Akts 3:25 - Vengo (Babungo)

²⁵ Viŋ lùu vaŋ nshiisə-ŋii sɔghɔ sɔ́, nə vaŋ məkee mbɨə faŋ Nwi nə gwìa ghɔ vətɨɨ viŋ. Nwi nə gì tɨ́ Abraham laa, ŋgwisə vɨɨ fɨ mbi yinshə ndɔ kɨ ye mənɔŋ-bwaŋnə buꞌ wee wee ŋwiŋ wi.

Akts 3:25 ပူးပေါင်းရင်းမြစ်များ

Lukas 1:72

Nwi nə gì laa, yi taa lumə məkee faŋ yi nə gwìa nə, kɨ kee gəŋsə vətɨɨ vaŋ-nsiŋ.»

Akts 13:26

Vaŋ-nshwi vaŋ, faŋ viŋ lùu vaŋ ŋiꞌ ŋii Abraham, tɨꞌnə me vɨɨ vəmɔ́ꞌ faŋ vəŋ fee Nwi nɨzi, viŋ kɔꞌ kɨɨ laa Nwi tɔ̀ŋ nu ŋkɨə faŋ ŋkə bweysə vɨɨ tɨ́ nsiŋ.

Akts 2:39

fɔnə nu kɔ́, faŋ Nwi nə kɔ̀ꞌnə maa məyɨ, lùu tɨ́ viŋ, ghɔ vɨ vaŋ viŋ, baa lùu nu vɨɨ vənshə fɨ ntaŋ, faŋ Mɔꞌmbi, Nwi ŋwaa-nsiŋ, taa shoꞌ laa vəŋ lùu mbii vɨɨ.»

Roma 15:8

Mə gì laa Kristo nə gù wuu məgaŋtə vɨɨ tɨ́ vɨɨ Isirayl, faŋ vɨ sɨ̀ɨtə vəŋ nə, maa mədə laa Nwi lùu wuu yinsəŋ, baa nə laa ŋkɔꞌnə Nwi faŋ Nwi nə kɔ̀ꞌnə tɨ́ vətɨɨ vəvəŋ nə, gù nu yinsəŋ.

Roma 4:13

Nwi nə lɨ̀ꞌtə tɨ́ Abraham nə ŋgwisə yi laa ŋwə ndɔ zɨ mbi yinshə. Luu nə, ŋwə nə kee lɨꞌtə nu kɔ́ buꞌ vənu faŋ ŋwə nə yɨ̀ faŋ mbə kùꞌnə maa ntɨsə Nwi me. Ŋwə nə kɔ̀ꞌnə nu kɔ́ tɨ́ ŋwə buꞌ faŋ ŋwə nə nùŋ fwi yi maa Nwi, Nwi kiasə vənu vi, yɨ̀sə mbə loomə.

Galatia 3:16

Ŋkə luu sheꞌ nɨndɨŋ nə ŋkɔꞌnə njyə faŋ Nwi nə kɔ̀ꞌnə tɨ́ Abraham, nə tɨ́ ŋgwi yi ŋkee fɨshi nə. Maa vɨ nyɔ̀ꞌ sheꞌ buꞌ wuu ŋiinə wi muꞌ, kee nyɔ̀ꞌ buꞌ vɨɨ vəyaŋ me. Wuu ŋiinə wi ghɔ́ muꞌ nə, lùu Yeso Kristo.

Galatia 3:29

Viŋ kɨ yɨ lùu vɨɨ Kristo, buu ŋkə də̀ laa viŋ lùu vaŋ Abraham nɨzi, buu viŋ ndɔ fi vətɔ vənshə faŋ Nwi nə kɔ̀ꞌnə, laa Nwi ndɔ kɔ tɨ́ Abraham ghɔ ŋgwisə yi.

Galatia 3:8

Vɨ nə nyɔ̀ꞌ taa ŋwaꞌlə Nwi fɨshi laa, Nwi ndɔ kiasə nu vɨɨ tətɔŋ fu ŋkə loomə, faŋ vəŋ taa kɨ nuŋ fwisə vəŋ maa Kristo. Lùu ŋiꞌ nu ŋkɨə faŋ vɨ nə nyɔ̀ꞌ taa ŋwaꞌlə Nwi, laa Nwi nə fɨ̀ꞌtə ntɔŋ yijəə tɨ́ Abraham, gì tɨ́ ŋwə laa, «Mə ndɔ tu mənɔŋ-bwaŋnə tɔ vɨɨ vənshə fɨ mbi buꞌ ghɔ.»

Reveleyshən 14:6

Mə baa kɨ ye, yè nshiiŋii Nwi yimɔ́ꞌ faŋ ŋwə vɨɨlə fɨ nɨntəŋ yizɔ, jwì nə ntɔŋ yijəə faŋ nyə gòꞌsə yighee muꞌ, fɨꞌtə tɨ́ vɨɨ vənshə fɨ taa mbi, tɨ́ məshɨ mənshə, nə təkuu tə vɨɨ tənshə, nə təghaŋ tənshə, nə ŋgwisə vɨɨ vənshə.

Reveleyshən 5:9

Vəŋ nə zwà nyay yifi laa, «A kùꞌnə maa məfi ŋwaꞌlə ghɔ́, shoꞌ vəlay vi, buꞌ laa a nə bìŋ vɨ zwi ghɔ, a ku, ywàŋ vɨɨ nə mənshi mə, yɨsə vɨɨ fɨ maa təkuu tə vɨɨ tənshə, nə təghaŋ tənshə, nə fɨ maa ŋgwisə vɨɨ vənshə, nə fɨ maa məshɨ mənshə, lùu vɨɨ Nwi.

Reveleyshən 7:9

Yiŋkii kɨ shɔɔ, mə kɨ ye, yè ŋkee nwaa vɨɨ vəyaŋ, tɨ́ kaꞌ wə kee say me. Vəŋ nə ndɔ̀ fɨ taa məshɨ mənshə, nə təkuu tənshə, nə ŋgwisə vɨɨ yinshə, nə təghaŋ tənshə, jwì tɨ̀ŋnə vɨsɨ ŋkaw kɔ́ nə vɨsɨ bi-njɨɨ yɔ́, nə njwisə fusə səmɔ́ꞌsə maa vəŋ, nə vəshay və yitee ghɔ vəŋ,