Akts 24:5 - Vengo (Babungo)

⁵ Yia ye laa wə ŋwə̀ lùu wuu nsɔꞌsə, kəə ntaysə taa ŋwaa vɨɨ Jus vənshə maa vəshəŋ vənshə fɨ taa mbi. Ŋwə baa luu nshɔɔ vɨsɨ fɨ taa nwaa vɨɨ Nazarini.

Akts 24:5 ပူးပေါင်းရင်းမြစ်များ

Matiu 10:25

Ŋkə kùꞌnə tɨ́ wuu məzwetə nu laa ŋwə lùu yaa wuu mədeesə wi, baa kùꞌnə tɨ́ buꞌ, laa ŋwə lùu yaa tii wi. Vɨ nə tìi mə nə tɨɨ vəzwitə vəbwəvə, faŋ mə lùu tɨɨ fu tɨ́ viŋ nə. Nɨniŋ, vɨ nə taa tii viŋ vaŋ nə kə?»

Matiu 2:23

Ŋwə kɨ nii shɔ̀ɔ gə̀ shɨ Galilii, gə̀ kɨ shi maa ntɨꞌ yimɔ́ꞌ faŋ vɨ tii nə Nazaret. Nɨniŋ, ŋkə faynə maa nu ŋkɨə faŋ nshiiŋii-sɔghɔ nə nàysə laa, vɨ taa kɨ tii ŋwə nə wuu Nazarini.

Mark 1:24

«A sii taa yɨ kə nə yia, Yeso, wuu Nazaret. A jwi zwilə yia mu? - Mə kɔꞌ kɨɨ nə wə ntɨə faŋ lùu ghɔ; a luu ŋkee Wee Nwi, wuu məbweysə mbi.»

Lukas 23:19

Vɨ nə kwàŋ Barabas ghɔ́ taa ŋii mfiŋ, buꞌ laa ŋwə nəə buulə shɨ, zwì wə.

Lukas 23:2

Vəŋ ziꞌ yifi, tey kɨ gisə vənu tɔ ŋwə, gi laa, «Yia nə ye faŋ wə ŋwə̀ nəə buulə shɨ, twey laa kɨ vɨ kɨ mɔꞌ tasə tɨ́ fwàŋ kwalə ŋwaa-nsiŋ me, baa gisə laa yi lùu wuu məbweysə shɨ kia, baa luu fwàŋ.»

Lukas 23:25

Nɨniŋ, ŋwə fuusə wə ntɨə faŋ vəŋ nə ndwàŋ fɨ ghɔ ŋwə nə, faŋ ŋwə nə ŋìi mfiŋ buꞌ nu məbuulə shɨ, nə məzwi wə nə, kɔ̀ tɨ́ vəŋ, ndì Yeso laa vɨ yɨ nu ŋkɨə faŋ vəŋ kàw maa ŋwə.

Lukas 23:5

Luu nə, vəŋ tweꞌ laa ŋwə buulə shɨ buꞌ faŋ ŋwə deesə nu ki shɨ Judia kənshə, baa nə laa ŋwə nə zì ŋkee fɨ shɨ Galilii, jwi ziꞌ feenə.

Akts 15:5

Vɨɨ mɔ́ꞌ faŋ vəŋ nə ndɔ̀ fɨ taa nwaa vɨɨ Farisii, biŋ nu Kristo, ndɔ fɨ nsi, gì laa bàw laa vɨ sɨɨtə vɨɨ məbiŋ nu Kristo faŋ vəŋ kee lùu vɨɨ Jus me, tɨsə vəŋ nə ntɨsə Nwi, tɨ́ kaꞌ vəŋ jia nùŋsə vɨɨ Jus.

Akts 21:28

yùmə laa, «Vɨɨ Isirayl, viŋ jwi gàŋtə! Ye wə ntɨə faŋ ŋwə toꞌ deesə vɨɨ vənshə nə bwə buꞌ vɨɨ Isirayl, nə buꞌ nuŋsə nyaa-nsiŋ, nə ŋii Nwi nyə̀. Ŋkə nə kee ta yikuꞌnə tɨ́ ŋwə me, ŋwə ndi vɨɨ Griik, jwì ŋìisə taa ŋii Nwi nyə̀, faŋ ŋkə kee yikuꞌnə laa vɨɨ tɔmə day ŋii shɔ me. Ŋwə bɨsə shəŋ ley Nwi kə̀.»

