Akts 27:1 - Vengo (Babungo)

¹ Kɨ lùu shi mɔ́ꞌ vɨ gi laa Pɔɔl ŋii taa bay, gə Itali. Nɨniŋ, vɨ kɔ Pɔɔl ghɔ vɨ vɨɨ ŋii mfiŋ vəmɔ́ꞌ tɨ́ tɨɨ vəsogeꞌ mɔ́ꞌ, faŋ yizii yi nə luu Julius. Ŋwə nə luu fɨ taa nwaa vəsogeꞌ vɨ fwàŋ kwalə Kaysa.

Akts 27:1 ပူးပေါင်းရင်းမြစ်များ

Matiu 27:54

Tɨɨ vəsogeꞌ ghɔ vɨ vɨɨ vi faŋ vəŋ nə dùꞌ, kɨ ndeynə Yeso nə, ye mənəꞌnə nsi ghɔ́, baa nə vənu vənshə faŋ mbə nə gày, vəŋ fee dɨdɨꞌ, gì laa, «Ŋkee yinsəŋ, nə luu ŋkee Wee Nwi nə.»

Lukas 23:47

Faŋ tɨɨ vəsogeꞌ nə yè nu ŋkɨə faŋ ŋkə gày, ŋwə bəŋsə Nwi, gì laa, «Yinsəŋ, wə ŋwə̀ nə luu wuu loomə.»

Lukas 7:2

Tɨɨ vəsogeꞌ mɔ́ꞌ nə luu shɔ faŋ ŋwə nə kìi buꞌ wi faŋ ŋwə nə kàw. Buꞌ ghɔ́ nə zɨzasə, luu shuu yiku.

Akts 10:1

Wə mɔ́ꞌ nə luu shɔ, ntɨꞌ Sisaria, yizii yi luu Kɔrniliɔs. Ŋwə nə luu tɨɨ vəsogeꞌ taa ŋii njɔŋ faŋ vɨ nəə tii nə ŋii njɔŋ vɨɨ Itali.

Akts 10:22

Vəŋ bəŋsə tɨ́ ŋwə laa, «Tɔŋ Kɔrniliɔs, tɨɨ vəsogeꞌ, wə faŋ ŋwə fee Nwi, tɔ̀ŋ yia. Jɨɨ yi lùu yiloomə. Vɨɨ vənshə fɨ shɨ Judia gisə jəə buꞌ ŋwə. Nshiiŋii Nwi fùu yikəꞌ ŋwə, gì tɨ́ ŋwə laa ŋwə tii ghɔ, laa a jwi taa ŋii ŋwə, ŋwə taa zɔ nu ŋkɨə faŋ a taa gi tɨ́ ŋwə.»

Akts 16:10

Faŋ njyəə yɔ́ nə shì Pɔɔl nɨniŋ nə, vəŋ kəə bay maa mətɔŋ gə̀ njɨɨ Makedonia, buꞌ laa vəŋ nə kɨɨ laa tii Nwi tii vəŋ, laa vəŋ tɔŋ gə̀ fɨ̀ꞌtə ntɔŋ yijəə Nwi tɨ́ vɨɨ Makedonia.

Akts 18:2

Faŋ ŋwə nə ziꞌ yifi, yè wuu Jus mɔ́ꞌ faŋ yizii yi luu Akwila. Vɨ nə bì ŋwə shɨ Pɔntɔs. Ŋwə nə bɨ kɨ jɨjwi fɨ shɨ Itali ghɔ zu wi Prisila, buꞌ faŋ fwàŋ Klɔɔdiɔs nə kɔ̀ sɔꞌ laa vɨɨ Jus vənshə fuu fɨ shɨ Rom, faŋ lùu nsi Itali. Pɔɔl nə gə ye vəŋ,

Akts 19:21

Yiŋkii kɨ shɔɔ, Pɔɔl kwaꞌtə fɨ tɔ ŋwə laa yi taa shɔɔ fɨ shɨ Makedonia, baa nə fɨ shɨ Akaya, buu bə̀ŋ gə Jerusalem. Ŋwə gi laa, «Mə taa ziꞌ yifi, buu kaꞌ mə gə ye shɨ Rom nɨzi.»

Akts 21:32

Sheꞌ yighee muꞌ tɨɨ vəsogeꞌ ghɔ́ ndi vəsogeꞌ ghɔ vətɨɨ və vəsogeꞌ vəmɔ́ꞌ, siꞌ jwì, ghɔ vɨ vəŋ gə yè nu kɔ́. Faŋ vɨɨ nə yè tɨɨ vəsogeꞌ ghɔ́, ghɔ vɨ vəsogeꞌ, meꞌtə, kee baa kɨ saŋ Pɔɔl me.

