Akts 26:18 - Vengo (Babungo)

¹⁸ Mə taa tɔŋ ghɔ tɨ́ vɨɨ tɔmə day laa a taa ŋaꞌsə sɨ vəŋ, vəŋ fuu fɨ taa mfiŋsə, ŋìi taa məley Nwi. A fuusə vəŋ fɨ ghɔ wutə zwitə bwə, kwaŋ vəŋ taa wutə Nwi, laa məbiŋ vəŋ yɨsə vənu vəbwəvə vəŋ ndi, vəŋ ndɔ fi shəŋ vəŋ taa ŋwaa vaŋ ley Nwi, faŋ vəŋ nùŋ fwisə vəŋ maa mə.»

Akts 26:18 ပူးပေါင်းရင်းမြစ်များ

Matiu 4:10

Yeso bəŋsə tɨ́ ŋwə laa, «Ndɔ fɨ yɨ mə Satan! Ŋkə lùu taa ŋwaꞌlə Nwi laa, «Kɨ bəŋsə Mɔꞌmbi, Nwi wə, fàꞌ sheꞌ faꞌ wi nɨnɔŋ.»

Matiu 4:16

Vɨɨ vɔ́ faŋ vəŋ nə dùꞌ taa mfiŋsə, ye ŋkee məley kwalə. Vɨɨ mbɨə faŋ vəŋ nə dùꞌ maa shəŋ yiku, faŋ ndɨŋlə yiku nə shitə vəŋ nə, vəŋ dùꞌ, məley fuu shitə vəŋ.»

Lukas 1:77

A taa kɨ yɨsə vɨɨ vi kɨ kɨɨ nə jɨɨ njyə faŋ Nwi ndɔ bweysə vəŋ, ndenə yibɨsə vəŋ.

Lukas 1:79

kɨ bee maa vɨɨ faŋ vəŋ dùꞌ taa shəŋ mfiŋsə, faŋ ndɨŋ yiku gù shɔ. Ŋwə baa luu kiasə ghuu yitoꞌ kaŋ-nsiŋ maa jɨɨ mənɔŋ-bwaŋnə.»

Lukas 2:32

Wee ŋwə̀ lùu yaa kiꞌ faŋ ŋwə də jɨɨ tɨ́ vɨɨ tətɔŋ fu, laa vəŋ ndɔ kɨɨ nə Nwi. Ŋwə ndɔ baa yɨsə vɨ bəŋsə vɨɨ Isirayl, faŋ lùu vɨɨ və nə.»

Lukas 24:45

Nɨniŋ, ŋwə nə ŋaꞌsə fwisə vəŋ maa məkɨɨ nə yigisə Nwi.

Lukas 24:47

baa nə laa vɨ ndɔ kɨ fɨꞌtə nu ki tɨ́ vɨɨ vənshə fɨ taa mbi, laa vəŋ kwiinə fwisə vəŋ, buu Nwi ndenə yibɨsə vəŋ buꞌ yizii yi. Nɨniŋ, viŋ ndɔ kɨ fɨꞌtə nu kɔ́, tèy fɨ ntɨꞌ Jerusalem.

Lukas 4:18

«Zwitə Nwi maa mə, buꞌ laa ŋwə nə yòꞌ mə nə məŋgwə, laa mə kɨ fɨꞌtə ntɔŋ yijəə tɨ́ vɨɨ ŋɨꞌ. Ŋwə nə baa tɔ̀ŋ mə laa mə kɨ fɨꞌtə tɨ́ vəbuꞌ və yighaw, laa vəŋ kuunə nə ŋwaa vəŋ, baa nə laa mə gì tɨ́ vɨɨ sɨ fɨsə, laa vəŋ yenə, baa nə laa mə fuusə vɨɨ faŋ vɨ nəə fiitə vəŋ nsi, laa vəŋ gə duꞌ tɔ vəŋ,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:17

Yɨsə vəŋ luu vɨɨ və, baa bàw, buꞌ faŋ vəŋ ye nu ŋkɨə faŋ ŋkə lùu yinsəŋ. Də yigisə yə də nu ŋkɨə faŋ lùu nu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:19

Məley nə jwi shɨ nsi, luu nə, vɨɨ kaw mfiŋsə shɔ̀ɔ məley ghɔ́. Ŋiꞌ nsɔꞌ Nwi lùu laa vɨɨ kàw mfiŋsə shɔ̀ɔ məley ghɔ́, yɨsə sheꞌ vənu vəbwəvə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:10

