Akts 5:16 - Vengo (Babungo)

¹⁶ Vɨɨ faŋ vəŋ nəə shi taa ntɨꞌsə faŋ nsə nə kìa ntɨꞌ Jerusalem nə bàytə shɔ nɨzi, jwì nə vɨɨ vəza baa nə vɨɨ faŋ vəzwitə vəbwəvə nəə kɔ ŋɨꞌ tɨ́ vəŋ. Vɨɨ vəza vɔ́ vənshə bwaŋnə.

Akts 5:16 ပူးပေါင်းရင်းမြစ်များ

Matiu 2:16

Fwàŋ Herod kɨ ye laa vɨɨ məkɨɨ nə məjwiŋ vɔ́ nə bwèꞌsə yi, njyoꞌ yi lia dɨdɨꞌ, ŋwə tɔŋ vəsogeꞌ, vəŋ gə zwìlə vaŋ-vəndɔŋ vəbwavə vənshə fɨ ntɨꞌ Betelehem nə fɨ maa kwiŋ ghɔ́ nshə, mbɨə faŋ vɨ bɨ kɨ bɨbi vəŋ, gə ziꞌ tɨ́ mbɨə faŋ vəŋ lùu ŋuꞌsə bɔɔ, buꞌ laa nə luu yighee njyə faŋ ŋwə nə tə̀əmə fɨ ghɔ vɨɨ məkɨɨ nə məjwiŋ vɔ́.

Matiu 4:24

Nu kwalə ki kɔ́ saynə taa shɨ Siria kənshə. Vɨ jwi nə vɨɨ vəza tɨ́ ŋwə, faŋ vəŋ nəə zasə nə vəza taŋ taŋ. Vɨɨ faŋ zwitə bwə nə luu maa vəŋ, nə vɨɨ faŋ kəŋgu nəə ghaysə vəŋ, nə vɨɨ faŋ way ŋwaa vəŋ nə ku muꞌ, jwi yè Yeso, ŋwə shuꞌ vəŋ.

Matiu 8:16

Kɨ lùu laynəfu, vɨ jwi nə vɨɨ vəyaŋ tɨ́ Yeso faŋ vəŋ nə kìi vəzwitə vəbwəvə. Ŋwə jɔŋ vəzwitə vəbwəvə vɔ́ fɨ maa vɨɨ vɔ́ nə yigisə yi, fuusə vəza fɨ maa vɨɨ vənshə, faŋ vəŋ nəə zasə.

Lukas 5:17

Shi kəmɔ́ꞌ faŋ Yeso nəə deesə nu Nwi shəŋ mɔ́ꞌ, vɨɨ Farisii nə vɨɨ mədeesə ŋwaꞌlə Nwi duꞌ shɔ, faŋ vəŋ nə ndɔ̀ fɨ maa ntɨꞌsə ntɨꞌsə fɨ shɨ Galilii, nə fɨ shɨ Judia, baa nə ŋkee fɨ ntɨꞌ Jerusalem. Wutə Nwi nə luu maa ŋwə maa məshuꞌ vəza.

Lukas 6:18

Vɨɨ vɔ́ vənshə nə jwì maa məzɔ yigisə yi, baa nə maa məshuꞌ vəza vəvəŋ. Yeso shuꞌ vəza vəvəŋ, shuꞌ ŋkee vɨɨ faŋ vəŋ nə kìi vəzwitə vəbwəvə taa ŋwaa vəŋ.

Lukas 9:11

Vɨɨ vəyaŋ zɔ, bèꞌsə ŋwə. Ŋwə biŋ laa vəŋ ziꞌ yɨ ŋwə, gì tɨ́ vəŋ kɔ̀ŋ nu yifwàŋ Nwi, fùusə vəza fɨ maa vɨɨ mbɨə faŋ vəŋ nəə zɨzasə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:12

Viŋ zɔ! Mə naysə tɨ́ viŋ yinsəŋ laa, wə ntɨə faŋ ŋwə nùŋ fwi yi maa mə, taa kɨ yɨ vənu mbɨə faŋ mə yɨ nɨzi. Ŋwə taa kɨ yɨsə vənu faŋ mbə shɔ̀ɔ mbɨə faŋ mə yɨ̀, buꞌ faŋ mə gə yɨ Tii ŋwaa.

Akts 4:30

Nesə ghɔ kə nɨzi, shùꞌ vəza fɨ maa vɨɨ, yɨ laa vəshwenə nə vənu və shuu yɔŋvə fuu maa yizii wuu faꞌ wə Yeso, faŋ ŋwə bàw shɨlə nə.»

Akts 5:15

Vɨ nəə shaꞌ vɨɨ vəza, fuusə, nuŋ vəŋ jɨɨsə fuu vəmɔ̀ꞌ nə vəfwaŋ, laa yighee njyə faŋ Pita taa kii shɔɔ, kaꞌ sheꞌ ndɨɨlə ki shìtə vəmɔ̀ꞌ fɨ taa ŋwaa vɨɨ vəza vɔ́.

Akts 5:17

Wuu kwalə məfeꞌ Nwi nə vɨɨ vi vənshə, faŋ nə luu vɨɨ fɨ taa nshəŋtə vɨɨ Sadusii, ndɔ tɨŋ kɨ səsə vɨɨ ntɔŋ Yeso.

1 Kɔrintian 12:9

Wə mɔ́ꞌ baa lùu shɔ faŋ Zwitə Nwi kɔ̀ wutə tɨ́ ŋwə, tɨ́ kaꞌ ŋwə nùŋ fwi yi maa Yeso Kristo, wèꞌ shɔ. Wə mɔ́ꞌ kii ŋkee wutə fɨ ghɔ Zwitə Nwi kɔ́ maa məshuꞌ vəza fɨ maa vɨɨ.

Jeyms 5:16

Bàw viŋ biŋ nu bwə kiŋ, viŋ viŋ, kɨ buꞌ ghɔ tɨ́ Nwi, viŋ viŋ, tɔ viŋ, laa viŋ bwey fɨ maa vəza viŋ. Wə ntɨə faŋ vənu vi lùu vəloomə, kɨ luu bùꞌ ghɔ tɨ́ Nwi, buu kaꞌ ŋkee nu kwalə fùu fɨ fuŋ.