Akts 24:24 - Vengo (Babungo)

²⁴ Mbusə vəshi kɨ shɔɔ, goməna Feliks jwì, ghɔ zu wi Drusila, faŋ nə luu wəzwi Jus, tɔŋ tìi Pɔɔl, kɨ zɔ faŋ Pɔɔl gi buꞌ nu məbiŋ Yeso Kristo.

Akts 24:24 ပူးပေါင်းရင်းမြစ်များ

Akts 20:21

Mə nə gì tɨ́ vɨɨ Jus nə tɨ́ vɨɨ Griik, laa vəŋ kwiinə fwisə vəŋ, nùŋ maa Nwi, nə maa tɨta Yeso Kristo.

Galatia 2:16

Luu nə, faŋ nsiŋ kɔlə luu vɨɨ Jus binə nə, nsiŋ kɔꞌ kɨɨ laa, nu wə kee yaa kɨ kwiinə, lùu kəloomə sɨ Nwi buꞌ vənu mbɨə faŋ ŋwə yɨsə, faŋ gì nuŋsə me. Vənu və wə yaa kɨ kwiinə sheꞌ faŋ ŋwə nùŋsə fwi yi maa Yeso Kristo. Nɨniŋ, nsiŋ nùŋ fwi saŋ-nsiŋ maa Yeso Kristo sheꞌ yaa vɨɨ vɔ́ faŋ vəŋ kee lùu vɨɨ Jus me. Vənu vaŋ-nsiŋ lùu vəloomə vɨsɨ Nwi sheꞌ buꞌ faŋ nsiŋ nùŋ fwi saŋ-nsiŋ maa Yeso Kristo, kee luu buꞌ yitoꞌ nyaa-nsiŋ faŋ nsiŋ jia nuŋsə vɨɨ Jus nə wutə me. Ŋkə luu ŋkee faŋ vɨ nə nyɔ̀ꞌ taa ŋwaꞌlə Nwi fɨshi laa, «Wə kee lùu shɔ faŋ vənu vi ndɔ ley vɨsɨ Nwi, buꞌ laa ŋwə nuŋsə ntɨsə nə wutə me.»

Reveleyshən 14:12

Nɨniŋ, ŋkə bàw laa vɨɨ ley Nwi faŋ vəŋ jia ntɨsə Nwi, baa nùŋ fwisə vəŋ maa Yeso nə, kɨ jia fwisə vəŋ, kee biŋ nyaa yɔ́ me.

Ŋwaꞌlə Jud 1:3

Vɨɨmba vaŋ faŋ mə kàw, mə nə kɨsə kəə laa mə nyɔꞌ ŋwaꞌlə ŋwə̀ tɨ́ viŋ maa mədə faŋ Nwi bwèysə nsiŋ vənshə. Nwi də̀ shee laa ŋkə bàw laa mə nyɔꞌ ŋwaꞌlə tɨ́ viŋ, buꞌ ghɔ tɨ́ viŋ laa viŋ faꞌ nə wutə, tɨ́ kaꞌ viŋ tɨŋ weꞌ maa nu Nwi, faŋ viŋ nùŋ fwi maa Nwi nə. Maa lùu nu faŋ Nwi nə nàysə tɨ́ vɨɨ vi. Kaꞌ yigi yɔ́ kee ndɔ kwiinə me.

1 Jɔn 5:1

Wə ntɨə faŋ ŋwə biŋ laa Yeso lùu wuu məbweysə vɨɨ, faŋ ŋwə ndɔ̀ fɨ ghɔ Nwi, buu bì Nwi bì wə ghɔ́. Maa wə ntɨə faŋ ŋwə kaw tɨɨ vaŋ, kaw vaŋ vi nɨzi.

Galatia 3:2

Mə kəə bitə nu tɨ́ viŋ kəmuꞌ. Ŋkə lùu laa, «Zwitə Ley Nwi, faŋ ŋkə nə ŋìi maa viŋ nə, ŋkə nə ŋìi maa viŋ, buꞌ faŋ viŋ nəə zɔnə nuŋsə vɨɨ Jus mu, mu nə luu buꞌ laa viŋ nə zɔ̀ ntɔŋ Nwi yijəə, nùŋ fwi siŋ maa ŋwə?»

Galatia 2:20

Nɨniŋ, kaꞌ mə gì laa vɨ nə bèy yia ŋwə mɔ́ꞌ. Mə kɨ luu bwèy, məbwey ŋwaa kee baa lùu ŋwaanə me; məbwey ŋwaa lùu ŋgwə Yeso Kristo faŋ ŋwə lùu taa ŋwaa mə. Məbwey ŋgwə faŋ mə kìi ŋwə taa mbi nyə̀ ndwə nə, mə shi buꞌ laa mə nùŋsə fwi nyaa maa Kristo, Wee Nwi, faŋ ŋwə kaw mə, ndìsə məbwey wi buꞌ mə nə.

Akts 26:22

Jwi kɔ tɔ və-ndee, gaŋtə Nwi gaŋtə mə, laa mə kɨ tɨtɨŋnə, fɨꞌtə nu Nwi tɨ́ vɨɨ kwalə nə tɨ́ vɨɨ tɨtiꞌ, fɨꞌtə sheꞌ nu ŋkɨə faŋ nshiisə-ŋii sɔghɔ nə Mose nə fɨ̀ꞌtə laa ŋkə ndɔ gay nə.

Akts 16:31

Vəŋ bəŋsə tɨ́ ŋwə laa, «Nuŋ fwi yə maa Yeso Kristo, buu a ndɔ kii məbwey vəlwaŋ, viŋ vɨ ŋii yə.»

Lukas 23:8

Fwàŋ Herod ye Yeso, ŋàytə dɨdɨꞌ, buꞌ laa ŋwə nə zɔ̀ vənu və Yeso, kəə ye ŋwə shù fɨshi. Mbɨꞌtə yi nə luu laa Yeso taa yɨ nu shuu yɔŋ kəmɔ́ꞌ, yi ye.

Lukas 19:3

Faŋ Yeso nə shɔ̀ɔ fɨ ntɨꞌ Jeriko, Zakiɔs nəə kəə maa məye ŋwə, yuu kɨɨ faŋ ŋwə dùꞌ, kee kìi jɨɨ tɨ́ kaꞌ ŋwə ye ŋwə me, buꞌ vɨɨ vəyaŋ faŋ ghɔ vɨ Yeso nəə toꞌ mɔ́ꞌ. Nshɨ-tɔ Zakiɔs nə luu wuu tuŋsə, vɨɨ də shɔ̀ɔ ŋwə.

Mark 6:20

buꞌ laa fwàŋ Herod nəə fee Jɔn, tɨ́ ŋwə nə kɨɨ laa Jɔn nə luu ŋkee wuu ley vɨsɨ Nwi, faŋ vənu vi lùu vəloomə. Nɨniŋ, fwàŋ Herod nəə shiinə ŋwə, zɔnə yigisə yi yighee mɔ́ꞌ, zɔ nu ki nə məŋaytə.

Akts 24:25

Pɔɔl gi kɔ̀ŋ nu məyɨ nu loomə, nə nu məmeꞌtə vənu vəmɔ́ꞌ, baa kɔ̀ŋ shi nsɔꞌ Nwi faŋ ŋkə ndɔ jwi maa yighee yiba. Goməna ghɔ́ fee, gì laa bàw ŋwə gə ndwə, laa yi ndɔ baa kii yighee, buu baa tii ŋwə.