Akts 26:11 - Vengo (Babungo)

¹¹ Mə nə sɔꞌ vəŋ taa ndɔꞌ Nwi nshə, yɨ̀sə laa vɨ kɨ saŋ vəŋ laa vəŋ ndɔ ndasə Yeso. Mə beenə fɨ yiba vəŋ nə wutə, toꞌ shoꞌ ghuu vəŋ ŋkee taa məshɨ məday.

Akts 26:11 ပူးပေါင်းရင်းမြစ်များ

Matiu 10:17

Viŋ kɨ ndɨɨnə fɨ ghɔ vɨɨ taa mbi, buꞌ laa vəŋ ndɔ kɔ viŋ taa ghɔ vɨɨ məshia nsɔꞌ, baa sàŋ viŋ nə vəmfa taa ndɔꞌ Nwi vəŋ.

Mark 13:9

Viŋ kɨ lootə yiŋwaa yiŋ. Vɨ ndɔ kɨ jiatə viŋ, kwaŋ taa nsɔꞌ, saŋ viŋ taa ndɔꞌ məshəŋtə vɨɨ Nwi. Viŋ ndɔ tɨŋ vɨsɨ vəgoməna nə vəfwàŋ buꞌ yizii nyaa. Nɨniŋ, vɨɨ vɔ́ ndɔ zɔ nu Nwi shɔ.

Mark 3:28

Yinsəŋ, mə gì tɨ́ viŋ laa, Nwi ndɔ ndènə kəŋ nu bwə tɨ̀ me kəŋ nu bwə faŋ vɨɨ nə yɨ̀sə. Vənu və ndisə vənshə faŋ vɨɨ ndàsə Nwi shɔ nə, Nwi ndɔ ndènə nu kɔ́.

Lukas 15:17

Ŋwə duꞌ, ywìitə nu ki, kɨɨ laa ŋkə lùu kəbwə. Ŋwə gi fɨ taa fwi ŋwə laa, «Vɨɨ faꞌ tii ŋwaa vəyaŋ kìi fazɨ shɔ̀ɔ faŋ vəŋ zɨ, mə nə ku jɨŋ feenə.

Lukas 21:12

Luu nə, nu mɔ́ꞌ ndɔ luu shɔ ŋkəə, buu vənu vɔ́ vənshə gay. Nu kɔ́ lùu laa vɨ ndɔ jiatə viŋ, kɨ shoꞌ ghuu ghiŋ, nùŋsə viŋ nsi taa ndɔꞌ məshəŋtə, kwàŋ viŋ mfiŋ, gə nə viŋ vɨsɨ vəfwàŋ nə vəgoməna buꞌ nu yizii kaŋ.

Lukas 6:11

Vəŋ ye nɨniŋ, fwisə vəŋ shə dɨdɨꞌ. Vəŋ ketə nu ŋkɨə faŋ vəŋ taa yɨ maa Yeso.

Akts 13:45

Faŋ vɨɨ Jus nə yè faŋ vɨɨ vɔ́ baytə ŋkee vəyaŋ nee nə, kɨ kəə zɔ yigisə Nwi, fəsə ŋii taa fwisə vəŋ, vəŋ twey nu ŋkɨə faŋ Pɔɔl nə gì ntee, ndasə ŋwə nə nu Nwi.

Akts 18:6

Vəŋ nə shìasə yigi yi yɔ́, gì vənu vəbwəvə buꞌ ŋwə. Ŋwə kwitə butə fɨ maa njwisə si, maa shwenə tɨ́ vəŋ, ndɔ̀ gì laa, «Viŋ ndɔ nɨndi, buu kɨ yɨsə viŋ, kee luu nsɔꞌ nyaa me, zì ndwə mə taa gə maa vɨɨ mbɨə faŋ vəŋ kee lùu vɨɨ Jus me.»

Akts 22:19

Mə bəŋsə tɨ́ ŋwə laa, «Tɨta, vəŋ kɔꞌ kɨɨ laa mə nəə jiatə vɨɨ məbiŋ nu kə, kwaŋ vəŋ mfiŋ, saŋ vəŋ ŋkee taa ndɔꞌ Nwi.

Akts 22:5

Lùu nu faŋ wuu kwalə məfeꞌ Nwi nə vɨɨ məshia nsɔꞌsə vənshə kɨ̀ɨ nə ŋkə ŋkee jəə. Mə nə fì ŋwaꞌlə ŋkee fɨ ghɔ vəŋ, faŋ vəŋ nə ŋwàꞌlə tɨ́ vaŋ-nshwi vaŋ-nsiŋ fɨ ntɨꞌ Damaskɔs (fɨ shɨ Siria), laa mə gə jiatə vɨɨ məbiŋ nu Yeso fɨ yifi, ka vəŋ, jwì nə vəŋ Jerusalem, laa vɨ sɔꞌ vəŋ.»

Akts 9:1

Maa yighee yɔ́, Sɔɔl kɨ tɨtoꞌ shoꞌ ghuu vɨɨ tɨta Yeso, kɔꞌnə vəŋ,

Jeyms 2:7

Maa luu mfuꞌsə faŋ vəŋ shiasə, ndɔ ndasə yizii yijəənə Yeso Kristo, faŋ Nwi nə shòꞌ viŋ buꞌ ŋwə nə.

2 Pita 2:16

Luu nə, Nwi nə shə̀ tɨ́ ŋwə maa yighee yɔ́, yɨ̀ laa jakasə gi tɨ́ ŋwə, faŋ jakasə kee yaa kɨ gisə yaa wə nə me. Jakasə ghɔ́ nə gì tɨ́ ŋwə, buu ŋwə kee baa kɨ yɨ nu vəmfaw kɔ́ me.