Akts 26:22 - Vengo (Babungo)

²² Jwi kɔ tɔ və-ndee, gaŋtə Nwi gaŋtə mə, laa mə kɨ tɨtɨŋnə, fɨꞌtə nu Nwi tɨ́ vɨɨ kwalə nə tɨ́ vɨɨ tɨtiꞌ, fɨꞌtə sheꞌ nu ŋkɨə faŋ nshiisə-ŋii sɔghɔ nə Mose nə fɨ̀ꞌtə laa ŋkə ndɔ gay nə.

Akts 26:22 ပူးပေါင်းရင်းမြစ်များ

Matiu 26:24

Wuu yinsəŋ Nwi taa ndi, yuu vɨ nə nyɔ̀ꞌ buꞌ ŋwə taa ŋwaꞌlə Nwi. Luu nə, ndwaŋ tɔ wə ntɨə faŋ ŋwə fìŋ Wuu yinsəŋ Nwi ghɔ́. Ŋkə nə bàw tɨ́ wə ghɔ́ laa kɨ vɨ bi ŋwə me.»

Lukas 16:28

Mə kii vaŋ-nshwi vaŋ tee. Bàw ŋwə gə, tɨ̀ vəŋ nəŋay, laa kɨ vəŋ ndɔ kɨ jwi, ŋii maa shəŋ ŋɨꞌ kə̀ me.»

Lukas 24:27

Ŋwə gi tɨ́ vəŋ nɨniŋ, kɨ nii zì kɨ twelə ŋiꞌ təgi tənshə fɨ taa ŋwaꞌlə Nwi faŋ ntə kɔ̀ŋ wuu məbweysə vɨɨ ghɔ́, zì fɨ taa ŋwaꞌlə Mose, shɔ̀ɔ fɨ taa vəŋwaꞌlə və nshiisə-ŋii sɔghɔ vənshə.

Lukas 24:44

kɨ nii gì tɨ́ vəŋ laa, «Maa yigisə nyaa, faŋ mə nə gì tɨ́ viŋ, faŋ nsiŋ nə luu mɔ́ꞌ nə, lùu laa vənu vənshə faŋ mbə lùu taa ŋwaꞌlə ntɨsə Mose, nə taa vəŋwaꞌlə və nshiisə-ŋii sɔghɔ, nə taa ŋwaꞌlə Sam, kɔ̀ŋ mə, ndɔ gay vənshə.»

Lukas 24:46

Ŋwə gi tɨ́ vəŋ laa, «Vɨ nə nyɔ̀ꞌ taa ŋwaꞌlə Nwi laa nu Kristo, wuu məbweysə vɨɨ, lùu laa ŋwə ye ŋɨꞌ, vəshi kɨ ziꞌ vətia, ŋwə ywey fɨ shɨ yiku,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:17

Mose nə də ntɨsə Nwi tɨ́ nsiŋ. Gə̀ fɨ maa Yeso Kristo faŋ lùu məley ghɔ́, ŋwə jwi də̀ nu məkee gəŋsə, nə nu yinsəŋ nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:45

Fɨkɨꞌ Filip ye Nataniel, gì tɨ́ ŋwə laa, «Yia yè wə ntɨə faŋ Mose nə nshiisə-ŋii sɔghɔ nə nyɔꞌ kɔ̀ŋ ŋwə taa ŋwaꞌlə Nwi. Lùu Yeso, wuu Nazaret, wee Josef.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:39

Viŋ tii ŋwaꞌlə Nwi, buꞌ laa viŋ bɨ̀ꞌtə laa viŋ taa kii məbwey vəlwaŋ faŋ ŋwə gòꞌsə yighee muꞌ taa tey yi. Yinsəŋ, ŋwaꞌlə ghɔ́ gisə nu kɔ̀ŋ mə nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:46

Viŋ nə toꞌ biŋ Mose ghɔ́, buu viŋ bìŋ mə nɨzi, buꞌ laa ŋkee fɨshi Mose nə nyɔ̀ꞌ vənu kɔ̀ŋ mə.

Akts 10:43

Nshiisə-ŋii sɔghɔ vənshə fɨ ywaŋ-vɨsɨ, nə gi kɔ̀ŋ ŋwə ntee, laa wə tɨ̀ me wə faŋ ŋwə bìŋ ŋwə, buu vənu vəbwəvə vi taa mè, sheꞌ buꞌ yizii Yeso.»

Akts 13:29

Nɨniŋ, vəŋ yɨ vənu vənshə faŋ vɨ nə ŋwàꞌlə buꞌ ŋwə taa ŋwaꞌlə Nwi. Vɨ kɨ nii sùꞌsə ŋwə fɨ mbɨɨ tɨ ŋkɨꞌsə, nùŋ ŋwə taa swi.

Akts 24:14

Luu nə, mə bìŋ nu kəmuꞌ tɨ́ ghɔ, laa mə bəŋsə Nwi vətɨɨ via maa jɨɨ yɔ́ faŋ vəŋ gì laa lùu jɨɨ təba. Mə biŋ vənu vənshə faŋ Mose nə nyɔ̀ꞌ taa ŋwaꞌlə Nwi, nə mbə taa vəŋwaꞌlə və nshiisə-ŋii sɔghɔ.

