Akts 24:16 - Vengo (Babungo)

¹⁶ Lùu ŋiꞌ nu ŋkɨə faŋ mə faꞌ ŋkee nə wutə ghee nshə, laa vənu vaŋ vənshə luu sheꞌ vəloomə vəloomə vɨsɨ Nwi nə vɨsɨ vɨɨ vənshə.

Akts 24:16 ပူးပေါင်းရင်းမြစ်များ

Akts 23:1

Pɔɔl tɨŋnə, ndèynə vəshɨꞌ vɔ́, gì laa, «Vaŋ-nshwi vaŋ, mə nəə toꞌ yitoꞌ nyaa yiley vɨsɨ Nwi ghee nshə, jwi kɔ tɔ və-ndee.»

Roma 2:15

Nshinə vəŋ də laa, nu ŋkɨə faŋ ntɨsə Nwi gì, lùu taa fwisə vəŋ. Ŋkitə vəŋ də̀ laa lùu yinsəŋ nɨniŋ, buꞌ laa yighee mɔ́ꞌ mbɨꞌtə vəŋ kwaŋ vəŋ taa nsɔꞌ, yighee mɔ́ꞌ fuusə vəŋ fɨ fuŋ.

Roma 9:1

Mə gi ŋkee nu yinsəŋ maa yizii Kristo, kee sɨɨ ba me. Fwi nyaa nɨzi, faŋ Zwitə Ley Nwi lùu taa tey yi, biŋ laa mə gi nu yinsəŋ.

1 Kɔrintian 10:32

Kɨ kɨɨ buꞌ viŋ yɨ nu faŋ ŋkə taa yɨ laa fwi wə shə. Kɨ luu wə ghɔ́ lùu wuu Jus, tɨꞌnə me wuu tɔmə day, tɨꞌnə me wuu Nwi, kɨ viŋ yɨsə fwi yi shə me.

1 Kɔrintian 4:4

Yinsəŋ, mə kee kɨ̀ɨ nə nu faŋ mə gù me. Luu nə, kee ndɔ shia mə shia nsɔꞌ tɔ nyaa yuu lee nsɔꞌ me. Sɔꞌ sheꞌ Nwi sɔꞌ mə faŋ mə kìi nsɔꞌ.

2 Kɔrintian 1:12

Nu ŋkɨə faŋ kaꞌ yia koꞌsə ŋwaa shɔ, lùu laa tɔ kia bìŋ laa ghuu yitoꞌ kia fɨ taa mbi nə bàw, baa ley vɨsɨ Nwi. Yia nəə kee toꞌ nə yitɔfə vɨɨ fɨ taa mbi me, toꞌ sheꞌ faŋ Nwi nə də̀ tɨ́ yia, faŋ ŋwə nə kèe gəŋ sia nə. Yia nəə toꞌ nɨniŋ fɨ taa mbi nyə̀, toꞌ nɨniŋ ŋkee jəə taa ŋwaa viŋ.

2 Kɔrintian 4:2

Yia kee toꞌ nə mənay faŋ lùu nu tɔ dɨɨ me, tɨꞌnə me bweꞌsə vɨɨ me, tɨꞌnə me wasə nu Nwi me. Yia fɨꞌtə luu nu yinsəŋ Nwi ntee, tɨ́ kaꞌ ŋkə kɨ jia fwisə vɨɨ vənshə, vɨɨ vənshə biŋ yia vɨsɨ Nwi.

1 Tesalonika 2:10

Nshɨ-tɔ wiŋ, nə Nwi, nə ye nə yisɨ faŋ nshinə yia nə luu yiley, baa lùu yiloomə taa ŋwaa viŋ, yia kee gu tuu nu maa viŋ, faŋ viŋ nùŋ fwi siŋ maa Nwi nə me.

1 Timoti 1:19

Nuŋ fwi yə maa Kristo, tweꞌ shɔ, kɨ yɨ vənu tɨ́ kaꞌ fwi yə kee ghaysə ghɔ me. Vɨɨ mɔ́ꞌ nə mèꞌ nu jəə, fwisə vəŋ kee dùꞌ səjəə me. Nu Kristo kɨ nii ndì fɨ ghɔ vəŋ laylay. Vəŋ fɨnə vɨɨ faŋ vəŋ dùꞌ taa bay, ŋkə seenə gù taa muu.

1 Timoti 1:5

Ŋkee ŋiꞌ nu Nwi lùu laa, nsiŋ kɨ kaw nə yiŋwaa nyaa-nsiŋ nə fwi yiley. Nsiŋ kii ŋkawnə yɔ́ faŋ nu kaŋ-nsiŋ lùu kəley, buꞌ faŋ nsiŋ nùŋ fwi saŋ-nsiŋ maa Kristo ŋkee maa yinsəŋ.

