Akts 28:8 - Vengo (Babungo)

⁸ Tɨɨ Pɔbliɔs nə luu fuu fwaŋ nə nshɨꞌ, baa nə njyoꞌ yisuunə. Pɔɔl ŋii gə̀ yè ŋwə, shɔ̀ꞌtə Nwi tɔ ŋwə, mɔ̀ꞌ ghɔ ghi tɔ ŋwə, ŋwə bwaŋnə.

Akts 28:8 ပူးပေါင်းရင်းမြစ်များ

Matiu 10:1

Yeso kɨ nii tìi vɨɨ məzwetə nu ki njɔsə-bɔɔ, vəŋ jwi yɨ ŋwə. Ŋwə kɔ wutə tɨ́ vəŋ, tɨ́ kaꞌ vəŋ kɨ fuusə vəzwitə vəbwəvə, nə vəza vənshə nə vəndoꞌ vənshə fɨ maa vɨɨ.

Matiu 10:8

Viŋ kɨ fuusə vəza fɨ maa vɨɨ vəza, yweysə vɨɨ fɨ shɨ yiku, yɨsə zatə bwə me fɨ maa vɨɨ, fuusə vəzwitə vəbwəvə fɨ maa vɨɨ. Viŋ nə fì wutə fɨ ghɔ Nwi dayday, viŋ kɨ kɔ dayday nɨzi.

Matiu 12:13

Yeso kɨ nii gì tɨ́ wə ghɔ́ faŋ kwiŋ wi nə ku muꞌ nə laa, «Nesə kwiŋ wə!» Wə ghɔ́ nesə kwiŋ wi ghɔ́, ŋwə bwaŋnə yaa wuu mɔ́ꞌ.

Matiu 9:18

Faŋ Yeso kɨ bii gisə tɨ́ vəŋ nɨniŋ, wuu kwalə mɔ́ꞌ fɨ taa ŋii Nwi jwi, tùŋ vətɔ vəyəə vi nsi vɨsɨ ŋwə, gì laa, «Ŋwiŋ ŋwaa wəzwi ku sheꞌ ndwə ndwə. Bàw laa a jwi, mɔ̀ꞌ ghɔ maa ŋwə, ŋwə ywey.»

Mark 16:18

jia zɔsə nə ghɔ, nsə kee yɨ̀ nu maa vəŋ me. Kɨ ghaŋ wə fɨ vəŋ zɨ ndɨꞌ, ŋwə kee bee yɨ̀ nu me. Vəŋ kɨ mɔꞌ ghɔ vəŋ maa vɨɨ vəza, vəza vɔ́ kɨ bwaŋnə.»

Mark 5:23

bùꞌ ghɔ tɨ́ ŋwə dɨdɨꞌ, gì laa, «Ŋwiŋ ŋwaa wəzwi kəə ku. Bàw a jwi, mɔ̀ꞌ ghɔ maa ŋwə, ŋwə yaysə, bwèy.»

Mark 6:5

Nɨniŋ ghɔ́, kaꞌ ŋwə kee yɨ̀ nu kwalə ntɨꞌ vəŋ me, tɨ̀ lɨꞌ sheꞌ laa ŋwə mɔꞌ ghɔ tɔ mbusə vɨɨ faŋ vəŋ nə kii vəza, yɨ̀sə vəŋ bwaŋnə.

Mark 7:32

Ŋwə ziꞌ shɔ, vɨ jwi nə nshii tuulə mɔ́ꞌ tɨ́ ŋwə, faŋ ŋwə nə luu wuu ŋkwəŋ nɨzi, bùꞌ ghɔ tɨ́ Yeso laa ŋwə mɔꞌ ghɔ ki maa wə ghɔ́.

Lukas 13:13

gì nɨniŋ, mɔ̀ꞌ ghɔ maa wəzwi ghɔ́. Ŋwaa wi neꞌtə yighee muꞌ, ŋwə bəŋsə Nwi.

Lukas 4:40

Shɨshwi kɨ fiŋ, vɨɨ vənshə faŋ vəŋ nə kìi vɨɨ vəza, faŋ vəza nə lùu maa vəŋ taŋ taŋ, ndi vɨɨ vəza vɔ́, jwì nə vəŋ tɨ́ ŋwə. Ŋwə mɔꞌ ghɔ ghi maa vəŋ tɔ tɔ, shùꞌ vəza fɨ maa vəŋ.

Akts 28:7

Goməna mɔ́ꞌ nə luu shɔ maa shɨ kɔ́, yizii yi luu Pɔbliɔs. Ŋwə nə kìi fu wi mɔ́ꞌ yɨ shəŋ ŋkɨə faŋ vɨ Pɔɔl nə koꞌ mbɔꞌ-bia nə. Goməna ghɔ́ ndi yia ŋkee jəə, zə̀ yia maa vəshi vətia.

Akts 28:9

Faŋ nu kɔ́ nə gày nɨniŋ nə, vɨɨ vəza fɨ shɨ yɔ́ jwi yè Pɔɔl, ŋwə yɨsə vəŋ bwaŋnə.

Akts 9:40

Pita fuusə vəŋ vənshə fu, tùŋ vətɔ vəyəə vi nsi, shɔꞌtə Nwi, kɨ nii kìasə ŋwaa wi maa ŋku wə kɔ́, gì laa, «Tabita, ndɔ yizɔ!» Wəzwi ghɔ́ ŋaꞌsə sɨ ghi, yè Pita, ndɔ dùꞌnə.

1 Kɔrintian 12:28

Fɨ taa ŋwaa vɨɨ Nwi, Nwi shòꞌ vɨɨ mɔ́ꞌ vɨsɨ laa vəŋ lùu vɨɨ ntɔŋsə Yeso Kristo, shoꞌ vɨɨ mɔ́ꞌ laa vəŋ kɨ naysə yigi faŋ Nwi kɔ̀ tɨ́ vəŋ, baa shòꞌ vɨɨ mɔ́ꞌ laa vəŋ kɨ deesə nu ki. Ŋwə baa shoꞌ vɨɨ mɔ́ꞌ laa vəŋ kɨ yɨsə vənu və shuu yɔŋvə, baa nə vɨɨ mɔ́ꞌ laa vəŋ kɨ shuꞌ vəza fɨ maa vɨɨ vəza, nə vɨɨ mɔ́ꞌ faŋ vəŋ gaŋtə vɨɨ, nə gwisə, nə vɨɨ faŋ vəŋ gisə təghaŋ nɨŋkwiŋ nɨŋkwiŋ.

1 Kɔrintian 12:9

Wə mɔ́ꞌ baa lùu shɔ faŋ Zwitə Nwi kɔ̀ wutə tɨ́ ŋwə, tɨ́ kaꞌ ŋwə nùŋ fwi yi maa Yeso Kristo, wèꞌ shɔ. Wə mɔ́ꞌ kii ŋkee wutə fɨ ghɔ Zwitə Nwi kɔ́ maa məshuꞌ vəza fɨ maa vɨɨ.