Akts 3:13 - Vengo (Babungo)

¹³ Viŋ zɔ! Nwi vətɨɨ via Abraham nə Isak baa nə Jeykob, nəə bəŋsə wuu faꞌ wi Yeso. Luu ŋwə faŋ viŋ nə kɔ̀ tɨ́ goməna Pilate, baa twey ŋwə sɨ Pilate, faŋ ŋwə nə kəə meꞌtə ŋwə, ŋwə gə.

Akts 3:13 ပူးပေါင်းရင်းမြစ်များ

Matiu 11:27

Ŋwə nə baa gì laa lee, «Tii ŋwaa nùŋsə vənu vənshə ghɔ mə. Tuu wə kee kɨɨ nə Wee Nwi me, kɨɨ sheꞌ tɨta Nwi kɨ̀ɨ nə ŋwə. Gə fɨ maa tɨta Nwi, tuu wə kee kɨ̀ɨ nə ŋwə me, kɨɨ sheꞌ ŋwiŋ wi kɨ̀ɨ nə ŋwə, nə wə ntɨə faŋ Wee Nwi ghɔ́ kàw maa məbɨ tɨ́ ŋwə.»

Matiu 20:19

buu kɔ ŋwə tɨ́ vɨɨ tətɔŋ fu laa vəŋ shɨꞌ ŋwə, sàŋ ŋwə nə vəmfa, bèy ŋwə fuu fəŋkɔꞌ fə ŋkɨꞌsə, ŋwə ku. Vəshi kɨ ziꞌ vətia, ŋwə ywey fɨ shɨ yiku.»

Matiu 22:32

«Mə lùu Nwi Abraham, baa lùu Nwi Isak, nə Nwi Jeykob» nə yimu? (Nwi nə gi nɨniŋ maa yighee njyə faŋ vɨɨ vɔ́ nə duꞌtə vəŋ kukə fɨshi.) Nɨniŋ, ŋwə kee lùu Nwi vəŋku və nsisə me, lùu Nwi vɨɨ bweynə.»

Matiu 27:2

Vəŋ ka ŋwə, ndì ŋwə, tɔ̀ŋ ŋwə tɨ́ goməna Pilate.

Matiu 28:18

Yeso shəŋtə gə̀ yɨ vəŋ, gì tɨ́ vəŋ laa, «Nwi kɔ̀ wutə kənshə shee fɨ taa yizɔ nə fɨ nsi.

Mark 15:11

Luu nə, vɨɨ kwalə məfeꞌ Nwi vɔ́ ŋwia yisɨ tɨ́ nwaa vɨɨ vɔ́ laa vəŋ bitə Barabas, meꞌtə Yeso.

Lukas 22:57

Pita twey, gì laa, «Aŋ wəzwi, mə kee kɨɨ nə ŋwə me.»

Lukas 23:4

Goməna Pilate gi tɨ́ vɨɨ kwalə məfeꞌ Nwi nə vɨɨ mbɨə faŋ vəŋ nə bàytə yifi laa yi kee yè nu faŋ wə ŋwə̀ gù me.

Lukas 6:37

«Kɨ viŋ gi nu bwə tɔ vɨɨ me, tɨ́ kaꞌ Nwi kee ndɔ kwaŋ viŋ taa nsɔꞌ me. Kɨ viŋ shia nsɔꞌ tɔ wə me, nɨniŋ laa Nwi kee ndɔ baa kɨ shia nsɔꞌ tɔ viŋ me. Viŋ bee kii ndenə vənu vəbwəvə və vɨɨ, tɨ́ kaꞌ Nwi ndɔ ndenə vənu vəbwəvə viŋ nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:16

Faŋ nu kɔ́ nə fɔŋ lùu, vɨɨ məzwetə nu Yeso kee ta kɨ̀ɨ nə ŋiꞌ ki me. Nə luu sheꞌ maa yighee njyə faŋ Nwi kɔ̀ yikwalə tɨ́ Yeso, buu vəŋ lumə laa lùu nu ŋkɨə faŋ vɨ nə nyɔ̀ꞌ taa ŋwaꞌlə Nwi, laa ŋkə ndɔ gay, faŋ vɨ yɨ̀ maa Yeso nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:40

Vəŋ baa kɨ yùmə ŋkee nəŋay, gì laa, «Bey, kee lùu wə ntɨə faŋ a taa fuusə me. Yia kəə laa a fuusə Barabas, kɔ̀ tɨ́ yia.» Barabas ghɔ́ nə luu ndɔꞌ bwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:11

Yeso bəŋsə tɨ́ ŋwə laa, «Nə toꞌ maa kɔ Nwi kɔ̀ wutə kɔ́ tɨ́ ghɔ me, buu kaꞌ a kee kìi wutə tɔ mə me. Nɨniŋ, nu bwə wə ntɨə faŋ ŋwə nii kɔ̀ mə tɨ́ ghɔ nə, shɔɔ ŋkɨə faŋ yɨ̀ ghɔ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:12

Faŋ Pilate nə zɔ̀ nee, kɨ kəə meꞌtə Yeso. Luu nə, vɨɨ Jus baa mètə yɨyumə laa, kɨ luu ŋwə meꞌtə Yeso buu kaꞌ ŋwə kee baa lùu wuu jəə tɨ́ fwàŋ kwalə Kaysa me, buꞌ faŋ ŋwə meꞌtə wə faŋ ŋwə kəə laa yi luu fwàŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:15

Vəŋ yumə laa, vɨ baꞌsə ŋwə, bèy ŋwə fuu fəŋkɔꞌ fə ŋkɨꞌsə laa ŋwə ku. Pilate gi tɨ́ vəŋ laa, «Viŋ kəə laa mə bey fwàŋ wiŋ fuu fəŋkɔꞌ fə ŋkɨꞌsə lee?» Vɨɨ kwalə məfeꞌ Nwi bəŋsə tɨ́ ŋwə laa, vəŋ kii fwàŋ sheꞌ muꞌ, faŋ lùu Kaysa, (fwàŋ kwalə ghɔ́ fɨ shɨ Rom.)