1 Timoti 3:9

Bàw vɨ ndi vɨɨ faŋ vəŋ kɨɨ nə ŋiꞌ nu, kɨɨ nə yinsəŋ nu Nwi faŋ nyə fùu ntee ndwə, nùŋsə taa fwisə vəŋ. Fwisə vəŋ baa lùu səley.

2 Timoti 1:3

Mə bwaŋ Nwi, faŋ mə faꞌ tɨ́ ŋwə shù fɨ ghɔ vətɨɨ vaŋ nə fwi yiley, baa lumə ghɔ ghee nshə faŋ mə shɔꞌtə Nwi vətuꞌ nə shɨshwi.

Taytəs 1:15

Vənu vənshə ley tɨ́ vɨɨ mbɨə faŋ fwisə vəŋ lèy. Luu nə, tuu ŋkee nu kəmuꞌ kee lèy tɨ́ vɨɨ mbɨə faŋ fwisə vəŋ kee lùu səley me, baa nə tɨ́ vɨɨ mbɨə faŋ vəŋ kee nùŋ fwisə vəŋ maa Kristo me. Vənu mbɨə faŋ kəŋ vɨɨ vɔ́ bɨꞌtə nə, bɨ. Fwisə vəŋ bɨ nɨzi.

Hibru 10:22

Nɨniŋ, bàw nsiŋ nuŋ fwi saŋ-nsiŋ maa Yeso, jwì yɨ Nwi nə fwi yiley, buꞌ laa mənshi mə Yeso yɨsə fwi saŋ-nsiŋ ley. Nsiŋ lùu vɨɨ faŋ vəŋ sɔ̀ yiŋwaa yivəŋ ŋkee taa muu məleymə, faŋ nsiŋ nə fì muu mə Nwi nə.

Hibru 13:18

Viŋ kɔꞌ kɨ shɔꞌtə Nwi tɔ yia. Nu ŋkɨə faŋ ŋkə lùu kəley tɨ́ yia, lùu laa fwi sia kee bweꞌsə yia me. Taa vənu vənshə yia kəə kɨ yɨsə sheꞌ vənu mbɨə faŋ mbə lùu vəloomə.

Hibru 9:14

Nɨniŋ, faŋ mənshi mə nyaa mbɔ́ kìi wutə maa məyɨsə laa vɨɨ ley, buu mənshi mə Kristo weꞌ shɔ̀ɔ yimbii, sɔ̀ yibɨsə nyaa-nsiŋ, yɨ̀sə laa fwi saŋ-nsiŋ ley. Zwitə Nwi nə kɔ̀ wutə tɨ́ Kristo laa ŋwə ndi ŋkee ŋwaa wi, faŋ nu bwə nə kee bee lùu maa ŋwə nə me, fèꞌ ndey shɔ buꞌ nsiŋ, laa ŋwə yɨ̀sə fwi saŋ-nsiŋ ley, tɨ́ kaꞌ nsiŋ kee baa yɨ̀sə vənu vəbwəvə, faŋ mbə jwi nə yiku nə me. Nɨniŋ laa nsiŋ faꞌ tɨ́ Nwi faŋ lùu Nwi məbwey.

1 Pita 2:19

Viŋ kɔꞌ kɨɨ laa Nwi tu mənɔŋ-bwaŋnə tɔ wə ntɨə faŋ ŋwə jìa fwi yi, lumə Nwi, maa ŋɨꞌ faŋ vɨɨ kwaŋ maa ŋwə, faŋ ŋwə kee yɨ̀ nu bwə me.

1 Pita 3:16

Nɨniŋ, viŋ kɨ bəŋsə fɨ taa bwaŋnə nə feenə, jìa fwi siŋ buꞌ nsə kɨ sɔꞌ viŋ maa nu. Viŋ yɨ nɨniŋ laa tɔ vɨɨ vɔ́ dɨɨ, faŋ vəŋ gisə bwə kɔ̀ŋ viŋ, faŋ viŋ bèꞌsə Kristo, yɨsə vənu vəjəəvə nə.

1 Pita 3:21

Nu muu kɔ́ luu mfɨꞌ nu muu mə Kristo, faŋ mbə bweysə viŋ ndwə. Mbə kee lùu maa məsɔ yifɨŋ fɨ maa viŋ me, lùu nu maa məbuꞌ ghɔ tɨ́ Nwi, laa ŋwə yɨsə fwi siŋ ley. Kaꞌ ŋkə bwèysə viŋ buꞌ laa Yeso Kristo nə ywèy fɨ shɨ yiku,