Akts 26:10 - Vengo (Babungo)

¹⁰ Mə nəə yɨsə nɨniŋ Jerusalem, jiatə vɨɨ ley Nwi vəyaŋ, kwaŋ taa ŋii mfiŋ, faŋ nə bìŋ vɨɨ kwalə məfeꞌ Nwi laa mə yɨ nɨniŋ. Vɨ zwilə vəmɔ́ꞌ, gi yia vəŋ.

Akts 26:10 ပူးပေါင်းရင်းမြစ်များ

Akts 7:58

jia ŋwə, gə̀ nə ŋwə yiba, tùmə ŋwə nə ŋoꞌsə. Vɨɨ mbɨə faŋ vəŋ nə zɔ̀ nu kɔ́ taa ŋii nsɔꞌ, nuŋsə njwisə vəŋ ghuu wuu zawə mɔ́ꞌ, yizii yi luu Sɔɔl,

Akts 8:1

Sɔɔl ghɔ́ nə biŋ laa vɨ zwì Stefen. Shù fɨ maa shi kɔ́, vɨ tey kɨ yɨnə vɨɨ məbiŋ Kristo ntɨꞌ Jerusalem ŋkee dɨdɨꞌ. Vəŋ vənshə saykə taa shɨ Judia nə taa shɨ Samaria, kɨ nii gòꞌ sheꞌ vɨɨ ntɔŋ Kristo ntɨꞌ Jerusalem.

Akts 8:3

Sɔɔl bɨsə nwaa vɨɨ Kristo dɨdɨꞌ, toꞌ ŋii taa ndɔꞌ vɨɨ nə wutə, fuusə vəndɔŋ ghɔ vəki, kwaŋ vəŋ taa ŋii mfiŋ.

Akts 9:21

Shuu vɨɨ vənshə yɔŋ faŋ vəŋ nə zɔ̀ yigisə yi. Vəŋ gi laa, «Kee lùu wə ntɨə faŋ ŋwə nəə kəə ndisə vɨɨ mbɨə faŋ vəŋ nəə tii yizii nyə̀ ntɨꞌ Jerusalem nə yimu? Maa ŋwə nə jwì feenə maa məjiatə kəŋ vɨɨ vɔ́, bə̀ŋ gə̀ nə vəŋ tɨ́ vɨɨ kwalə məfeꞌ Nwi.»

Akts 9:26

Sɔɔl gə ziꞌ ntɨꞌ Jerusalem, kɨ kəə gə faynə ghɔ vɨ vɨɨ məbiŋ nu Yeso. Vəŋ fee ŋkee dɨdɨꞌ, buꞌ laa vəŋ nə kee yibiŋ laa ŋwə lùu wuu məbiŋ nu Yeso me.

Akts 9:32

Nə luu maa yighee yɔ́, Pita toꞌ vəshəŋ vənshə. Shi mɔ́ꞌ ŋwə gə ziꞌ ntɨꞌ Lida maa məye vɨɨ məbiŋ nu Yeso mbɨə faŋ vəŋ luu yifi.

Akts 9:41

Pita nesə ghɔ ki, shàꞌsə ŋwə yizɔ, kɨ nii tìi vɨɨ məbiŋ nu Yeso nə vəki ŋkusə, kɔ ŋwə tɨ́ vəŋ, bwey.

1 Kɔrintian 15:9

Fɨ taa ŋwaa vɨɨ ntɔŋ Yeso, mə luu ŋkee nshətə yiba. Mə kee kùꞌnə tɨ́ kaꞌ vɨ tìi mə laa mə lùu wuu ntɔŋ Yeso me, buꞌ laa mə nəə toꞌ zwilə vɨɨ Kristo yighee vɨsɨ.

Galatia 1:13

Maa viŋ kɨ̀ɨ faŋ nshinə nyaa nə dùꞌ yighee njyə faŋ mə nəə shi nshinə vɨɨ Jus. Mə nəə toꞌ kɔ ŋɨꞌ tɨ́ vɨɨ Nwi faŋ vəŋ bìŋ nu Kristo dɨdɨꞌ. Mə nəə kəə sheꞌ maa məndisə vəŋ.

Efesɔs 1:1

Lùu mə, Pɔɔl, faŋ mə tɔ̀ŋ ŋwaꞌlə ŋwə̀ tɨ́ vɨɨ Kristo fɨ shɨ Efesɔs, faŋ vəŋ nùŋ fwisə vəŋ maa Yeso Kristo. Nə shòꞌ Nwi shòꞌ mə, yɨ̀ laa mə kiasə gù wuu ntɔŋ Kristo.

Reveleyshən 17:6

Mə kɨ ye, yè wəzwi ghɔ́, tɨ́ ŋwə nu mənshi mə vɨɨ ley Nwi nə mənshi mə vɨɨ mbɨə faŋ vəŋ nəə biŋ Yeso ntee, vɨ zwìlə vəŋ nə. Mə ye nɨniŋ, shuu ŋwaa yɔŋ.