Akts 4:34 - Vengo (Babungo)

³⁴ Bəə nə kee lùu taa ŋwaa vəŋ me, buꞌ laa vɨɨ mbɨə faŋ vəŋ nə kìi ndɔꞌ nə təndɨɨ, gə fiŋ vətɔ vəvəŋ, jwì nə ka ghɔ́,

Akts 4:34 ပူးပေါင်းရင်းမြစ်များ

Matiu 19:21

Yeso gi tɨ́ ŋwə laa, «A kəə laa a baw mètə, a gə fìŋtə vətɔ və, gàa ka ghɔ́ tɨ́ vɨɨ ŋɨꞌ, buu vəkeynə və taa luu yizɔ. A yɨ̀ nɨniŋ, a kɨ nii jwì bèꞌsə mə.»

Mark 10:21

Yeso ndeynə ŋwə, kàw ŋwə, gì tɨ́ ŋwə laa, «A bəə sheꞌ nu kəmuꞌ. Nu kɔ́ lùu laa, a gə fìŋtə vətɔ və vənshə, kɔ̀ ka ghɔ́ nshə tɨ́ mbəəsə, jwì bèꞌsə mə, buu a ndɔ kii vətɔ vəyaŋ shɨ Nwi.»

Lukas 12:33

(Yeso baa gì laa,) «Viŋ fiŋ vətɔ viŋ, gàŋtə vɨɨ ŋɨꞌ shɔ. Nɨniŋ, viŋ naysə vəpɔsa viŋ faŋ kaꞌ mbə kee ndɔ dwaŋ me. Bàw viŋ kəə ka faŋ lùu ŋgwə yizɔ, faŋ lùu məbwey vəlwaŋ faŋ ŋwə goꞌsə yighee muꞌ. Kaꞌ ndɔꞌ kee jwi shaw kəŋ ka ghɔ́ me. Kaꞌ fənda gɔ kee nda me.

Lukas 16:9

Nɨniŋ, mə gì tɨ́ viŋ laa viŋ ndi ka, faŋ lùu fa dayday, faŋ ŋkə lùu ghɔ viŋ nə, kɨ key vɨɨ shɔ, laa viŋ kɨ kii vɨɨmba viŋ fuŋ maa yighee njyə faŋ ka wiŋ ndɔ me, Nwi ndi viŋ, ŋìisə viŋ taa ndɔꞌ ŋgɨə faŋ ŋə gòꞌsə yighee muꞌ.

Lukas 22:35

Yeso baa kɨ gì tɨ́ vɨɨ ntɔŋ vi laa, «Yighee njyə faŋ mə nə tɔ̀ŋ viŋ ntɔŋ maa nə ka, maa nə mba, maa nə gɔsə, viŋ nə bə̀ə fa mu?» Vəŋ laa vəŋ nə kee bə̀ə tuu fa me.

Akts 2:45

Vəŋ fiŋ ndɨɨsə vəŋ nə vətɔ vəvəŋ, ndì ka ghɔ́, gàasə tɨ́ vɨɨ vənshə faŋ vəŋ kee yikii me.

Akts 4:37

Josef ghɔ́ nə kìi nsi yi, fìŋ, ndì ka ghɔ́, jwì nə ŋwə tɨ́ vɨɨ ntɔŋ Yeso, nùŋsə nsi ghuu vəŋ.

2 Kɔrintian 8:14

Bàw laa viŋ gaŋtə vɨɨ mbɨə faŋ lùu mbəəsə nə vətɔ mbɨə faŋ mbə yàŋ ghɔ viŋ maa yighee ndwə. Nɨniŋ laa vəŋ gaŋtə viŋ nɨzi maa bəə kiŋ, tɨ́ kaꞌ viŋ luu nɨndɨŋ viŋ vɨ vəŋ.

1 Tesalonika 4:12

Viŋ yɨ nɨniŋ laa ghuu yitoꞌ kiŋ baw tɨ́ vɨɨ mbɨə faŋ vəŋ kee lùu vɨɨ Nwi me, baa nə laa viŋ kee kɨ bəə fa laa vəŋ kɨ gaŋtə viŋ shɔ me.

1 Timoti 6:19

Vəŋ kɨ luu kɨ yɨ nɨniŋ, buu vəŋ baytə nu jəə, faŋ vəŋ ndɔ zɨ yighee yiba, ndɔ zɨ məbwey vəlwaŋ faŋ luu ŋkee məbwey yinsəŋ.

Jeyms 1:27

Wə kɨ luu kɨ kəə lùu wuu Nwi leyley, faŋ nu bwə ki kee lùu yikəꞌ tɨta Nwi me, bàw ŋwə kɨ kɨꞌ vaŋ vəti ghɔ vəki ŋkusə maa ŋɨꞌ vəŋ, baa shiinə ŋwaa wi laa kɨ vətɔ və shɨ nsi bɨsə fwi yi me.