Akts 26:7 - Vengo (Babungo)

⁷ Ŋiꞌ nu ŋkɨə faŋ vɨɨ Jus kwàŋ mə taa nsɔꞌ, mɔɔ fwàŋ, luu sheꞌ ŋkɔꞌnə njyə faŋ məshɨ maa-nsiŋ njɔsə-bɔɔ kəə kii, faŋ vəŋ bəŋsə Nwi vətuꞌ nə shɨshwi nə, kee bwa me.

Akts 26:7 ပူးပေါင်းရင်းမြစ်များ

Matiu 19:28

Yeso gi tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa, yighee njyə faŋ Nwi ndɔ naysə mbi, nyə gu yifi, Wuu yinsəŋ Nwi ndɔ duꞌ fuu ŋkaw məsɔꞌ mbi. Gə fɨ maa viŋ faŋ viŋ bèꞌsə mə nə, viŋ ndɔ duꞌ fuu vəŋkaw və məsɔꞌ njɔsə-bɔɔ nɨzi, kɨ sɔꞌ ŋgwisə ŋiꞌ ŋii Isirayl njɔsə-bɔɔ nə.

Lukas 2:25

Maa yighee yɔ́ wə mɔ́ꞌ nə luu shɔ ntɨꞌ Jerusalem, yizii yi luu Saymon. Ŋwə nəə yɨsə vənu faŋ mbə lùu vəloomə, kɔ feenə tɨ́ Nwi, kɨꞌ sheꞌ wə ntɨə faŋ Nwi nə kɔ̀ꞌnə maa mətɔŋ maa məzwisə fwisə vɨɨ Isirayl. Zwitə Nwi luu maa ŋwə.

Lukas 22:30

Viŋ ndɔ zɨ maa shəŋ ŋkɨə faŋ mə zɨ shɔ taa yifwàŋ Nwi, ndɔ duꞌ fuu vəkenə, kɨ sɔꞌ məshɨ mə Isirayl njɔsə-bɔɔ nə.»

Akts 20:31

Nɨniŋ, viŋ kɨ shi nə yikɨꞌ, lumə faŋ nsiŋ nə shì mɔ́ꞌ maa ŋuꞌsə tia, mə nəə tɨsə viŋ wə nə muꞌ nə muꞌ, vətuꞌ nə shɨshwi, kee bwa me, mənsɨ baa sìꞌ fɨ sɨ mə buꞌ viŋ.

Akts 24:15

Mə kìi məbiŋ maa Nwi sheꞌ yaa vəŋ kìi, laa vɨɨ vənshə, vɨɨ bwənə nə vɨɨ jəənə ndɔ ywey fɨ shɨ yiku.

Akts 26:2

«Fwàŋ Agripa, lùu nu jəə tɨ́ mə ndee maa məfi tɔ kaŋ fɨ ghɔ ghɔ, buꞌ vənu vənshə faŋ vɨɨ Jus gì kɔ̀ŋ mə,

Akts 26:3

buꞌ faŋ ghɔ kɔꞌ kɨɨ nə nuŋsə vɨɨ Jus vənshə, nə ntaysə vəŋ buꞌ nuŋsə yɔ́. Nɨniŋ, mə bùꞌ ghɔ laa a jia fwi yə, zɔ̀ nu ŋkɨə faŋ mə taa gi.

Akts 28:20

Lùu ŋiꞌ nu ŋkɨə faŋ mə tìi viŋ shɔ nə, laa mə naysə nu kɔ́ tɨ́ viŋ. Vɨ kà mə nə vəsumə və̀, luu buꞌ laa mə biŋ ŋkɔꞌnə njyə faŋ Nwi nə kɔ̀ꞌnə tɨ́ vɨɨ Isirayl nə.»

Filipi 3:11

Nɨniŋ laa kaꞌ mə ziꞌ maa məywey fɨ shɨ yiku yuu ŋwə nɨzi.

1 Tesalonika 3:10

Yia shɔꞌtə Nwi ŋkee dɨdɨꞌ vətuꞌ nə shɨshwi, laa ŋwə biŋ yia jwi yè viŋ nə sɨ, gaŋtə viŋ maa nu ŋkɨə faŋ viŋ bəə fɨ taa məbiŋ wiŋ, tɨ́ kaꞌ viŋ tɨ̀ŋnə weꞌ maa nu Nwi.

1 Timoti 5:5

Gə fɨ maa zu ŋku faŋ ŋwə dùꞌ tɔ ŋwə, tuu wə muꞌ kee lùu ghɔ ŋwə me, ŋwə kɨꞌ vənu vənshə fɨ ghɔ Nwi, wèꞌ maa məbuꞌ ghɔ tɨ́ Nwi, shɔꞌtə Nwi vətuꞌ baa nə shɨshwi.

Jeyms 1:1

Lùu mə Jeyms, wuu faꞌ Nwi nə Yeso Kristo, faŋ mə shɔꞌtə viŋ, vɨɨ Nwi fɨ taa məshɨ mə Isirayl njɔsə-bɔɔ, faŋ viŋ sàykə taa mbi.