Akts 23:1 - Vengo (Babungo)

¹ Pɔɔl tɨŋnə, ndèynə vəshɨꞌ vɔ́, gì laa, «Vaŋ-nshwi vaŋ, mə nəə toꞌ yitoꞌ nyaa yiley vɨsɨ Nwi ghee nshə, jwi kɔ tɔ və-ndee.»

Akts 23:1 ပူးပေါင်းရင်းမြစ်များ

Matiu 5:22

Luu nə, mə gì ŋkaŋ tɨ́ viŋ laa, «Fwi wə kɨ luu shə̀ maa weenshu wi, ŋwə ŋìi nsɔꞌ. Wə ntɨə faŋ ŋwə gì tɨ́ weenshu wi laa ŋwə lùu wuu dayday, ndɔ ŋii taa nsɔꞌ yiweꞌ. Wə ntɨə faŋ ŋwə gì tɨ́ weenshu wi laa ŋwə luu mfaw, ŋìi nsɔꞌ Nwi, vɨ mɔꞌ ŋwə taa wi.

Akts 22:1

«Vaŋ-nshwi vaŋ nə vətɨɨ vaŋ, viŋ zɔ nu ŋkɨə faŋ mə taa gi, fi tɔ kaŋ shɔ fɨ ghɔ viŋ ndwə.»

Akts 22:30

Tɨɨ vəsogeꞌ kwalə ghɔ́ nəə kəə kɨɨ nə nu ŋkɨə faŋ vɨɨ Jus nəə kəə fɨ yiba Pɔɔl, fu kɨ lee ŋwə keꞌtə mfiŋ fɨ fəŋ Pɔɔl, tìi vɨɨ kwalə məfeꞌ Nwi nə vəshɨꞌ və vɨɨ Jus vənshə maa məshəŋtə, kɨ nii ndì Pɔɔl, yɨ̀sə ŋwə tɨŋnə nɨntəŋ ŋwaa vəŋ.

Akts 22:5

Lùu nu faŋ wuu kwalə məfeꞌ Nwi nə vɨɨ məshia nsɔꞌsə vənshə kɨ̀ɨ nə ŋkə ŋkee jəə. Mə nə fì ŋwaꞌlə ŋkee fɨ ghɔ vəŋ, faŋ vəŋ nə ŋwàꞌlə tɨ́ vaŋ-nshwi vaŋ-nsiŋ fɨ ntɨꞌ Damaskɔs (fɨ shɨ Siria), laa mə gə jiatə vɨɨ məbiŋ nu Yeso fɨ yifi, ka vəŋ, jwì nə vəŋ Jerusalem, laa vɨ sɔꞌ vəŋ.»

Akts 23:15

«Nɨniŋ ghɔ, viŋ vɨ vəshɨꞌ tɔŋ ntɔŋ laa tɨɨ vəsogeꞌ kwalə baa kɨ tɔŋ Pɔɔl tɨ́ viŋ, tɨ́ kaꞌ viŋ sɨɨtə zɔ̀ nu ki, ŋkə ley. Viŋ yɨ nɨniŋ, buu yia taa kɨ kɨꞌ maa məzwi ŋwə jɨɨ, buu ŋwə zìꞌ feenə.»

Akts 23:20

Wee ghɔ́ gi tɨ́ ŋwə laa, «Vɨɨ Jus fàynə, gì laa vɨ taa buꞌ ghɔ tɨ́ ghɔ laa a baa ndi Pɔɔl, jwì nə ŋwə vɨsɨ vəshɨꞌ, tɨ́ kaꞌ vəŋ zɔ ŋkee ŋiꞌ nu fɨ ghɔ Pɔɔl.

Akts 23:28

Mə nə baa kəə kɨɨ nə nu ŋkɨə faŋ vəŋ kəə zwi ŋwə shɔ nə, mə ndi ŋwə, gə̀ nə ŋwə vɨsɨ vɨɨ məshia nsɔꞌsə vəŋ.

