Akts 3:15 - Vengo (Babungo)

¹⁵ baa nə laa vɨ zwi wə ntɨə faŋ ŋwə lùu tɨɨ məbwey. Luu nə, Nwi yweysə ŋwə fɨ shɨ yiku, yia ye ŋwə nə sɨ.

Akts 3:15 ပူးပေါင်းရင်းမြစ်များ

Lukas 24:48

Viŋ lùu vɨɨ mbɨə faŋ vəŋ nə yè vənu vaŋ nə yisɨ, faŋ viŋ ndɔ kɨ fɨꞌtə tɨ́ vɨɨ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:4

Məbwey lùu taa yigi yɔ́. Məbwey ghɔ́ lùu yaa məley, yɨsə sɨ vɨɨ ley.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:28

Mə kɔ məbwey tɨ́ vəŋ faŋ ŋwə kee ndɔ mè me. Vəŋ kee ndɔ kukə me. Kaꞌ wə kee baa shaw vəŋ fɨ ghɔ mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:6

Yeso gi tɨ́ ŋwə laa, «Lùu mə lùu jɨɨ yɔ́. Nu yinsəŋ nə məbwey vəlwaŋ ndɔ fɨ ghɔ mə nɨzi. Kaꞌ wə kee gə ye tɨta Nwi me, maa tɨ̀ lɨꞌ laa ŋwə shɔ̀ɔ fɨ maa mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:2

A nə kɔ̀ wutə shee maa məsɔꞌ vɨɨ vənshə fɨ shɨ nsi, laa mə kɨ kɔ məbwey faŋ ŋwə gòꞌsə yighee muꞌ tɨ́ vɨɨ vənshə, faŋ a nə kɔ̀ shee nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:10

Yeso bəŋsə tɨ́ ŋwə laa, «A nii toꞌ kɨɨ nə vəkɔ və Nwi, nə wə ntɨə faŋ ŋwə gisə tɨ́ ghɔ laa, Kɔ mə nə muu mə nu, buu a bitə tɨ́ ŋwə, ŋwə kɔ ghɔ nə muu mə vəlwaŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:14

Gə fɨ maa wə ntɨə faŋ mə kɔ muu mə vəlwaŋ mbɔ́ tɨ́ ŋwə, ŋwə nu, kaꞌ twey-muu ndɔ kee baa ywey ŋwə me. Muu mbɨə faŋ mə kɔ̀ tɨ́ ŋwə nə, kiasə gù koꞌ-fɨ-nsi taa fwi ŋwə, muu fuu fɨ fuŋ, yɨ̀sə ŋwə kii məbwey vəlwaŋ faŋ ŋwə gòꞌsə yighee muꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:26

Sheꞌ faŋ Nwi kìi wutə maa məkɔ məbwey, ŋwə kɔ wutə kɔ́ tɨ́ ŋwiŋ wi nɨzi maa məkɔ məbwey tɨ́ vɨɨ.

Akts 1:22

shù fɨ faŋ Yeso nə fì muu fɨ ghɔ Jɔn, gə kɔ̀ tɨ́ yighee njyə faŋ ŋwə nə kòꞌ yizɔ nə. Bàw vɨ shoꞌ wə faŋ ŋwə nə yè vənu vɔ́ nə yisɨ.

Akts 2:24

Luu nə, Nwi yweysə ŋwə fɨ shɨ yiku, fùusə ŋwə fɨ taa ghɔ yiku, buꞌ laa wutə yiku nə kee kùꞌ maa məjia ŋwə me.

Akts 2:32

Nɨniŋ, Nwi nə ywèysə Yeso fɨ shɨ yiku, yia vənshə ye ŋwə nə sɨ ghia.

Akts 4:2

Fwisə vəŋ nə shə̀ buꞌ laa Pita ghɔ Jɔn nəə deesə vɨɨ, gi kɔ̀ŋ nu məywey fɨ shɨ yiku, laa Yeso ywèy fɨ shɨ yiku.

Akts 5:31

Nwi yweysə ŋwə fɨ shɨ yiku maa wutə ki, yɨ̀ laa ŋwə luu tɔ, baa luu wuu məbweysə vɨɨ, maa məkɔ jɨɨ tɨ́ vɨɨ Isirayl, tɨ́ kɨ kaꞌ vəŋ bìŋ nu bwə vəŋ, kwìinə fwisə vəŋ, Nwi ndenə yibɨsə vəŋ.

