Akts 23:6 - Vengo (Babungo)

⁶ Pɔɔl nə gì nɨniŋ, kɨɨ laa way vɨɨ mɔ́ꞌ fɨ taa ŋwaa vəshɨꞌ vɔ́ nə luu vɨɨ Sadusii, way mɔ́ꞌ luu vɨɨ Farisii, ŋwə yumə taa ŋii nsɔꞌ yɔ́ laa, «Vaŋ-nshwi vaŋ, mə lùu wuu Farisii, baa lùu wee vɨɨ Farisii. Mə lùu taa nsɔꞌ feenə buꞌ laa mə tə sɨ, baa kɨ̀ɨ laa vəŋku və nsisə ndɔ ywey.»

Akts 23:6 ပူးပေါင်းရင်းမြစ်များ

Matiu 10:16

Yeso nə baa nàysə tɨ́ vɨɨ ntɔŋ vi laa, «Viŋ kɔꞌ kɨɨ laa mə tɔŋ viŋ taa mbi sheꞌ yuu vɨ tɔŋ bisə-njɨɨ taa ŋwaa nyaasə bwəsə. Nɨniŋ, viŋ kɨ tɔfə yaa zɔsə, duꞌ nshi yaa vəbɔŋsə.

Matiu 22:23

Kɨ luu sheꞌ maa shi kɔ́, vɨɨ Sadusii vəmɔ́ꞌ faŋ vəŋ nəə gisə laa vəŋku və nsisə kee ndɔ ywey me, jwi yɨ Yeso, bìtə tɨ́ ŋwə laa,

Matiu 3:7

Luu nə, ŋwə kɨ ye vɨɨ vəyaŋ fɨ taa nwaa vɨɨ Farisii nə fɨ taa nwaa vɨɨ Sadusii, faŋ vəŋ nə jwì maa məfi muu mə Nwi fɨ ghɔ ŋwə, ŋwə gi tɨ́ vəŋ laa, «Aŋ viŋ, vaŋ-ŋkakɨ, sii nàysə ndə tɨ́ viŋ laa kaꞌ viŋ fùu fɨ taa nsɔꞌ Nwi faŋ Nwi ndɔ kwaŋ maa vɨɨ nə?

Akts 22:3

«Mə lùu wuu Jus, vɨ bì mə ntɨꞌ Tarsɔs fɨ shɨ Saylisia. Luu nə, mə ta luu shɨ feenə, zwetə ŋwaꞌlə ŋkee fɨ ghɔ tɨta Gamaliel, faŋ ŋwə dèesə nuŋsə vətɨɨ vaŋ-nsiŋ ŋkee jəə. Nɨniŋ, mə gù wuu weꞌ maa nu Nwi, sheꞌ faŋ viŋ wèꞌ shɔ ndee nə.

Akts 22:30

Tɨɨ vəsogeꞌ kwalə ghɔ́ nəə kəə kɨɨ nə nu ŋkɨə faŋ vɨɨ Jus nəə kəə fɨ yiba Pɔɔl, fu kɨ lee ŋwə keꞌtə mfiŋ fɨ fəŋ Pɔɔl, tìi vɨɨ kwalə məfeꞌ Nwi nə vəshɨꞌ və vɨɨ Jus vənshə maa məshəŋtə, kɨ nii ndì Pɔɔl, yɨ̀sə ŋwə tɨŋnə nɨntəŋ ŋwaa vəŋ.

Akts 22:5

Lùu nu faŋ wuu kwalə məfeꞌ Nwi nə vɨɨ məshia nsɔꞌsə vənshə kɨ̀ɨ nə ŋkə ŋkee jəə. Mə nə fì ŋwaꞌlə ŋkee fɨ ghɔ vəŋ, faŋ vəŋ nə ŋwàꞌlə tɨ́ vaŋ-nshwi vaŋ-nsiŋ fɨ ntɨꞌ Damaskɔs (fɨ shɨ Siria), laa mə gə jiatə vɨɨ məbiŋ nu Yeso fɨ yifi, ka vəŋ, jwì nə vəŋ Jerusalem, laa vɨ sɔꞌ vəŋ.»

