sii taa bee gi kə?» Vɨɨ mɔ́ꞌ gi laa ŋwə kəꞌ yaa wə faŋ ŋwə fɨꞌtə nu vənwi və tɔmə day. Vəŋ nə gì nɨniŋ, buꞌ laa Pɔɔl nəə fɨꞌtə nu Yeso nə nu məywey fɨ shɨ yiku.

Akts 17:3

Ŋwə nə twèlə ŋiꞌ vənu vɔ́ tɨ́ vəŋ, də̀ tɨ́ vəŋ laa ŋkə lùu taa ŋwaꞌlə Nwi laa nu Kristo, wuu məbweysə vɨɨ, lùu laa ŋwə ye ŋɨꞌ, ndɔ ywey fɨ shɨ yiku. Pɔɔl baa gì tɨ́ vɨɨ vɔ́ laa Yeso, faŋ yi gisə nu ki nə, lùu wuu məbweysə ghɔ́.

Akts 2:46

Shi shi vəŋ gə taa ŋii Nwi yikwalə nə fwi yimuꞌ, ndɔ bɨꞌtə bee taa ndɔꞌ vəŋ, zɨ fazɨ nə məŋaytə, baa nə fwi yiley,

Akts 20:20

Viŋ kɔꞌ kɨɨ laa mə nə kee ndɨ̀ə tuu nu fɨ ghɔ viŋ me. Maa yighee njyə faŋ mə nə fɨꞌtə, baa deesə nu Nwi tɨ́ vɨɨ vənshə ntee, baa nə maa yighee njyə faŋ mə nəə gisə tɨ́ wə nə muꞌ nə muꞌ taa ndɔꞌ viŋ, mə naysə vənu vənshə tɨ́ viŋ faŋ kaꞌ mbə taa gaŋtə viŋ.

Akts 4:20

Kɨ kɨ kaꞌ yia kee meꞌtə maa məkɨ gisə kɔ̀ŋ nu ŋkɨə faŋ yia nə ye baa zɔ me.»

Akts 4:29

Nɨniŋ, faŋ ŋkə lùu ndwə, bàw a ndeynə nu ŋkɨə faŋ vəŋ kɔꞌnə yia shɔ nə mɔɔ, Tɨta. Kɔ wutə tɨ́ yia, faŋ yia luu vɨɨ və nə, laa yia kɨ gisə nu kə nə fwi yiweꞌ.

Akts 8:35

Filip tey kɨ gisə sheꞌ buꞌ shəŋ ŋwaꞌlə kɔ́, nàysə ntɔŋ yijəə Nwi tɨ́ ŋwə kɔ̀ŋ Yeso.

Akts 8:5

Wə muꞌ fɨ taa ŋwaa vəŋ nə luu Filip. Ŋwə ndɔ fɨ nsi, siꞌ gə̀ shɨ Samaria, fɨ̀ꞌtə nu Kristo yifi, laa lùu wuu məbweysə mbi.

Akts 9:20

tey kɨ fɨꞌtə nu Yeso yighee muꞌ taa ŋii məshɔꞌtə yikwalə, gì laa Yeso luu ŋkee Wee Nwi.

1 Kɔrintian 2:2

Mə nə tə laa bàw viŋ kɨɨ sheꞌ ŋiꞌ nu Yeso Kristo laa vɨ nə bèy ŋwə fuu fəŋkɔꞌ fə ŋkɨꞌsə, ŋwə ku tɔ nsiŋ.

Galatia 1:16

Yighee nə kuꞌ, faŋ too Nwi nə bàw, laa Nwi yɨ laa ŋwiŋ wi fuu yikəꞌ mə ntee, tɨ́ kaꞌ mə gə fɨ̀ꞌtə ntɔŋ yijəə yi tɨ́ vɨɨ taa məshɨ mətɔŋ. Nɨniŋ, mə nə kee gə̀ bìtə kɔ̀ŋ nu kɔ́ tɨ́ wə fɨ mbi me,

Galatia 6:14

Gə fɨ maa mə, luu sheꞌ fa kəmuꞌ faŋ kaꞌ ŋkə yɨsə mə koꞌsə ŋwaa; fa kɔ́ lùu fəŋkɔꞌ fə ŋkɨꞌsə fə tii ŋwaa-nsiŋ Yeso Kristo, faŋ ŋkə yɨsə laa vənu və mbi nyə̀ kukə sɨ mə. Mə kee shi mbi buꞌ vənu vɔ́ me.

2 Timoti 4:2

baa nə laa a kɨ fɨꞌtə nu Nwi, jiatə vɨɨ shɔ, faŋ ŋkə taa baw tɨ́ vəŋ, tɨꞌnə me kee baw me, kɨ ŋaꞌsə sɨ vəŋ maa ŋiꞌ nu vəŋ, naysə tɨ́ vəŋ faŋ Nwi ndɔ kwaŋ vəŋ taa nsɔꞌ. Bàw a tɨsə vəŋ, kɨ jia fwi yə, kee bwà maa mətɨsə vəŋ me. Twelə ŋiꞌ nu Nwi tɨ́ vəŋ kənshə.