Akts 27:2 - Vengo (Babungo)

² Pɔɔl ghɔ wə ntɨə faŋ ŋwə nyɔ̀ꞌ ŋwaꞌlə ŋwə̀, ŋii bay kwalə kəmɔ́ꞌ, faŋ ŋkə nə ndɔ̀ fɨ Adramitiəm, kɨ kəə gə ziꞌ kwiŋ shɨ Asia. Lùu faŋ yia nə ndɔ fɨ ntɨꞌ Sisaria, yia vɨ Aristarkɔs, wuu Makedonia mɔ́ꞌ fɨ ntɨꞌ Tesalonika.

Akts 27:2 ပူးပေါင်းရင်းမြစ်များ

Lukas 8:22

Kɨ luu shi mɔ́ꞌ, Yeso gə ŋìi taa bay, ghɔ vɨ vɨɨ məzwetə nu ki. Ŋwə gi tɨ́ vəŋ laa, «Nsiŋ tɔŋ maghia, gə̀ njɨɨ yi.» Vəŋ gə,

Akts 16:17

Wəzwi ghɔ́ beꞌsə Pɔɔl ghɔ vɨ vɨɨ vi, toꞌ yumə laa, «Vɨɨ və̀ lùu vɨɨ faꞌ Nwi kwalə fɨ yizɔ, vəŋ dəsə jɨɨ, tɨ́ kaꞌ viŋ shɔ̀ɔ fuŋ, ndɔ̀ bwèy.»

Akts 17:1

Vəŋ gə nɨniŋ, shɔ̀ɔ fɨ Amfipolis nə Apolonia, gə̀ zìꞌ Tesalonika, faŋ ŋii məshɔꞌtə Nwi vɨɨ Jus nə luu yifi.

Akts 19:19

Vɨɨ vəyaŋ faŋ vəŋ nəə toꞌ fia ŋay, baa kìi vəŋwaꞌlə və ŋaysə, bàytə vəŋwaꞌlə vɔ́, twàŋ sɨ vɨɨ vəyaŋ ntee. Vɨ nə sày shwaŋ vəŋwaꞌlə vɔ́ vənshə, ŋwə fuu yaa vəmba və ka njɔsə-tee.

Akts 19:29

Shɨ kɔ́ kənshə kɨ nii luu ŋkee kəbuulə kəbuulə, vɨɨ vənshə nyɨŋ gə̀ maa shəŋ vəghay, fùu jìa Gayɔs nə Aristarkɔs, vɨɨ Makedonia, faŋ nə luu vɨɨ ghuu yitoꞌ Pɔɔl.

Akts 2:9

Maa nsiŋ lùu vɨɨ Partia nə vɨɨ Media, nə vɨɨ Elam, nə vɨɨ Mesopoteymia, nə vɨɨ Jus, nə vɨɨ Kapadosia, nə vɨɨ fɨ Pɔntɔs, nə fɨ Asia,

Akts 21:5

Faŋ vəshi via nə kùꞌnə maa məshi yifi, yia baa ndɔ̀ fɨ yifi. Vɨɨ vɔ́ vənshə ndi yia nə vəki vəvəŋ nə vaŋ vəŋ, tòꞌ fùu fɨ taa shɨ, yia vɨ vəŋ tuŋ vətɔ vəyəə via nsi shuu muu, shɔ̀ꞌtə Nwi,

Akts 28:10

Vəŋ kɔ feenə tɨ́ yia ŋkee dɨdɨꞌ. Yighee məgə yia kuꞌnə, vəŋ kɔ vətɔ və yitoꞌ tɨ́ yia ŋkee jəə.

Akts 28:12

Yia ŋii taa bay kɔ́, gə̀ zìꞌ shɨ Sayrəkius, shì shɔ vəshi vətia,

Akts 28:16

Nɨniŋ, yia gə ŋìi taa shɨ Rom. Faŋ yia nə zìꞌ Rom, vɨ nə shòꞌtə fɨ maa Pɔɔl, biŋ laa ŋwə fuu fɨ taa ŋkɔꞌ vəsogeꞌ, shi ŋgɨɨ-ŋwə ghɔ sogeꞌ mɔ́ꞌ, faŋ ŋwə nəə shiinə ŋwə.

Akts 28:2

Vɨɨ shɨ vɔ́ nə sàylə maa yia, kèe gəŋ sia, twàŋ məŋkɔꞌ tɨ́ kaꞌ yia zwà wisə, buꞌ laa yighuu nəə sɨsiꞌ, gwə koo yia.

Kɔlɔsii 4:10

Aristarkɔs faŋ ŋwə lùu feenə taa ŋii mfiŋ yia ŋwə mɔ́ꞌ, shɔꞌtə viŋ. Mark, wee weenshu Barnabas, shɔꞌtə viŋ nɨzi. Mə duꞌtə mə nyɔꞌ vənu kɔ̀ŋ ŋwə tɨ́ viŋ. laa ŋwə taa jwi yɨ viŋ, viŋ jia ŋwə jəə.

Filemon 1:24

Mark nə Aristarkɔs nə Dimas, nə Lukas, faŋ yia vɨ vəŋ faꞌ mɔ́ꞌ nə, shɔꞌtə viŋ nɨzi.