Yeso bəŋsə tɨ́ ŋwə laa, «A nii toꞌ kɨɨ nə vəkɔ və Nwi, nə wə ntɨə faŋ ŋwə gisə tɨ́ ghɔ laa, Kɔ mə nə muu mə nu, buu a bitə tɨ́ ŋwə, ŋwə kɔ ghɔ nə muu mə vəlwaŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:14

Gə fɨ maa wə ntɨə faŋ mə kɔ muu mə vəlwaŋ mbɔ́ tɨ́ ŋwə, ŋwə nu, kaꞌ twey-muu ndɔ kee baa ywey ŋwə me. Muu mbɨə faŋ mə kɔ̀ tɨ́ ŋwə nə, kiasə gù koꞌ-fɨ-nsi taa fwi ŋwə, muu fuu fɨ fuŋ, yɨ̀sə ŋwə kii məbwey vəlwaŋ faŋ ŋwə gòꞌsə yighee muꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:12

Maa yighee yɔ́ Yeso baa gì tɨ́ vɨɨ laa, «Mə lùu kiꞌ taa mbi. Wə ntɨə faŋ ŋwə beꞌsə mə, kaꞌ ŋwə kee baa tòꞌ fɨ taa mfiŋsə me, ŋwə taa ye məley faŋ ŋwə kɔ məbwey vəlwaŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:39

Yeso gi laa, «Mə nə jwì mbi nyə̀ maa məgaasə vɨɨ, laa vɨɨ faŋ vəŋ kee yɨyenə me, yenə; vɨɨ faŋ vəŋ yɨyenə, sɨ vəŋ fɨ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:5

Yighee njyə faŋ mə kɨ bii taa mbi nyə̀, mə lùu məley taa mbi.»

Akts 10:43

Nshiisə-ŋii sɔghɔ vənshə fɨ ywaŋ-vɨsɨ, nə gi kɔ̀ŋ ŋwə ntee, laa wə tɨ̀ me wə faŋ ŋwə bìŋ ŋwə, buu vənu vəbwəvə vi taa mè, sheꞌ buꞌ yizii Yeso.»

Akts 13:47

Yia yɨ̀ nɨniŋ buꞌ laa tɨta Nwi nə gì laa, «Mə nùŋ ghɔ yaa kiꞌ tɨ́ vɨɨ tətɔŋ fu, laa a taa də jɨɨ məbwey vəlwaŋ tɨ́ vəŋ, gə kɔ maa vəndwə və mbi.»

Akts 15:9

Nwi nə kee seesə nsiŋ vɨ vəŋ me, sɔ̀ fwisə vəŋ, nsə ley, faŋ vəŋ nə nùŋ fwisə vəŋ maa Kristo nə.

Akts 2:38

Pita gi tɨ́ vəŋ laa, «Viŋ kwiinə fwi siŋ, fì muu mə Nwi tɔ tɔ, maa yizii Yeso Kristo, laa Nwi ndenə vənu vəbwəvə viŋ faŋ viŋ nə yɨ̀sə, buu viŋ fi Zwitə Ley Nwi, faŋ Nwi taa key viŋ shɔ nə,

Akts 20:21

Mə nə gì tɨ́ vɨɨ Jus nə tɨ́ vɨɨ Griik, laa vəŋ kwiinə fwisə vəŋ, nùŋ maa Nwi, nə maa tɨta Yeso Kristo.

Akts 20:32

Fɨ taa nɨniŋ ndwə, mə mèꞌtə viŋ taa ghɔ tɨta Nwi. Viŋ kɨɨ nə nu gəŋsə Nwi, faŋ ŋkə kìi wutə maa məyɨsə viŋ weꞌ maa nu Nwi, kɨ gə nə vɨsɨ. Wutə ki baa lùu shɔ maa məgaŋtə viŋ, laa viŋ ndɔ zɨ məbwey vəlwaŋ faŋ Nwi ndɔ kɔ tɨ́ vɨɨ ley vi.

Akts 26:19

Nɨniŋ, fwàŋ Agripa, mə nə kee kìi wutə maa mətwey nu wə ntɨə faŋ ŋwə nə jwì fɨ yizɔ nə me.

