Akts 22:4 - Vengo (Babungo)

⁴ Mə nəə toꞌ shoꞌ ghuu vɨɨ mbɨə faŋ vəŋ nəə shɔɔ fɨ maa jɨɨ Kristo, zwìlə vəŋ, ka vəndɔŋ ghɔ vəki, kwaŋ vəŋ taa ŋii mfiŋ.

Akts 22:4 ပူးပေါင်းရင်းမြစ်များ

Akts 16:17

Wəzwi ghɔ́ beꞌsə Pɔɔl ghɔ vɨ vɨɨ vi, toꞌ yumə laa, «Vɨɨ və̀ lùu vɨɨ faꞌ Nwi kwalə fɨ yizɔ, vəŋ dəsə jɨɨ, tɨ́ kaꞌ viŋ shɔ̀ɔ fuŋ, ndɔ̀ bwèy.»

Akts 18:26

Ŋwə tey kɨ gisə taa ŋii məshɔꞌtə Nwi vɨɨ Jus nə fwi yiweꞌ. Prisila ghɔ Akwila zɔ yigisə yi, tii ŋwə taa ŋii vəŋ, baa twèlə nu tɨta Yeso tɨ́ ŋwə ŋkee jəə.

Akts 19:23

Maa yighee yɔ́ nu kwalə məbuulə shɨ fuu buꞌ jɨɨ Kristo.

Akts 19:9

Luu nə, vɨɨ mɔ́ꞌ luu vəshii, kee kàw biŋ me, gì vənu vəbwəvə kɔ̀ŋ jɨɨ Kristo taa ŋwaa vɨɨ vəyaŋ. Nɨniŋ, Pɔɔl meꞌtə vəŋ, ndì vɨɨ məbiŋ nu Kristo, ghɔ vɨ vəŋ gə. Vəŋ kɨ nii kìi məshəŋtə vəŋ taa ŋii sɨkulə Tiranɔs. Vəŋ nəə shəŋtə yifi shi shi, Pɔɔl gisə tɨ́ vəŋ.

Akts 24:14

Luu nə, mə bìŋ nu kəmuꞌ tɨ́ ghɔ, laa mə bəŋsə Nwi vətɨɨ via maa jɨɨ yɔ́ faŋ vəŋ gì laa lùu jɨɨ təba. Mə biŋ vənu vənshə faŋ Mose nə nyɔ̀ꞌ taa ŋwaꞌlə Nwi, nə mbə taa vəŋwaꞌlə və nshiisə-ŋii sɔghɔ.

Akts 7:58

jia ŋwə, gə̀ nə ŋwə yiba, tùmə ŋwə nə ŋoꞌsə. Vɨɨ mbɨə faŋ vəŋ nə zɔ̀ nu kɔ́ taa ŋii nsɔꞌ, nuŋsə njwisə vəŋ ghuu wuu zawə mɔ́ꞌ, yizii yi luu Sɔɔl,

Akts 9:21

Shuu vɨɨ vənshə yɔŋ faŋ vəŋ nə zɔ̀ yigisə yi. Vəŋ gi laa, «Kee lùu wə ntɨə faŋ ŋwə nəə kəə ndisə vɨɨ mbɨə faŋ vəŋ nəə tii yizii nyə̀ ntɨꞌ Jerusalem nə yimu? Maa ŋwə nə jwì feenə maa məjiatə kəŋ vɨɨ vɔ́, bə̀ŋ gə̀ nə vəŋ tɨ́ vɨɨ kwalə məfeꞌ Nwi.»

1 Kɔrintian 15:9

Fɨ taa ŋwaa vɨɨ ntɔŋ Yeso, mə luu ŋkee nshətə yiba. Mə kee kùꞌnə tɨ́ kaꞌ vɨ tìi mə laa mə lùu wuu ntɔŋ Yeso me, buꞌ laa mə nəə toꞌ zwilə vɨɨ Kristo yighee vɨsɨ.

Galatia 1:13

Maa viŋ kɨ̀ɨ faŋ nshinə nyaa nə dùꞌ yighee njyə faŋ mə nəə shi nshinə vɨɨ Jus. Mə nəə toꞌ kɔ ŋɨꞌ tɨ́ vɨɨ Nwi faŋ vəŋ bìŋ nu Kristo dɨdɨꞌ. Mə nəə kəə sheꞌ maa məndisə vəŋ.

Filipi 3:6

Mə nə luu wuu weꞌ maa nu vɨɨ Jus, kɔ ŋɨꞌ tɨ́ vɨɨ mbɨə faŋ vəŋ nəə beꞌsə Yeso. Mə nə kee bɨꞌ tuu ntɨ vɨɨ Jus yimuꞌ me. Nɨniŋ, mə nə luu ŋkee wuu ley maa vənu vɔ́.

2 Pita 2:2

Vɨɨ vəyaŋ ndɔ beꞌsə vəŋ maa vənu vəbwəvə vəŋ faŋ vəŋ yɨsə, nɨniŋ laa vɨɨ kɨ gisə bwə kɔ̀ŋ nu Nwi yinsəŋ.