Akts 26:20 - Vengo (Babungo)

²⁰ Mə kɨ nii gə fɨ̀ꞌtə nu Nwi tɨ́ vɨɨ ntɨꞌ Damaskɔs, laa vəŋ kwiinə fwisə vəŋ, nùŋ maa Nwi, kɨ yɨsə vənu faŋ mbə kùꞌnə maa vɨɨ, faŋ vəŋ nə kwìinə fwisə vəŋ. Mə kɨ nii baa shɔ̀ɔ gə̀ maa vɨɨ fɨ ntɨꞌ Jerusalem, nə maa vɨɨ vənshə faŋ vəŋ lùu shɨ Judia, baa nə vɨɨ fɨ taa məshɨ məday.

Akts 26:20 ပူးပေါင်းရင်းမြစ်များ

Matiu 3:2

gisə laa, «Viŋ kwiinə fwi siŋ, buꞌ laa nu yifwàŋ yizɔ luu nshənə.»

Matiu 3:8

Bàw viŋ yɨ vənu faŋ mbə kuꞌnə yaa vɨɨ faŋ vəŋ kwìinə fwisə vəŋ.

Matiu 4:17

Nə luu maa yighee yɔ́, Yeso tey kɨ fɨꞌtə nu Nwi, gisə laa, «Viŋ kwiinə fwi siŋ, buꞌ laa nu yifwàŋ yizɔ luu nshənə.»

Matiu 9:13

Viŋ gə kɨ kwaꞌtə tɔ kiŋ maa nu ŋkɨə faŋ Nwi nə gì laa, «Mə kəə laa vɨɨ kɨ gaŋtə vɨɨ, shɔ̀ɔ faŋ vəŋ feꞌ ŋwə.» Mə nə kee jwì maa mətii vɨɨ mbɨə faŋ vənu vəvəŋ lùu vəloomə me; mə nə jwì maa mətii vəyɨ-kəbwə laa vəŋ kwiinə fwisə vəŋ.»

Mark 6:12

Yeso mètə yigi yi yɔ́, vɨɨ məzwetə nu ki fuu, gə̀ kɨ fɨꞌtə nu Nwi laa vɨɨ kwiinə njɨɨnə vəŋ.

Lukas 1:16

Ŋwə ndɔ kiasə vɨɨ Isirayl vəyaŋ, laa vəŋ baa kɨ nuŋ fwi vəŋ maa Nwi.

Lukas 13:3

Ŋkə kee lùu nɨniŋ me. Viŋ zɔ! Mə gì tɨ́ viŋ laa viŋ kɨ luu kee kwiinə fwi siŋ me, buu viŋ vənshə ndɔ kɨ kukə sheꞌ nɨniŋ.

Lukas 13:5

Bey, mə gì tɨ́ viŋ laa, viŋ kɨ luu kee kwìinə fwi siŋ me, buu viŋ vənshə ndɔ kɨ kukə sheꞌ nɨniŋ.»

Lukas 15:10

Mə naysə tɨ́ viŋ laa, nshiisə-ŋiisə Nwi ŋaytə sheꞌ nɨniŋ maa wuu məyɨ nu bwə muꞌ faŋ ŋwə kwiinə fwi yi.»

Lukas 15:7

Viŋ zɔ! Mə naysə tɨ́ viŋ laa vɨ ŋaytə yizɔ sheꞌ nɨniŋ buꞌ yɨ-kəbwə muꞌ, faŋ ŋwə kwìinə fwi yi, shɔ̀ɔ faŋ vɨ ŋaytə maa vɨɨ njɔsə-buumuꞌ muu-buumuꞌ faŋ vənu vəvəŋ lùu vəloomə, faŋ nu kee ghɔꞌ vəŋ laa vəŋ kwiinə fwisə vəŋ me.»

Akts 11:18

Vɨɨ Jus vɔ́ zɔ nɨniŋ, gày, kɨ bəŋsə Nwi, gi laa, «Yinsəŋ, Nwi kɔ̀ jɨɨ tɨ́ vɨɨ tɔmə day nɨzi, laa vəŋ kwiinə fwisə vəŋ, zɨ̀ məbwey vəlwaŋ nɨzi.

Akts 15:19

Nɨniŋ, mə bɨꞌtə ŋkaŋ laa, kɨ vɨ baa kɨ kɔ ŋɨꞌ tɨ́ vɨɨ tətɔŋ fu me. Vəŋ lùu vɨɨ faŋ vəŋ nə bɨ kee kɨ̀ɨ nə Nwi me, kwìinə fwisə vəŋ ndwə, biŋ nu Nwi.

Akts 17:30

Nɨniŋ, Nwi ndenə vənu mbɨə faŋ viŋ nə yɨsə nshi yighee vɨsɨ. Lùu ndwə, ŋwə gì tɨ́ vɨɨ vənshə maa vəshəŋ vənshə, laa vəŋ kwiinə fwisə vəŋ,

Akts 2:38

Pita gi tɨ́ vəŋ laa, «Viŋ kwiinə fwi siŋ, fì muu mə Nwi tɔ tɔ, maa yizii Yeso Kristo, laa Nwi ndenə vənu vəbwəvə viŋ faŋ viŋ nə yɨ̀sə, buu viŋ fi Zwitə Ley Nwi, faŋ Nwi taa key viŋ shɔ nə,

Akts 20:21

Mə nə gì tɨ́ vɨɨ Jus nə tɨ́ vɨɨ Griik, laa vəŋ kwiinə fwisə vəŋ, nùŋ maa Nwi, nə maa tɨta Yeso Kristo.