Akts 26:23

Vəŋ nə duꞌtə vəŋ naysə laa Kristo, wuu məbweysə vɨɨ, ŋgwə faŋ Nwi kɔ̀ꞌnə nə, ndɔ ye ŋɨꞌ, baa luu mfɔŋ wə maa məywey fɨ shɨ yiku, kɨ fɨꞌtə nu məley Nwi tɨ́ ŋgwisə nyaa-nsiŋ nə tɨ́ vɨɨ tɔmə day, laa sɨ vəŋ ley.»

Akts 3:19

Nɨniŋ, viŋ kwiinə fwi siŋ ndwə, kwiinə nshinə yiŋ, laa Nwi ndenə yibɨsə yiŋ faŋ viŋ nə yɨ̀.

Akts 5:31

Nwi yweysə ŋwə fɨ shɨ yiku maa wutə ki, yɨ̀ laa ŋwə luu tɔ, baa luu wuu məbweysə vɨɨ, maa məkɔ jɨɨ tɨ́ vɨɨ Isirayl, tɨ́ kɨ kaꞌ vəŋ bìŋ nu bwə vəŋ, kwìinə fwisə vəŋ, Nwi ndenə yibɨsə vəŋ.

Roma 8:17

Faŋ nsiŋ lùu vaŋ Nwi nə, buu nsiŋ ndɔ zɨ vətɔ fɨ ghɔ ŋwə nɨzi. Nsiŋ ndɔ zɨ vətɔ vɔ́, nsiŋ vɨ Kristo mɔ́ꞌ. Nsiŋ kɨ luu ŋìi taa ŋɨꞌ nsiŋ vɨ Kristo mɔ́ꞌ, buu nsiŋ ndɔ kii feenə Nwi nsiŋ vɨ Kristo mɔ́ꞌ nɨzi.

1 Kɔrintian 1:2

Yia Sɔsteniis nyɔꞌ ŋwaꞌlə ŋwə̀ tɨ́ nwaa vɨɨ Nwi fɨ shɨ Kɔrint. Viŋ lùu vɨɨ ley Nwi buꞌ faŋ viŋ fàynə viŋ vɨ Yeso Kristo. Nə shòꞌ Nwi shòꞌ viŋ laa viŋ luu vɨɨ vi, ghɔ vɨ vɨɨ vənshə, faŋ vəŋ bəŋsə Tii ŋwaa-nsiŋ Yeso Kristo maa vəshəŋ vənshə. Yeso Kristo lùu Tɨɨ vəŋ, baa lùu Tii ŋwaa-nsiŋ nɨzi.

1 Kɔrintian 1:30

Luu buꞌ Nwi, faŋ viŋ gù fa kəmuꞌ viŋ vɨ Yeso Kristo. Nə yɨsə Nwi laa nu Kristo gu nu tɔ-ley tɨ́ nsiŋ. Luu sheꞌ buꞌ Yeso faŋ Nwi ndɨ̀ nsiŋ yaa vɨɨ faŋ vənu vəvəŋ lùu vəloomə. Yɨsə ŋwə buu nsiŋ lùu vɨɨ ley Nwi. Ŋwə bweysə nsiŋ fɨ ghɔ vənu vəbwəvə.

2 Kɔrintian 4:4

Tɨɨ vəzwitə vəbwəvə faŋ ŋwə sɔꞌ mbi nyə̀, kìasə fwisə vɨɨ vɔ́, laa mbɨꞌtə vəŋ kee ley me, vəŋ kee nùŋ fwisə vəŋ maa Kristo me. Ŋwə yɨ̀ nɨniŋ laa kɨ vəŋ ye məley nu Nwi me, kee kɨ zɔ ntɔŋ yijəə Nwi kɔ̀ŋ Kristo faŋ ŋwə bàw shɔ̀ɔ, baa fɨnə Nwi me.

2 Kɔrintian 4:6

Nwi, faŋ ŋwə nə gì laa, «Bàw məley kɨ bee, fùu fɨ taa mfiŋsə,» ŋwə baa yɨ̀sə məley bee taa fwisə yia, maa məkɔ tɔ ley tɨ́ yia, tɨ́ kaꞌ yia kɨ̀ɨ nə yikwalə Nwi, faŋ nyə fùu ntee taa ŋwaa Kristo.