Akts 22:22

Vɨɨ vɔ́ kɨ yɨywiitə faŋ Pɔɔl nəə gisə yigi yi yɔ́, zìꞌ maa shəŋ ŋkɨə faŋ ŋwə gì laa Nwi tɔ̀ŋ yi tɨ́ vɨɨ tɔmə day, vəŋ baa kii yumə ŋkee nəŋay laa vɨ ndisə ŋwə, zwì ŋwə, kee lùu wə baa kɨ shi mbi me.

Akts 24:14

Luu nə, mə bìŋ nu kəmuꞌ tɨ́ ghɔ, laa mə bəŋsə Nwi vətɨɨ via maa jɨɨ yɔ́ faŋ vəŋ gì laa lùu jɨɨ təba. Mə biŋ vənu vənshə faŋ Mose nə nyɔ̀ꞌ taa ŋwaꞌlə Nwi, nə mbə taa vəŋwaꞌlə və nshiisə-ŋii sɔghɔ.

Akts 24:4

Mə kəə gi sheꞌ yigi yitɨtiꞌ tɨ́ ghɔ, kee bɨsə yighee yə me. Mə bùꞌ ghɔ tɨ́ ghɔ maa njɨɨnə yə yijəə laa a zɔ nu ŋkɨə faŋ yia gisə tɨ́ ghɔ.

Akts 25:7

Faŋ vɨ nə jwi nə Pɔɔl taa ŋii nsɔꞌsə, vɨɨ Jus mbɨə faŋ vəŋ nə jwì fɨ Jerusalem nə, kia ŋwə, gì vənu və təba tɔ ŋwə ŋkee vəyaŋ. Luu nə, vəŋ nə kee kìi jɨɨ maa mədə laa vənu vɔ́ lùu yinsəŋ me?

Akts 26:5

Vəŋ nii toꞌ kee kɨ kaw kiasə nu kɔ́ me, buu vəŋ taa biŋ laa mə nəə shi luu ŋkee nshinə vɨɨ Farisii, faŋ vəŋ wèꞌ maa nu Nwi kaŋ-nsiŋ shɔ̀ɔ vɨɨ vənshə.

Akts 28:22

Vəŋ baa gì laa vəŋ kəə zɔ nu ŋkɨə faŋ ŋwə bɨ̀ꞌtə kɔ̀ŋ nu Nwi fɨ ghɔ ŋwə, buꞌ laa vəŋ nə duꞌtə vəŋ zɔ kɔ̀ŋ jɨɨ məbiŋ Nwi yɔ́, laa vɨ gisə bwə kɔ̀ŋ jɨɨ yɔ́ maa vəshəŋ vənshə.

Akts 5:17

Wuu kwalə məfeꞌ Nwi nə vɨɨ vi vənshə, faŋ nə luu vɨɨ fɨ taa nshəŋtə vɨɨ Sadusii, ndɔ tɨŋ kɨ səsə vɨɨ ntɔŋ Yeso.

Akts 6:13

tìi vɨɨ mɔ́ꞌ laa vəŋ ŋii, sɨ̀ɨ təba tɔ ŋwə. Vɨɨ vɔ́ gi laa Stefen yaa kɨ gisə bwə kɔ̀ŋ ŋii Nwi yikwalə nyə̀, baa kɔ̀ŋ ntɨsə Mose ghee nshə.

1 Kɔrintian 11:19

Ŋkə bàw faŋ ŋgaasə fuu taa ŋwaa viŋ, tɨ́ kaꞌ vɨ taa ye vɨɨ mbɨə faŋ vəŋ nùŋ fwi maa Yeso Kristo maa yinsəŋ.

1 Kɔrintian 4:13

Vɨɨ gisə vənu vəbwəvə tɔ yia, yia kɔ bəŋsə tɨ́ vəŋ sheꞌ nə yigisə yijəənə. Yia gù vətɔ faŋ mbi mèꞌ. Jwi kɔ tɔ və-ndee, vɨɨ ndɨ̀ yia yaa vətɔ və yikuu vəbu.

1 Pita 2:19

Viŋ kɔꞌ kɨɨ laa Nwi tu mənɔŋ-bwaŋnə tɔ wə ntɨə faŋ ŋwə jìa fwi yi, lumə Nwi, maa ŋɨꞌ faŋ vɨɨ kwaŋ maa ŋwə, faŋ ŋwə kee yɨ̀ nu bwə me.