1 Kɔrintian 15:45

Lùu faŋ vɨ nə nyɔ̀ꞌ taa ŋwaꞌlə Nwi laa, Nwi nə bɔ̀ŋ Adam, faŋ nə lùu mfɔŋ wə faŋ ŋwə kìi məbwey. Adam mɔ́ꞌ baa lùu shɔ faŋ ŋwə nə jwì fɨ yiba. Luu Kristo faŋ ŋwə lùu wuu Zwitə Nwi, faŋ ŋwə kɔ məbwey tɨ́ vɨɨ.

Efesɔs 1:20

Ŋwə nə də̀ wutə ki kɔ́ mbɨɨ ŋwaa Kristo, faŋ ŋwə nə ywèysə ŋwə fɨ shɨ yiku, nùŋ ŋwə maa kwiŋ maꞌnə wi taa yizɔ.

Hibru 12:2

Bàw nsiŋ tə sɨ sheꞌ maa Yeso faŋ ŋwə nə ŋaꞌsə jɨɨ tɨ́ nsiŋ, tɨ́ kaꞌ nsiŋ nùŋ fwi saŋ-nsiŋ maa ŋwə. Ŋwə baa luu gaŋtə nsiŋ, tɨ́ kaꞌ nsiŋ kɨ gə nə vɨsɨ, kɨ bɨbiŋ nu ki, zìꞌ maa vəndwə. Ŋwə nə bìŋ maa məku ŋkee yiku tɔ dɨɨ fuu fəŋkɔꞌ fə ŋkɨꞌsə, kee shə̀ŋ maa nu tɔ dɨɨ kɔ́ me. Ŋwə nə tə̀ sɨ laa yi ndɔ kii məŋaytə ŋgwə faŋ Nwi nùŋsə tɨ́ ŋwə nə. Nɨniŋ, ŋwə dùꞌ fuu ŋkaw yifwàŋ maa kwiŋ maꞌnə Nwi ndwə.

Hibru 2:10

Nə bɔ̀ŋ Nwi bɔ̀ŋ vətɔ vənshə. Vətɔ vənshə baa lùu shɔ sheꞌ buꞌ ŋwə. Ŋkə nə bàw tɨ́ Nwi laa Yeso ye ŋɨꞌ, buu mètə bàw shɨlə. Nɨniŋ laa ŋwə lùu wə ntɨə faŋ ŋwə jwì nə nu məbweysə vɨɨ, yɨ̀sə vɨɨ vəyaŋ luu vaŋ vi, ŋìi taa məley wi.

Hibru 5:9

Faŋ ŋwə nə mètə faꞌ wi nshə, ŋwə gù wuu məgaŋtə vɨɨ vənshə faŋ vəŋ zɔnə ŋwə, laa vəŋ ndɔ zɨ məbwey vəlwaŋ faŋ ŋwə gòꞌsə yighee muꞌ.

1 Jɔn 5:20

Nsiŋ kɔꞌ kɨɨ laa Wee Nwi nə jwì ŋaꞌsə sɨ ŋaa-nsiŋ, tɨ́ kɨ kaꞌ nsiŋ kɨɨ nə Nwi faŋ lùu Nwi yinsəŋ. Nsiŋ lùu fa kəmuꞌ nsiŋ vɨ Nwi yinsəŋ, buꞌ faŋ nsiŋ lùu fa kəmuꞌ nsiŋ vɨ ŋwiŋ wi Yeso Kristo. Yeso lùu Nwi yinsəŋ, məbwey vəlwaŋ ghɔ ŋwə.

Reveleyshən 21:6

Ŋwə nə baa gì shee laa, «Ŋkə gay nɨniŋ. Gì mə nɨniŋ, faŋ mə lùu vɨsɨ, nə yiba. Mə lùu vənzi, baa lùu vəndwə. Mə taa kɨ kɔ muu mə məbwey faŋ mbə fuu fɨ taa koꞌ-fɨ-nsi, tɨ́ wə faŋ fwi yi yɔ̀ŋ. Mə kɔ muu mbɔ́ sheꞌ dayday.

Reveleyshən 22:1

Nshiiŋii Nwi yɔ́ baa də̀ muu mə məbwey shee, mbə nə fùu fɨ maa kenə Nwi ghɔ bi-njɨɨ yɔ́, ndwaꞌlə yaa ŋwaꞌlə məye sɨ,

Reveleyshən 22:17

Zwitə Ley Nwi nə wəzwi məndaa (faŋ ŋwə kɨꞌ Kristo nə), gì laa, «Jwi!» Wə ntɨə faŋ ŋwə zɔ, taa baa luu gì laa, «Jwi!» Wə ntɨə faŋ too muu ywèy ŋwə, ŋwə jwi. Wə ntɨə faŋ ŋwə kəə muu mə məbwey, jwi fi, vɨ kɔ tɨ́ ŋwə dayday.