2 Kɔrintian 6:14

Kɨ viŋ ka ŋoo, viŋ vɨ vɨɨ məmanə Nwi me. Sii kaꞌ nu mbuulə dùꞌ shəŋ muꞌ ghɔ nu loomə kɨkə? Sii kaꞌ shəŋ ley faynə ghɔ shəŋ mfiŋsə kɨkə?

Galatia 2:20

Nɨniŋ, kaꞌ mə gì laa vɨ nə bèy yia ŋwə mɔ́ꞌ. Mə kɨ luu bwèy, məbwey ŋwaa kee baa lùu ŋwaanə me; məbwey ŋwaa lùu ŋgwə Yeso Kristo faŋ ŋwə lùu taa ŋwaa mə. Məbwey ŋgwə faŋ mə kìi ŋwə taa mbi nyə̀ ndwə nə, mə shi buꞌ laa mə nùŋsə fwi nyaa maa Kristo, Wee Nwi, faŋ ŋwə kaw mə, ndìsə məbwey wi buꞌ mə nə.

Galatia 3:14

Lùu ŋiꞌ nu ŋkɨə faŋ ŋkə yɨ̀, buu kaꞌ vɨɨ vənshə fɨ mbi ndɔ ye mənɔŋ-bwaŋnə fɨ ghɔ Nwi, faŋ Nwi nə kɔ̀ꞌnə tɨ́ Abraham nə. Ŋkə luu sheꞌ buꞌ Yeso Kristo faŋ ŋwə nə kù tɔ nsiŋ nə. Lùu faŋ nsiŋ fi Zwitə Nwi, faŋ Nwi nə kɔ̀ꞌnə maa məkɔ tɨ́ nsiŋ nə. Nsiŋ fi Zwitə Nwi kɔ́, faŋ nsiŋ nuŋ fwi saŋ-nsiŋ maa Kristo.

Galatia 3:2

Mə kəə bitə nu tɨ́ viŋ kəmuꞌ. Ŋkə lùu laa, «Zwitə Ley Nwi, faŋ ŋkə nə ŋìi maa viŋ nə, ŋkə nə ŋìi maa viŋ, buꞌ faŋ viŋ nəə zɔnə nuŋsə vɨɨ Jus mu, mu nə luu buꞌ laa viŋ nə zɔ̀ ntɔŋ Nwi yijəə, nùŋ fwi siŋ maa ŋwə?»

Efesɔs 1:11

Nwi, faŋ ŋwə yɨsə vənu vənshə faŋ ŋwə nə gì fɨ taa fwi ŋwə, baa shòꞌ nsiŋ maa mbii vɨɨ fɨ yiba jɨŋ Kristo, buꞌ ŋkitə Nwi maa nu ŋkɨə faŋ ŋwə nə nùŋ, shù fɨ maa vənzi.

Efesɔs 1:14

baa luu mfɔŋsə vətɔ faŋ nsiŋ ndɔ zɨ. Zwitə Ley kɔ́ baa luu shwenə faŋ ŋkə də̀ laa Nwi ndɔ yweysə nwaa vɨɨ vi, tɨ́ la vɨ kɨ bəŋsə yikwalə Nwi.

Efesɔs 1:18

Mə baa buꞌ ghɔ tɨ́ Nwi, laa ŋwə yɨsə sɨ ghiŋ ŋaꞌsə, tɨ́ kaꞌ viŋ kɨ̀ɨ nə ŋiꞌ nu ŋkɨə faŋ ŋwə tìi viŋ shɔ nə, ndɔ kɨɨ laa məbwey vəlwaŋ faŋ ŋwə kɔ̀ꞌnə tɨ́ vɨɨ vi nə, luu ŋkee nu jəə.

Efesɔs 1:7

Ŋwiŋ wi ghɔ́ nə kù tɔ nsiŋ, yɨ laa nsiŋ fuu fɨ taa nsɔꞌ Nwi buꞌ mənshi mi. Nwi ndenə yibɨsə nyaa-nsiŋ, buꞌ faŋ ŋwə kèe gəŋ saŋ-nsiŋ dɨdɨꞌ.

Efesɔs 2:8

Nwi nə bweysə viŋ buꞌ gəŋsə Nwi, faŋ viŋ nùŋ fwi siŋ maa Kristo. Kee bee gaŋtə viŋ gàŋtə yiŋwaa yiŋ me; nə key sheꞌ Nwi kèy viŋ shɔ.