Akts 23:1

Pɔɔl tɨŋnə, ndèynə vəshɨꞌ vɔ́, gì laa, «Vaŋ-nshwi vaŋ, mə nəə toꞌ yitoꞌ nyaa yiley vɨsɨ Nwi ghee nshə, jwi kɔ tɔ və-ndee.»

Akts 23:15

«Nɨniŋ ghɔ, viŋ vɨ vəshɨꞌ tɔŋ ntɔŋ laa tɨɨ vəsogeꞌ kwalə baa kɨ tɔŋ Pɔɔl tɨ́ viŋ, tɨ́ kaꞌ viŋ sɨɨtə zɔ̀ nu ki, ŋkə ley. Viŋ yɨ nɨniŋ, buu yia taa kɨ kɨꞌ maa məzwi ŋwə jɨɨ, buu ŋwə zìꞌ feenə.»

Akts 23:20

Wee ghɔ́ gi tɨ́ ŋwə laa, «Vɨɨ Jus fàynə, gì laa vɨ taa buꞌ ghɔ tɨ́ ghɔ laa a baa ndi Pɔɔl, jwì nə ŋwə vɨsɨ vəshɨꞌ, tɨ́ kaꞌ vəŋ zɔ ŋkee ŋiꞌ nu fɨ ghɔ Pɔɔl.

Akts 23:7

Sheꞌ faŋ Pɔɔl nə gì nɨniŋ, vɨɨ Farisii nə vɨɨ Sadusii tey ntay, gàasə vəway vəbɔɔ,

Akts 24:15

Mə kìi məbiŋ maa Nwi sheꞌ yaa vəŋ kìi, laa vɨɨ vənshə, vɨɨ bwənə nə vɨɨ jəənə ndɔ ywey fɨ shɨ yiku.

Akts 24:21

Nu kee lùu shɔ me, tɨ̀ lɨꞌ yighee mɔ́ꞌ nu ŋkɨə faŋ mə yaa tɨŋ taa ŋwaa vəŋ, yùmə laa vəŋ kwàŋ mə taa nsɔꞌ luu buꞌ nu məywey vəŋku və nsisə fɨ shɨ yiku.»

Akts 28:20

Lùu ŋiꞌ nu ŋkɨə faŋ mə tìi viŋ shɔ nə, laa mə naysə nu kɔ́ tɨ́ viŋ. Vɨ kà mə nə vəsumə və̀, luu buꞌ laa mə biŋ ŋkɔꞌnə njyə faŋ Nwi nə kɔ̀ꞌnə tɨ́ vɨɨ Isirayl nə.»

Filipi 3:5

Gə fɨ maa məbeꞌsə nshinə vɨɨ Jus, vɨ nə sɨ̀ɨtə mə ŋkee faŋ mə nə luu vəshi yifɔŋ. Mə luu ŋkee bi-gɔ fɨ shɨ Isirayl. Mə lùu fɨ maa ŋiꞌ ŋiinə Benyamin. Mə luu ŋkee wuu Hibru, faŋ bì vɨɨ Hibru. Gə fɨ maa nuŋsə vɨɨ Jus, mə luu wuu Farisii.

Kɔlɔsii 1:5

buꞌ laa viŋ kɨꞌ vənu mbɨə faŋ Nwi nùŋsə tɨ́ viŋ yizɔ. Nə yɨ̀sə yigisə Nwi kɔ̀ŋ Yeso Kristo, faŋ luu ŋkee nu yinsəŋ, buu viŋ zɔ kɔ̀ŋ vənu vɔ́ faŋ Nwi nùŋsə tɨ́ viŋ yizɔ nə.

Hibru 6:19

Nu ŋkɨə faŋ nsiŋ tə̀ sɨ shɔ, nə nu ŋkɨə faŋ ŋkə yɨ laa nsiŋ kìi fwi yiweꞌ, tɨŋnə weꞌ, lùu faŋ nsiŋ ndɔ ŋii shəŋ ŋkɨə faŋ Nwi lùu shɔ nə.