Akts 4:1 - Vengo (Babungo)

¹ Faŋ vəŋ nəə gisə tɨ́ vɨɨ nɨniŋ, vɨɨ məfeꞌ Nwi nə tɨɨ məshii ŋii Nwi nə vɨɨ Sadusii jwi maa vəŋ.

Akts 4:1 ပူးပေါင်းရင်းမြစ်များ

Matiu 16:12

Ŋwə nə gì tɨ́ vəŋ nɨniŋ, vəŋ kɨ nii yikɨɨ laa ŋwə nii kee gì laa vɨ shiinə yiŋwaa fɨ ghɔ fənsɨŋ me, luu nə, laa vəŋ kɨ shiinə yiŋwaa vəŋ buꞌ nu ŋkɨə faŋ vɨɨ Farisii nə vɨɨ Sadusii yaa kɨ deesə nə.

Matiu 22:16

Vəŋ tɔŋ vɨɨ məzwetə nu vəŋ ghɔ vɨ vɨɨ məbiŋ nu fwàŋ Herod tɨ́ Yeso. Vɨɨ vɔ́ gə yè Yeso, gì tɨ́ ŋwə laa, «Tɨta, yia kɔꞌ kɨɨ laa a lùu wuu yinsəŋ faŋ ŋwə deesə jɨɨ Nwi yinsəŋ, kee fee wə me, buꞌ laa a kee lùu wuu fəntɔ-fə-yisɨ me.

Matiu 27:20

Luu nə, vɨɨ kwalə məfeꞌ Nwi ghɔ vəshɨꞌ dɔɔ laa vɨɨ vɔ́ bitə Barabas, baa nə laa vɨ zwi Yeso.

Matiu 27:41

Sheꞌ nɨniŋ, vɨɨ kwalə məfeꞌ Nwi, ghɔ vɨ vɨɨ mədeesə ŋwaꞌlə Nwi nə vəshɨꞌ taw ŋwə nɨzi,

Matiu 3:7

Luu nə, ŋwə kɨ ye vɨɨ vəyaŋ fɨ taa nwaa vɨɨ Farisii nə fɨ taa nwaa vɨɨ Sadusii, faŋ vəŋ nə jwì maa məfi muu mə Nwi fɨ ghɔ ŋwə, ŋwə gi tɨ́ vəŋ laa, «Aŋ viŋ, vaŋ-ŋkakɨ, sii nàysə ndə tɨ́ viŋ laa kaꞌ viŋ fùu fɨ taa nsɔꞌ Nwi faŋ Nwi ndɔ kwaŋ maa vɨɨ nə?

Lukas 20:1

Shi mɔ́ꞌ faŋ Yeso nəə deesə nu Nwi tɨ́ vɨɨ taa ŋii Nwi yikwalə, baa fɨꞌtə ntɔŋ yijəə Nwi tɨ́ vəŋ, vɨɨ kwalə məfeꞌ Nwi nə vɨɨ mədeesə ŋwaꞌlə Nwi nə vɨɨ taa fɨ taa ŋii Nwi jwi yɨ ŋwə,

Lukas 22:4

Ŋwə gə kà ghɔ vɨɨ kwalə məfeꞌ Nwi nə vɨɨ kwalə məshiinə ŋii Nwi, faŋ ŋwə taa kɔ Yeso tɨ́ vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:20

Viŋ lumə nu ŋkɨə faŋ mə nii gì tɨ́ viŋ laa, wuu faꞌ kee shɔ̀ɔ tii wi me. Vɨ nə shòꞌ ghuu ŋaa, vɨ taa kɨ shoꞌ ghuu ghiŋ nɨzi. Faŋ vɨ nə jìa nu kaŋ, buu vɨ taa jia nu kiŋ nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:3

Nɨniŋ, Judas ndi vəsogeꞌ nə vɨɨ faꞌ fɨ taa ŋii Nwi yikwalə faŋ nə tɔ̀ŋ vɨɨ kwalə məfeꞌ Nwi nə vɨɨ Farisii tɔ̀ŋ vəŋ. Judas ghɔ vɨ vɨɨ vɔ́ gə maa shəŋ kɔ́ nə təkiꞌ nə vətɔ və yighaw.

Akts 4:6

Anas, wuu kwalə məfeꞌ Nwi, nə Kayafas, baa nə Jɔn nə Alesanda, baa nə vɨɨ vənshə fɨ ŋiꞌ ŋii vɨɨ kwalə məfeꞌ Nwi nə luu taa ŋwaa vəŋ.

Akts 5:17

Wuu kwalə məfeꞌ Nwi nə vɨɨ vi vənshə, faŋ nə luu vɨɨ fɨ taa nshəŋtə vɨɨ Sadusii, ndɔ tɨŋ kɨ səsə vɨɨ ntɔŋ Yeso.

Akts 5:24

Vɨɨ kwalə məfeꞌ Nwi ghɔ tɨɨ vɨɨ məshii ŋii Nwi zɔ nu kɔ́, tɔ vəŋ shii maa nu ŋkɨə faŋ ŋkə gày maa vɨɨ ntɔŋ Yeso vɔ́.

Akts 5:26

Tɨɨ vɨɨ məshii ŋii Nwi, ghɔ vɨ vɨɨ vi gə ndì vəŋ, kee ndì vəŋ nə wutə me, buꞌ laa vəŋ nəə fee laa vɨɨ taa tumə vəŋ nə ŋoꞌsə.

Akts 6:12

Nɨniŋ, vəŋ jwi nə ntwaŋnə, bùulə tɔ vɨɨ vəyaŋ, nə vɨɨ taanə nə vɨɨ mədeesə ŋwaꞌlə Nwi, ghɔ vɨ vəŋ shɔɔ jwì maa Stefen, jìa ŋwə, shɔ̀ɔ gə̀ nə ŋwə vɨsɨ vɨɨ məshia nsɔꞌ,

Akts 6:7

Nɨniŋ, nu Nwi kɨ nii baa sàynə. Vɨɨ vəyaŋ kuꞌsə taa nwaa vɨɨ Yeso ntɨꞌ Jerusalem. Ŋkee vɨɨ məfeꞌ Nwi vəyaŋ nuŋ fwisə vəŋ maa nu Yeso.