Efesɔs 4:18

Mbɨꞌtə vəŋ kee ley me. Məbwey Nwi bəə fɨ taa fwisə vəŋ, buꞌ faŋ vəŋ kee kɨ̀ɨ nə nu me, fwisə vəŋ fɨ̀.

Efesɔs 5:11

Kɨ viŋ kwaŋ ghɔ taa vənu vədayday fɨ taa mfiŋsə me. Viŋ bee kii də vənu vɔ́ ntee laa lùu vənu vəbwəvə.

Efesɔs 5:14

Luu sheꞌ faŋ vɨ gi laa, «Yenə mɔɔ, wuu mbweysə, ndɔ fɨ shɨ yiku, buu Kristo taa kɔ məley tɨ́ ghɔ.»

Efesɔs 5:8

Nə luu maa yighee vɨsɨ, viŋ luu vɨɨ taa mfiŋsə. Luu ndwə, viŋ lùu vɨɨ taa məley buꞌ tɨta Yeso. Nɨniŋ, viŋ kɨ toꞌ yaa vaŋ taa məley.

Efesɔs 6:12

Yighaw njyə faŋ nsiŋ tuŋ maa yizii Nwi nə, kee lùu yighaw faŋ nsiŋ tuŋ nsiŋ vɨ vɨɨ fɨ shɨ nsi me. Nsiŋ tuŋ yighaw nsiŋ vɨ vəwutə fɨ taa yizɔ, nsiŋ vɨ vəzwitə vəbwəvə faŋ mbə sɔꞌ mbi yibwə nyə̀, nsiŋ vɨ vəzwitə vəbwəvə faŋ mbə lùu yizɔ nə.

2 Timoti 2:26

tɔ vəŋ baa ley, vəŋ nyɨŋ fɨ taa vənu və zwitə bwə faŋ ŋkə nə jia vəŋ maa məyɨ nu maa ŋkitə yi nə.

Hibru 10:10

Lùu nu ŋkɨə faŋ ŋkə yɨ̀sə laa nsiŋ ley vɨsɨ Nwi. Nsiŋ lùu vəley buꞌ laa Yeso Kristo nə yɨ̀sə nu ŋkɨə faŋ Nwi kəə laa ŋwə yɨ. Ŋwə nə kɔ̀ ŋwaa wi yaa ndey tɨ́ Nwi, kù tɔ nsiŋ yighee muꞌ.

Hibru 10:14

Nɨniŋ, Kristo nə fèꞌ ndey yimuꞌ, yɨ̀sə laa vɨɨ mbɨə faŋ vəŋ lùu vəley buꞌ ŋwə nə, ndɔ zɨ məbwey vəlwaŋ nɨzi, faŋ ŋwə gòꞌsə yighee muꞌ.

Hibru 11:6

Kaꞌ wə kee bàwsə too Nwi, tɨ̀ lɨꞌ laa ŋwə nùŋ fwi yi maa Nwi me. Lùu nɨniŋ buꞌ laa wə kɨ luu kəə jwi yɨ Nwi, ŋwə fɔŋ biŋ laa Nwi lùu shɔ, baa nùŋ fwi yi maa Nwi laa Nwi taa kɨ yɨ jəə maa vɨɨ mbɨə faŋ vəŋ kəə Nwi.

Hibru 9:15

Ŋkə də̀ laa Yeso lùu wə ntɨə faŋ ŋwə tɨŋ nɨntəŋ ŋwaa nsiŋ vɨ Nwi. Ŋwə nə jwì nə məkee məfimə, laa vɨɨ mbɨə faŋ Nwi tìi vəŋ laa vəŋ lùu mbii vɨɨ nə, jwi fì məbwey vəlwaŋ, faŋ Nwi nə kɔ̀ꞌnə maa məkɔ tɨ́ vəŋ nə. Kristo nə lòotə məkee məfimə mbɔ́ faŋ ŋwə nə kù tɔ nsiŋ nə. Yiku yi fuusə vɨɨ fɨ taa vənu vəbwəvə vəŋ faŋ vəŋ nə yɨ̀sə maa yighee njyə faŋ məkee məmwamə nəə kɨ bii sɔ̀ꞌ vəŋ nə.

