Akts 22:5 - Vengo (Babungo)

⁵ Lùu nu faŋ wuu kwalə məfeꞌ Nwi nə vɨɨ məshia nsɔꞌsə vənshə kɨ̀ɨ nə ŋkə ŋkee jəə. Mə nə fì ŋwaꞌlə ŋkee fɨ ghɔ vəŋ, faŋ vəŋ nə ŋwàꞌlə tɨ́ vaŋ-nshwi vaŋ-nsiŋ fɨ ntɨꞌ Damaskɔs (fɨ shɨ Siria), laa mə gə jiatə vɨɨ məbiŋ nu Yeso fɨ yifi, ka vəŋ, jwì nə vəŋ Jerusalem, laa vɨ sɔꞌ vəŋ.»

Akts 22:5 ပူးပေါင်းရင်းမြစ်များ

Lukas 22:66

Fu kɨ lee, vəshɨꞌ fɨ taa shɨ, ghɔ vɨ vɨɨ kwalə məfeꞌ Nwi, nə vɨɨ mədeesə ŋwaꞌlə Nwi, baytə shəŋ muꞌ, gì vɨ jwi nə Yeso taa ŋii məshia nsɔꞌ vəŋ.

Akts 1:15

Maa vəshi vɔ́ Pita ndɔ fɨ nsi fɨ taa ŋwaa vɨɨ Yeso, tɨ́ vɨɨ baytə yifi yaa wə waaghɨꞌ nə wə muu-mbɔɔ.

Akts 13:26

Vaŋ-nshwi vaŋ, faŋ viŋ lùu vaŋ ŋiꞌ ŋii Abraham, tɨꞌnə me vɨɨ vəmɔ́ꞌ faŋ vəŋ fee Nwi nɨzi, viŋ kɔꞌ kɨɨ laa Nwi tɔ̀ŋ nu ŋkɨə faŋ ŋkə bweysə vɨɨ tɨ́ nsiŋ.

Akts 2:29

Vaŋ-nshwi vaŋ, kaꞌ mə gì tɨ́ viŋ ntee kɔ̀ŋ tɨta ŋwaa-nsiŋ kwalə Deyvid ghɔ́. Maa ŋwə nə ku, vɨ təə ŋwə taa swi, swi wi kɨ bii kɔ tɔ və-ndee yɨ nsiŋ.

Akts 22:1

«Vaŋ-nshwi vaŋ nə vətɨɨ vaŋ, viŋ zɔ nu ŋkɨə faŋ mə taa gi, fi tɔ kaŋ shɔ fɨ ghɔ viŋ ndwə.»

Akts 23:1

Pɔɔl tɨŋnə, ndèynə vəshɨꞌ vɔ́, gì laa, «Vaŋ-nshwi vaŋ, mə nəə toꞌ yitoꞌ nyaa yiley vɨsɨ Nwi ghee nshə, jwi kɔ tɔ və-ndee.»

Akts 23:6

Pɔɔl nə gì nɨniŋ, kɨɨ laa way vɨɨ mɔ́ꞌ fɨ taa ŋwaa vəshɨꞌ vɔ́ nə luu vɨɨ Sadusii, way mɔ́ꞌ luu vɨɨ Farisii, ŋwə yumə taa ŋii nsɔꞌ yɔ́ laa, «Vaŋ-nshwi vaŋ, mə lùu wuu Farisii, baa lùu wee vɨɨ Farisii. Mə lùu taa nsɔꞌ feenə buꞌ laa mə tə sɨ, baa kɨ̀ɨ laa vəŋku və nsisə ndɔ ywey.»

Akts 26:10

Mə nəə yɨsə nɨniŋ Jerusalem, jiatə vɨɨ ley Nwi vəyaŋ, kwaŋ taa ŋii mfiŋ, faŋ nə bìŋ vɨɨ kwalə məfeꞌ Nwi laa mə yɨ nɨniŋ. Vɨ zwilə vəmɔ́ꞌ, gi yia vəŋ.

Akts 26:11

Mə nə sɔꞌ vəŋ taa ndɔꞌ Nwi nshə, yɨ̀sə laa vɨ kɨ saŋ vəŋ laa vəŋ ndɔ ndasə Yeso. Mə beenə fɨ yiba vəŋ nə wutə, toꞌ shoꞌ ghuu vəŋ ŋkee taa məshɨ məday.

