Akts 3:10 - Vengo (Babungo)

¹⁰ Vɨɨ kɨɨ nə ŋwə laa lùu wə ntɨə faŋ ŋwə yaa kɨ duꞌ shuu ŋkɔꞌ yijəə, ndwaŋ vətɔ nə. Shuu vəŋ yɔŋ maa nu ŋkɨə faŋ ŋkə gày maa wə ghɔ́.

Akts 3:10 ပူးပေါင်းရင်းမြစ်များ

Matiu 14:35

Vəndɔŋ fɨ shəŋ kɔ́ kɨɨ nə ŋwə, tɔ̀ŋ ntɔŋ taa ntɨꞌsə kwiŋ yɔ́ sənshə. Vɨ kɨ nii jwì nə vɨɨ vəza tɨ́ ŋwə vənshə,

Lukas 4:36

Shuu vɨɨ vənshə yɔŋ, wə nə wə gi tɨ́ liŋ wi laa, «Sii lùu kəŋ yigi fə nə? Ŋwə kìi ŋkee wutə tɨ́ kaꞌ ŋwə kɨ sɔꞌ vəzwitə vəbwəvə, mbə fùu fɨ taa ŋwaa vɨɨ.»

Lukas 9:43

Shuu vɨɨ vənshə yɔŋ buꞌ wutə Nwi, faŋ ŋkə luu ŋkee kəkwalə. Maa yighee yɔ́ faŋ shuu vɨɨ vənshə nə yɔ̀ŋ maa vənu vənshə faŋ Yeso nəə yɨsə nə, ŋwə gi tɨ́ vɨɨ məzwetə nu ki laa,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:20

Lùu nɨniŋ, buꞌ laa tɨta Nwi kàw ŋwiŋ wi, baa dəsə vənu vənshə faŋ ŋwə yɨ tɨ́ ŋwiŋ wi. Nwi ndɔ baa də vənu vəkwalə vəmɔ́ꞌ tɨ́ ŋwə faŋ mbə kwàlə shɔ̀ɔ mbɨə faŋ viŋ duꞌtə viŋ ye. Shuu wiŋ taa yɔŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:3

Yeso bəŋsə tɨ́ vəŋ laa, «Sɨ fɨsə ghi nə kee jwì fɨ maa nu bwə ki me, tɨꞌnə me fɨ ghɔ nu bwə vətɨɨ vi me. Ŋkə nə gày sheꞌ laa vɨɨ ndɔ ye nu shuu yɔŋ ŋkɨə faŋ Nwi taa ndi wutə ki, yɨ̀ maa ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:8

Vɨɨ njɨɨsə vi nə vɨɨ faŋ vəŋ nə kɨ̀ɨ nə ŋwə faŋ ŋwə nəə ndwaŋ vəndwaŋ, gi laa, «Kee lùu wə ntɨə faŋ ŋwə nə dùꞌ kɨ ndwaŋ vətɔ yimu?»

Akts 2:12

Shuu vəŋ vənshə yɔŋ, tɔ vəŋ shii, vəŋ bitə vəŋ vəŋ laa, «Kəŋ nu ŋwə̀ sii də̀ kə?»

Akts 2:7

Shuu vəŋ yɔŋ, tɔ vəŋ shii, vəŋ gi laa, «Vɨɨ və̀ faŋ vəŋ gisə nee nə, kee lùu vɨɨ Galilii vənshə yimu?

Akts 3:2

Vəŋ kɨ ziꞌ taa ŋii Nwi, wə mɔ́ꞌ luu shɔ faŋ nə luu ndwey shù fɨ nə faŋ vɨ nə bi ŋwə. Vɨ nə shaꞌ ŋwə shi shi jwi, nùŋ shuu ŋii Nwi yikwalə faŋ vɨ tii laa shuu ŋkɔꞌ jəənə, tɨ́ kɨ kaꞌ ŋwə kɨ ndwaŋ vətɔ fɨ ghɔ vɨɨ faŋ vəŋ jwi ŋii shɔꞌtə Nwi. Maa shi kɔ́ vɨ nə nuŋ ndwey ghɔ́ shɔ sheꞌ maa yighee njyə faŋ Pita ghɔ Jɔn nəə shɔɔ fɨ yifi.