Akts 3:14 - Vengo (Babungo)

¹⁴ Viŋ nə twèy wuu ley ghɔ́ faŋ nə luu wuu yinsəŋ, kɨ kəə laa vɨ fuusə wuu məzwi wə fɨ taa ŋii mfiŋ, kɔ̀ tɨ́ viŋ,

Akts 3:14 ပူးပေါင်းရင်းမြစ်များ

Matiu 27:20

Luu nə, vɨɨ kwalə məfeꞌ Nwi ghɔ vəshɨꞌ dɔɔ laa vɨɨ vɔ́ bitə Barabas, baa nə laa vɨ zwi Yeso.

Mark 1:24

«A sii taa yɨ kə nə yia, Yeso, wuu Nazaret. A jwi zwilə yia mu? - Mə kɔꞌ kɨɨ nə wə ntɨə faŋ lùu ghɔ; a luu ŋkee Wee Nwi, wuu məbweysə mbi.»

Mark 15:11

Luu nə, vɨɨ kwalə məfeꞌ Nwi vɔ́ ŋwia yisɨ tɨ́ nwaa vɨɨ vɔ́ laa vəŋ bitə Barabas, meꞌtə Yeso.

Mark 15:7

Maa yighee yɔ́, nwaa vɨɨ nə luu shɔ taa ŋii mfiŋ faŋ vəŋ nə bùulə shɨ, zwì wə. Wə mɔ́ꞌ fɨ taa ŋwaa vɨɨ vɔ́ lùu Barabas.

Lukas 1:35

Nshiiŋii Nwi yɔ́ gi tɨ́ ŋwə laa, «Zwitə Ley Nwi taa ŋii maa ghɔ. Wee ley faŋ ghɔ taa bi, vɨ taa tii ŋwə laa Wee Nwi, buꞌ laa wutə Nwi Nshɔɔ-mbi kusə ghɔ yaa ndɨŋlə.

Lukas 23:25

Nɨniŋ, ŋwə fuusə wə ntɨə faŋ vəŋ nə ndwàŋ fɨ ghɔ ŋwə nə, faŋ ŋwə nə ŋìi mfiŋ buꞌ nu məbuulə shɨ, nə məzwi wə nə, kɔ̀ tɨ́ vəŋ, ndì Yeso laa vɨ yɨ nu ŋkɨə faŋ vəŋ kàw maa ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:10

Nu ŋkɨə faŋ ŋkə də̀ laa mə lùu wuu loomə, lùu faŋ mə gə yɨ tɨta Nwi, viŋ kee baa yè mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:40

Vəŋ baa kɨ yùmə ŋkee nəŋay, gì laa, «Bey, kee lùu wə ntɨə faŋ a taa fuusə me. Yia kəə laa a fuusə Barabas, kɔ̀ tɨ́ yia.» Barabas ghɔ́ nə luu ndɔꞌ bwə.

Akts 13:28

Vəŋ nə dɔ̀ɔ laa goməna Pilate shia nsɔꞌ yi, laa vɨ zwi ŋwə, faŋ vəŋ nə kee bee yè nu bwə maa ŋwə, tɨ́ kɨ kaꞌ vəŋ zwi ŋwə shɔ me.

Akts 2:27

buꞌ laa a kee ndɔ biŋ laa zwitə kaŋ goꞌ shɨ yiku me, tɨꞌnə me laa wuu ley wə ndɔ shuu me.

Akts 22:14

Ŋwə gi laa, «Nwi vətɨɨ vaŋ-nsiŋ shòꞌ ghɔ, laa a kɨɨ nə nu ŋkɨə faŋ ŋkə lùu taa ŋkɨɨ Nwi, baa nə laa a ye wuu Nwi ŋgwə faŋ nu ki lùu kəloomə, baa zɔ̀ nu faŋ ŋkə fuu fɨ shuu ŋwə.

Akts 4:27

Yinsəŋ, fwàŋ Herod nə goməna Pɔntiɔs Pilate faynə ntɨꞌ nyə̀ ghɔ vɨ vɨɨ tətɔŋ fu, nə vɨɨ Isirayl maa məka yighaw tɔ Yeso, wuu faꞌ ley wə, faŋ a shòꞌ.

Akts 5:28

«Maa yia nə shɨ laa kɨ viŋ baa kɨ deesə nu maa yizii nyə̀ me! Luu nə, mədeesə wiŋ maa yizii yɔ́ duꞌtə ŋwə saynə taa ntɨꞌ Jerusalem nshə. Viŋ kəə yɨ laa mənshi mə wə wì ndɔ koꞌ tɔ yia mu?»

Akts 7:52

Nshiiŋii-sɔghɔ lùu shɔ, faŋ vətɨɨ viŋ kee shòꞌ ghuu ghi yimu? Vəŋ nə zwìlə vɨɨ mbɨə faŋ vəŋ nə bɨ fɔŋ gì laa wuu ley Nwi ndɔ jwi fɨ yiba. Lùu ndwə, viŋ fìŋ wuu ley Nwi ghɔ́, zwi ŋwə.

2 Kɔrintian 5:21

Nwi nə yɨ̀sə laa wə ntɨə faŋ ŋwə nə kee kɨ̀ɨ nə nu bwə me, biꞌ yibɨsə nyaa-nsiŋ, tɨ́ kaꞌ nsiŋ lùu vɨɨ loomə vɨsɨ Nwi.

Jeyms 5:6

Viŋ sɔꞌ vɨɨ mbɨə faŋ vəŋ kee yɨ nu bwə me, baa zwilə vəŋ. Vəŋ kee kìi shuu, bə̀ŋsə nu tɨ́ viŋ me.

1 Pita 3:18

Kristo nə kù yighee muꞌ buꞌ vənu vəbwəvə faŋ vɨɨ yɨ̀sə. Ŋkee wə ntɨə faŋ vənu vi lùu vəloomə, kù tɔ vɨɨ faŋ vənu vəvəŋ kee lùu vəloomə me, laa ŋwə kiasə nsiŋ, kɔ̀ tɨ́ Nwi. Vɨ nə zwì mbasə ŋwaa wi, luu nə, zwitə ki bwey.

1 Jɔn 2:1

Vaŋ vaŋ, mə nyɔꞌ vənu və̀ tɨ́ viŋ laa kɨ viŋ baa kɨ yɨ vənu vəbwəvə me. Kɨ luu laa wə gu, yɨ nu bwə, buu Yeso Kristo, wuu ley shɔ, faŋ ŋwə tɨŋ vɨsɨ Nwi, ndwaŋ Nwi tɨ́ nsiŋ.

Reveleyshən 3:7

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Filadelfia laa, «Wə ntɨə faŋ ŋwə bàw shɨlə, baa luu ŋkee wuu yinsəŋ, faŋ ŋkwa fwàŋ Deyvid lùu ghɔ ŋwə nə, faŋ ŋwə ŋaꞌsə, kaꞌ wə kee fəŋ me; ŋwə fəŋ, kaꞌ wə kee ŋaꞌsə me. Ŋwə gi laa lee,