Jeyms 2:5

Viŋ zɔ, vaŋ-nshwi vaŋ faŋ mə kàw viŋ, Nwi shòꞌ luu mbəəsə fɨ mbi, ndì vəŋ laa vəŋ nuŋsə fwisə vəŋ maa Kristo, ndɔ̀ zɨ̀ nu yifwàŋ Nwi, faŋ Nwi nə kɔ̀ꞌnə maa məkɔ tɨ́ vɨɨ mbɨə faŋ vəŋ kàw ŋwə. Nɨniŋ, luu vəŋ luu mfuꞌsə yinsəŋ.

1 Pita 1:4

Ŋwə bì nsiŋ nə nshinə yifi, laa nsiŋ kɨꞌ vətɔ mbɨə faŋ nsiŋ ndɔ zɨ yinsəŋ. Vətɔ vɔ́ kaꞌ mbə kee ndɔ shuu me, kee bɨ me, kee mè me. Nwi nùŋsə vətɔ vɔ́ yizɔ tɨ́ viŋ,

1 Pita 2:25

Viŋ yaa luu yaa bisə-njɨɨ faŋ nsə ndì jɨɨ. Lùu ndwə, viŋ bə̀ŋ jwì kɨ beꞌsə wə ntɨə faŋ ŋwə shii viŋ, gaŋtə viŋ.

1 Pita 2:9

Gə̀ fɨ maa viŋ, viŋ lùu way vɨɨ faŋ Nwi nə shòꞌ, lùu vɨɨ vəkɔ vi, ŋgwisə yiley. Viŋ lùu vɨɨ Nwi faŋ Nwi nə shòꞌ laa lùu vɨɨ yifwàŋ vi, baa nə laa viŋ sàynə vənu və shuu yɔŋvə Nwi. Ŋwə nə tìi viŋ fɨ taa mfiŋsə, laa viŋ ŋii taa ŋgwii məley.

1 Jɔn 1:9

Nsiŋ kɨ luu bìŋ nu bwə kaŋ-nsiŋ, buu Nwi taa kɨ ndenə nu bwə kaŋ-nsiŋ, baa sɔ̀ vənu vəbwəvə fɨ maa nsiŋ, buꞌ laa Nwi lùu wuu yinsəŋ, yɨsə sheꞌ vənu vəloomə.

1 Jɔn 2:12

Mə ŋwaꞌlə tɨ́ viŋ, vaŋ vaŋ, laa Nwi mèꞌ yibɨsə yiŋ buꞌ Yeso Kristo.

1 Jɔn 3:8

Wə ntɨə faŋ ŋwə yɨsə vənu vəbwəvə, ndɔ̀ fɨ ghɔ Satan, tɨɨ vəzwitə vəbwəvə, buꞌ laa Satan yɨsə vənu vəbwəvə shù fɨ maa vənzi. Ŋiꞌ nu ŋkɨə faŋ Wee Nwi nə fùu, lùu laa yi fuu ndìsə vənu vəbwəvə mbɨə faŋ mbə ndɔ̀ fɨ ghɔ Satan.

1 Jɔn 5:19

Nsiŋ kɔꞌ kɨɨ laa nsiŋ lùu vɨɨ Nwi. Gə fɨ maa vɨɨ mbi, mbi yinshə lùu ghɔ tɨɨ vəzwitə vəbwəvə.

Ŋwaꞌlə Jud 1:1

Lùu mə, Jud, wuu faꞌ Yeso Kristo, weenshu Jeyms, faŋ mə nyɔ̀ꞌ ŋwaꞌlə ŋwə̀ tɨ́ viŋ, vɨɨ mbɨə faŋ Nwi, Tii ŋwaa-nsiŋ kàw viŋ, baa shòꞌ viŋ laa viŋ luu mbii vɨɨ nə. Viŋ baa lùu vɨɨ faŋ Yeso Kristo shiinə viŋ, buꞌ nu mɔ́ꞌ kɔ̀ŋ viŋ.

Reveleyshən 21:27

Tuu fa faŋ ŋkə kee lùu kəley me, kee ŋìi taa shɨ yɔ́ me, tɨꞌnə me wə faŋ ŋwə yɨsə vənu vəbwəvə, tɨꞌnə me sɨɨ təba me. Ndɔ ŋii sheꞌ vɨɨ mbɨə faŋ təzii təvəŋ lùu taa ŋwaꞌlə məbwey vəlwaŋ faŋ ŋwə lùu ghɔ bi-njɨɨ yɔ́ nə, ŋii taa shɨ yɔ́.