Akts 26:17

Mə taa gaŋtə ghɔ fɨ ghɔ vɨɨ Isirayl, nə fɨ ghɔ vɨɨ tɔmə day, faŋ mə taa tɔŋ ghɔ tɨ́ vəŋ.

Akts 26:6

Mə lùu maa nsɔꞌ ndwə, buꞌ laa mə biŋ laa Nwi ndɔ yɨ nu ŋkɨə faŋ Nwi nə kɔ̀ꞌnə tɨ́ vətɨɨ vaŋ-nsiŋ.

Akts 28:23

Vəŋ kɨ nii tə̀ shi tɨ́ ŋwə, jwì maa shəŋ ŋkɨə faŋ ŋwə nəə shi shɔ ŋkee vəyaŋ. Ŋwə fɨꞌtə nu yifwàŋ Nwi tɨ́ vəŋ, zì fɨ nshia-ndoo-mbisɨ, ziꞌ tɨ́ vətuꞌ, gisə tɨ́ vəŋ ntee laa lùu nu yinsəŋ, baa twelə nu Yeso tɨ́ vəŋ fɨ taa ŋwaꞌlə nuŋsə Mose, nə fɨ taa vəŋwaꞌlə və nshiisə-ŋii sɔghɔ.

Roma 3:21

Luu nə, Nwi də̀ jɨɨ tɨ́ vɨɨ ndwə faŋ ŋwə kìasə vənu və vɨɨ, mbə loomə buꞌ Kristo. Kaꞌ wə kee shɔ̀ɔ sheꞌ fɨ maa mənuŋsə ntɨsə Nwi me. Nɨniŋ, vɨ nə nyɔꞌ kɔ̀ŋ jɨɨ yɔ́ ŋkee taa ŋwaꞌlə ntɨsə Nwi ghɔ́, nə taa vəŋwaꞌlə və nshiisə-ŋii sɔghɔ.

1 Kɔrintian 15:3

Nu ŋkɨə faŋ mə nə fɔŋ fɨ̀ꞌtə tɨ́ viŋ, luu sheꞌ nu ŋkɨə faŋ mə nə zɔ̀ nɨniŋ nɨzi. Ntɔŋ yɔ́ lùu laa Yeso nə ku buꞌ yibɨsə nyaa-nsiŋ, sheꞌ faŋ vɨ nə nyɔ̀ꞌ taa ŋwaꞌlə Nwi laa ŋkə ndɔ gay nɨniŋ.

1 Kɔrintian 15:4

Ŋwə nə ku, vɨ təə ŋwə. Kɨ luu vəshi vətia, Nwi yweysə ŋwə fɨ shɨ yiku, sheꞌ faŋ vɨ nə nyɔ̀ꞌ taa ŋwaꞌlə Nwi laa ŋkə ndɔ luu nɨniŋ.

2 Timoti 3:11

Vɨɨ shoꞌ ghuu ŋaa, kwàŋ mə taa ŋɨꞌ faŋ ŋkə nə gày maa məshɨ mə Antiɔk, baa nə Ikoniɔn, baa nə Listra. Vɨ nə shòꞌ ghuu ŋaa nɨniŋ, mə jia fwi nyaa. Nɨniŋ, tɨta Nwi fuusə mə fɨ taa vənu vɔ́ vənshə.

Reveleyshən 11:18

Fwisə vɨɨ məshɨ məshɨ nə shə. Fwi yə baa lùu shə, jia vəŋ. Yighee kùꞌ maa məsɔꞌ vəŋku vənsisə, baa nə maa məkey vɨɨ faꞌ və, nshiisə-ŋii sɔghɔ sə, nə vɨɨ mbɨə faŋ vəŋ ley vɨsɨ ghɔ, nə vɨɨ mbɨə faŋ vəŋ nəə fee yizii yə, vɨɨ kwalə nə vɨɨ faŋ vəŋ kee lùu nu me. Yighee kùꞌ maa məndisə vɨɨ mbɨə faŋ vəŋ nəə bɨsə shɨ nsi nə.»

Reveleyshən 15:3

zwà nyay Mose, wuu faꞌ Nwi, nə nyay wee-bi-njɨɨ ghɔ́, laa, «Nu ŋkɨə faŋ a yɨsə, lùu nu kwalə, luu ŋkee nu shuu yɔŋ mɔɔ, tɨta Nwi Nshɔɔ-mbi, jɨɨsə sə bɔ̀ŋsə, baa lùu yinsəŋ mɔɔ, fwàŋ ŋgwisə vɨɨ vənshə.

Reveleyshən 20:12

Mə kɨ nii yè vəŋku vənsisə vəkwalə nə vətiitə, vəŋ tɨŋ vɨsɨ kenə kɔ́. Vɨ ŋaꞌsə vəŋwaꞌlə, baa ŋaꞌsə ŋwaꞌlə mɔ́ꞌ faŋ lùu ŋwaꞌlə məbwey vəlwaŋ. Vɨ sɔꞌ vəŋku vənsisə maa nu ŋkɨə faŋ vəŋ nə yɨ̀sə, faŋ vɨ nə nyɔ̀ꞌ taa vəŋwaꞌlə vɔ́.