Akts 22:26

Faŋ tɨɨ vəsogeꞌ nə zɔ̀ nɨniŋ, ndɔ̀ gə̀ yè tɨɨ vəsogeꞌ kwalə, gì tɨ́ ŋwə laa, «A sii taa yɨ kɨkə? Wə ghɔ́ lùu wuu Rom.

Akts 23:11

Kɨ luu vətuꞌ shi kɔ́, tɨta Yeso fuu yikəꞌ Pɔɔl, tɨŋ yɨ ŋwə, gì tɨ́ ŋwə laa, «Kɨ fwi yə lɔꞌ me! A nə gì nu kaŋ ntee ntɨꞌ Jerusalem; a ndɔ ghaa gi nu kaŋ shɨ Rom sheꞌ nɨniŋ.»

Akts 23:17

Pɔɔl tii tɨɨ vəsogeꞌ mɔ́ꞌ, nàysə tɨ́ ŋwə laa ŋwə ndi weembwa ghɔ́, ghɔ ŋwə gə yè tɨɨ vəsogeꞌ kwalə, buꞌ laa ŋwə kìi nu maa mənaysə tɨ́ ŋwə.

Akts 24:23

Ŋwə kɨ nii nàysə tɨ́ tɨɨ vəsogeꞌ mɔ́ꞌ, laa vɨ baa kwàŋ Pɔɔl taa ŋkɔꞌ, kee baa kɨ jia ŋwə bwə me, kee kɨ twey vɨɨmba Pɔɔl maa məjwi ye ŋwə, gàŋtə ŋwə me.

Akts 25:12

Goməna Festɔs zɔ nu kɔ́, gə̀ gì ghɔ vɨ vəshɨꞌ vi, bə̀ŋ jwì gì tɨ́ Pɔɔl laa, «A nii tìi yizii fwàŋ kwalə ŋwaa-nsiŋ Kaysa nə, a ndɔ gə ye fwàŋ kwalə ghɔ́.»

Akts 25:25

Luu nə, mə kee ye tuu nu faŋ ŋwə nə yɨ̀sə kəbwə, tɨ́ kaꞌ vɨ zwi ŋwə shɔ me. Luu nə, ŋwə nə gì laa yi kəə laa fwàŋ kwalə ŋwaa-nsiŋ ndɔ shia nsɔꞌ yi. Nɨniŋ, mə ndɔ tɔŋ ŋwə shɔ.

Akts 27:11

Pɔɔl nə gì nɨniŋ, tɨɨ vəsogeꞌ kee biŋ me, biŋ sheꞌ yigisə tɨɨ bay, nə wə ntɨə faŋ ŋwə nəə dɔŋsə bay kɔ́ nə.

Akts 27:43

Luu nə, tɨɨ vəsogeꞌ nə kəə bweysə Pɔɔl , twey laa kɨ vɨ zwilə vəŋ me. Ŋwə gi laa bàw vɨɨ mbɨə faŋ vəŋ kɨɨ saŋ muu, vəŋ fuu, fì vɨsɨ, shə̀ŋ taa muu, sàŋ muu, gə̀ mbɔꞌ bia, koꞌ,

Akts 27:6

Tɨɨ vəsogeꞌ ghɔ́ ye bay kwalə kəmɔ́ꞌ faŋ ŋkə nə ndɔ̀ fɨ shɨ Alesandria, kɨ kəə tɔŋ gə Itali. Ŋwə gi yia fuu, ŋìi taa bay yiŋkii.

Akts 28:1

Faŋ yia nə bwèy vənshə, kɨ nii zɔ laa shəŋ nsi ŋkɨə faŋ yia nə fùu, lùu shɔ nə, vɨ tii nə Mɔlta.

Akts 28:16

Nɨniŋ, yia gə ŋìi taa shɨ Rom. Faŋ yia nə zìꞌ Rom, vɨ nə shòꞌtə fɨ maa Pɔɔl, biŋ laa ŋwə fuu fɨ taa ŋkɔꞌ vəsogeꞌ, shi ŋgɨɨ-ŋwə ghɔ sogeꞌ mɔ́ꞌ, faŋ ŋwə nəə shiinə ŋwə.

Hibru 13:24

Viŋ shɔꞌtə vɨɨ taa fɨ taa ŋwaa viŋ vənshə, ghɔ vɨ vɨɨ Nwi vənshə. Vɨɨ Nwi mbɨə faŋ vəŋ nə ndɔ̀ fɨ shɨ Itali, shɔꞌtə viŋ.