Akts 26:16 - Vengo (Babungo)

¹⁶ Ndɔ yizɔ ndwə, tɨ̀ŋnə. Mə fùu yikəꞌ ghɔ buꞌ laa mə shòꞌ ghɔ maa wuu faꞌ ŋwaa. A taa kɨ naysə nu kaŋ tɨ́ vɨɨ, kɨ naysə nu ŋkɨə faŋ a ye kɔ̀ŋ mə ndee, baa nə nu ŋkɨə faŋ mə ndɔ də tɨ́ ghɔ.

Akts 26:16 ပူးပေါင်းရင်းမြစ်များ

Lukas 1:2

Vɨɨ mbɨə faŋ vəŋ nə yè vənu vɔ́ nə sɨ, shù fɨ maa vənzi, fɨ̀ꞌtə nu Nwi tɨ́ nsiŋ, nàysə vənu vɔ́ tɨ́ nsiŋ.

Akts 1:17

Judas nə luu fɨ taa ŋwaa yia, vɨɨ ntɔŋ Yeso. Vɨ nə shoꞌ ŋwə maa faꞌ ŋwə̀ yaa yia.

Akts 1:25

tɨ́ kɨ kaꞌ ŋwə ndì shəŋ faꞌ ŋkɨə yaa wuu ntɔŋ Yeso, faŋ Judas nə mèꞌtə maa məgə maa ŋkii shəŋ faŋ ŋkə kùꞌnə tɨ́ ŋwə.»

Akts 20:24

Luu nə, mə kee fii ŋwaa ŋwaa nə nu me. Mə kəə sheꞌ laa mə yɨsə, ndɔ mètə faꞌ ŋgwə faŋ Yeso nə kɔ̀ shee, laa mə faꞌ nə, laa mə fɨꞌtə ntɔŋ yijəə Nwi, faŋ Nwi kee gəŋsə vɨɨ, kəə kɔ məbwey vəlwaŋ tɨ́ vɨɨ.

Akts 21:19

Pɔɔl shɔꞌtə vəŋ, nàysə vənu vənshə tɨ́ vəŋ, faŋ Nwi nə shɔ̀ɔ fɨ yiba faꞌ wi, yɨ̀sə maa vɨɨ tətɔŋ fu.

Akts 22:10

Mə kɨ nii bìtə laa mə sii taa yɨ kə ndwə. Tɨta Yeso gi laa mə ndɔ fɨ nsi, gə̀ ntɨꞌ Damaskɔs, buu vɨ taa naysə vənu vənshə faŋ Nwi kəə laa mə yɨsə.

Akts 23:11

Kɨ luu vətuꞌ shi kɔ́, tɨta Yeso fuu yikəꞌ Pɔɔl, tɨŋ yɨ ŋwə, gì tɨ́ ŋwə laa, «Kɨ fwi yə lɔꞌ me! A nə gì nu kaŋ ntee ntɨꞌ Jerusalem; a ndɔ ghaa gi nu kaŋ shɨ Rom sheꞌ nɨniŋ.»

Akts 26:15

Mə gi laa, «A lùu ndə, Tɨta?» Ŋwə gi laa, «Lùu mə, Yeso, faŋ a shòꞌ ghuu ŋaa nə.

Akts 6:4

Gə fɨ maa yia, yia taa ndi yighee yia yinshə maa məshɔꞌtə Nwi, baa nə maa məswiŋnə nu Nwi.»

Roma 1:5

faŋ ŋwə kee gəŋ saŋ-nsiŋ, nùŋ mə maa vɨɨ ntɔŋ vi, laa mə gə faꞌ taa məshɨ mənshə, yɨsə vɨɨ tətɔŋ fu nuŋ fwisə vəŋ maa ŋwə, kɨ zɔnə ŋwə, bəŋsə yizii yi.

Roma 15:16

laa mə gu wuu faꞌ Yeso Kristo taa ŋwaa vɨɨ tətɔŋ fu. Mə faꞌ tɨ́ Nwi yaa wuu məfeꞌ Nwi, fɨꞌtə ntɔŋ yijəə Nwi tɨ́ vɨɨ. Nɨniŋ laa vɨɨ tətɔŋ fu jwi, kɨ kɔ Nwi nə yiŋwaa vəŋ. Zwitə Ley Nwi yɨsə vəŋ baw tɨ́ Nwi.

2 Kɔrintian 4:1

Nɨniŋ, yia kee yibwa maa məfaꞌ faꞌ Nwi me. Faꞌ Nwi ghɔ́ nə kɔ̀ Nwi tɨ́ yia buꞌ gəŋsə si, faŋ ŋwə nə kèe gəŋ sia nə.