Akts 23:6

Pɔɔl nə gì nɨniŋ, kɨɨ laa way vɨɨ mɔ́ꞌ fɨ taa ŋwaa vəshɨꞌ vɔ́ nə luu vɨɨ Sadusii, way mɔ́ꞌ luu vɨɨ Farisii, ŋwə yumə taa ŋii nsɔꞌ yɔ́ laa, «Vaŋ-nshwi vaŋ, mə lùu wuu Farisii, baa lùu wee vɨɨ Farisii. Mə lùu taa nsɔꞌ feenə buꞌ laa mə tə sɨ, baa kɨ̀ɨ laa vəŋku və nsisə ndɔ ywey.»

Akts 24:16

Lùu ŋiꞌ nu ŋkɨə faŋ mə faꞌ ŋkee nə wutə ghee nshə, laa vənu vaŋ vənshə luu sheꞌ vəloomə vəloomə vɨsɨ Nwi nə vɨsɨ vɨɨ vənshə.

Akts 6:15

Vɨɨ məshia nsɔꞌ vənshə shaꞌsə sɨ vəŋ, ndèynə Stefen, ye laa yikəꞌ yi lùu yaa yikəꞌ nshiiŋii Nwi.

1 Kɔrintian 4:4

Yinsəŋ, mə kee kɨ̀ɨ nə nu faŋ mə gù me. Luu nə, kee ndɔ shia mə shia nsɔꞌ tɔ nyaa yuu lee nsɔꞌ me. Sɔꞌ sheꞌ Nwi sɔꞌ mə faŋ mə kìi nsɔꞌ.

2 Kɔrintian 1:12

Nu ŋkɨə faŋ kaꞌ yia koꞌsə ŋwaa shɔ, lùu laa tɔ kia bìŋ laa ghuu yitoꞌ kia fɨ taa mbi nə bàw, baa ley vɨsɨ Nwi. Yia nəə kee toꞌ nə yitɔfə vɨɨ fɨ taa mbi me, toꞌ sheꞌ faŋ Nwi nə də̀ tɨ́ yia, faŋ ŋwə nə kèe gəŋ sia nə. Yia nəə toꞌ nɨniŋ fɨ taa mbi nyə̀, toꞌ nɨniŋ ŋkee jəə taa ŋwaa viŋ.

2 Kɔrintian 4:2

Yia kee toꞌ nə mənay faŋ lùu nu tɔ dɨɨ me, tɨꞌnə me bweꞌsə vɨɨ me, tɨꞌnə me wasə nu Nwi me. Yia fɨꞌtə luu nu yinsəŋ Nwi ntee, tɨ́ kaꞌ ŋkə kɨ jia fwisə vɨɨ vənshə, vɨɨ vənshə biŋ yia vɨsɨ Nwi.

2 Timoti 1:3

Mə bwaŋ Nwi, faŋ mə faꞌ tɨ́ ŋwə shù fɨ ghɔ vətɨɨ vaŋ nə fwi yiley, baa lumə ghɔ ghee nshə faŋ mə shɔꞌtə Nwi vətuꞌ nə shɨshwi.

Hibru 13:18

Viŋ kɔꞌ kɨ shɔꞌtə Nwi tɔ yia. Nu ŋkɨə faŋ ŋkə lùu kəley tɨ́ yia, lùu laa fwi sia kee bweꞌsə yia me. Taa vənu vənshə yia kəə kɨ yɨsə sheꞌ vənu mbɨə faŋ mbə lùu vəloomə.

1 Pita 3:16

Nɨniŋ, viŋ kɨ bəŋsə fɨ taa bwaŋnə nə feenə, jìa fwi siŋ buꞌ nsə kɨ sɔꞌ viŋ maa nu. Viŋ yɨ nɨniŋ laa tɔ vɨɨ vɔ́ dɨɨ, faŋ vəŋ gisə bwə kɔ̀ŋ viŋ, faŋ viŋ bèꞌsə Kristo, yɨsə vənu vəjəəvə nə.