Akts 26:17

Mə taa gaŋtə ghɔ fɨ ghɔ vɨɨ Isirayl, nə fɨ ghɔ vɨɨ tɔmə day, faŋ mə taa tɔŋ ghɔ tɨ́ vəŋ.

Akts 26:19

Nɨniŋ, fwàŋ Agripa, mə nə kee kìi wutə maa mətwey nu wə ntɨə faŋ ŋwə nə jwì fɨ yizɔ nə me.

Akts 3:19

Nɨniŋ, viŋ kwiinə fwi siŋ ndwə, kwiinə nshinə yiŋ, laa Nwi ndenə yibɨsə yiŋ faŋ viŋ nə yɨ̀.

Akts 9:15

Tɨta Yeso baa gì tɨ́ ŋwə laa, «Gə shɔ, buꞌ laa mə shòꞌ wə ghɔ́, laa ŋwə luu wuu faꞌ ŋwaa, fɨꞌtə nu yizii kaŋ tɨ́ vɨɨ tətɔŋ fu, nə tɨ́ vəfwàŋ nə tɨ́ vɨɨ Isirayl.

Akts 9:35

Vɨɨ vənshə fɨ ntɨꞌ Lida nə fɨ nsi Sherɔn yinshə ye wə ghɔ́, kɨ nii kwìinə gə̀ maa məbiŋ nu tɨta Yeso.

Roma 2:4

A manə fwi yijəə Nwi, faŋ ŋwə jia fwi yi, ghəəsə fwi yi. A kee kɨɨ laa luu Nwi weꞌ maa vənu vɔ́ yimu? Fwi yijəə yi kəə laa a kwiinə fwi yə.

2 Kɔrintian 3:16

Luu nə, yighee njyə faŋ vɨɨ Isirayl ndɔ kwiinə fwisə vəŋ, nùŋ maa tɨta Kristo, buu njwi yɔ́ taa ndɔ, vɨ baꞌsə.

2 Kɔrintian 7:10

Wə kɨ luu kɨ luŋ maa jɨɨ Nwi, buu məluŋ wi ghɔ́ taa bweysə ŋwə, fwi yi kee sɔꞌ ŋwə faŋ ŋwə kwìinə fwi yi nə me. Kɨ luu wə nə luŋ maa jɨɨ vənu və taa mbi, buu lùu yiku yi.

Efesɔs 4:17

Nɨniŋ, mə gì tɨ́ viŋ, tɨsə viŋ maa yizii tɨta Yeso laa, kɨ viŋ kɨ toꞌ ghuu yitoꞌ kiŋ yaa vɨɨ məmanə Nwi me, faŋ vəŋ toꞌ nə nu vəmfaw vəŋ faŋ vəŋ beꞌsə nə.

1 Tesalonika 1:9

buꞌ laa nshɨ-tɔ vɨɨ vɔ́ gisə nu kia, faŋ yia nə jwì yɨ viŋ nə, tɨ́ vɨɨ, baa gi faŋ viŋ nə kwìinə fwi siŋ, nùŋ maa Nwi, mèꞌ vənwi vədayday, faꞌ tɨ́ Nwi faŋ lùu Nwi yinsəŋ, faŋ kii sheꞌ ŋwə kìi məbwey,

Reveleyshən 16:11

Nɨniŋ, vəŋ nda Nwi fɨ yizɔ, buꞌ məza vəŋ ghɔ́ nə vədɨꞌ vəvəŋ, kee kìasə fɨ maa jɨɨsə bwəsə vəŋ me.

Reveleyshən 2:21

Mə nə kɔ̀ yighee tɨ́ ŋwə maa məkwiinə fwi yi. Luu nə, ŋwə kee biŋ maa məkwiinə me, yuu meꞌtə nu sakə faŋ ŋwə yɨsə nə me.

Reveleyshən 2:5

Bàw a lumə nu ŋkɨə faŋ a gù ŋkə, kwìinə fwi yə, baa kɨ yɨsə nu ŋkɨə faŋ a nəə yɨsə yighee vɨsɨ nə. A kee yɨ nɨniŋ me, kee kwìinə fwi yə me, buu mə taa jwi ye ghɔ, sùꞌtə kiꞌ wə fɨ maa shəŋ ŋkɨə faŋ ŋwə lùu shɔ nə.

Reveleyshən 3:3

Lumə faŋ nu Kristo nə jwì zìꞌ ghɔ ghɔ, faŋ a nə zɔ̀ nu kɔ́ nə. Nɨniŋ, kwiinə fwi yə, baa jia nu kɔ́. A kee kaw kɨ shi nə yikɨꞌ me, buu mə taa nyɔꞌtə jwi yaa ndɔꞌ maa yighee faŋ a kee yikɨɨ laa mə taa jwi yɨ ghɔ me.