2 Kɔrintian 5:18

Nu kɔ́ kənshə nə ndɔ̀ fɨ ghɔ Nwi, faŋ ŋwə mètə nsɔꞌ nyaa-nsiŋ ghɔ vɨ Nwi yiley, buꞌ Yeso Kristo. Ŋwə baa nùŋsə yia maa faꞌ wi, laa yia kɨ fɨꞌtə tɨ́ vɨɨ faŋ Nwi mètə nsɔꞌsə vɨɨ nə.

Galatia 1:12

Mə nə kee zɔ̀ ntɔŋ yɔ́ fɨ shuu vɨɨ me, wə nə kee dèesə vənu vɔ́ shee me. Nə də nshɨ-tɔ Yeso Kristo də̀ vənu vɔ́ shee.

Galatia 2:2

Mə nə gə̀ shɔ buꞌ faŋ nə nàysə nshɨ-tɔ Nwi shee, laa mə gə shɔ. Faŋ mə nə gə zìꞌ shɔ, yè vɨɨ Kristo fɨ ntɨꞌ Jerusalem, twelə ŋiꞌ ntɔŋ Nwi njyə faŋ mə fɨꞌtə tɨ́ vɨɨ taa məshɨ mətɔŋ, gə̀ yè vɨɨ kwalə vɨɨ Kristo fɨ ntɨꞌ Jerusalem sheꞌ vəŋ vəŋ, twèlə tɨ́ vəŋ ŋkee jəə, laa faꞌ ŋgwə faŋ mə yaa faꞌ taa məshɨ mətɔŋ nə, nə ŋgwə faŋ mə faꞌ nə, kee ndi day me.

Efesɔs 3:3

Ŋwə nə fùu yikəꞌ mə, twèlə ŋiꞌ nu ki shee, faŋ ŋkə nə ndènə fɨ ghɔ mə. Mə duꞌtə mə nyɔꞌ kɔ̀ŋ nu Nwi kɔ́ sheꞌ kətɨtiꞌ.

Kɔlɔsii 1:23

buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.

Kɔlɔsii 1:25

Nə shòꞌ Nwi shòꞌ mə, kwaŋ faꞌ wi taa ghɔ mə, laa mə luu wuu faꞌ Nwi, fɨꞌtə nu ki tɨ́ viŋ laylay.

Kɔlɔsii 1:7

Viŋ nə zwètə nu Nwi fɨ ghɔ Epafras. Ŋwə lùu wuu faꞌ Kristo sheꞌ yaa yia, yia kàw ŋwə dɨdɨꞌ. Ŋwə tɨŋ tɔ yia taa ŋwaa viŋ, faꞌ faꞌ Kristo sheꞌ jəə jəə.

1 Tesalonika 3:2

Nɨniŋ, yia nə tɔ̀ŋ Timoti, faŋ lùu weenshu ŋwaa-nsiŋ, baa lùu wuu faꞌ Nwi faŋ yia vɨ vəŋ fɨꞌtə ntɔŋ yijəə Nwi kɔ̀ŋ Yeso Kristo nə. Yia nə tɔ̀ŋ ŋwə nɨniŋ laa ŋwə jwi wèꞌsə fwi siŋ, gàŋtə viŋ maa mənuŋ fwi siŋ maa Yeso Kristo, twèꞌ shɔ,

1 Timoti 1:12

Mə bwaŋ tɨta ŋwaa-nsiŋ Yeso Kristo faŋ ŋwə nə kwàŋ wutə maa mə. Mə bwaŋ ŋwə buꞌ laa ŋwə nə biŋ mə laa mə lùu wuu yinsəŋ, tɨ́ kaꞌ ŋwə nùŋ mə maa faꞌ wi.

1 Timoti 4:6

A taa kɨ luu kɨ twelə vənu vɔ́ tɨ́ vaŋ-nshwi vaŋ-nsoo, buu a luu wuu faꞌ Yeso Kristo jəə, biasə ŋwaa wə maa nu Kristo faŋ nsiŋ nuŋ fwi saŋ-nsiŋ maa ŋwə nə, baa nə maa vənu vəjəəvə, faŋ nsiŋ deesə tɨ́ vɨɨ nə, faŋ nshɨ-tɔ wə nə zɔ biŋ.

2 Timoti 4:5

Gə fɨ maa ghɔ, bàw a jia fwi yə, nyə ley maa vənu vənshə, kɨ biŋ ŋɨꞌ buꞌ nu Kristo, faꞌ faꞌ wuu məfɨꞌtə ntɔŋ yijəə Nwi, faꞌ faꞌ wə nshə yaa wuu faꞌ Nwi.