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:39

Yeso nə gì yigi yɔ́ kɔ̀ŋ Zwitə Ley Nwi faŋ ŋkə ndɔ ŋii maa vɨɨ mbɨə faŋ vəŋ nùŋ fwisə vəŋ maa Nwi. Maa yighee yɔ́ vɨɨ nə kee ta kìi Zwitə Ley kɔ́ me, buꞌ laa Nwi nə kee ta kòꞌsə ndaw Yeso taa shəŋ yifwàŋ Nwi me.

Akts 22:14

Ŋwə gi laa, «Nwi vətɨɨ vaŋ-nsiŋ shòꞌ ghɔ, laa a kɨɨ nə nu ŋkɨə faŋ ŋkə lùu taa ŋkɨɨ Nwi, baa nə laa a ye wuu Nwi ŋgwə faŋ nu ki lùu kəloomə, baa zɔ̀ nu faŋ ŋkə fuu fɨ shuu ŋwə.

Akts 24:14

Luu nə, mə bìŋ nu kəmuꞌ tɨ́ ghɔ, laa mə bəŋsə Nwi vətɨɨ via maa jɨɨ yɔ́ faŋ vəŋ gì laa lùu jɨɨ təba. Mə biŋ vənu vənshə faŋ Mose nə nyɔ̀ꞌ taa ŋwaꞌlə Nwi, nə mbə taa vəŋwaꞌlə və nshiisə-ŋii sɔghɔ.

Akts 3:12

Faŋ Pita nə ye vɨɨ vɔ́, gì tɨ́ vəŋ laa, «Vɨɨ Isirayl, sii yɨ̀ kə laa shuu wiŋ yɔŋ maa nu kə̀? Yɨ̀ kə viŋ ndeynə yia? Viŋ bɨꞌtə laa luu ŋkia wutə laa yia yɨ wə ŋwə̀ toꞌ mu? Viŋ bɨꞌtə laa yɨ̀ yia buꞌ faŋ yia bəŋsə Nwi dɨdɨꞌ mu?

Akts 3:26

Viŋ lùu vɨɨ vɨsɨ faŋ Nwi nə ywèysə wuu faꞌ wi, tɔ̀ŋ ŋwə tɨ́ viŋ laa ŋwə tu mənɔŋ-bwaŋnə tɔ viŋ, faŋ viŋ kìasə fwi siŋ, wə nə muꞌ nə muꞌ, meꞌtə vənu vəbwəvə viŋ.»

Akts 4:27

Yinsəŋ, fwàŋ Herod nə goməna Pɔntiɔs Pilate faynə ntɨꞌ nyə̀ ghɔ vɨ vɨɨ tətɔŋ fu, nə vɨɨ Isirayl maa məka yighaw tɔ Yeso, wuu faꞌ ley wə, faŋ a shòꞌ.

Akts 4:30

Nesə ghɔ kə nɨzi, shùꞌ vəza fɨ maa vɨɨ, yɨ laa vəshwenə nə vənu və shuu yɔŋvə fuu maa yizii wuu faꞌ wə Yeso, faŋ ŋwə bàw shɨlə nə.»

Akts 7:32

Nwi gi tɨ́ ŋwə laa, «Lùu mə, Nwi vətɨɨ və. Lùu mə, Nwi Abraham nə Isak nə Jeykob.» Mose tey kɨ lɔꞌ, fèe maa məndeynə.

Roma 9:5

Vətɨɨ vaŋ-nsiŋ lùu ŋiꞌ ŋii vəŋ, nshɨ-tɔ Kristo nə fùu fɨ ŋiꞌ ŋii vəŋ yaa wə. Nsiŋ kɨ bəŋsə Kristo faŋ luu Nwi faŋ ŋwə kwàlə shɔ̀ɔ mbi yinshə, kee mè me. Ŋkə lùu nɨniŋ.

Hibru 2:9

Nsiŋ kɔꞌ kɨɨ nə Yeso faŋ Nwi nə yɨ̀sə nshiisə-ŋiisə Nwi luu vɨsɨ fɨ ghɔ ŋwə maa kuŋtə yighee, faŋ ŋwə nə yè ŋɨꞌ ku, buu Nwi kɔ yifwàŋ nə feenə tɨ́ ŋwə nə. Nɨniŋ nə, ŋwə nə kù tɔ vɨɨ vənshə, buꞌ faŋ Nwi nə kèe gəŋsə vɨɨ nə.

Reveleyshən 1:18

baa luu ŋkee wuu bwey. Mə nə ku, lùu ndwə, mə bwèy gòꞌsə yighee muꞌ. Ŋkwa yiku, nə ŋkwa shɨ vəŋku vənsisə lùu ghɔ mə, tɨ́ kɨ kaꞌ mə ŋaꞌsə baa fə̀ŋ shuu wi.

Reveleyshən 1:5

baa nə fɨ ghɔ Yeso Kristo faŋ ŋwə nə də̀ yinsəŋ Nwi ŋkee yiley, fì vɨsɨ maa məywey fɨ shɨ yiku, sɔꞌ vəfwàŋ fɨ shɨ nsi nɨzi. Ŋwə baa luu kàw nsiŋ, kù tɔ nsiŋ maa məbweysə nsiŋ fɨ taa vənu vəbwəvə vaŋ-nsiŋ,