Akts 4:7 - Vengo (Babungo)

⁷ Vɨ kɨ nii tə̀ Pita ghɔ Jɔn nɨntəŋ, bìtə tɨ́ vəŋ laa, «Viŋ sii yɨ̀ nu kɔ́ kɨkə? Wutə kiŋ maa məyɨ nu kɔ́ ndɔ̀ fɨ fə? Viŋ yɨsə maa yizii ndə?»

Akts 4:7 ပူးပေါင်းရင်းမြစ်များ

Matiu 21:23

Yeso baa kɨ gə taa ŋii Nwi yikwalə, dèesə nu Nwi tɨ́ vɨɨ. Vɨɨ kwalə məfeꞌ Nwi nə vəshɨꞌ fɨ shɨ jwi yɨ ŋwə, gì tɨ́ ŋwə laa, «A sii yɨsə kəŋ vənu vɔ́ nə wutə ŋkɨə? Lùu ndə yiba jɨŋ ghɔ faŋ ŋwə kɔ wutə kɔ́ tɨ́ ghɔ?»

Mark 11:28

bìtə tɨ́ ŋwə laa, «A yɨ vənu və̀ nə kəŋ wutə ŋkɨə? Kɔ̀ ndə kɔ̀ wutə kɔ́ tɨ́ ghɔ maa məyɨ vənu vɔ́?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:18

Vɨɨ kwalə vɨɨ Jus gi tɨ́ Yeso laa, «A də̀ shwenə nu shuu yɔŋ ŋkɨə tɨ́ yia, faŋ ŋkə də laa a kii wutə maa məyɨ̀ tɨ́ nee?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:3

Vɨɨ mədeesə ŋwaꞌlə Nwi ghɔ vɨ vɨɨ Farisii jwi nə wəzwi mɔ́ꞌ faŋ vɨ jìa ŋwə ghɔ wəndɔŋ. Vəŋ jwì nə wəzwi ghɔ́, nùŋsə ŋwə nɨntəŋ ŋwaa vɨɨ,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:9

Vɨɨ vɔ́ zɔ yigi yi yɔ́, waꞌkə wə nə muꞌ nə muꞌ, tèy fɨ maa vɨɨ taa. Fɨkɨꞌ goꞌ sheꞌ Yeso ghɔ wəzwi ghɔ́, faŋ ŋwə nə tɨtɨŋnə.

Akts 4:10

Bàw viŋ vənshə, nə ŋgwisə ŋiꞌ ŋii Isirayl kənshə kɨɨ laa, wə ŋwə̀ faŋ ŋwə tɨŋ vɨsɨ viŋ, tɨ́ ŋwə bwaŋnə nə, bwaŋnə buꞌ yizii Yeso Kristo, wuu Nazaret, faŋ viŋ nə bèy ŋwə fuu fəŋkɔꞌ fə ŋkɨꞌsə. Nwi yweysə ŋwə fɨ shɨ yiku.

Akts 4:6

Anas, wuu kwalə məfeꞌ Nwi, nə Kayafas, baa nə Jɔn nə Alesanda, baa nə vɨɨ vənshə fɨ ŋiꞌ ŋii vɨɨ kwalə məfeꞌ Nwi nə luu taa ŋwaa vəŋ.

Akts 4:8

Pita faŋ Zwitə Ley Nwi nə lwàŋ taa fwi ŋwə, kɔ bəŋsə tɨ́ vəŋ, gì laa lee, «Vəshɨꞌ nə vɨɨ taa,

Akts 5:40

baa tìi vɨɨ ntɔŋ Yeso taa ŋii, saŋ vəŋ nə vəmfa, gì tɨ́ vəŋ laa kɨ vəŋ baa kɨ deesə nu kɔ̀ŋ yizii Yeso me, kɨ nii mèꞌtə vəŋ.