Akts 26:12

Maa yighee yɔ́, mə nə gə ntɨꞌ Damaskɔs (fɨ shɨ Siria) sheꞌ maa nu kɔ́, faŋ nə bìŋ vɨɨ kwalə məfeꞌ Nwi shee, ndɔ̀ kɔ̀ wutə shee.

Akts 28:17

Vəshi kɨ shɔ̀ɔ vətia, Pɔɔl tii vəshɨꞌ və vɨɨ Jus, faŋ vəŋ nəə shi shɨ Rom, laa vəŋ jwi faynə taa ŋii ŋwə. Vəŋ jwi, ŋwə gi tɨ́ vəŋ laa, «Vaŋ-nshwi vaŋ, mə nə kee yɨ̀ tuu nu bwə maa vɨɨ shɨ kaŋ-nsiŋ me, tɨꞌnə me maa nuŋsə vətɨɨ vaŋ-nsiŋ me. Luu nə, vɨɨ jia mə ntɨꞌ Jerusalem, kɔ̀ tɨ́ vɨɨ Rom, mə gu wuu ŋii mfiŋ.

Akts 28:21

Vəŋ gi tɨ́ ŋwə laa vəŋ kee yè tuu ŋwaꞌlə fɨ shɨ Judia faŋ vɨ nyɔ̀ꞌ kɔ̀ŋ ŋwə me, baa nə laa tuu wə fɨ maa vaŋ-nshwi vəŋ nə kee jwì, gì nu bwə kɔ̀ŋ ŋwə me.

Akts 3:17

Vaŋ-nshwi vaŋ, mə kɔꞌ kɨɨ laa viŋ nə vəshɨꞌ viŋ nə yɨ̀ nu kə̀ mbuꞌ.

Akts 4:5

Fu kɨ lee vəshɨꞌ nə vɨɨ taanə nə vɨɨ mədeesə ŋwaꞌlə Nwi baytə ntɨꞌ Jerusalem.

Akts 5:21

Vəŋ zɔ nɨniŋ, kɨ luu leefu, vəŋ gə taa ŋii Nwi yikwalə, kɨ deesə nu Nwi shɔ. Wuu kwalə məfeꞌ Nwi nə vɨɨ vi tii vɨɨ taanə nə vəshɨꞌ vənshə maa nshəŋtə yikwalə vɨɨ Isirayl, tɔŋ ntɔŋ laa vɨ jwi nə vɨɨ ntɔŋ Yeso vɔ́ vɨsɨ vəŋ.

Akts 9:14

Mə baa zɔ̀ laa vɨɨ kwalə məfeꞌ Nwi kɔ̀ wutə tɨ́ ŋwə laa ŋwə jia vɨɨ vənshə feenə, faŋ vəŋ tii yizii yə, fə̀ŋ vəŋ.»

Galatia 1:13

Maa viŋ kɨ̀ɨ faŋ nshinə nyaa nə dùꞌ yighee njyə faŋ mə nəə shi nshinə vɨɨ Jus. Mə nəə toꞌ kɔ ŋɨꞌ tɨ́ vɨɨ Nwi faŋ vəŋ bìŋ nu Kristo dɨdɨꞌ. Mə nəə kəə sheꞌ maa məndisə vəŋ.

Filipi 3:6

Mə nə luu wuu weꞌ maa nu vɨɨ Jus, kɔ ŋɨꞌ tɨ́ vɨɨ mbɨə faŋ vəŋ nəə beꞌsə Yeso. Mə nə kee bɨꞌ tuu ntɨ vɨɨ Jus yimuꞌ me. Nɨniŋ, mə nə luu ŋkee wuu ley maa vənu vɔ́.

1 Timoti 4:14

Kɨ shiasə nu ŋkɨə faŋ Nwi nə kèy ghɔ shɔ nə me, faŋ nshiisə-ŋii sɔghɔ nə fɨ̀ꞌtə nu buꞌ ghɔ, faŋ vɨɨ taa fɨ taa məshəŋtə vɨɨ Nwi nə mɔꞌ ghɔ vəŋ tɔ ghɔ nə me.